رواية العدو الحبيب الفصل الثالث 3 - بقلم المجهول

رموا الأسلحة اللي معاكم حالاً وارفعوا ايديكم والا.. بصوا حواليهم ومسكوا في السواق... والا هنقتـ..له!!! رمينا الأسلحة اللي معانا كلنا ورفعنا ايدينا. واحد منهم: انزلوا واحد واحد ورا بعض!!! وفعلاً بدأ الكل ينزل واحد واحد ورا بعض، وكل ما ينزل واحد يفتشوه من فوق لتحت يتأكدوا مفيش سلاح. كنت أنا قاعدة في المقعد الأخير وجنبي كنان، كنت قاعدة برجف حرفياً، أول مرة يحصل معايا كده.

كنان بهمس: متخافيش، معايا سلاح بس مستني الوقت المناسب. بصيت السلاح بصدمة وشهقت بصوت عالي: أي ده؟ انت معاك سلاح؟ ازاي؟ قولتها بصوت عالي بدون قصد. كنان بصلي بغضب، بس الحمد لله كله كان مشغول، محدش سمع. همستله: ازاي؟ دول بيفتشوا، هيشوفوه وممكن يعملوا فيك ساعتها حاجة وحشة، الأحسن ترميه، اسمع كلامي. كنان بصلي بابتسامة مفهمتش معناها: متخافيش، هعرف اخبيه كويس. كنت لسه هتكلم،

لقيت واحد منهم بيزعق فينا: الباشا والهانم اللي بيرغوا ورا، انزلوا ولا نجيبلكو اتنين لمون؟؟ نزل كنان قبلي، وبعدها نزلت أنا، وفتشونا. ربطوا عيونا كلنا، كل ده وأنا مستغربة، كنان مستني إيه؟ لحد ما سمعت واحد فيهم بيقول: البت دي تلزم الزعيم، خدوه على البوكس. كنت بتحسر على البنت، بس اتصدمت لما لقيت حد مسك إيدي وبيجرني، فاكتشفت إني أنا البنت اللي بتحسر عليها، بس ليه؟ وإيه عايز مني الزعيم؟

حاولت أقومهم بس مقدرتش، وانجريت زي الكلبه وأنا بشتم في كنان، ليه معملش حاجة؟ ده كله، ركبوني على البوكس وخدوني، ووقف البوكس مرة واحدة وجروني. هي دي يا زعيم. وحشتيني يا ليان، كل دي غيبة. سمعت الصوت بصدمة وأنا مش مصدقة نفسي، وفتحت عيوني وأنا بحاول أكدب اللي سمعته، بس. هوا انت!!!