رواية العنيدة الرقيقة الفصل الرابع 4 - بقلم مجهول

رنيت الجرس.. هي اللي فتحتلي. "انت مجنون؟ امشي هتعملي مشكلة، امشي امشي." "مكنش ينفع أحس إن نفسك في حاجة ومعملهاش." "انت مجنون والله.. يلا بقي عشان تدخلي." أمها بتنادي عليها: "مييين يا رنا اللي ع الباب؟ "دا البت سما جيبالي شيبسي ياماما." لسه بتقفل الباب بوستها من شفايفها بوسة صغننة ونزلت. دوب طلعت من الباب لقيتها بترن عليا. "انت مجنون! اي اللي بتعمله ده؟ "افرض حد نازل ولا حد طالع ولا امي طلعت تبص مين بره."

"حقك عليا بس بجد مكنتش عاوزك تبقي زعلانه. 🙈" "ياسلام عشان مابقاش زعلانه تعملي مصيبة." "خلاص بقي يا بطتي وبعدين انا ماكملتش دقيقة." "طب انا هعمل لماما عصير واديها الدوا واكلمك." "مستنيكي يابطة." "باي ياقلب بطتك." "بحبك. ❤" طلعت البيت غيرت هدومي وقعدت مع امي واخواتي ع العشاء. عشيت ودخلت ع اوضتي.. امي عملتلي شاي بنعناع عشان بحبه. لسه بمسك الفون عشان ارن ع رنا لقيتها بترن عليا. ف كنت بضحك…. "بتضحك ع اي؟

"كنت لسه هرن عليكي حالاً." "القلوب عند بعضها.. ع فكرة انا عاوزه اقولك حاجة." "اي ياقلبي؟ "انا بحبك اوي ومتعلقة بيك اوي اوعي تتخلي عني او تسيبني ولو غلطت عاتبني حاسبني بس اوي تبعد عني." "انا ينفع اعمل كل حاجة ف الدنيا الا اني اعيش من غيرك يابنتي انتي الاكسجين اللي انا عايش بيه انتي حلمي من قبل ماعرف عقلي ازاي اسيبك." "ربنا يديمك ليا ياسندي."

"ويديمك ليا ياراحتي… وبعدين يلا بقي ريحي جسمك بقي وانا كمان هنام عشان عندي محاضرات كتير بكرة وبعدين عاوز اوديكي سينما اعملي حسابك انك هتتاخري شوية." "سينما اي لا مينفعش هنتاخر." "قوليلهم انك عندك كورس بكرة انا خلاص قطعت التذاكر." "مممم هشوف استني كده وهكلمك." "ماشي باي.." …هي ف بيتهم… "ماما انا بكرة هتاخر شوية عشان عندي كورس بعد المحاضرات." "الكورس ده هتخلصيه الساعة كام؟ "يعني ع 9 بالكتير ياماما."

"9 ونص تكوني هنا ماتتاخريش عشان ابوكِ." "حاضر ياماما….." رنا رنت عليا… "ها عملتي اية؟ "انا كدبت ع ماما عشان اشوفك بكرة. 😒" "كذبة بيضة. 😂🙈" "بس مش هتاخر عن 9 انا قولتلها هخلص الكورس 9." "خلاص تمام ماشي ياقلبي يلا بقي نام." "تصبح ع خير يا حبيبي." "وانتي من اهلي. ♥" ………… صحيت الصبح لبست ونزلت رنيت عليها.. "صباح الخير ياقلبي انتي فين؟ "نازله اهو معلش." "طب يلا عشان هحضر اول محاضرة وهطلع." "استني نازله اهو."

"طب يلا سلام." رنا نزلت وطبعا مشيت قدامها لحد اول الشارع واخدنا تاكسي يودينا المجمع. "بصي بقي ياستي احنا هنحضر اول محاضرة وهنلفو شوية." "خلاص ماشي بس مش عاوزين نتاخر." نزلنا من التاكس ودخلنا المجمع وطلعت ع محاضرة وانا كمان طلعت ع محاضرة واول اما المحاضرة خلصت رنيت عليها. لقيتها قدامي… "يلا بقي نروحو نفطرو الاول."