رواية العشق الابدي الفصل السادس والعشرون 26 - بقلم لبنى دراز

بعد ما خلص الفرح، فارس وحلم سلموا على كل الموجودين وركبوا عربيتهم وراحوا على جنتهم. أول ما وصلوا وقبل ما تنزل من العربية: حلم: إيه ده يا فارس؟ الفيلا ضلمة أوي كدا ليه؟ فارس: (بمكر) يمكن الكهربا قاطعة يا روحي. حلم: اممم وماله.. نوّر كشاف موبايلك يا حبيبي خلينا نشوف هندخل إزاي. فارس: إيه ده يا قلبي؟ بتخافي من الضلمة ولا إيه؟ حلم: عيب عليك يا حبيبي.. حلم الرشيدي مابتخافش، بس الفكرة نشوف إحنا داخلين فين مش أكتر.

فارس: يا قلبي انتي داخلة جنتنا.. (وبغمزة) أحسن حاجة حصلت الضلمة دي ولا إيه؟ حلم: (بـخجل) أتلم بقى واسكت ويلا انزل. فارس نزل فعلاً وعمل إشارة بإيديه وهو بيلف عشان ينزلها من العربية. حلم نازلة من العربية وفجأة أنوار صغيرة كتير نورت ولوحة كبيرة عليها صورة

كتب كتابهم ومكتوب تحتها: "نورتي حياتي ودنيتي يا أجمل حلم في عمري كله.. حبيبتي كلمة أحبك أقل بكتير مما أشعر، فحبك ملك قلبي وعقلي وثملت منه كل أجزائي.. أحبك يا معشوقتي بل أعشقك يا نبضي.. اعذريني حبيبتي حين أحزن في غيابك، فأنا أعشقك حد الجنون.. أدمنتك بكل تفاصيلك.. أحبك بكل الصدق بكل الحب.. أحبك." حلم حطت إيدها على بؤقها من المفاجأة، مش مصدقة وعينيها بتلمع بالدموع، وبتبص لفارس مش قادرة تتكلم.

فارس شاف فرحتها في عينيها: ربنا يقدرني طول ما أنا عايش وأسعدك يا حلم عمري. حلم: (بدموع الفرح) حبيبي ربنا ما يحرمنيش منك أبداً. فارس: ولا منك يا عمري.. يلا بقى ندخل ولا هنفضل واقفين هنا. حلم: يلا. وفعلاً دخلوا الفيلا. أول ما اتفتح الباب انبهرت حلم باللي شافته.. الأرض مفروشة ورد وبلالين وأنوار بألوان كتير بتنور وتطفي. فارس: (بحب) نورتي بيتك يا أحلى عروسة. حلم: وانت نورت كل دنيتي يا حبيبي. فارس: (شاور بدماغه)

يلا نكمل ونطلع فوق؟ حلم: نكمل يا قلبي. وفعلاً بيكملوا طريقهم، وأول ما وصلت ولسا بتحط رجلها على أول السلم، وفجأة شموع شرارية على الجنبين بطول السلم نورت وهما طالعين، واشتغلت أغنية حماقي "عمري ما قولت حبيبي". حلم قلبها هيقف خلاص من كتر الفرحة والمفاجآت اللي بيعملها فارس، ومش عارفة فعلاً تتكلم. فارس: بحبك أوي ونفسي أعمل كل حاجة تفرحك. حلم: (بـخجل) مجرد وجودك في حياتي بس.. دي فرحة عمري كله يا فارس. فارس:

(وعينيه في عينيها) هعمل المستحيل أوعدك.. كل همي إني أعيش وأسعدك.. وفتح باب أوضتهم. فارس: اتفضل يا أحلى حورية في جنتي. حلم لسه بتدخل وفجأة مرة تانية شافت أنوار في التراس نورت ونازل بينهم صورة فرحهم ومكتوب تحتها "بحبك.. love you.. Ti amo.. Je t’aime, Je t’adore.. Ich lieb Di". واشتغلت أغنية عمرو دياب "بعترف". حلم خلاص مش قادرة من كتر المفاجآت، تاخد نفسها.. كتيييير أوي عليا اللي انت عامله ده. فارس:

قرب منها وهمس: مفيش حاجة تكتر على حلم عمري. حلم رفعت عينيها في عينيه، ومافيش كلام غير عيونهم اللي قالت كل اللي جواهم. حلم: وأخيراً بقيت معاك. فارس: أنا مش مصدق نفسي. حلم: لأ صدق.. أنا أهو معاك وبين إيديك. فارس: حاسس قلبي هيقف من كتر فرحتي. حلم: مش أكتر مني. فارس: بحبك. حلم: بعشقك.

فارس بيقرب أوي منها وعينيه عارفة طريقها.. ودائماً أول كل حاجة أحلى حاجة.. وأول بوسـ… حلال حط فيها كل مشاعره اللي مخبيها جواه من يوم ما شافها. حلم بادلته مشاعرها وعشقها ليه من غير خوف، خلاص حبيبها بقى جوزها ومن حقها تعيش معاه أجمل لحظات عمرهم. فارس بعد عنها بصعوبة وحط جبينه على جبينها وصوت مبحوح: آآآه يا حلم عمري.. أخيراً بقيتي في حضني.. يلا يا قلبي غيري فستانك وتوضي وأنا هخرج أغير في الأوضة التانية وأرجع عشان نصلي.

حلم بتهز دماغها بالموافقة ومش قادرة تتكلم من فرط مشاعرها وضربات قلبها الزايدة. فارس سابها فعلاً وخرج راح أوضة تانية غير هدومه وأخد شاور وتوضأ ورجع تاني لحلم عمره. حلم بعد خروج فارس دخلت الحمام وغيرت فستانها وأخدت شاور وتوضأت ولبست الطقم اللي متعلق، ولبست عليه إسدال الصلاة. وهي خارجة من باب الحمام شافت فارس داخل من باب الأوضة. فارس: (بصلها بحب وبابتسامة) يلا نصلي؟ حلم: (بابتسامة خجل) يلا.

فارس فرش سجادة الصلاة الخاصة بيها الأول وبعدين سجادته، وابتدوا يصلوا مع بعض. وبعد ما خلصوا صلاة حط إيده على راسها وقال الدعاء ودعا كتير وهي أمّنت عليه. حلم: (قامت بخجل) أكيد انت جعان.. أنا هروح أحضر العشاء. فارس: خليكي يا قلبي وأنا هحضره. حلم: تؤتؤتؤتؤ.. حبيبي يقعد مرتاح والأكل ييجي لغاية عنده. فارس: طيب إيه رأيك ننزل سوا نتعشى ونطلع؟ حلم: ماشي يلا بينا.

وبالفعل نزلوا سوا راحوا المطبخ وحضروا العشاء مع بعض وقعدوا يتعشوا. وهما بياكلوا: حلم: قولي بقى انت عملت المفاجآت الحلوة دي إزاي وإمتى؟ فارس: عجبتك يا قلبي؟ حلم: جداً يا حبيبي.. ربنا يخليك ليا وما يحرمنيش منك أبداً.. بس برضه عايزة أعرف. فارس: (وهو بيحط لها الأكل في بؤقها)

بصي يا ستي.. أنا من يومين كدا فكرت إزاي أعمل مفاجأة حلوة لحبيبتي يوم فرحنا، وبالصدفة وأنا بفكر شفت إعلان على النت لشركة بتنظم إيفنتات وبتعمل الحاجات اللي شوفتيها دي.. روحت اتصلت بيهم وفهمتهم عايز أعمل إيه بالظبط وبعتلهم صورة كتب كتابنا والكلام اللي مكتوب عليها. حلم: اممممم.. طيب صورة فرحنا راحت لهم إزاي؟ فارس: (بضحك)

ههههههههههه.. يا حبيبي واحد منهم كان موجود واحنا في السيشن، وأخد كام صورة واختار منهم الصورة اللي كتب عليها "بحبك بأكتر من لغة". حلم: اممممم.. قولتلي بقى.. بس برضه عايزة أعرف الحاجات دي كانت بتشتغل مع نفسها إزاي كدا؟ فارس: هههههههههههه.. يا روحي مفيش حاجة بتشتغل لوحدها. حلم: (بصدمة) قصدك إن كان فيه حد في الفيلا!! فارس: طبعاً يا قلبي. حلم: نعم!! طيب إزاي بقى؟

فارس: يا حبيبي أدهم كان معاهم.. بمجرد ما خلص الفرح مشي قبلنا عشان يكون موجود معاهم وهم بيعملوا كل اللي طلبته منهم، وبمجرد ما دخلنا أوضتنا نزلوا على طول بعد ما خلصوا.. بس هي دي كل الحكاية. حلم: أنا بحبك أوي يا فارس. فارس: آه يا قلبي يا فارس.. لأ كدا بقى خلاص ما بدهاش.. تعالي بقى هقولك كلمة سر.. وشاله طالع بيها أوضتهم. حلم: (بـخجل) وبعدين معاك يا فارس.. نزلني. فارس: مش هيحصل يا قلبي.. غير فوق وجوه أوضتنا كمان.

وفعلاً طلع بيها ودخل أوضة النوم ونزلها على السرير، وراح يقفل باب الأوضة ورجع كان. حلم: (قلعت الإسدال وقعدت مكانها) وبـخجل نـدت.. فارس. فارس شافها وانبهر بجمالها اللي زاد أضعاف. فارس: يا لهوي على فارس وسنينه.. أبوس إيدك ارحمي قلبي. حلم بصتله وساكتة وحاسة إن قلبها هيقف. فارس قعد جنبها وقرب منها و… وعاشوا في جنتهم. وبعد وقت طويل حلم الرشيدي بقت حلم المنصوري قولاً وفعلاً. ونقول لهم مبروك. *** فـ بيت هشام

بعد الفرح رجع هشام ومعاه أخوه حسام وولاده ومراته. وسأله حسام: قولي يا هشام.. أحلام ما كانتش موجودة في الفرح ليه؟ هشام: ده موضوع يطول شرحه.. ارتاح يا حبيب أخوك وبكرة نتكلم. حسام: لأ يا هشام.. أنا مش هرتاح ولا أنام من غير ما أعرف وأفهم ليه أحلام ما حضرتش فرح حلم ووقفت جنبها. هشام: (بحزن) مش عارف أقولك إيه ولا أبتدي منين. حسام: ادخل في الموضوع من غير مقدمات يا هشام. هشام: بص.. هو اللي حصل إن أحلام…

وحكى كل حاجة من أول ما اتفقت مع بنات عم فارس لغاية ما فارس عرف مكان حلم ورجعها. حسام: (بغـ ـضب) كل ده يحصل وأنا معرفش؟ قد إيه لغيتوا وجودي في حياتكم؟ هشام: صدقني أنا عرفت بعد ما اختفت حلم، وبعدها بقيت زي المجنون 3 شهور وأنا مش عارف ألاقيها ودماغي وقفت من كتر التفكير. حسام: كان لازم تكلمني يا هشام.. كنت نزلت واتصرفت.. لكن تلغيني خالص وماتعرفنيش كل اللي بيحصل هنا لييييه؟

هشام: صدقني أنا مش قاصد ألغيك.. انت أخونا الكبير وما نستغناش عنك، بس كمان انت في غربة وماينفعش نقولك أي حاجة تزعلك. حسام: واااضح جداً إنكم ماتستغنوش.. بدليل إن يوم ما اتخـ ـطفت حلم برضه ما قولتش وعرفت بالصدفة. هشام: (بصدمة) عرفت إزاي!!! حسام: مش مهم عرفت إزاي.. المهم إني عرفت وحضرتك ما قولتيش ليه. هشام: يا حبيبي الموضوع ده ما طولش وفارس لحقها ورجعها بخير.

حسام: وانت فين لما كل مشكلة حلم بتتعرض لها بيكون فارس قبلك بيلحقها؟ هشام: أنا عارف إني قصرت في حقها كتير وماليش عين أقف قصادها، بس صدقني أنا بحاول على قد ما أقدر أكون لها أخ كويس وأعوضها عن اللي عملته فيها أنا وأحلام. حسام: أحلام دي كمان ليها حساب معايا. هشام: على فكرة رغم إن حور زعلانة منها ومش قادرة تسامحها، بس طلبت مني إني أعزمها. "فلاش باك" أحلام: خير.. إيه فكرك بيه؟

هشام: بلاش أجى أطمن عليكي وأشوف البنات اللي وحشوني. أحلام: لا والله.. أنا قولت هتنسى إن ليك أخت تانية غير الهانم. هشام: بقولك إيه يا أحلام.. ماتبقيش غلطانة وكمان مش عاجبك. أحلام: غلطانة في إيه؟ ها.. غلطت عشان عايزة أأمن مستقبل بناتي. هشام: تأمني مستقبلهم على حساب راحة وسعادة أختك؟ ده بدل ما تبقي أم تانية ليها تكوني سبب في إنها تبعد عن خطيبها. أحلام: وأهي رجعت تاني.. يعني حياتها ما وقفتش.

هشام: فعلاً حياتها ما وقفتش.. وعلى فكرة هي بعتاني أعزمك على فرحها آخر الأسبوع. أحلام: (بتريقة) لا والله.. كتر خيرها. هشام: على فكرة هي قالت إن فرحها مش هيكمل من غيرك رغم زعلها منك. أحلام: يعني بسلامتها هتلغي فرحها عشان أنا مش موجودة؟ هشام: وتلغيه ليه؟ الفرح هيتم وفي ميعاده. أحلام: يبقى خلاص وجودي زي عدمه.. أنا مش هحضر ولا عيالي حتى عشان ما تفكرش تقول أخدهم يحضروا. "عودة للوقت الحالي"

هشام: سيبتها ومشيت وأنا مش عارف هقول إيه لحور لما تسألني. حسام: أكيد من غير ما تتكلم هتفهم اللي حصل. هشام: فعلاً.. وهي اللي قالت أول ما شفتني إن أحلام رفضت تيجي أو حتى تبعت البنات. حسام: (قام وقف ورايح ناحية باب الشقة) هشام: انت رايح فين دلوقتي؟ حسام: (بغيظ) رايح لأحلام. هشام: الوقت متأخر يا حسام.. زمانها نامت. حسام: (بعصبية) تصحى النااايم يصحى.. وخرج من باب الشقة يجري. هشام: جرى وراه.. استنى طيب أجي معاك.

وفعلاً نزلوا ركبوا عربية هشام وراحوا لأحلام. *** فـ بيت أحلام وصل حسام وهشام عندها ورن حسام جرس الباب بعصبية. جلال: (من جوة) مين اللي بيرن الجرس بالغباء ده كدا في الوقت ده؟ أحلام: (بـخضة) يا ساتر يارب.. ده خبط مخبرين.. ربنا يستر.. قوم افتح شوف مين بيخبط بالطريقة دي. جلال: قام وبـزعيق وهو بيفتح.. استنى يا اللي بتخبط.. إحنا مش واقفـ… وقطع كلامه لما شاف حسام. جلال: حسام.. خير؟ إيه؟ حسام: (بعصبية)

أوعى من وشي الساعة دي يا جلال.. وادخل اندهلي الهانم اللي جوة. جلال: (وعينه على هشام) مالك داخل حامي علينا ليه يا باشمهندس؟ حد قالك حاجة وسخنك علينا ولا إيه؟ حسام: جلااااااال.. لم دورك وادخل انده مراتك بدل ما أدخل أنا وأجيبها من شعرها. أحلام: (طلعت ع صوت أخوها) وتجيبني من شعري ليه يا حسام؟ عملتلك إيه؟ ولا هو ده سلامك عليا بعد غياب يا أخويا؟ حسام: (بغـضب)

إنتي إزاي يا بت انتي تسيبى أختك لوحدها في أكتر يوم محتاجاكي معاها؟ هااا؟ أحلام: اااااه.. قول كدا بقى.. الهانم اشتكتلك ومليتك من ناحيتي وسخنتك عليا. حسام: الهانم اللي بتتكلمي عنها دي تبقى أختك الصغيرة اللي طمعك وجشعك خلاكي اتفقتي عليها عشان تخربي حياتها.. إييييه.. للدرجة دي الحقد اللي جواكي عما عينك؟ عايزة تدمرها عشان إييييه؟ أحلام: (بـزعيق)

عشان عندها كل حاجة وأنا ماعندييش.. واخدة حب بابا وماما وأنا لأ.. طول عمرهم كانوا بيقولولي شوفي حور بتعمل إيه.. شوفي حور بتقول إيه.. شوووفي حوووور وصلت لـ إييييه. هشام: وتفتكري اللي بتقوليه ده سبب للي انتي عملتيه فيها؟ تفتكري ده سبب لحقدك وكرهك ليها؟ سبب لإنك تكسري فرحتها في الأول إنك تفرقي بينها وبين فارس، وفي الآخر لما يرجعوا لبعض ماتحضريش فرحها؟

أحلام: وأنت تفتكر إنت يا هشام بيه إنها حست أصلاً بوجودي من عدمه ولا فرقت معاها من الأساس؟ حسام: اسمعي يا بت.. انتي أختك هتسافر بكرة بالليل مع جوزها.. قبل ما تسافر هاجي آخدك تروحي تعتذريلها وتبوسي إيدها ورجلها كمان عشان تسامحك.. وقبل ده كله الشيك اللي بعتتهولك ترجعيهولها. جلال: (جرا إيه يا حسام؟ ما تحسن كلامك يا جدع.. إيه تبوسي إيديها ورجليها دي كمان؟ حسام: (بيشاور بعصبية)

انت تخرس خالص وما تتدخلش بيني وبين أخواتي.. انت فاهم؟ جلال: (بس دي مراتـ…… آآآه) حسام: (أداله بالبوكس في وشه) قولتلك اخرس وما تتدخلش.. ولـ أحلام.. هاتي الشيك اللي معاكي.. اتحركي. أحلام: (بغيظ) الشيك مش معايا.. أنا حطيت الفلوس في البنك. حسام: يبقى الصبح هاجي آخدك بنفسي عشان ترجعي الفلوس لصاحبتها.. وكفاية عليكي وديعة اللي بـاسم بناتك.. انتي فاهمة ولا لأ؟

أحلام: لأ يا حسام مش فاهمة ومش هفهم غير اللي عايزاه وفاهماه وبس.. الفلوس دي حقي وحق بناتي.. وكفاية إني سبتها تتجوز وبكرة تخلف وخيرها يروح لنجوى وابنها. هشام: اننننتتتى إيييييه؟ جايبة السواد ده كله منيييين؟ أحلام: بلاااااش انت وحياة أمك.. ما أنت ياما اتكلمت في حقها وسمعتها انت والهام بتاعتك.. إيه؟ بقيت ملاك دلوقتي وأنا اللي شيـ طـااانة؟ هشام: (بندم)

آه.. كنت شيـ طـان يا أحلام.. بس عرفت غلطتي وندمت لما شوفتها وهي بتمووووت قصادي ومعرفتش أعملها حاجة.. آآآه.. كننننت وندمت لما حسيت في لحظة إنها ممكن يجرالها حاجة لما كانت مخطو فة وبرضه كنت عاجز.. لما اختفت وسابت الدنيا وبعدت وأنا 3 شهووور مش عارف ألاقيها.. حسيت قد إيه إني واحد واااطي.. إزاي أفرط في أختي وأتكلم في سمعتها وشرفها وندمت من قلبي ودعيت ربنا إنها تسامحني. حسام: (بنرفزة)

اسمعي يا أحلام.. أنا قولت اللي عندي.. والصبح هاجيلك عشان تعملي اللي أنا قولت عليه.. انتي فاهمة؟ أحلام: لأ يا حسام مش هعمل اللي انت قولت عليه ومش هرجع لها حاجة. حسام: ده آخر ما عندك يا بنت أمي وأبويا؟ أحلام: آه يا حسام.. ده آخر ما عندي. حسام: يبقى انتي اللي اخترتي.. ومن اللحظة دي اعتبرينا متنا مع بابا وماما.. يلا يا هشام.

وفعلاً خرجوا من عند أحلام وسابوها ومشوا ومش عارفين يعملوا إيه مع أختهم اللي طمعها ملا قلبها وعما عينها للدرجة دي. *** فـ ڤيلا فارس صحى من نومه وقاعد جنبها بيتأملها وهي نايمة جنبه. وبعد شوية وقت قام دخل الحمام وأخد شاور وتوضأ وخرج صلى فرضه وكمان ركعتين شكر لله إنها بقت من نصيبه وجمع بينهم في حلاله، ودعا ربنا كتير يديم عليهم السعادة. وقام نزل جهز فطار وطلع حط الصينية على الكومود وبيصحيها. فارس:

(بيشيل شعرها من على وشها وهمس) وحشتيني. حلم: (بابتسامة) صباح الخير يا حبيبي. فارس: يالهههوى ع الجمال.. انتي بتبقي حلوة أوي كدا وأنتي لسه صاحية من النوم؟ صباح الورد يا قلب حبيبك. حلم: (بـخجل) بس بقى يا فارس.. مش كل شوية تكسفني كدا. فارس: حور. حلم: نعم. فارس: (بهيام) بعشقك. حلم: (غمضت عينيها وفتحتها) وأنا عديت معاك مرحلة العشق من زمان وبقيت مهووسة بيك يا فارس. فارس: (بحب) قوليلي. حلم: أقولك إيه؟

فارس: هتوديني معايا لغاية فين؟ حلم: (ببراءة طفولية) هو أنا عملتلك حاجة يا فوفو؟ فارس: آآآه يا قلبي يا فوفو.. ارحمي فوفو يا قلب فوفو.. أبوس إيدك. حلم: (بضحك) الله.. هو أنا كلمتك؟ ههههههههههههه. فارس: انتي جننتيني من غير ما تتكلمي يا بنت الرشيدي.. يلا يا قلبي الفطار جاهز. حلم: حبيبي بنفسه جايب الفطار لغاية هنا. فارس: ومش بس كدا.. ده أنا كمان هعمل كدا.. وبيشيلها ورايح بيها ناحية الحمام. حلم: انت بتعمل إيه يا فارس؟

نزلني. فارس: تؤتؤتؤتؤ.. مش هنزلك غير جوة الحمام وأغسلك وشك وأسنانك بنفسي. حلم: (بـخجل) بس بقى يا فارس.. نزلني.. أنا هدخل الحمام لوحدي أرجوك. فارس: (بابتسامة صافية ومن غير كلام) نزلها في البانيو وفتح لها الماية وساعدها تاخد شاور وتلبس هدومها اللي اختارها ليها، وشالها وخرج تاني وقعدها على الكرسي قصاد المرايا. حلم مش قادرة تنطق من كتر خجلها. فارس ساكت ومستمتع جداً بكسوفها وهو بيسرح لها شعرها، وبعدها لفها ليه.

فارس: تعرفي بحب شعرك وهو مفرود كدا.. بتبقي حلوة أوي. حلم: (بصوت مبحوح) احم.. أنا جعانة. فارس: (وعينيه في عينيها) وأنا كمان جعان.. تعالي نفطر وبعد كدا هقولك موضوع خطير جداااااً. حلم: (وهي بتاكل) اممممم.. موضوع إيه ده بقى؟ فارس: (بغمزة) هنكمل الموضوع اللي كنا بنتكلم فيه بالليل. حلم: حبيبي شكلك هتبقى رغاي أوي وهتتعبني معاك في مواضيعك دي.. ههههههههههههه. فارس بعد ما خلصوا فطارهم وشال الصينية.. رجع وقعد جنبها وقرب منها.

فارس: يا قلبي لازم تعرفي حاجة مهمة أوي.. أنا مابفتحش موضوع إلا لما أخلصه على الآخررررر.. حتى لو هنناقشه مرة واتنين.. وقرب منها أوي وهمس: وعشر مرات.. المهم أناقش و…… وعاشوا في جنتهم مرة تانية. *** فـ بيت حلم نجوى قاعدة في شقتها تاني يوم الفرح ومعاها ولادها أدهم وأمل وياسمين وقصي وعاليا وسيف. وصحيت بدري وقاعدة في الليفنج وخرجت من أوضتها. أمل: صباح الخير يا مزة.. عاملة إيه يا قمر؟

نجوى: صباح الخير يا حبيبتي.. إنتي اللي عاملة إيه بعد تنطيطك امبارح في الفرح؟ أمل: (وهي رايحة المطبخ) اسكتي يا نجوى.. ابن ابنك ما بطلش ضرب فيا طول الليل كأنه بيعاقبني إني رقصت في فرح عمه.. أه وربنا. نجوى: ههههههههههه.. قولتلك يا بنتي اهدى واقعدي.. ما سمعتيش الكلام. أمل: (خرجت من المطبخ وماسكة في إيدها حتة جاتوه من بتاعة الفرح وخيارة في إيدها التانية بتاكل فيها) ازااااااي بس أقعد؟

ينفعش يا نوجتي أسيب الفرح شغال كدا وأقعد ساكتة. أدهم: (من وراها) يجرالك حاجة يا روحي لو قعدتي ساكتة.. (ولنجوى) صباح الخير يا ست الكل. نجوى: صباح الخير يا حبيبي.. نمت كويس يا قلب أمك؟ أدهم: أه يا قلبي.. نمت كويس الحمد لله. أمل: (وهي بتاكل في الخيار والجاتوه) أه يا حبيبي.. انت نايم وصوت شخيرك صحى الجيران وأنا طول الليل ابنك نازل خبط ورزع فيا. أدهم: (بضحك) قلـب أبوه بيستغيث يا روحي من اللي بتعمليه فيه.. هههههههههههه.

أمل: (بـتذمر طفولي وهي بتاكل) يا سلام يا سي أدهم.. بعمل فيه إيه إن شاء الله؟ نجوى: ههههههههههه.. ما بتعمليش حاجة يا أمل.. ده انتي هادية خالص حتى. أدهم: هههههههههههه.. هادية خالص.. ده كفاية اللي عملتيه امبارح.. ولا اللي بتعمليه دلوقتي ده. أمل: يا سلاااام.. وأنا بعمل إيه دلوقتي بقى؟ ما أنا قاعدة مكاني أهوه. أدهم: يا حبيبتي انتي بتعملي جريمة وإنتي مش حاسة.. بتأكلي بإيدك الاتنين خيار وجاتوه مع بعض.. طب ازااااااي. عاليا:

(الله يا جدع.. مش ابنك اللي عايز كدا؟ هي مالها بس؟ أدهم: (قردتي.. صباح الخير) عاليا: صباح الخير يا دومي.. وصبحت على نجوى وأمل.. صباحووو ورد عليكم يا حلوين. أمل: صباحووو فل يا لولي يا اللي نصافني.. إنتي دايماً. أدهم: حبايب قلبي يا ناس.. اقعدوا انتوا الاتنين بكروشكم دي على جنب بدل ما حد يدحرجكم.. ههههههههههههه. عاليا: (بـتذمر) أنا اعترض. نجوى: (بضحك) وبتعترضي ليه يا عاليا؟ عاليا: (وهي بتاخد من أمل حتة جاتو)

هاتى يابت حتة من اللي في إيدك ده. أمل: إيه؟ ماتروحي تاخدي من المطبخ.. هتبصيلي في رزق الواد ليه؟ عاليا: (وهي بتاخدها منها) يابت هو أنا لو قادرة أقوم كنت خدت منك يا منيلة.. وبعدين ابن أخويا وأنا حرة فيه.. (ولنجوى) يا حبيبتي ماحدش يقدر يدحرجني غير سيف حبيبي وهو لسه نايم لغاية دلوقتي. سيف: (من وراها) سامع اسمي.. خييير يا قلبي.. صباح الخير يا أمي.. وباس راسها.

نجوى: صباح الخير يا حبيبي.. عرفت تنام من عاليا ولا جننتك زي عوايدها؟ سيف: أكيد ما عرفتش.. زي كل يوم.. والليلة دي كانت بزيادة.. هههههههههههه. عاليا: الله.. مش بنتك طول الليل نازلة ترفصي فيا.. ولا إنت تنام يعني وأفضل أنا صاحية لوحدي؟ أمل: (بتبص لأدهم وهي بتكلم عاليا) جاتنا نيلة في حظنا الهباب.. أخوكي نايم طول الليل ولا كأن ابنه ده اللي نازل ضرب فيا ولا على باله. نجوى: ههههههههههه.. (لأدهم وسيف)

ربنا يعينكم عليهم يا حبايب قلبي. عاليا: على فكرة بقى.. أنا اللي بنتك يا ست ماما مش سيف حبيبي ها. نجوى: هو كمان ابني زيه زي أخواتك. قصي: (خرج هو وياسمين) صباح الخير عليكم كلكم. ياسمين: بطيخة أدهم وكورة سيف عاملين إيه بعد جنانكم امبارح؟ عاليا: اتريقي.. اتريقي.. بكرة تحصلينا يا اختي ونشوف هتعملي إيه. نجوى: (بحزن متداري) إن شاء الله ربنا يرزقها وتحصلكم. ياسمين: (لاحظت نجوى)

يا حبيبتي أنا مش مستعجلة أبداً على الخلفة.. ده بتاع ربنا.. وبعدين إحنا لسه يا دوب 4 شهور جواز يعني لسه عروسة. قصي: حبيبي العاقل يا ناس.. (وباس جبينها) ربنا يباركلي فيكي يارب. نجوى: (بصت لأولادها وشافت سعادتهم في عينيهم ودعت من قلبها)

"اللهم أسعد أولادي في الدنيا والآخرة، وارزقهم راحة البال وهناء العيش وصلاح الحال". "اللهم إني أسألك أن تُسعد أولادي وأن ترضى عنهم وترحمهم وتغفر لهم، وباعد بينهم وبين فعل المعاصي يا الله". "اللهم اكتب لأولادي السعادة والهداية والمعافاة، وأبعد عنهم ما يحزنهم ويضيق الدنيا عليهم". كلهم: اللهم آمين يارب العالمين. وقاموا باسوا راسها وإيديها.. وسيف نزل باس رجليها تحت اعتراض منها لكنه قدر فعلاً وباسها. نجوى: (بحزن)

ليه يابني تعمل كدا وتشيلني ذنب؟ سيف: ذنب إيه بس يا ست الكل.. ده انتي أمي وجز متك على راسي. نجوى: استغفر الله يابني.. ماتقولش كدا.. ربنا يعلم يا حبيبي غلاوتك انت وقصي من غلاوة فارس وأدهم. سيف: ربنا يبارك لنا في عمرك ويخليكي لينا. قصي: (باس راسها) يا حبيبتي ربنا يخليكي لينا وما يحرمناش منك أبداً. أدهم: نحن هنا يا ست ماما.. سيف وقصي هياخدوكي مني ولا إيه؟

قصي: خليك محضر خير يا دكتور.. وشوف بطيختك اللي راحت تقضي على الأخضر واليابس في المطبخ.. هههههههههههه. ياسمين: هههههههههههه.. مالي لا أرى الجبهة يا دكتور؟ عاليا: إني أراها حلقت في السماء يا أختاه.. هههههههههههه. أدهم: ماشي يا خفة.. منكم ليها له.. المهم بقى مش هتروحوا تسلموا على فارس قبل ما يسافر؟ نجوى: لأ يا أدهم.. سيبوه براحته.. ولما يرجع بالسلامة نبقى نروح ونسلم عليه.

وبالفعل قرروا إنهم يتصلوا بيه بس ولما يرجع يروحوا يزوروه في بيته. *** فـ بيت سالم المنصوري قاعد مع أخواته سلمى وجمال وبيتجنن من اللي حصل. خالد: (بغيظ) عيال أحمد مش ناويين يجيبوها لبر معايا؟ وشكلهم كدا هيرجعوا تاني هنا. سلمى: (بغيظ هي كمان) أخ يا ناااااري لو أطول أقطع زمارة رقبتهم كنت عملتها. جمال: (بتوتر) فـ فـ فارس مش سهل.. إنـ إنـ أنا قولتلكم.. ممش هيسكت على اللي بتعملوه.

خالد: جمااااال.. تعرف تنقطنا إنت بسكاتك.. أنا لازم أعرف هو اشترى الأرض دي إمتى عشان يبني عليها القصر ده. سلمى: انت شفت شكله عامل إزاااي.. ولا لما كتب عليه قصر أحمد المنصوري.. أنا مش عارفة انت ساكت إزاي كدا. جمال: نـ نـ نص القصر مبني في الأرض بتاعتنا إزاي؟ أنا مش فاهم حاجة.

خالد: فارس اشترى الـ 50 فدان اللي جنبنا في الناحية الشرقية.. زي ما يكون بيقول إنها الأرض بتاعتي أنا وأخواتي ورجع أخدها.. بس ده بعده شكله ناوي يرمل عروسته بدري ويحصل أبوه. سلمى: (باستفسار) وإشمعنى يعني الناحية الشرقية يا خالد؟ خالد: لأنها الأرض اللي أبوكي كتبهالهم.. وطالما ابن أحمد اشترى الأرض اللي جنبها وبنى قصره فيها يبقى عارف إن هي دي الأرض اللي باسمه هو وأخواته. جمال: طب إنت ليه سكت من البداية وهو لسه بيحفر ويبني؟

خالد: انت ناسى يا غبي.. هو شغال فين ورتبته إيه؟ كان لازم أسكت وأخططله على رواقة. جمال: لـ لـ لو سمحت مش كل شوية تقوللي يا غبي.. راعي إني أخوك مش شغال عندك. سلمى: ما تزعلش يا جمال.. أنت عارف خالد بيحبك قد إيه.. بس هو متعصب من فارس وبيفك فيك شوية.. لو ماكنتش أنت تستحمله مين يعني يستحمله غيرك؟ أنت أخوه. خالد: خلاص بقى يا جمال.. قالتلك سلمى أهي.. استحملني بقى شوية يا أخى.. (وجواه)

أمتى أخلص منكم يا ولاد سالم وأبقى أنا صاحب الهلُمة دي كلها. *** فـ ڤيلا فارس جهزت حلم شنط السفر واستعدوا لرحلة شهر العسل. وقبل ما يخرجوا من الفيلا رن جرس الباب. فارس: (بـأندهاش) ياترى مين جاي دلوقتي؟ حلم: يا حبيبي مش وقت اندهاش.. افتح شوف مين ع الباب. فارس: (وهو رايح ناحية الباب) أمرك يا قمر.. بس يا ترى ميـ…… وقطع كلامه لما فتح وشاف حسام. حسام: السلام عليكم ورحمة الله. فارس: حسام.. وعليكم السلام.. اتفضل تعال.

حسام: أنا عارف إني رخـم بصراحة.. بس حبيت أسلم على حور قبل ما تسافر. حلم: (اترمت في حضن أخوها) يا حبيبي يا أبيه.. ربنا ما يحرمنيش منك. حسام: (باس جبينها) مبروك يا حبيبتي.. ربنا يسعدك يا قلبي ويفرح قلبك دايماً. حلم: حبيبي ربنا يخليك ليا. حسام: (بهزار) قوليلي الواد ده قام بالواجب معاكي ولا لأ؟ فارس: (بضحك) ما تقلقش يا باشا.. قمت بالواجب على أكمل وجه.. هههههههه. حلم:

(وشها أحمر وحاسة إنها مش قادرة تاخد نفسها من كتر خجلها) وقامت راحت المطبخ.. أحم.. عن إذنكم. حسام: ههههههههههه.. تعالي بس.. رايحة فين؟ فارس: ههههههههههه.. أكيد هتستخبي في المطبخ شوية. حسام: فارس.. أنا جاي أعتذر لكم عن اللي عملته أحلام فيكم.. وفي نفس الوقت عايزك تساعدني إن حور تسامح أختها.

فارس: أنا بالنسبالي مسامح في حقي.. لأن اللي عملته أحلام قربني لحور أكتر.. لكن حور اتوجعت أوي من أختها.. وأنا مقدرش أقولها أنسي اللي حصل وسامحيها ببساطة كدا.. لازم تكون طالعة من جواها.. واسمحلي يا حسام.. مش سهل إن حور تبقى لوحدها يوم فرحها.. صحيح أمي وإخواتي البنات وصحباتها كانوا معاها.. بس كانت حزينة. حلم: (وهي خارجة من المطبخ وشايلة صينية عليها عصير وبتقدمه) (بدموع) تفتكر سهل يا أبيه إني أنسى اللي هي عملته؟

وحتى لو نسيت.. تفتكر سهل أكون لوحدي؟ مافيش حد معايا يوم فرحي غيرك انت وهشام؟ وحتى انت اتفاجئت بيك.. انت متخيل أنا كنت حاسة بإيه يوم كتب كتابي ولا يوم الفرح وأنا نازلة من البيت.. ولا وأنا بتصور.. وكل تفكيري إني وحيدة.. أه الفرح كان مليان كل أهلنا وأصحابي ورجال الأعمال وناس كتير.. بس فين أمي وأبويا؟ الله يرحمهم.. طيب فين عوضهم اللي في أخواتي؟ مش موجودين.. طيب انت متخيل أنا حسيت بإيه لما شوفتك قصادي؟

كان نفسي هي كمان تعمل زيك وتيجي تحضر فرحي.. طب أقولك حاجة؟ حسام: (وهو بيمسح دموعها) قولي يا حبيبتي.. بس بلاش دموعك دي بتوجعني يا حور. حلم: أنا لغاية آخر لحظة بعد الفرح وأنا بركب العربية مع فارس كنت مستنياها.. عارف لو كانت جات أو حتى بعتت بناتها مع هشام، صدقني كنت نسيت اللي هي عملته وكنت سامحتها.. أختي الوحيدة كسرتني يا أبيه.. واتمنت موتي.. انت متخيل ده؟ حسام: (أخدها في حضنه)

صدقيني يا حبيبتي.. أنا بهدلتها وهشام كمان ضربها وما سكتلها. فارس: (ساكت وسايب لهم مساحة يتكلموا.. بس ماقدرش يتحمل دموعها أكتر من كدا) حور.. ممكن تبطلي عياط وتنسي اللي حصل عشان خاطري. حسام: (خرجها من حضنه ومسكها من إيديها الاتنين) حبيبتي.. فارس عنده حق.. انسى وانبسطي مع جوزك.. ويلا بقى شدي حيلك عايز أبقى خالو لتاني مرة.. ماشي؟ هههههههه. حلم: حاضر يا حبيبي.. هحاول أنسى. حسام: لأ.. مش تحاولي.. لازم تنسي.. فهماني؟

ويلا بقى أسيبكم عشان ما تتأخروش على الطيارة. فارس: لسه بدري يا عم.. ما تقلقش. حسام: يادوب كدا يا باشا عشان تلحقوا وقتكم.. وطلع من جيبه ظرف لحلم. حسام: دي هديتك يا حبيبتي.. وألف مبروك كمان مرة. وبالفعل سلم عليها هي وفارس ومشوا. فارس: (بعد ما مشي حسام) يلا بينا يا قمري عشان نلحق نروح لنجوى قبل السفر. حلم: (بحزن) يلا يا حبيبي. فارس: حبيبتي.. ليه الحزن اللي في عينيكي ده؟

حلم: حبيبي.. ما تقلقش.. يلا بينا بس عشان نقعد مع نوجة شوية. وفعلاً خرجوا وركبوا عربيتهم وراحوا بيت حلم عشان يسلموا على نجوى قبل ما يسافروا. *** فـ بيت حلم وصل فارس وحلم وقابلتهم أم عبير. أم عبير: يا ألف نهار أبيض.. ألف نهار مبروك يا عرايس.. وعقبال البكاري يا باشا. حلم: الله يبارك فيكي يا أم عبير. فارس: تسلمي يا أم عبير. أم عبير: يا ماشاء الله.. إيه الحلاوة دي يا حور؟ هو الجواز بيحلى كدا ولا إيه؟ حلم: (بـخجل)

وبعدين معاكي يا أم عبير.. اسكتي بقى لله شوية. فارس: (ودراعه على كتف حلم) على فكرة حبيبتي حلوة من الأول يا أم عبير. أم عبير: طبعاً يا فارس باشا.. حور حلوة في كل حاجة.. يا بختك بيها.. ربنا يخليكم لبعض. حلم: (حدفت بوسة في الهوا لأم عبير) حبيبتي يا أم عبير.. تسلميلي يا سكرة.. عن إذنك بقى نطلع نسلم على ماما عشان مانتأخرش على السفر. وبالفعل طلعوا عند نجوى اللي اتفاجئت بيهم لما فاتن فتحت الباب وشافتهم.

حلم: السلاااام عليكم ورحمة الله. نجوى: (بـخضة) وعليكم السلام ورحمة الله.. خير؟ في إيه؟ انتوا ما سافرتوش ليه؟! فارس: (باس راسها) أهدي يا حبيبتي.. مالك مخضوضة ليه كدا؟ نجوى: يا حبيبي أنا مكلماك في الموبايل وقلت هتسافر المغرب.. ولقيتك جاي هنا وما سافرتش.

حلم: يا نوجتي يا قمر.. انتي الطيارة معادها الساعة 12 بالليل والساعة لسة 6.. قولنا نيجي نسلم عليكي ونمشي كدا على الساعة 7 وحاجة.. يادوب على ما نوصل ونخلص إجراءات الجوازات بس. نجوى: (خضتوني اخص عليكم) فارس: سلامتك من الخضة يا قلب فارس. نجوى: تسلم يا نور عيني.. تروح وترجع بالسلامة يا قلب أمك. حلم: (بهزار) نجوى.. أنا بغير يا قلبي.. على فكرة.. ماشي؟ أدهم: (تؤتؤتؤتؤ.. بقى بتغيري من ماما برضوا؟

حلم: أدهم.. بلاش تهدّي النفوس.. ماشي؟ عشان أنا بغير عليها مش منها. فارس: قلبي يا ناس اللي بتغير على أمي مني دي. نجوى: (حضنت حلم) (ولفارس وأدهم) بس يا واد انت وهو.. حور حبيبتي محدش يكلمها. أمل: (طالعة من المطبخ هي وعاليا وماسكين طبقين ساندوتشات) سلفتشي منورة يا عروسة. حلم: منورة بيكي يا قلب سلفتك.. إيه اللي انتوا عاملينه في نفسكوا ده؟ هههههههههههه.

عاليا: لأ بقولك يا عروسة يا مزة يا قمر انتشي.. إحنا حوامل يا اختشي وفى كلا بـ صعـ را نة بتلعب جوة.. لازم نسكتهم. فارس: (بضحك) وماله يا حبيبتي.. سكتيهم بس مش بالطريقة دي. أمل: اممممم.. مالها بقى يا باشا الطريقة دي.. مش عاجبك ولا إيه؟ فارس: ملهاش يا دكتورة.. أنا أقدر أتكلم برضوا.. ده انتوا كدا👍 .. (ولحلم) قومي بينا نمشي قبل ما ياكلونا.. ههههههههههه. عاليا: (بقى كدا يا أبيه؟ بتعد علينا الأكل؟

كانش العشم.. ده بدل ما تقول لما تخلصوا اللي معاكم أجيب لكم تاني.. أخص) فارس: ههههههههههه.. يا حبيبتي يا لولي.. سيبى حاجة للناس تاكلها طيب الأول. حلم: لأ لأ لأ يا فارس.. اخص عليك بجد.. دول بجد أكلتهم ضعيفة.. هههههههههههه. أمل: اتريقي.. اتريقي.. أنا مش هكلمك بس عشان انتي عروسة. ياسمين: (حبيبي يا فارس.. قولي بقى ناوي تسافر فين كدا؟ فارس:

(شوفي يا ستي.. الأول هنعمل عمرة إن شاء الله.. وبعدين نطلع على تايلاند نكمل باقي الرحلة.) عاليا: واااااو.. تايلاند مرة واحدة.. ما تاخدني معاك يا أبيه.. إن شاء الله تحطني في شنطة من الشنط.. ههههههههه. فارس: وماله يا قلب أبيه.. لما تولدي وتقومي بالسلامة هاخدك ونروح مرة تانية كلنا إن شاء الله. أمل: وعد يا كابتن؟ أصل أنا كمان عايزة أروح معاكم. فارس: إن شاء الله يا أمل.. بس أنتوا قوموا بالسلامة كدا وهنروح مرة تانية.

ياسمين: (قعدت في حضن فارس) هتوحشني أوي يا فارس. فارس: (وانتي كمان يا نور عين فارس.. هتوحشيني) (وبهمس سمعه قصي) (الواد ده عامل معاكي إيه؟ قوليلى لو مزعلك أعلقهولك قبل ما أسافر.) قصي: أنا أقدر برضوا أزعل روحي.. دي حبيبتي ومراتي وعمري كله. فارس: ربنا يخليكم لبعض.. أنا مش هوصيك عليها.. دي بنت قلبي وحبيبتي. عاليا: (بـتذمر طفولي) وأنا بقى إيه يا أبيه؟ سيف: (سؤال لولبي يا باشا كدا على السريع) فارس: (برفعة حاجب)

امممم.. خييير يا باشا؟ سيف: طب هي بنتك حبيبتك اللي هتبقى أحلى مامى.. انت بقى هتبقى خالو ولا جدو؟ فارس: (بص لعاليا) تافه أوي الواد ده.. هههههههههههه. أدهم: ده سؤال برضوا يا سيف باشا.. هيبقى عمو طبعاً. نجوى: أحلى عمو وخالو كمان.. ربنا يباركلي فيكم يا حبايب قلبي. كلهم: ويبارك لنا في عمرك يا ست الكل. فارس: يلا يا أدهم.. تعالى معانا وصلنا عشان ترجع بالعربية. أدهم: خلاص.. ماشي.. يلا يا باشا. أمل: (برجاء)

أجي معاك يا دومي عشان خاطري. أدهم: (برفض) لأ يا حبيبتي.. مش هينفع.. كفاية عليكي تنطيطك امبارح في الفرح. سيف: خلاص.. أجي أنا عشان ما ترجعش لوحدك.. ولا إيه؟ أدهم: خلاص تمام.. يلا يا سيفو.

وبالفعل نزلوا مع بعض بعد ما فارس وحلم سلموا على نجوى والبنات وقصي.. وركبوا عربية فارس اللي ساقها أدهم وجنبه سيف.. وحلم وفارس قاعدين وراهم. وأخيراً وصلوا المطار وخلصوا إجراءات السفر وسلموا على أدهم وسيف ومشوا.. ركبوا الطيارة وابتدوا رحلة شهر العسل. *** خالد: انننتتتت.. بتقووووول إيييييييييه؟ ***: …….؟؟؟