رواية العروسه الهاربه وانتقام الشيطان الفصل الثامن والثلاثون 38 - بقلم سلمى محمود

حسن: يُسر أنتِ بخير. هزت رأسها وقالت: بترن ليه في الوقت ده؟ حسن: أنتِ لازم تعرفي كل حاجة وإن سيليا بنت خالة أسد حامل منه. حسن شاف السماعة أصدرت صوت عالي وهنا يُسر كان تليفونها اتقفل كان بيرن وكان مُغلق. صرخ حسن بغضب وقعد في الجنينة. أسد دخل الأوضة وقال وهو باصص لها: يُسر في إيه. يُسر: مفيش حسن كان هيقول حاجة تليفوني قفل. حطته على الشاحن وقالت: كنت بتكلم مين. أسد وهو باصص لها وحط إيده في شعره: سيليا. يُسر

عقدت حاجبيها وقالت: ليه في الوقت ده؟! أسد: لا عادي بطمن على أمي واللي في البيت. هزت رأسها يسر وفتحت التليفون جت رسالة من حسن وهنا أسد شدها وكان باصص في عينيها وقال: يُسر أنتِ عارفة إني بحبك. كانت واقفة على العكاز وهزت رأسها وقالت: في إيه في في عيونك كلام كتير يا ابن العشماوي. شدها لعنده وقبلها وهي إيديها سابت العكازات وكان ماسك التليفون وراها ومسح الرسالة بتاعت

حسن اللي كان مكتوب فيها: "إنتِ لازم تعرفي حقيقة أسد وإنه بيخونك مع سيليا وهي حامل منه يا يُسر". بعدت عنه وسندت جبينها على كتفه وكانت فرحانة شالها أسد بابتسامة وهي ابتسمت له حتى بانت غمزاتها وقالت: آه منك يا ابن العشماوي. ضحك أسد وشد الستاير وطفى النور. بعد مرور شهر. في المستشفى. مرام كانت قاعدة على الأريكة برا الأوضة. الدكتور خرج ودخلت يُسر كانت واقفة وسابت العكاز وبتمشي ومرام صرخت وقالت: يُسر. جريت عليها يُسر

وحضنتها وقالت: مشيت يا مراااااام مشيييييت، أهو بمشي واللهِ بمشي. كانت مرام فرحانة وحضنتها وغمزت لها: زمانه أسد جاي وخلاااااص هيشوفك بتمشي وعاااا هنرجع البلد أخيرًا. يُسر كانت فرحانة وقالت: هو اتأخر ليه. مرام: تلاقيه بيجهز التذاكر، وتعالي نتمشى في المستشفى يلا. هزت رأسها وقالت: مش محتاجة حد يمسكني تاني. ضحكت يُسر. ونزلوا سوا كانوا بيتمشوا سوا وقالت يُسر

وهي وفرحانة: هو أنا ممكن أكون أم وأجيب نونو ونربيه أنا وأسد ويقولي يماما. مرام بابتسامة دمعت وقالت: أنتِ عايزاني أعيط يعني، شيء أكيد إن شاء الله يا عمري. فرحت يُسر وحضنتها وقالت: استني أرن عليه. كانت بترن وهو وكان واقف بعيد عنهم ورا حيطة في الشارع العمومي كان باصص

للتليفون ودموعه نزلت وقال: أنا آسف يا بنت جبل لغاية اللحظة دي وأنا مش قادر أواجهك يا يُسر ضعيف يا يُسر واللهِ ضعيف هكسر قلبك لو عرفتي إن النهارده فرحي على غيرك، فرحي على واحدة محبتهاش بس اتجبرت أكون أنا العريس. كان شخص جاي من بعيد ووقف قدامهم: أنتِ مدام النقيب أسد العشماوي. يُسر باستغراب قامت وقالت: آه أنا. الشخص أعطاها تذكرتين وقال: اتفضلي. مشي الشخص وتجاهل صوت يُسر هي

وبتنادي عليه أخدتهم وقالت: دول تذكرتين لـ طيارتنا. مرام باستغراب: التالتة فين، أسد فين. كان ماشي أسد لما شافها ودموعه نزلت طلع تاكسي ومشى. يُسر بصتلها وقالت: هرن عليه. مرام بخوف: رني رني. قبل ما ترن وصلت رسالة ليها منه وفتحتها وكان محتواها: "أنا آسف يا بنت جبل، مش هقدر أكمل معاكِ سامحيني." يُسر بدموع قعدت على الأريكة ووقع منها التليفون مرام مسكته وقالت: يُسر... يُسر. يُسر مكانتش بترد ودموعها بس اللي بتنزل.

وجه واحد تاني شاب من البريد كان ماسك صورتها وكلمها بالعربية رغم إنه إنجليزي: هل أنتِ يُسر زوجة النقيب أسد؟ يُسر بدموع رفعت راسها وهزتها وقالت: هذه لكِ، أريد توقيعك هنا. وقعت يُسر ومسكت الظرف فتحته كان فيه كارت دعوة فتحته شافت اسم أسد وسيليا بتاريخ النهارده. مرام حطت إيدها على بقها من الصدمة ويُسر بدموع مسكت الظرف هزته: مشي لـ فرحه على بنت خالته. كانت بتضحك بهستريا

ودموعها نزلت بدموع وقالت: لا وكمان باعتلي كارت فرح دعوة يعني. كانت بتضحك بهستريا ودموعها بتزيد قامت كانت لابسة بنطلون أسود واسع وجاكيت بيج قامت مشيت كانت بتتنفس بصوت عالي مش قادرة تاخد نفسها وضربات قلبها بتزيد. مرام بدموع: يُسر على فين. كانت شايفة البحر قدامها على الكورنيش مكنش فيه حاجز عدت على السلسلة وقربت من البحر وصرخت كان جسمها كله بيتهز صرخت بعلو صوتها ووقعت على الأرض مرام جريت عليها وحضنتها وقالت: اهدي.

ضمتها ليها ويُسر كانت منزلة إيديها على الأرض وبتبكي بقهرة وتبكي أكتر خلعت دبلتها ورمتها في البحر. مرام بصتلها وكانت بتمسح دموعها وقالت: بصيلي، بقول بصيلي. كانت بتتنفس بعفوية صرخت مرام فيها: اتنفسي. هزت راسها واتنفست يُسر بدموع وقالت مرام: هنرجع البلد وهتبقي قوية، والضربة اللي متقتلكيش هتقويكِ وهتواجهيه وهترديله الضربة وهترجعي تعيشي وتفتحي السرايا بتاعتكم ولا كأنه أسد كان زوجك، وهننتقم منه وهنرد القلم قلمين.

هزت راسها وقامت يُسر وقالت وهي بتمسح دموعها: مش لما أفهم الأول هو عمل كده ليه؟ قامت معاها وطلعوا تاكسي كانت دموعها بتنزل في التاكسي وافتكرت ذكرياتها معاه وكانت بتشد على إيدها مرام أخدتها في حضنها ومسكت إيدها اللي ضماها وباستها. في قصر العشماوي. نور رجعت من المصحة وكانت باصة للسقف كانت حركتها غير منتظمة وبتشد في أصابعها قامت وكانت بترتعش اتفتحت البلكونة فجأة وحسن حط إيده على بقها وقال: ششش نور اهدي أنا حسن.

نور بخوف هزت راسها وشال إيده وبصت له: أنت بتعمل إيه هنا ودخلت من البلكونة ليه. حسن: أمك منعتني يا ستي أقرب منك ولا من القصر طردوني امبارح وجيت لكِ يا معشوقة القلب. جريت نور قفلت الباب بالمفتاح بتاع الأوضة، وحضنته وقالت: هي بتعمل كده ليه. حسن بلهفة: أنا مستحيل أسيبك غصب عنهم بإرادتهم هتجوزك استني. راح وراها وربط عينيها بمنديل أحمر وقالت بابتسامة: بتعمل إيه يا ابني. حسن: ابني يا بيئة، امشي كده امشي.

كان ماسك إيدها ونزلت للأرض مسكت شنطة كبيرة وفتح لها الرباط كانت ماسكاه وبتقول بابتسامة وتحذير: أوعى يكون اللي في بالي. حسن بضحك: هُوَ. حطت الشنطة على السرير وفتحتها كان فستان فرح أبيض تل كله منفوش بسيط وله أكمام واسعة بأساور ألماس عند الإيد وله أزرار من ورا كتيرة ورقبة ماس فضي كانت فرحانة وبصت له جريت عليه وحضنته رغم ارتعاش إيدها وقالت: أنا بحبك يا حسننننننننن.

حسن بضحك: هيسمعونا يا بت، وبعدين أنا بحبك من وانتِ قد الفار ومش مركز غير معاكِ وقلبي محفورة جواه، وبعدين اترفضت مرة مرتين المرة دي غصب عنهم يلا. ضحكت نور وحضنت الفستان: جميل أوي. رتب على شعرها وقال: هنتجوز النهارده يا بنت سيف العشماوي. نور بخوف: إزاي وماما و... حط إيده على بقها وكان بيكلمها وهي هزت راسها خافت من اقتراحاته عليها هزت راسها وهو باس راسها وقال: أنا معاكِ في كل خطوة. نور بابتسامة

قالت وهي بتفرك في إيدها: حسن أنا خايفة حاجة تحصل حد يتأذى يظهر تاني اللي اسمه أحمد. حسن: هيظهر ميت يا نور لإني هكون كابوسه. هزت راسها وجري: الحق اتجهز أنا عريس بقى. ضحكت نور وقالت: اجري. حسن طلع من البُرانده ونط ورا الجنينة. ضحكت نور وقالت من فوق: اتكعبلت؟ حسن بصوت واطي: عريس الغفلة. ضحك وجري. نور دخلت وحضنت الفستان وابتسمت. كانت واقفة قدام المراية وتحت عيونها أزرق من إدمان المخدرات

وقالت بدموع واختفت ضحكتها: هو أنا أليق أكون عروسة بـ حسن. دمعتها نزلت وسابت الفستان وقعدت في الأرض دقت أمها على الباب وقالت: نور، بنتي افتحي. جريت خبت الفستان في دولابها وقالت: جايه يماما جايه. فتحت الباب وقالت: بتكلمي مين. نور: مبكلمش حد لسه صاحية. يُمنى: يعني مش حسن؟!

نور: حتى لو كان حسن يماما افهم أنتِ واخدة موقف منه ليه ما عنده حق يزعق ويقلب القصر حريقة علشان يُسر واللي عملتوه فيها، ولا علشان رد القلم لـ أسد وأخد أسهم الشركات اللي سابها أسد، وبعدين.

زعقت نور وكملت: حسن اللي طلعني من المصحة عمل المستحيل علشان يثبت إني عقلي بخير وإني مش مريضة وكانوا بيعطوني مخدرات وأنا مش في وعيي، حسن ده اللي واقفة في وشه بيحبني وبيشتريني وأنا استحالة كده أفكر في غيره، حسن ده اللي ميستاهلنيش فاهمة بعد تعبي، حسن ده اللي اتقبل فضيحتي على السوشيال والشاشات واحد غيره كان قال مالي بيها وسمعتها اتشوهت، حسن ده بيحبني أكتر من نفسه، شفت فيه الحنية والطيبة ورجولته وغضبه على اللي حصلي، حسن بس اللي قادر يساوي كنوز الدنيا كلها وعنيا وقلبي مش شايفين غيره.

يُمنى بغضب اتوترت وكانت عارفة إن كلامها مقنع بس ردت بعنف: حسن خسارة فيكِ فاهمة، إحنا عايشين في قصر وحسن عايش يعتبر في عشة وناسه مين أم حسن الشغالة وعم سعدي البواب، لا عيلة ولا نسب؛ لكن أمير بيحبك وأنتِ عارفة إنه بيحبك من زمان، وأمير ابن ناس وموظف ومعاه شركات من ورث أبوه ونازل النهارده فرح سيليا أخته طبعًا وجبت لك ده تلبسيه خطوبتك أنتِ وأمير النهارده. نور بغضب: لا مستحيل ده مستحيل.

يُمنى: أنا قولت اللي عندي وأنتِ عارفاني كويس. طلعت أمها وهي مسكت الفستان ورمته على الأرض وقالت وهي بتضحك وجازوت غضبها: ده خطة حسن هتخليهم يلفوا حوالين نفسهم أمير قال بلا أمير بلا بطيخ أنا نور العشماوي أتجوزه ده لو هعيش في عش فراخ مع حسن أرحم بلا نيلة، استنى بس يا يُمنى بنتك ساعات قليلة وهتلاقيها عروسة وبرشام الضغط هحطه في كم الفستان. قامت وفتحت الدولاب وحضنت الفستان وبصت لكم الفستان وقالت: يشيل دوا الست يُمنى آه.

وضحكت. في قصر حميد الشمندوري. كانت قاعدة فاطمة في الأرض وحور طالعة على ضهرها ولابسين طرابيش وبتقول: تُوت تُوت تُوت تُوت تُوت تُوت تُوت تُوت، تُوت تُوت قطر صغنطوط، تُوت تُوت تُوت بالليل بيفوت. كانوا بيغنوا سوا ورن الجرس فتحت الخدامة كان أيان وشافهم هما بيغنوا وخلع نضارته قامت حور وجريت عليه: عمو أيان. حضنته وقال بابتسامة وهو بيبوس راسها: فُستق. فاطمة قامت وكانت مبتسمة وأيان نزل لمستواها: جبت لك هدية يا فُستق.

حور: أنا. أيان: وفي غيرك يا فُستق! طلعها وكانت كبيرة أوي متغلفة وقال: تعالي نفتحها سوا. فاطمة: تعبت نفسك يا أيان. أيان: ولا تعب ولا حاجة. كانت حور بتفتح فيها هي وأيان وصرخت بفرحة: تلسكوب؟! حضنت أيان بفرحة وقالت: أنا بحبك أوي أوي أوي أوي. ضحك هو وقال: وأنا أوي أوي أوي أوي. أيان بابتسامة: يلا اطلعي مع الدادة العبي في الجنينة واتفرجي عليه. حور: طيب مفيش نجوم دلوقتي. أيان: بليل يا فُستق نشوف النجوم سوا. حور

وهي بتمد صباعها الخنصر: وعد هتجي؟! أيان هز راسه ومد صباعه وقال: وعد. ضحكت وكانت فرحانة وطلعت حور هي والشغالة. فاطمة: شكراً. أيان: العفو على إيه. فاطمة: تعالى اتفضل. قعدوا سوا في الصالون وقال أيان: انتوا بخير دلوقتي يا فاطمة حالتك اتحسنت أنتِ وحور؟ فاطمة بهدوء بصت له وهو

كان شارد معاها واتكلمت: حور بخير نفسيتها كويسة وأنا كمان، بس بعد محكمة حميد هسافر أنا مش مرتاحة هنا كل ركن في القصر له ذكرى وحشة وضرب وتعذيب وكل يوم كابوس بشكل بتصعب عليا نفسي إني إزاي استحملت كل ده المشكلة إني كنت فاكرة الجواز راحة لأي بنت، وأنا كبنت كنت صغيرة وأنا بخدم في قصر الخديوي اتكسرت كل أحلامي، جبل الخديوي مقصرش في جوازتي مكنش يعرف خلفية صورة حميد البشعة، المشكلة إن في ناس بتحب المظاهر بتجوز بناتها لواحد رتبته بيقبض بالكُوم وعايش في قصر ودخله كويس وأخلاق وأدب بيبقى كامل من جميعها إلا أخلاقه الحقيقة اللي بتبان بمجرد قفل باب قصره بالمفتاح طبعه الزفت، مش باصيين للراحة القبول؛ عش واوضة وعيشة مرتاحة مع اللي بنحبهم تغنيك عن قصر بحاله.

مسحت دموعها وقالت: أنا عشت الحياة مرتين مرة في قصر الخديوي، ومرة في القصر ده وهنا كانت بداية اللعنة زي ما بيقولوا ختمت نهاية قصتي بحور، القصر ده اللي شايفة جدرانه من جوا سودا من الظلم، جدرانه لو اتكلمت هيتزعزع العالم بأكمله، أنا مش ضعيفة لا أنا ببين كنت عايشة في إيه قصر وخدمات ونضافة وفلوس تعد فيها متخلصش بس كل يوم كنت بكتم صرخاتي كل ليلة تدق الساعة اتناشر وابقى جاهزة للضرب وأداوي جروحي وأستعد لجلسات الكهرباء لكن دلوقتي لو واجهته قدامي حميد مش هخاف ولا رمش عيني ينزل الأرض.

أيان هز راسه وقال: وأنا معاكِ ولا حد في الكون هيقدر يلمس شعرة منك ولا من حور ولو خرج حميد بكرة بعده بعد سنة هيلف على المصحات مصحة، مصحة. طلع من جيب بدلته ورق كتير وقال وهو بيحطهم قدامها: ده كشف طبي إنه عنده كهرباء زايدة، ده كشف إنه بيتعاطي مخدرات، ده كشف إنه عنده مرض نفسي. دول مش مزورين دول فعلًا. وكمل بابتسامة: وبكده لو انشقت السما مش هيقدر ياخد وصية حور. فاطمة كانت باصة للتقارير بابتسامة وهزت راسها: شكراً لك بجد.

دمعتها نزلت وقالت: هو محكمته أمتى؟! أيان: بعد يومين. هزت راسها وقالت: يوووه نسيت، يُسر نازلة النهارده. أيان: أكيد سمعت بزواج أسد. فاطمة: هو إزاي قدر يعمل فيها كده؟! أيان جه يتكلم سمع صوت أمه وزهرة. أمينة من برا وهو وماسكها الحارس: اطلع ياواد كمان رايح لها عند بيتها برجلك أياااااان. أيان: نهار أسود. طلع يجري برا القصر وزعقت أمينة: أنت إيه اللي جابك هنا. فاطمة حور جريت عليها وقالت للخدامة تطلعها فوق.

أيان: انتوا إيه اللي جابكم هنا. زهره: ماما أصرت إني أجيبها هنا و... أمينة: اسمعي يا ست أنتِ كفاياكِ جري ورا ابني مكفاكيش أخد رصاصة في بطنه بسببك أنتِ معاكِ بنت وعارفة إيه يعني الضنا غالي. أيان بزعيق: يا أمي اهدي. زهره: ماما مش كده. فاطمة: أنا آسفة. أيان بغضب: متتأسفيش. أمينة بغضب: معاكِ زوجك زي الورد رامياه في الحبس وحرمتيه من بنته، اتقي الله يا بنتي وابعدي عن ابني كفاية بقى كفاية. فاطمة عينيها

دمعت وأيان زعق وقال: أمي على العربية يلاااا. طلعت قدامه هي وزهرة وقال أيان وهو باصص لها: فاطمه متزعليش و... فاطمة: أيان مامتك عندها حق. دخلت القصر وقفلت الباب في وش أيان ودموعها نزلت. أيان وهو قريب من الباب وقال بصوت واطي وهو بيلمس على الباب: فاطمه حقك عليا. كانت ساندة على الباب وبتبكي وهو ضرب بغضب برجله على الباب ومشي بعربيته. أمينة: اطلع هنا تعالى يوااااد. أيان تجاهلهم وساق عربيته واصدرت احتكاكه بصوت عالي. مشي

السواق بزهره وامه وكملت: ابني زي الورد شاب لسه ما دخل الدنيا جديد ومن دي لدي ست يُسر والست صاحبتها لا إله إلا الله، ولا حول ولا قوة إلا بالله. زهره بغضب: كفاية يماما كفاية اوف. في المساء. قصر العشماوي. سيليا كانت فرحانة وبيلبسوها الجزمة بعد ما لبست الفستان كان عاري عند الصدر ومن ورا عند ضهرها وشعرها كان نازل من خصلات قليلة وكانت لابسة تاج كانت رقيقة أوي. دخلت جليلة وحضنتها: أنا فرحانة أوي ياماما أخيرًا أنا وأسد بجد؟!

كانت دمعتها نزلت وقالت أمها: ششش امسحي دموعك يا بنتي يلا العربية مستنينكم تحت القاعة واو بجد خرافية. سيليا: اومال مش أسد العشماوي، ده ومعاه يعمل أكتر من كده. جليلة: طيب يلا. نزلوا سوا ووقفوا تحت وقالت سيليا: هو أسد لحد دلوقتي مجاش. يُمنى: برن عليه أهو محدش بيرد. سيليا بابتسامة: بعت رسالة. كان محتواها: "امشوا على القاعة انتوا وأنا هكون هناك". جليلة سمعتها وهزت راسها وقالت: اومال نور فين.

أمير وهو داخل من القصر: عروستي فين يا خالتي. أمير: فوق يا ابني. أمير: خلاص روحوا انتوا وأنا هجيبها ونيجي. جليلة بغيظ: أم حسن هتيجي. أم حسن بصتلها بغضب وقالت: لا، محضرش فرح فيه كسرة بنتي. هزوا راسهم ومشوا أمير كان طالع على السلم وخبط على الباب بتاع نور وقالت: مين. أمير: أنا أمير. نور بصدمة: نهار أسود. كانت لابسة فستانها الأبيض وساعدتها واحدة من بنات الميكب كانت قمر وكانت لمة شعرها ولابسة تاج رسمته خفيفة ماس.

قامت وقالت: أعمل إيه يربي. أمير وهو بيدق على الباب تاني: نور انتِ بخير؟! نور: ثواني هفتح. نور كانت خايفة فجأة مسكت المزهرية وقالت: يارب ما يموت. وكملت ووقفت ورا الباب: ادخل يا أمير. فتحت الباب هو وجه يلف ضربته بالمزهرية وصرخت. حسن نط من البُرانده وصرخت لما شافته ووقعت المزهرية وقال: عملتي إيه يا بنت الهبلة؟! نور بخوف: حسن ملقتش غير كده. حسن جري له واتحسس نبضه وقال: التور لسه عايش. شاله وحطه في الحمام

وقفل عليه الحمام وقال: يلا يلا مفيش وقت. مسك إيدها وكان هيجري على البُرانده. نور بغضب: هنط كمان من فوق أنت اتهبلت. حسن: ما الفستان الزفت ده وجمالك جنن أبويا لا هننزل طبعًا. نور بضحك: حلو يا حسوني. حسن: قمر يروحي. نور: وأنت قمر بالله شعرك طويل يباشا ودقنك القمر وشواربك بتاعوت الكبير دول. حسن: الله، الله، كبير يا بيئة؟ هو أنا حلو كده. نور: وقمر كمان يباشا. حسن: طيب يلا بدال ما نتقفش والتور اللي جوه يفوق.

نزلوا سوا على القصر هما وبيتدبسوا ودخلوا المطبخ. أم حسن بصوت واطي: ادخل بسرعة. حضنتها نور وقالت: يديمك ليا يا أم حسن. أم حسن باست راسها وقالت: قمر يا بنتي. حسن: وابنك أحلى منها على فكرة. ضربته نور على كتفه وقالت: اجري بلا نيلة. طلعوا من الباب الخلفي وأيان كان واقف صفر لهم وجريوا عليه وطلعوا عربيته. أيان بضحك: بالله عليكم في عروسة وعريس يهربوا يوم فرحهم. حسن: حكم القوي بقى، ده يُمنى بنفسها كانت قتلتني لو سمعت.

أيان: والبغل أمير. نور بضحك: هينام في الحمام. ضحكوا سوا وساق أيان متجهًا للقاعة. مالت على كتفه وهو كان فرحان حسن وباصص لها. فِـي الـقَـاعـة. كانت قاعدة سيليا على الكرسي بتاع المأذون لوحدها ويُمنى كانت بترن على أسد وجليلة متوترة رايحة جاية سيليا كانت على أعصابها وبطنها وجعتها من الألم. كانت الناس بتسأل على أسد وعدت ساعة من ساعة من الوقت الناس بدأت تمشي فجأة وقفت عربية أسد ونزل منها كان لابس بدلته وقالت يُمنى

بصوت عالي وبفرحة: دقوا على الطبول وصل العريس. دخل أسد سلم على يُمنى قدام الناس وباس راسها ودخل قعد جنبيها وقالت: اتأخرت ليه. أسد: اديني جيت أهو. كانت فرحانة والمأذون قعد كان الكل مركز معاهم. ووقفت عربية أيان ونزل هو وبعد عن الطريق دخل حسن وفي إيده نور الناس كلها بقت تهمس والصحافة تصور أسد لما شافهم ضحك ونزل راسه لتحت وقال: يا عفو الله. يُمنى شافت الناس مركزة معاهم وقامت فجأة بتلف وقالت بصدمة: نور... و.. و حسـ. ـن.

دخلوا سوا وحسن شاور لواحد من بتوع الطبول. لبسهالُه وخلع جاكيت البدلة وكان وسيم أوي وطويل وجسمه رياضي مسك العود وبدأ يطبل وشعره كان نازل على عيونه وبيتهز، كانت الناس بتصفق ونور فرحانة وكانت بترقص رقص هادي متناسق مع الطبول. جليلة كانت تكة والنيران هتطلع من ودانها وقالت: شايفة عمايل بنتك.

يُمنى بصدمة كانت بصالهم وأيان كان واقف عند باب القلعة ومتكئ على الباب كان لابس بالطو كبير لغاية ركبته هاڤان وهايكول أوف وايت وبنطلون هاڤان فاتح كان شيك أوي ولون الجاكيت متناسق مع لو شعره الأشقر وقال: هتقوم حريقة دلوقتي. شرد وتخيل نفسه هو ويُسر اللي بيرقصوا وكان مبتسم وفرحان وبيلف بيها وشدها لحضنه دمعته نزلت وفاق من شروده وقال: هيجي اليوم ده يا بنت جبل، وهتحبيني يا يُسر. ضحك وكان بيرقص حسن وشال الطبول يُمنى قربت منه

لما مسك المايك وقالت بهمس: أنت تعتذر على الغلطة دي وتمشي مفيش جواز من بنتي يا ابن البواب. حسن: أعتذر! يُمنى: ومعندكش غير كده وإلا هتطرد أمك وأبوك من قصري. بعدت عنه وابتسمت هز راسه هو واختفت بسمته ومسك المايك وقال: طبعًا الكل متفاجئ بزواجنا أنا ونور العشماوي لكن أنا آسف. بص لنور ونزل راسه قام أسد وأيان اختفت بسمته وكمل حسن: آسف يا نور. نور بخوف: يعني إيه؟!

نزل إيده ورفعها تاني: آسف إني مطبعتش كروت دعوة لفرحنا وعزمت ناس كتيرة، آسف إني خليتك تجري النهارده علشان نلحق فرحنا، هو أنا بحبك وهتجوزك غصب عنهم تمام وبعد ما نتجوز اللي يعترض يعترض يروح يدق على أنشف حيطة ويخبط راسه فيها وعيالنا بعد كده هتسكت الحجر. وبص في عيون يُمنى ولبس جاكيت بدلته. ضحك وباس راسها وقال: اكتب يا عم المأذون. دمعت نور نزلت وشاور لها: هتجوز تاني لو طلعتي نكدية. ضحكت هي ومسك مناخيرها وقال: عندية.

نور بضحك: يخربيتك الناسي. يُمنى كانت هتتشل منه والكل كان فرحان وبيصور. سيليا بغضب: الجربوع ده بيعمل إيه؟ أسد: مش تسألوا نفسكم يمكن أخوكِ هرب. ابتسم أسد وقرب من نور حضنها وباس راسها وكانت بصاله قال أسد وعينيه دمعت: قمر يا بنت العشماوي، قمر. نور بدموع: أسد. حضنته من تاني ودمعة نزلت وقالت وهي في حضنه: عملت كده ليه يا أسد. أسد مسح دموعها ودمعته وقال: معملتش حاجة غلط.

قعدوا سوا وكانوا أربع كراسي وحسن كان ماسك إيد نور والمأذون بدأ بيهم وقال "بارك الله لكما وبارك عليكما وجمع بينكما في خير." جه عند أسد بص للكل والناس قامت من مكانها الكل استغرب وسيليا خافت وقال: استنى يا حضرة المأذون. وفي اللحظة دي وقفت عربية قدام القاعة وهو مشي ليها فتح الباب وكانت يُسر بفستان أبيض وهنا الصدمة احتلت وجوه الكل. سيليا بدموع وصدمة كادت أن تموت وقالت: يُسر؟!