رواية العروسه الهاربه وانتقام الشيطان الفصل الثالث عشر 13 - بقلم سلمى محمود

السلام عليكم ورحمة الله وبركاته. عايزه اشوف أسد العشماوي. اقوله مين حضرتك؟ فاطمة: فاطمة صاحبة مراته. اتفضل هنا لو سمحت. أحمد هز راسه وعرف المكان وقال للتاكسي: اطلع يسطا. نور بصتله وهو طالع من البيت وقالت: مين انتِ؟ فاطمة: أنا صاحبة يسر عايزه اشوفها ممكن. نور: أهلاً وسهلاً تعالي اتفضلي جوه. وشاورت للحارس يمشي. دخلت معاها.

أسد كان صاحي فوق ولابس بدلته وجزمته وما زالت يسر نايمة. راح عند الستاير وشدها. كرمشت عينيها من الشمس وفاقت. بصتله وقامت لسه هتتكلم سمعت دق على الباب. أسد وهو قاعد على السرير بيلبس جزمته التانية: مين؟ نور: أنا يا أسد. يسر فين؟ صحبتها فاطمه تحت عايزه تشوفها. أسد: خمس دقايق واهي نازلة. يسر بفرحة قامت وجريت على الباب: فاطمه! أسد وقف قصادها وهي بعدت عنه ومسك مقبض الباب على ايدها. يسر: اوعى. هنزل. أسد: بالمنظر ده؟

يسر: وماله منظري؟ أسد: مش شايفة شعرك ولا نفسك في المراية؟ غيري هدومك وانزلي. يسر بغضب: مش معايا هدوم. والفستان ده غالي عليا أوي وعاجبني. فاهم؟ لأنه شبه قلبك. أسود في أسود. فاهم؟ ده نسخة من قلبك وبس. دخلت الحمام غسلت وشها بجمود وكانت بتقول بهستريا: متبكيش. متبكيش. اهدييييي. اهدييي. لو دخلتي في نوبة البكا مش هتخرجي. اهدييي.

غمضت عينيها لثواني وخدت نفس عميق وفتحت عينيها وابتسمت. سرحت شعرها عملته كحكة عالية ونازل منها خصلات بنية مع بشرتها الخمرية وعيونها الزرقة اللي لونها بهت من كتر البكا. طلعت من الحمام مشافتهوش. نزلت لتحت جريت على فاطمه اللي في الصالون وحضنتها: فاطمه! كان ملاحظها أسد وهو بيفطر ومرام ابتسمت وبصت لها وقالت: آه روحي آه. امه كانت بصالها بغضب وقالت: شكلها بنت جبل الخديوي اتعودت على القصر وبرطعت فيه. فاطمة مسكت ايدها

ويسر اخدت نفس عميق وقالت: تعالي نطلع الجنينة يا فاطمه. طلعت يسر من قدامهم هي وفاطمة. مرام بغضب: أمي! يمنى: إيه؟ مش قصرنا ده؟ أنا قولت حاجة غلط؟ أسد كان بياكل ومتجاهلهم. وعلي باصلهم وبياكل وقال: سيبي البت في حالها يا أمي. كفاية. يمنى: عضيتها أنا يعني؟ لا إله إلا الله. برا القصر في الحديقة. فاطمة: امسكي تليفونك. اهو بالعافية جبته من السرايا وإلا كانوا هيمسكوني ويحققوا معايا. يسر: طيب إزاي جيتي هنا؟

فاطمة: سألت على القصر واخدت عنوانه وجيت. ما شاء الله يبنتي جوزك مشهور قوي. يسر: بلا شهرة بلا نيلة. أنا مجبورة على الجوازة دي. فاطمة: إزاي؟ يسر: يعني عايزة أهرب من هنا يا فاطمه. فاطمة: متهزريش يا يسر. يسر: مش بهزر والله. عايزة أهرب. عايزة حد يساعدني يا فاطمه وتعرفي إيه اللي بين عائلة العشماوي وعائلتي وتار إيه اللي بينهم. انبني. أسد جه في اللحظة دي وحط ايده على كتف يسر وابتسم: منورة يا فاطمه.

يسر بخوف بلعت ريقها وبصتله وهو كان باصص لـ يسر. فاطمة: بنورك يا أسد بيه. بعد إذنك أمشي أنا. يسر قامت وحضنتها وقالت: متنسيش اللي قولتلك عليه يا فاطمه. لو بتحبيني اعملي كل حاجة وهربيني من هنا. فاطمة: يلا سلام يا يسر. أسد: استني يا فاطمه. ساعدي وصل فاطمه لغاية البيت. فاطمة: لا أنا همشي تاكسي. أسد: مينفعش اخت مراتي تمشي تاكسي. مش صح يا يسر؟ وحط ايده على كتفها وشدها لحضنه. يسر هزت راسها.

مشيت فاطمه وأيان كان في عربيته باصلهم. يسر بدموع زاحته وقالت: أنت متربتش فعلاً. جت تدخل مسك ايدها وسحبها لعنده بقيت قريبة أوي منه وقالت: أنت أكبر أناني فاهم؟ أكبر أناني وشيطان شفته في حياتي. بكرهك. ومهما كان اللي عملوه أهلي فيكم حلال. فاهم؟ تستاهلوا. أسد افتكر موت أبوه وايده اتشنجت واتعصب وخنقها وخبط راسها في الشجرة. يسر كانت بتضرب على ايده وبتتخنق. كانت هتقطع النفس وهو بيقول: اخرسيييييي. جري أيان ومسكه من قفاه

وزاحه وضربه بالبوكس وصرخ: مين اداك الحق إنك تتهجم على بنات الناس يا أسد العشماوي؟ مييييين؟ هزت كلماته اللي في القصر وطلعت تجري يمنى ونور وعلي ومرام وام حسن وشافوا يسر واقعة في الأرض بتكح. أسد رد ليه البوكس وصرخ: ملكش الحق في مراتي. أيان بهستريا ضحك وحط إيده على فمه اللي نزف وجاب دم: عقد امبارح اللي كان مزيف واتحرق!

بعد عنه ومسك ايد يسر وقال: يسر يلا هنمشي من هنا. هرجعك للسرايا تاني وهفهم جبل الخديوي. يسر يلا. ومحدش هيإذيك. يلا. أوعدك. يلا. أسد اتعصب وجز على أسنانه لما شافه ماسك ايدها وصرخ وهو وماسكه من ياقته و.......