رواية العنيدة الرقيقة الفصل الثاني 2 - بقلم مجهول

رنا: وأنا كمان بحبك بس سيبني عشان الحق أروح. أنا: فتحت فوني وقولتلها اكتبي رقمك. وبالفعل كتبته. قولتلها اتفضلي روحي يلا. ابتديت تمشي وأنا ماشي وراها، مش مصدق أصلًا إني بحقق حلم سنين. أخيرًا وصلت بيتها وهي طالعة شاورتلي وهي باين في عيونها الفرحة. أنا كمان طلعت بيتي. أول أما دخلت من باب الشقة داخل أرقص وأغني، مبسوووووط أوي. أمي: مالك يا وله في إيه؟ أنا: مبسوط أوي يا ماما، مبسوط حاسس إني بملك الدنيا دي كلها.

أمي: ربنا يبسطك كمان يا حبيبي، بس إيه السبب بقى؟ أنا: بعدين هقولك. دخلت على أوضتي وبعتلها على الواتس. أنا: حلم عمري. أنا: يا وردتي. أنا: بتشوف الرسائل ومش بترد. أنا: أنتي يابت في إيه ماتردي. هي: انت تعرف بنات غيري؟ أنا: بنات غيري؟ أكسجين، انتي حلم كنت بتمنى من ربنا يحققه. هي: اومال مين اللي عملالك قلب على صورتك دي؟ أنا: صورة إيه يا هبلة انتي؟ هي: الصورة اللي على الفيس؟

أنا: دي بنت عمي. وبعدين انتي لحقتي تعرفي الفيس بتاعي كمان؟ هي: لا دي صدفة. وبعدين مليش دعوة، وبنت عمك تعملك قلب ليه؟ أنا: بطلي هبل، دي أختي. وبكرة لما أشوفك هبقى أوريكي الكلام بينا. هي: طب تمام، ماشي. أنا هقفل دلوقتي وأنام. نتقابل بكرة. أنا: تصبحي على خير يا حلمي. هي: وأنت من أهل الخير يا حبيبي. هي: وأنت من أهل الخير بس. أنا: مجنونة. نمت وأول أما صحيت صليت ولبست هدوم خروجي ونزلت.

ولسه طالع على أول الشارع قولت أبص على بيتها. كانت هي واقفة. بصيت عليها لقيتها بتضحك وجاية عليا. رنا: على فكرة كنت مستنياك. أنا: طب مرنتيش عليا ليه؟ هي: كنت براهن نفسي إنك جاي وكسبت الرهان. ضحكنا ومشينا وبعدين ركبنا الأتوبيس سوا. أنا: امسكي يا ستي الفون في إيدك أهو. ودي محادثة بنت عمي، شوفيها. هي مبصيتش أصلًا عليها وقفلت الفون. لقيت اسمها أنا عامله خلفية للفون. لقيتها فرحت وبوستني من خدي.

أنا حسيت إني كنت طاير في السما. حسيت إني كنت ميت والبوسة دي أكسجين. نزلنا من الأتوبيس ودخلنا المجمع ووصلتها المدرج وروحت أنا على القهوة أستناها. أصلًا معنديش محاضرات. ولقيتها بترن عليا بعد المحاضرة الأولى.