رواية العبقري الفصل الثامن عشر 18 - بقلم مآهي أحمد

القائد عرف أن نايا هربت، أخذ العربيات بسرعة وبدأ يدور عليها في الصحراء. ويامن وتيم خلاص بيطلعوا من المخبأ عشان يمشوا. وفي نفس الوقت نايا بتجري عشان تروحله المخبأ. يامن خلاص طلع من المخبأ هو وتيم. ونايا قربت توصله. نايا لسه هتجري عشان توصل للمخبأ، وكان بينها وبين المخبأ حوالي 300 متر بالكتير، لاقت القائد ورجالته بيدوروا عليها في الصحراء. استخبت ورا الجبل وهي بتنهج من كتر الجري اللي جريته.

دخلت جوه الجبل وهي بتنهج ومش قادرة تتحرك حرفيًا. العربية بتاعت القائد وقفت قدامها وهي كتمت نفسها بأيديها عشان القائد ما يسمعش صوت نفسها من كتر ما كان قريب منها. القائد بص يمين وشمال عشان يشوفها ما لقهاش. راح ركب عربيته مرة تانية وشاور للعربيات اللي وراه إنها تتحرك، ويدوروا في مكان تاني على نايا. نايا وقتها حطت إيديها على قلبها واتنهدت بطمأنينة، وبقت مطمنة إنه خلاص مشي.

ولسه هتتحرك عشان تكمل طريقها ليامن، لاقت اللي وراها وحط إيده على بوقها. بقت ضهرها لازق في صدره ومابقتش شايفة اللي حاطط إيده على بوقها. رفعت عينها وبصتله، لاقيته حط صباعه التاني على بوقه وقالها: "هووووش". يامن وقتها طلع من المخبأ من بعيد. ونايا كانت شيفاه بعنيها. كانت عايزة تصرخ وتقوله: "يامن الحقني"، كانت عايزاه يسمعها ويبصلها حتى. بس يامن كان واقف مستني تيم تطلع من المخبأ.

الراجل: "ده انتي ثروة بالنسبالي، انتي عارفة الجبالي هيدفع فيكي كام للي هيلاقيكي." الراجل ضرب نايا على راسها وراحت اغمى عليها. وشالها على كتفه عشان يوديها للجبالي. الراجل بعد ما مشي، تيم ابتدت تطلع من المخبأ. يامن: "بسرعة شوية." تيم: "رجلي بمشي عليها بالعافية، ولا انت ناسي انت عملت فيا إيه." يامن شدها من شعرها وقفل المخبأ. يامن: (داس على سنانه)

"لأ مش ناسي، فاكر كل حاجة عملتها فيكي، واللي عملته معاكي ده حاجة، واللي لسه هعمله معاكي حاجة تانية خالص." تيم: "سيب شعري.. سيب شعري.. شعري هيطلع في إيدك." يامن ساب شعر تيم وطلع حبل من الشنطة اللي على ضهره وربط إيدين تيم بالحبل ومشاها وراه. وهو بقى ماشي قدامها وبقى يشدها بالحبل ده. (تيم بقت تبص ليامن وهي ماشية، ما وقفتش) تيم: "انت رابطني بالحبل ده عشان فاكر إني ههرب منك صح؟ يامن:

تيم: "قلتلك قبل كده ألف مرة، أنا لو كنت عايزة أهرب كنت هربت من بدري، انت ليه مش مصدق." يامن: (بسخرية وتريقة ضحك ضحكة ظهرت بجانب شفايفه اللي هو ههه) "وطبعًا انتي ما هربتيش عشان انتي مش فاكرة حاجة عن نفسك وهتهربي تروحي فين وانتي مش فاكرة حتى اسمك صح؟ مش ده اللي بتحاولي تفهميهوني." تيم: (بتنهيدة يأس وشاورت براسها لتحت) "للأسف كده."

يامن: "تمام، أنا مصدقك، وعشان كده هرجعك للمكان اللي هيفكرك بكل حاجة حصلت قبل ما تفقدِ ذاكرتك، عشان تفتكري قد إيه انتي وسخة." تيم وقفت مرة واحدة ومابقتش تمشي. يامن بقى يشد الحبل عشان تمشي، بس كانت واقفة ومابتحركش. يامن بصلها وهو ماسك الحبل ولفه على إيده، وما بينهم متر تقريبًا، الحبل هو اللي بيفصل ما بينهم. تيم: "للدرجة دي جرحتك."

يامن بقى يلف الحبل على كف إيده ويقربها منه أكتر، خطوة والتانية وهو بيلف الحبل على إيديه لحد ما قربها منه وبقى وشها في وشه بالظبط. تيم بقت تبصله وتبص لملامحه وهي بتبص لعنيه، والصحرا كانت ضلمة ونور القمر بس هو اللي منورلهم الطريق. يامن: "أنا اتجرحت كتير من أقرب الناس ليا زمان.. بس المرة دي جرحك عمل شرخ في قلبي خلاني أفوق وأحس وأعرف إن مافيش حد يستاهل إنك حتى تفكر فيه.. انتوا كلكم شبه بعض يانايا."

تيم حطت إيدها على قلب يامن وبصتله في عينيه. تيم: "رغم كل اللي بتقوله ده، بس عينيك بتقول حاجة تانية يا يامن." يامن: "ههه" (هز براسه شمال تانية بسيطة) "أنا هوريكي إيه هي الحاجة التانية يانايا." (يامن قرب منها وعينيه بقت كلها شر) نايا رجعت خطوة لورا وبتوتر وخوف. تيم: "انت.. انت هتعمل إيه." يامن: "الصحرا وضوء القمر والمكان اللي إحنا فيه ده ما بيفكركيش بحاجة." تيم: (بتوتر) "بي.. بي.. بيفكرني بإيه، أنا مش فاكرة حاجة."

يامن مسكها من رقبتها وبقى يشاورلها على الأرض. يامن: "هنا.. في المكان ده بالظبط كنتي هتسلميلي نفسك.. وكنتي عايزاني.. وأنا من هبلي مارضيتش وكنت عايز أتجاوزك وأخدك في الحلال، بس اللي زيك ماينفعش معاه غير الحرام وبس." يامن هجم على تيم وبقى عايز يغتصبها، عايز ينتقم منها بأي طريقة مهما عمل ومهما عذبها النار اللي جواه ما بتطفيش. تيم بقت نايمة في الأرض ويامن بقى فوقيها وبقى يبوسها من رقبتها وخدها ونزل على صدرها زي المجنون.

عايز يحسسها بقد إيه هي إنسانة رخيصة وسهلة. تيم بقت بتبعد راسها شمال ويمين عن يامن، بس هو كان نايم فوقيها وعقله ما كانش موجود فيه. تيم: "سيبني يايامن ابعد عني.. ابعد حرام عليك." يامن: "انتي اللي عايزة كده، مش هسيبك غير لما آخد اللي عايزة منك."