رواية العبقري الفصل العشرون 20 - بقلم مآهي أحمد

الجبالي: انتي من النهارده بتاعتي. نايا: 😳😳 نايا بدأت ترجع بأيديها ورجليها وبتزحف في الأرض، وبقت كل ما تلاقي أي حاجة جنبها تحدفها على الجبالي، مرة مخدة ومرة إزازة ميه. والجبالي عينه كلها مليانة شر. الجبالي: (بنظرة شهوة) أخيرا.. أخيرا بقيتي بتاعتي وليا بقي.. تعرفي إنك أكتر حد استعصى عليا.. تعرفي دي.. هااا.. (بزعقة) رددددددي عليااااااا. نايا: (بخوف وتوتر وهي بتهز راسها شمال ويمين بخوف) لا.. لا.. مش عارفة.

الجبالي ضحك ضحكة خبيثة والسنة الوحيدة اللي في بوقه بانت، ومسكها من دراعتها الاتنين جامد. الجبالي: واديكي عرفتي.. 😡 يامن سابك ليا خلاص.. خد اللي عايزه منك ورماكي ليا.. بس أنا بقي برغم كل اللي عملتيه فيا ومعايا لسه عايزك.. عارفه ليه؟ (وهو بيبصلها وبص على كل جسمها) عشان أنا بحبك 😁 ومش هبعد عنك أبدا يانايا. الجبالي لسه هيهجم على نايا. لقي اللي بيفتح عليه الباب وماسك قماشة وحاططها على راسه. ام الخير: (بزعقة)

قولتلك ما تدخلش دلوقتي هو مش فاضي. خالد: لاااا ما أنا ما تعبتش كل ده واتضربت بالإزازة على راسي ودماغي تتفتح عشان ما أخدش حاجة في الآخر. الجبالي قام من على الأرض. الجبالي: انت بتقول أي.. انت مين؟ خالد: (بزعقة) نعععممممم أنا مين.. أنا اللي جيبتلك نايا لحد هنا.. أنا اللي شيلتها على كتفي لحد هنا وجيبتها. الجبالي: (باستغراب) بيخرف بيقول إيه ده يا أم الخير. ام الخير: (بتوتر) ما.. ما بيخرفش يا سي.. يا سي جبالي.

الجبالي ضم حواجبه بغيظ، قام ووقف وقرب من خالد. الجبالي: انت بتقول إيه؟ خالد: بقول اللي انت سمعته.. أنا اللي لقيت نايا في الجبل وجيبتهالك لحد هنا وعايز التمن.. أنا عارف إنك هتدفع مبلغ كبير فيها وده حقي. الجبالي مسك خالد من هدومه وبص وراه لنايا وهو مبرق. الجبالي: الكلام اللي بيقوله الواد ده صحيح؟ هو اللي جابك هنا مش يامن؟ نايا هزت راسها فوق لتحت بتوتر. نايا: (بتوتر) أأ.. أأ.. أيوه.. أيوه هو.

الجبالي ساب خالد وزقه من صدره وقعه في الأرض. الجبالي: (وعنيه كلها شرار) ام الخييييييييييييير. ام الخير: أنا أهو.. أنا جنبك أؤمرني. الجبالي: خلي بالك من البت دي.. ما تخليهاش تتحرك من هنا.. انتي فاهمه؟ ام الخير: فاهمه.. فاهمه يا سيد الرجالة. الجبالي بص لخالد. الجبالي: انت.. تعالي معايا. الجبالي مشي ورزع الباب وراه.. من كتر ما الباب اترزع عمل صوت رهيب ونايا غمضت عينيها من كتر الصوت.. وأول ما اتقفل والجبالي مشي.

ام الخير بصيتلها. ام الخير: أنا مش عارفة عاجبه فيكي إيه.. سيد الرجالة.. فيكي إيه مش فيا.. أكمن بس عندك عين لون ولون. نايا كانت بتبص لأم الخير وهي خايفة ومرعوبة. ام الخير: بكرة ياخد اللي هو عايزه منك ويرميكي رمية الكلاب زيك زي غيرك.. هو الجبالي كده.. الحاجة لما تبقي صعبة عليه ومش عارف يطولها.. يبقى هيموت عليها.. بس أول ما يدوقها بيرميها ويدور على طعم جديد.. وفي الآخر بيلف ويرجعلي. نايا: أنا.. أنا.. أنا مش عايزاه.

ام الخير: اخرسي.. هو حد يطول سيد الرجالة ده.. من حظك ومن بختك إنه يبقي عايزك. ام الخير بصت لنايا كده وهي في الأرض بقرف وقعدت على الكرسي عشان تراقبها. (في نفس الوقت) يامن نزل لنواه.. لقاه متربط بالسلاسل من الحديد في مخزن وعلامات الجلد على ضهره.. يامن أول ما شافه كده بقى مصدوم من اللي حصله. يامن بص للي واقفين بيحرسوا نواه. يامن: فك السلاسل اللي على إيديه. الراجل: الجبالي ما ادناش الإذن بكده.

واحد من الرجالة جه ورا يامن. الراجل: فك لنواه السلاسل.. نواه سلم نايا للجبالي خلاص وهو أمرني بكده. (راح حط إيده على كتف يامن.. يامن لف وشه ناحية كتفه وبصله) . بس برضوا الجبالي أمرني إنك ما تخرجش من هنا إلا لما تقولي على مكان الأسلحة.. ولا انت ناوي ما تصدقش في كلامك. يامن شال إيد الراجل بعنف وتناها تحت إيده. يامن: فكر تلمسني مرة تانية وهكسرلك دراعك.. فك نواه حالا من الحديد اللي في إيديه.. انت فاهم؟

الراجل ويامن ماسك إيده هيكسرها في إيديه. الراجل: فك نواه.. فكه بسرعة. الراجل فك نواه.. ويامن ساب التاني اللي كان ماسك إيده وسند دراع يامن على كتفه وهو هيموت حرفياً عليه.. وأخده وطلع بسرعة من المخزن. يامن: ليه سكت كل ده يا صاحبي؟ ليه ما قولتلهمش على مكاني؟ كنت أترحمت من العذاب ده كله. نواه وهو بيفتح عينه بالعافية والكدمات مالية وشه وجسمه علامات الجلد باينة عليه. يامن: أنا عندي أموت أحسن ولا إنهم يعرفوا مكانك يا يامن.

يامن بص لنواه وهو مش عارف يقوله إيه.. وراح حضنه مرة واحدة. نواه: ااااااه ضهري. يامن بعد بسرعة عنه. يامن: تعالي.. إحنا لازم نمشي من هنا بسرعة. نواه: عامل حسابك. يامن: ما تقلقش.. كله معمول حسابه. نواه: تفتكر هننجح؟ يامن: مش عارف.. مش عارف يا نواه.. قوم معايا بسرعة قووم. يامن مشي هو ونواه.. ويامن حاول يبعد نواه على قد ما يقدر وهما ماشيين.. ويامن بيبص شمال ويمين بحذر. نواه وقفه وبصله. نواه: كنت عارف إنك هتيجي عشاني.

يامن: هههه.. ولو ما جيتش عشانك هاجي عشان مين؟ هو أنا ليا غيرك يا عبيط. (في نفس الوقت) تيم كانت لابسة لبس الجبالي وبقت تطلع من نفس الطريق اللي يامن جابها منه.. واللي يامن الوحيد اللي يعرفه.. وأول ما طلعت لاقت عربية مستنياها وبتنورلها بالكشافات بتاعت العربية. تيم راحت على العربية بسرعة وفتحت الباب. القائد: كل ده كنتي بتعملي إيه؟ هو ده برضوا اتفاقنا يا تيم؟ تيم: (بغضب)

انت تخرس خااااالص.. انت السبب في كل ده.. يامن كان ضعيف وتعبان وواخد ١٠٠ حقنة مخدرة وبرضوا عرف يهرب منك. القائد: أنا.. أنا سيبته يهرب بمزاجي مش أكتر. تيم: (بقرف) بمزاجك 😏.. داري على خيبتك.. داري.. انت لو ما كنتش أخويا كنت ضربتك رصاصتين وخلصت منك. القائد: انتي أخدتي عليا أوي يا تيم.. افتكري على الأقل إني أخوكي الكبير.. ومش عايزك تطاولي عليا أكتر من كده.. أنا ممكن أنسفك زي ما عملتك. تيم: انت بتقول إيه؟ القائد

(بنظرة شر في عينه وهو ماسكها من دراعها) : يعني اعرفي حدودك معايا.. أنا كنت ممكن أنسفه النهارده بس مارضيتش عشان انتي كنتي معاه في العربية. تيم: (رفعت حاجبها اليمين وميلت راسها) ماشي.. اللي انت تشوفوه. القائد استغرب.. تيم مش من عادتها إنها تخضع لحد.. حتى لو كان القائد.. ماحدش بيقدر يهدد تيم.. بس هي لأول مرة تخضع للقائد.. ودي حاجة قلقته. القائد: أخيرا عرفنا مكان قرية الجبالي.. هنهجم إمتى؟ تيم:

(بلعت ريقها عشان عارفة إن يامن جوه وكانت عايزاه يطلع من القرية) نستني شوية. القائد: نستني شوية ليه؟ مش ده اللي كنتي عايزاه؟ الرجالة بتاعتنا جاية بالأسلحة في الطريق وعنصر المفاجأة مهم جدا. تيم: خلاص.. خلاص اللي تشوفوه. تيم: فين نايا؟ القائد: هربت.. واللي متأكد منه إنها جوه القرية. انتي كان عندك حق.. نايا عمرها ما هتبقى مننا. يامن وداه نواه في مكان يستخبى فيه هو عارفه كويس. ورجع مرة تانية للجبالي.

الجبالي راح لرجالته بكل غيظ. الجبالي: هو فييييييين 😡😡 الراجل: هو مين؟ الجبالي: نواه ويامن.. هما فين؟ الراجل: يامن أخد نواه.. (لسه هيكمل) يامن: أنا هنا يا جبالي. الجبالي بص وراه بسرعة.. ومسكه من هدومه. الجبالي: انت لسه بتخدعني يا يامن؟ يامن نزل إيد الجبالي من على هدومه وبص لخالد. يامن: (رفع حاجبه اليمين بكل غيظ) انت هنا. الجبالي: (بزعقة) خليك معايا أنا. يامن: (بص لخالد)

كويس إنك جيتلي برجليك المرة دي.. مش هطلعك منها حي. خالد بقي يترعب من كلام يامن وهيموت في جلده.. هو عارف ومتاكد إن اللي بيقوله يامن هيحصل.. يامن بيكره الخيانة. الجبالي بص له كده وهو شر الدنيا كله في عينه. الجبالي: انت ما جبتليش نايا ولا حاجة زي ما قولتلي. يامن: (بكل برود) اومال مين اللي جابها؟ خالد: أنا.. أنا اللي جيبتها. يامن: هو هيضحك عليك انت كمان يا جبالي؟

خالد: أنا مابكذبش عليه.. أنا اللي جيبتها وأنا اللي من حقي المكافأة. الجبالي: حاسس بلعبة بتدور من حواليا.. مش فاهم منها حاجة. يامن: ولا لعبة ولا حاجة. تعالي معايا وانت تعرف كل حاجة. يامن أخد الجبالي ورجالته ووداه أوضة.. فتح الدولاب بتاعها لقوا وراه مخزن كله أسلحة.

يامن: الأسلحة دي تمن صدق كلامي.. القائد خلاص هييجي وبييقرب منك كل لحظة.. وانت هنا ما بتفكرش غير في نزواتك وبس.. أنا كده عملت اللي عليا وصلحت الغلط اللي عملته معاك لما أخدت نايا وهربت.. نايا رجعتلك وعليهم مخزن أسلحة كمان.. تقدر تقف قدام القائد. يامن لسه بيكمل كلامه.. سمعه ضرب نار من بره.. الجبالي بسرعة بقي ياخد الأسلحة وبقي يجيب كل رجالة القرية ويشيلهم سلاح. الجبالي جمع رجاله.

الجبالي: من النهارده نقتلهم يا يقتلونا.. مابقاش عندنا مكان تاني نروحوا.. الأسلحة وبقت معانا.. ده الفرق الوحيد بيني وبين القائد.. ودلوقتي الأسلحة بقت في إيدينا.. هنحاربهم.. مين معايا؟ الرجالة كلها بقت تهتف باسم الجبالي. وخالد بقي يتسحب وسطهم بالراحة جدا ويبعد عنهم من غير ما حد يشوفوه. ومرة واحدة تيم نزلت من العربية بعد ما رجالتها جت ودخلت من الممر اللي دخلت منه مع يامن.. لأن أسوار القرية عالية جدا ومش بسهولة يعدوها.

القرية اتقلبت لصويت وضرب نار في كل مكان.. ام الخير شافت كده طلعت من البلكونة بسرعة بتبص.. أخدتلها طلقة في صدرها وماتت.. نايا بقت تصوت وبقت تبعد عن ضرب النار وتوطي براسها في الأرض. تيم دخلت وكانت بتقتل كل راجل تقابله قدامها وتحارب مع القائد.. نايا بقت تنزل بسرعة عشان تشوف أي مكان تقدر تطلع منه من القرية.. مرة واحدة لاقت تيم في وشها ورافعة المسدس عليها. تيم: كنت عارفة إني هلاقيكي هنا. نايا (رفعت إيدها)

: انتي.. انتي عايزة مني إيه؟ تيم: من أول ما شوفتك وأنا بحاول آخد مكانك عشان أكسب ثقة العبقري.. بس مش عارفة.. انتي عملتيله إيه؟ نايا: العبقري مابيثقش في حد.. ابعدي عني بقي.. سبيني أشوف طريقي. تيم: أنا فعلاً هبعدك عن الدنيا كلها. ولسه هتضرب نار عليها.. نايا قربت منها وحدفت نفسها عليها ووقعوا هما الاتنين في الأرض.. المسدس وقع من تيم.. ونايا خدته من الأرض بسرعة ورفعته على تيم.

نايا: لو اتحركتي حركة واحدة هضربك بالنار.. ارفعي إيدك. تيم رفعت إيدها بالراحة جدا. تيم: مش هتقدري.. اللي زيك بيخاف يموت نملة. نايا: لاء.. مابقيتش زي الأول. تيم: هتفضلي طول عمرك ضعيفة.. وأنا اللي هكسب في الآخر. نايا دست على سنانها من الغيظ وهي رافعة المسدس على تيم.. مرة واحدة يامن جه وهو معاه مسدس. تيم أول ما شافته (بدموع وتوسل) : الحقني يا يامن.. الحقني.. عايزة تموتني.. عايزة تموت نايا حبيبتك.

نايا: دي مش أنا.. دي تيم.. اختي التوأم.. أنا نايا يا يامن مش هي. يامن (بقي واقف ما بينهم) تيم: طيب لو هي نايا.. زي ما بتقول.. أنا مش بعرف أمسك مسدس.. أنا عمري ما فكرت أقتل حد. نايا: أنا آه اللي ماسكة المسدس.. بس وحياة كل حاجة حلوة عيشتها معاك في يوم.. أنا نايا مش هي. يامن بقي رافع المسدس عليها هما الاتنين. تيم: اقتلها يايامن.. دي كانت عايزة تفرق ما بينا.. أنا عمري ما خنتك.

نايا: خلي قلبك يحس يايامن.. قلبك اللي هيدلك مين فينا هي نايا. يامن مابقاش عارف يعمل إيه.. ومرة واحدة رفع صمام الأمان وحطه على راس واحدة فيهم.. بس يا ترى حطه على راس مين وهيقتل مين فيهم؟ نايا ولا تيم؟ ده اللي هنعرفه في حلقة جاية.