رواية العشق الابدي الفصل الثامن عشر 18 - بقلم لبنى دراز

شقة فارس نجوى: بخضة.. الوو خديجة خيير في حاجة حصلت خديجة: بأستغراب من ردها.. مالك يا نجوى فيكي ايه مخضوضة ليه كده نجوى: بتنهيدة.. مش عارفة يا خديجة من ساعة ما سلمى وهالة عرفوا طريقنا وجم ونا مش مرتاحة قلبي ع طول واجعني وخايفة خديجة: بصدمة.. نعمم انتي بتقولي ايه؟ مين اللي عرفوا طريقكم نجوى: بقول سلمى وهالة كانوا هنا ولسه ماشيين من كام يوم وسايبين شروق وضحى هنا خديجة: بعدم تصديق.. انتي بتتكلمي جد.. ازاي عرفوا يوصلولكم

نجوى: بشك.. انتي عايزة تفهميني انك ماكنتيش تعرفي.. يعني عايشة معاهم في نفس البيت وما تعرفيش بيروحوا فين وييجوا منين خديجة: ورحمة أحمد ما عرفت حاجة خالص.. انا من كام شهر اتخانقت معاهم ومش بكلمهم وقافلة على نفسي انا وعيالي وما اعرفش عنهم أي حاجة صدقيني نجوى: بأسف.. سامحيني يا خديجة بس انتي عارفة اللي حصل منهم زمان ودلوقتي شكلهم مش ناويين على خير وانا خايفة على ولادي منهم

خديجة: انا عذراكي يا نجوى ليكي حق تخافي وتبعدي بس هما عرفوا طريقكم منين نجوى: صدقيني مش عارفة بس من قبل ما ييجوا وسلمى كلمتني مرة او مرتين بس ما كنتش مرتاحة برضه لمكالمتها ربنا يستر خديجة: ان شاء الله خير.. المهم طمنيني عنكم نجوى: الحمد لله يا حبيبتي بخير كلنا.. انتي عاملة ايه وفاروق والولاد خديجة: بخير يا حبيبتي والله ده حتى فاروق كان لسه بيقولي فارس وأدهم وحشوني ونفسي أشوفهم

نجوى: وانتوا كمان والله وحشتونا.. ان شاء الله لما يرجعوا من أشغالهم هبلغهم ويكلموكي تيجوا تغيروا جو ونشوفكم خديجة: ان شاء الله.. اومال فين البنات هاتيهم أكلمهم نجوى: ياسمين وعاليا في المزرعة مع حور بنت أمينة.. مافيش غير شروق وضحى وبغيظ قاعدين في أوضة البنات تحبي تكلميهم خديجة: لااااا.. لا عايزة أكلمهم ولا عايزة أي حد يكلمهم شاربين من أمهاتهم الغل والحقد ربنا يهديهم كلهم نجوى: آمين يا رب العالمين

خديجة: ماشي يا نجوى انا بس حبيت أطمن عليكم والحمد لله إنكم بخير نجوى: تسلميلي يا رب يا ديجة.. مع السلامة.. وقفت المكالمة وقلبها لسه واجعها وحاسة إن فيه حاجة كبيرة هتحصل وقلقانة وخايفة. في نفس الوقت في المستشفى أدهم: بعد ما خلص عملياته وخلص مرور على المرضى راح لأمل مكتبها.. هو القمر بيطلع بالنهار وأنا ما أعرف أمل: بهزار.. أندومي حبيبي وحشتني من 4 ساعات ههههههههههه أدهم: بأستغراب.. أندومي؟ انتي جعانة يا حبيبتي؟

عارفة فاكرة أنا أعرف واحد بيعمل طعمية مالهاش حل تحبي أطلبلك أوردر ههههههههههه أمل: بغيظ مصطنع.. لا يا قلبي أنا مش جعانة.. أنا بدلعك يا روحي أدهم: بتدلعيني؟ بقى أنا أدهم المنصوري أبقى دكتور أندومي ههههههههههه أمل: وأحلى أندومي يا ناس ههههههههههه أدهم: بضحك.. ويا ترى بطعم إيه بقى ههههههههههه

أمل: بكل الطعوم يا روحي.. لحمة وفراخ وخضار.. قصدي بطعم الحب وبطعم الحنية وبغيظ منه وبطعم العصبية وبتشاور بطريقة كوميدية مع رياكشن وشها.. ما حبيتهوش خالص الطعم ده أدهم: واقف وحاطط إيده الاتنين في وسطه وبغيظ مصطنع.. والله!! طيب أنا بقى مش هدوقك غير الطعم ده أمل: لااااا بقولك إيه اعقل كدا يا كبير انت هتاخد على واحدة مجنونة زيي دي تيجي برضه دكتور أندومي الجميل يعمل عقله بعقلي ماينفعش طبعًا خليك فريش كدا

يا دوك ههههههههههه أدهم: بضحك.. اه يا مجنونة.. بموت في رومانسيتك يا قلبي ههههههههههه أمل: مسكت ياقة البالطو بتاعها وقالت بلا فخر.. نحن نختلف عن الآخرون يا دكتور.. ههههههههههه أدهم: حبيبي المختلف يا ناس. المهم خلصتي كشوفات ولا لسه عشان أوصلك البيت أمل: اه يا أندومي خلصت ثواني بس أجيب شنطتي وأجيلك جرى.. أدهم: بغيظ مرح.. ياريت يا قلبي بلاش أندومي دي قصاد حد وخصوصًا عاليا خليها بينا كدا.. ماشي يا روحي

أمل: من عيوني الجوز وقلبي الـ 18 يا أحلى أندومي ههههههههههه أدهم: بصدمة.. نعم ياختي؟ قلبك إيه؟؟ أمل: التمنتاااااااااشر ههههههههههه أدهم: بأستغراب.. هو مش كان قلب واحد بس الـ 17 دول جم منين.. ههههههههههه يلا يا مجنونة ألحق أوصلك قبل ما فيوزات عقلي تضرب بسببك ههههههههههه وخرج أدهم مع أمل بعد ما خلصوا شغلهم وراح يوصلها الأول بيتها الأول قبل ما يرجع بيته. في مخزن قديم

فاقت حلم لاقت نفسها في مكان شبه ضلمة يا دوب إضاءة خفيفة ومتكتفة على كرسي وبدأت تفتح عينيها. واحدة واحدة لقيت المقنع في وشها. المقنع: هاهاهاهاهاهاهاهاها وأخيرًا الأسطورة وقعت تحت إيدي حلم: بتمثيل القوة وجواها خوف متداري.. أنت مين وعايز مني إيه؟

المقنع: قرب منها وهمس.. أنا قدرك.. عملك الأسود يا حلوة.. أما عايز إيه.. عايز أشوف شكل حبيب القلب اللي بيدور ورايا لما يشوف حبيبته اللي عاملة فيها 7 رجالة في بعض وبتصورني وبتهددني وهي مذلولة ومربوطة على كرسي وبتركع تحت رجلي عشان أرحمها من اللي هعمله فيها بعد ما آخد اللي أنا عايزه منها وقصاد عينيه حلم: ضحكت بقوة هههههههههههههههههههه هو انت لسه عايش في أحلامك يا عابد.. وبقوة أكبر.. مش حلم الرشيدي اللي

تركع وتتذل لكلب زيك عابد: بغضب.. انتي أييييه ما بتتهدييييش.. عرفتيني إزاي حلم: ضحكت بأستهزاء.. مش قولتلك قبل كدا إنك غبي.. من صوتك طبعًا وجسمك وقبلهم أفكارك الزبالة وبأستفزاز.. عارف انت لو راجل كنت وقفت قصادي وجهًا لوجه ما كنتش خطفتني وربطتني وانت مستخبي ورا قناعك.. أما انت مش راجل عابد: قاطع كلامها بغضب.. وضربها بالقلم على وشها بكل قوته.. أخرسيييي

حلم: ههههههههههه مش بقولك مش راجل.. على فكرة مش من الرجولة إنك تتشطر على واحدة ست وتربطها بالشكل ده عابد: ههههههههههه ابتديتي أهو تضعي وتستعطفي حلم: ده في أحلامك.. وهقولهالك تاني لأ تالت انت مش راجل ولو راجل فكني وأنا أعرفك مقامك كويس ولا خااااااايف؟

عابد: هفكك ماتقلقيش.. بس لما يجي فارس باشا وهمس.. أصل الليلة ليلتك يا قمر واللي ما عرفتش أخده برضاكي هاخده غصب عنك وقصاد عينيه ويبقى يوريني بقى هيعمل إيه وهو شايفك يا بنت الرشيدي وأنتي تحت إيدي ومش عارف يخلصك مني يااااا مدام مقدمًا ههههههههههه حلم: بغضب.. على جثتي إنك تلمس شعرة مني يا حيواااااان.. وأوعى تفتكر إن فارس ضعيف أو هيخاف منك وبقوة.. خليك فاكر وقت ما يظهر فارس اعرف إنك ميـت

عابد: بغضب أكبر شدها من شعرها.. انننننتتتي جاااايبة الجبروت ده منين واحدة غيرك كان زمانها مرعوبة وميتة في جلدها من اللي هيتعمل فيها.. وزق دماغها بقوة حلم: بقوة.. عشان أنا حلم الرشيدي.. مش أي واحدة غيري عابد: بوقاحة.. بيلمس وشها بإيده.. ليه بس كدا يا بيبي تعصبيني وتخليني أعمل حاجات ما كنتش عايز أعملها.. أهو عشان غلطك ده هخلي رجالتي تكمل معاكي اللي هبدأه أنا.. بس بعد ما آخد وش القفص ههههههههههه

حلم: مش هيحصل.. أنا معايا ربنا هينصرني عليك ودعوات أمي محوطاني وصدقني هتندم ندم عمرك عابد: ببرود.. أسيبك بقى يا بيبي عشان أجهز أصلي عريس واللّيلة ليلتي.. وهبعتلك ليمون يهديكي يا عروسة.. وبغمزة عشان نعرف نقضي ليلتنا سوا ههههههههههه وبالفعل سابها وخرج. حلم: بخوف.. ياااارب خليك معايا ونجيني منه ياااااارب.. وجواها.. أنت فين يا فارس أنا محتاجالك أوي. في بيت رانيا

بعد ما قفلت رانيا مكالمتها مع حلم قعدت بتوتر وقلق وجواها صراع مع ضميرها. رانيا: اللي عملته هو الصح.. عابد بيحب حلم من زمان واكيد هيصالحها وهي هتوافق ترجعله. ضميرها: كان المفروض تقوليلها.. هي من حقها تعرف إن عابد اللي عايزها مش تحطيها قدام الأمر الواقع. رانيا: انا بعمل كدا عشان مصلحتها. ضميرها: مصلحتها؟! ولا مصلحتك انتي. رانيا: انا ماليش مصلحة غير إني عايزة أشوفها سعيدة مع عابد.

ضميرها: وبالنسبة للهدايا اللي بتقبليها من عابد قصاد إنك تعرفيه أخباره. رانيا: بغضب.. ما حصلش أبدا انا كنت بس بتكلم بحسن نية والهدايا دي من صديق مش أكتر. ضميرها: طيب ما فكرتيش لو الصديق ده قالها إنك كنتي بتبلغي له كل خطواتها إيه اللي هيحصل؟ رانيا: عابد أكيد مش هيعمل كدا مستحيل.. لو كان عايز يعمل كدا كان عملها من زمان. وفاقت من شرودها على رنة موبايلها بيعلن عن رسالة من عابد وفتحتها وكان نص الرسالة:

"عارفة يا رانيا انا لو فكرت في أكتر حد بيكره حلم.. مش هيعمل ربع اللي انتي عملتيهههههههههههههه شكرا يا رنوش حقيقي مش عارف ارد جميلك ده إزاي واه صحيح حلم عندي وهقضي معاها أجمل ليلة في العمر بسببك يا روحي شكرا كمان مرة يا أحلى مغفلة في حياتي ههههههههه"

رانيا: بصدمة من الرسالة.. يا نهاااار اسو…. عابد خطف حلم يالهوووي.. أعمل إيه وأتصرف إزاي منك لله يا عابد ورطتني معاك.. دلوقتي أكيد حلم قالت لـ الاء إنها خارجة معايا.. لا أنا لازم أروح المزرعة قبل ما يعرفوا باللي حصل ويشكوا فيا. نرجع المزرعة وصلت الاء المزرعة وهي منهارة من العياط وقابلها. حازم: بغضب من غير ما ينتبه لعيطها.. كنتي فييييين انطقـ..

وقطع كلامه شهقاتها وشكلها.. وبخضة.. مااالك يا الاء فيه إيه حصل بتعيطي ليه بالشكل ده يا حبيبتي. الاء: بدموع من بين شهقاتها.. حـ حـ حلم اتخـ طفت يا حازم قولتلك قلبي مقبوض ماصدقتنيش. حازم: بصدمة.. انتي بتقولي إيه حصل إزاي الكلام ده وامتى. الاء: بدموع حكت اللي حصل من وقت ما شافت هشام داخل المزرعة لغاية ما رجعت تاني المزرعة بعربيته.. حازم: بغضب.. مييين ممكن يكون عمل كدااااا ميييين.

الاء: مش عارفة يا حازم مش قادرة أفكر.. وكمان فارس شك فيا انا وهشام.. معقول انا ممكن أذي حلم.. دي أختي والله وانت عارف غلاوتها عندي أنا أفديها بروحي.. عشان خاطري يا حازم رجعهالي أبوس إيدك. حازم: أهدي بس يا حبيبتي.. واعذري فارس انتي عارفة هو بيحبها قد إيه.. واكيد ان شاء الله هيقدر يرجعها بالسلامة وهي عرف الحقيقة كلها ويعرف إنك مالكيش دعوة بخطفها. في نفس اللحظة

رانيا: وصلت المزرعة وسمعت كلام حازم والاء وقررت إنها تستغله وتبعد الشك عنها. رانيا: بزعيييق.. اييييه اللي سمعته ده انتي.. انتي يا الاء اللي تساعدي في خطف حلم انننننتي. الاء: بعصبية أكتر.. انتي اتجننتي يا رانيا انا مش ممكن أعمل كدا مش ممكن أءذيها أبدا.. دي أكتر من أختي وأفديها بحياتي. رانيا: كفااااية بقى شعاراااات كدابة.. مش بعيد تكوني أصلا انتي وجوزك عاملين الفيلم ده كله عشان عايزين لكم كام مليون منها.

حازم: قاطعها بغضب.. انننننتتتي وااااعية للي بتقوليه ده يا رانياااااا.. عموما لو حد ليه مصلحة في خطفها يبقى انتي لأنك آخر واحدة كلمتها وبعدها خرجت تقابلك. رانيا: بصوت عالي.. اااااه هاتوها فيااا انا بقى.. اسمع يا حازم انا فعلا كلمتها تقابلني وماجاتش ولما اتأخرت عليا جيت عشان أشوفها وسمعت كلامكم. صوتهم كان عالي جدا لدرجة إن عمال المزرعة اتجمعوا وطلعت ياسمين وعاليا على الصوت. ياسمين: بخضة.. فيه إيه!! بتتخانقوا ليه.

# : الست حلم اتخـ طفت والست الاء هي اللي ساعدت في خطفها. عاليا: بزعيييق.. انت بتقووول اييييه انت مجنون حلم مين اللي اتخـ طفت. # : حلم هانم صاحبة المزرعة.. وصاحبتها هي اللي غدرت بيها. حازم: انتوا هتصدقوا ولا إيه انتوا كمان.. ده مش ممكن يحصل أبدا.. أكيد في حد ليه مصلحة إنه يوقع بينا. رانيا: اه وماله خلينى معاك للآخر.. تقدر تقولي راااحت هناك ازاي ومع هشام كמאااان.

حازم: لولا إنك ست وإني ما اتربيتش على إني أمد إيدي على واحدة كنت عرفت أربيكي كويس على كلامك ده. ياسمين: بدموع.. انتوا إيه قاعدين بتتخانقوا في مين السبب وساكتين ما فكرتوش تبلغوا ولا تدوروا عليهاااااا انتوا أصحابها ازااااااااى. عاليا: بدموع بترن على فارس عشان تبلغه ومافيش رد.. ورنت على سيف برضه مافيش رد. الاء: بتعب شديد مسكت بطنها ولسه هتتكلم ووقعت فاقدة الوعي.

حازم: الاااااااء.. وبخوف شالها ودخلها الفيلا عند حلم لأنها قريبة من المكان اللي واقفين فيه واتصل بالدكتور اللي جه وبلغه إنها فقدت وعيها بسبب صدمة عصبية وقاله إنه أدالها حقنة مهدئة وإن الجنين في خطر ولازم راحة تامة وتبعد عن أي ضغوطات. نرجع عند فارس وصل هو وهشام المكان اللي فيه حلم وكان عبارة عن مخزن قديم وسط مزارع متطرفة على الطريق الصحراوي وشاف شكل المخزن والحراسة اللي عليه.

فارس: لهشام.. انت تستنى هنا ما تتحركش من مكانك انت فاهم ده لو عايزني أصدق إن مالكش علاقة بخطفها. هشام: بقلق على أخته.. حاضر حاضر مش هتحرك. فارس: بتحذير.. مش محتاج أفكرك إن أي حركة فيها حياة أختك يعني تعقل كدا وتفضل مكانك لغاية ما أتصرف أنا وأعرف أخرجها. هشام: صدقني مش هتحرك بس ارجوك ألحقها. فارس: ان شاء الله.. وطلع موبايله اتصل بسيف.. الوو سيف انت فين. سيف: أنا خلاص 10 دقايق وأوصل ومعايا القوة.

فارس: طيب خد بالك وانت جاي المخزن عليه أربع رجالة اتعامل بحكمة معاهم وأنا هحاول أشوف أي مدخل تاني. سيف: ماتقلقش ياصاحبي. فارس: وهو بيكلم سيف وبيستكشف المكان شاف شباك.. وقال لسيف.. أنا لقيت شباك هحاول أدخل منه. سيف: تمام.. بس خد بالك.. إحنا لسه ما نعرفش مين اللي خاطفها. جوه المخزن عابد: دخل عند حلم قبل ما يوصل فارس بدقايق وبكل برود.. إيه رأيك في الضيافة عندنا ولا خمس نجوم مش كدا.

حلم: ساكتة مافيش رد وبتحاول تفك إيديها. عابد: تؤتؤتؤتؤ.. هي طنط أمينة الله يرحمها علمتك إنك ماترديش على حد بيكلمك؟ .. اممممم والله مالهاش حق. حلم: ببرود.. أه علمتني إن اللي بيهوهو ماحدش بيرد عليه بيسيبوه يهوهو كدا من غير ما يعبروه. عابد: بغيظ.. هعتبر نفسي ماسمعتش حاجة.. ومن بين أسنانه.. بس قسما بالله لو غلطتي تاني ماتلوميش إلا نفسك. حلم: أنا ما بتهددش.. أعلى ما في خيلك أركبه.

عابد: قرب منها أوي وحط إيده على وشها.. وهمس.. صحيح ماقولتليش أخبار رانيا إيه.. واتعدل بضحك.. هاهاهاهاهاهاهاهاها. حلم: شيلي إيدك ياحيوااااان.. أنت مالك ومالها.. أوعى تيجي جنبها أنت فاهم. عابد: بخبث.. يا خسارة على الصحاب.. شوفي إزاي انتي بتدافعي عنها وهي اللي غدرت بيكي. حلم: وهي مازالت بتحاول تفك نفسها.. بعصبية.. إيييه اللي اننننتتت بتقووووله ده.. انت باين عليك اتجننت.

عابد: بضحك.. معلش أصلك هبلة وعلى نياتك وما تعرفيش إنها هي اللي جابتك لغاية عندي وسلمتك تسليم أهالي.. هاهاهاهاهاهاهاهاها الغبية كانت فاكرة إني لسه بحبك وبصراحة أنا استغليت الوضع هاهاهاهاهاهاهاهاها. حلم: بغضب.. انننننتتتتت كدااااااب ومهما تقوول مستحيل أصدقك يا عااااابد. عابد: وليه بس الغلط ده يا بيبي.. وببرود.. طيب أقولك أمارة؟ مش هي كلمتك عشان تروحي معاها المول تشتري شوية حاجات.. ها.

حلم: ساكتة مافيش رد وبتحاول تستوعب كلام عابد. عابد: خدي دي بقى.. هي اللي كانت بتنقل لي كل أخبارك دي كان ناقص تقول لي بتاكل إيه وتشرب إيه.. وبغمزة.. ولابسة إيه. حلم: مصدومة من اللي بتسمعه وجواها رافضة تصدق.. معقول صاحبتي تبيعني كدا.. معقول عشرة 10 سنين وما عرفتهاش على حقيقتها.. مش ممكن.

عابد: لالالا لأ صحصحي معايا كدا اومال.. ده إحنا لسه في الأول.. وخذي بقى المفاجأة التانية.. أخوكي هشام مظلوم يا حرام.. ومراته هي اللي كانت مستغفلاه.. وفعلا ما يعرفش اللي بتعمله من ورا ضهره.. بس بصراحة البنت جامدة وخسارة في أخوكي.. وخذي الكبيرة بقى.. أنا خاطفك بنتـ قم من فارس فيكي لأنه دمر لي شغلي وخسرني مليارات وحظكم بقى إنكم أكتر اتنين واقفين قصادي وبتحاروبوني. حلم: ااه يا ولاد الـ……. وبكل قوة.. اتفوووو.

عابد: بيمسح وشه.. برضه بتغلطي.. طب أعمل إيه تاني أكتر من كدا. حلم: أخيرًا قدرت تفك نفسها.. ولا تقدر تعمل حاجة.. وقريب أوي هدفعك تمن كل اللي انت عملته ده. عابد: بأعجاب.. يعجبني فيكي ثقتك بنفسك.. ولسه هيقرب منها. حلم: بثقة.. أكيييد حلم الرشيدي دايما واثقة في نفسها.. وياما قولتلك إنك مش قدي.. بس انت غبي مصمم تخسر قدامي.. وبقوة.. أنا وعدتك إني هنهي اللعبة لصالحي وأنا قد وعدي.. وغفلة.. بكل قوتها ضربته بالبوكس في مناخيره.

عابد: اختل توازنه شوية.. وبغضب.. يابنت الـ…. ورد لها الضربة. حلم: بغضب.. أقسم بالله هتجيب سيرة أهلي على لسانك الوسـ…. هقطعـ هولك.. وضربته بوكس أقوى من الأول.. يلا وريني نفسك واجهني. عابد: فاجئها ببوكس قوي في وشها. حلم: في حركة سريعة ردت له الضربة بقوة وقعته على الأرض. في نفس الوقت فارس: دخل وبغضب.. مسك عابد من كتفه.. والله ووقعت يا عابد دوختني وراك يا المقنع.

عابد: فلت نفسه من فارس وبيحاول يضربه.. كنت مستنيك يا باشا بس ما كنتش متوقع إنك تيجي بالسرعة دي. فارس: وهو بيضربه فيه.. عارف إنك مستنيني عشان كدا ما حبيتش أتأخر عليك. عابد: بيصد الضربة ومش قادر يقاوم أكتر كدا. فارس: بيضرب بغضب.. ده حق البلد اللي انت خنتها.. وده حق حلم عمري اللي انت خطفتها.. حرفيًا عابد كان هيموت في إيده. برا المخزن

سيف: نزل واتحرك بخفة هو والقوة اللي معاه وقبض على رجالة عابد اللي واقفين على باب المخزن وبعدها دخل المخزن وشاف فارس وهو في قمة غضبه. فارس: بغضب بيضرب عابد لدرجة إن عابد مابقاش فيه حتة سليمة. حلم: جريت على فارس خلاص عشان خاطري كفاية سيبه. فارس: ساب عابد وبخوف ضمها في حضنه بيطمن نفسه إنها بخير.. وبيرفع وشها شاف أثر الضربة على وشها.. مسك وشها بين إيديه.. هو اللي عمل فيكي كدا.

حلم: ما استحملتش إيد فارس على وشها وبدموع الوجع.. إيه. فارس: بغضب.. عااااابد انت عارف الإيد اللي تتمد على اللي يخص فارس المنصوري بيحصل فيها إيه.. وهو بيكسر له دراعه.. بيحصل فيها كدا.. وكمل ضرب فيه. عابد: صرخ من شدة الألم ومش قادر ياخد نفسه. سيف: فارس خلاص سيبه هيموت في إيدك.. ومتقلقش لسه حسابه ماخلصش ومش هنسيبه غير على الإعدام.. ومو فعلاً تم القبض عليه هو ورجالته.

حلم: بقوة.. لـ عابد وسيف قابض عليه.. عااااااابد وعدتك ووفيت بوعدي.. وسجلت هدف الفوز في الوقت الضايع ونهيت اللعبة.. كدا خلاص جيم أوڤر يا عابد. عابد: بغضب.. هرجعلك يا حللللللم مش عابد الوزير اللي تكون نهايته على إيدك يابنت الرشيدي هرجعلك خليكي فااااكرة. حلم: ههههههههههه لما تنزل من على حبل المشنقة إن شاء الله. فارس: ضربه بقوة.. اخرس ما أسمعش صوتك ده تاني وأمر سيف يمشي بيه ويسلمه للقطاع ويقفل ملف القضية نهائيًا.

سيف: تمام يا فارس. فارس: أخد حلم في حضنه وخرج بيها ووصل عند العربية وشاف أخوها. هشام: حور أنااا.. وقبل ما يكمل كلامه قاطعته حلم ورمت نفسها في حضنه.. واتفاجئ هو وفارس برد فعلها.

حلم: شششش ماتتكلمش.. أنا عارفة ياحبيبي إنك عمرك ما أذيتني بس يلا بقى ربنا ينتقم من اللي كانت السبب.. وصدقني أنا مسامحك على كل حاجة لأني عرفت إنك مالكش ذنب في اللي حصل معايا.. وبالفعل ركبوا العربية وراجعين على المزرعة وسيف وعربية القوة طلعوا بـ عابد ورجالته على القطاع. في العربية

ركبت حلم عربية فارس وهي مش مصدقة كل اللي حصل وفارس سايق وكل شوية يبص عليها في المراية بيطمن نفسه إنها خلاص بخير ومعاه وموبايله رن باسم عاليا ورد عليها. فارس: بتعب.. الوو أيوا يا عاليا. عاليا: بدموع.. أبيه فارس ألحق حـ حـ حورر اتخـ طفت. فارس: أهدي يا حبيبتي وطمنيني حور معايا وإحنا راجعين في الطريق. عاليا: بفرحة.. بجد بجد يا أبيه حور معاك بجد. فارس: بجد يا قلب أبيه بس عايز منك طلب ممكن. عاليا: ممكن طبعًا يا أبيه.

فارس: أبعتي لـ أدهم ييجي عشان حور تعبانة وجهزي أوضتها لغاية ما نوصل ممكن. عاليا: حاضر يا أبيه هتصل بأدهم وأقوله.. توصلوا بالسلامة. فارس: تسلميلي يا حبيبتي.. سلام.. وقفل المكالمة وعينه من وقت للتاني على حلم وشايف قد إيه باين عليها التعب. هشام: بندم.. لف وشه لحلم.. أنا آسف يا حور. حلم: بتعب.. ما تتأسفش يا هشام قولتلك انت مالكش ذنب وأنا مسامحاك.

هشام: لاااازم أتأسف.. أتأسف إني ماكنتش الأخ اللي بتتمنيه.. آسف إني ماكنتش سندك وقت ما تميلي.. آسف إني ماكنتش قوتك وقت ضعفك.. آسف إني سمعت كلام الشيطـ انة اللي كانت معايا وصدقتها واتكلمت في حقك كلام مش كويس.. آسف إني فكرت في نفسي وبس.

حلم: قربت من هشام وحطت إيدها على كتفه.. حبيبي صدقني أنا متأكدة إنك كنت ماشي ورا قلبك.. بس متأكدة برضه إنك ابن حلال وتربية أمينة ومحمد عمرها ما تكون غلط أبدًا لأنهم ربونا صح وعلمونا إزاي نحب بعض.. بس للأسف الاختيار الغلط سبب كافي للعواصف اللي قامت وأخيرًا الدنيا بقت صافية وقدرت أشوف الحقيقة كويسة. هشام: بدموع الندم.. للأسف فوقت متأخر.. متأخر أوي.. وبصرخة وجع.. اااااااااااااه ياااارب سامحني.

فارس: مش مهم فوقت إمتى المهم إنك فوقت يا هشام.. وسامحني إن كنت شكيت فيك بس… هشام: بمقاطعة.. بالعكس حقك تشك فيا لأن ما كنتش نعم الأخ وحور اتعرضت لمشاكل كتير بسببى. فارس: بشرود.. أنا كنت هتجنن عليها وأنا سامع صوت الرصاص كنت هتجنن وأنا مش عارف أعمل حاجة كنت حاسس بالعجز ولما شوفتك انت والاء عند عربيتها ماشوفتش قدامي وما عرفتش أنا كنت بقول إيه.

هشام: عارف رغم كل اللي انت قلته بس شوفت في عينك نظرة ما عرفتش أحددها بس عرفت قد إيه حور مهمة أوي عندك. فارس: سايق وجواه.. حور دي الهوا اللي بتنفسه وعايش بيه.. من غيرها أنا ماليش وجود.. وقال.. مهمة جدًا يا هشام جدًااااا. في المزرعة وأخيرًا وصلوا المزرعة وأول ما وصلوا شافوا الكل واقف مستنيهم.. حازم ورانيا وعاليا وياسمين وقصي وأدهم اللي كان لسه واصل والعمال الكل واقفين عايزين يطمنوا على حلم.

ومن قبل ما تنزل حلم من العربية وهي عينها على رانيا اللي كانت أول واحدة تجري عليها. حلم: نزلت من العربية ورانيا قربت عليها تحضنها.. فاجأتها بقلم على وشها بكل قوتها وما حدش فاهم ليه. رانيا: بصدمة.. بتضربيني يا حلم. حلم: بغضب.. بفوق نفسي من وهمممم كنت عايشااااه. حازم: بعدم فهم.. طيب فهمينا. حلم: بتشاور بصبعها في وش الكل.. مااااحدششش يتكلللللم. فارس: لسه هيتكلم.. طيب فهميـ….

حلم: بغضب.. فاااااااااارس قولت ماحدش يتكلم.. وبتشاور برضه بصبعها.. ولا حتى انت.. ورجعت تاني لرانيا اللي لسه واقفة مصدومة.. ماااالك مصدومة لييييه يا صاحبتي ايييييه كنتي فااااكرة إني مش هعرف إنك شريكة الكلب عاااابد. رانيا: بدموع.. والله ما كنت أعرف إنه هيعمل كدا صدقيني يا حلم ما كنتش أعرف.

الكل واقفين مصدومين من اللي بيسمعوه وفعلاً ما حدش فيهم قادر يتكلم حتى فارس بيشوف حلم جديدة أول مرة يشوفها وما كانش متخيل إنها تكلمه هو كمان بالطريقة دي. حلم: بتسقيف👏.. براااااااافوووو.. صدقتك أنا كدا.. وإنك ما كنتيش تعرفي.. وبغضب أكبر.. تقدري تقوليييلي كنتي مصممة إني أخررررج معااااااكي لييييييه لو ما كنتيش عارفة إنه هيخـ طفني اننننطقققق.

رانيا: بخوف من شكل حلم.. صدقيني هو قال لي إنه عايز يطمن عليكي ويصالحك عشان ترجعي له.. هو قال إنه لسه بيحبك وأنا صدقته والله ده اللي حصل. حلم: ااااااه ده على أساس إن الهااااانم صاحبة عمري اللي مابخبيش عليها حاجة ما كانتش بتعرف أخباري وتروح تبلغه. حازم: بغضب.. ياااابنت الـ…. بقى انتي يطلع منك كل ده وجاية ترمي بلايكي على الاء.. الااااااء اللي ضافرها برقبتك.

حلم: حااااااازم قولت ماحدش يتكلم اسسسكت.. ولـ رانيا.. عملتي إيييه لـ الاء انطقي.. قولتي إنها السبب صح؟ قولتي كدا واتهمتيها مش كدا.. وضربتها قلم تاني أقوى.. انننننطقققيييي اتهمتيها زي عواااايدك زمان.. عمرك ما هتنضفي أبدا هتفضلي دايما سوووودة من جواكي وللاسسسسف أنا كنت غببييييية وانخدعت فييييكى. رانيا: بدموع.. حلم اناااا…

حلم: بمقاطعة بتعب.. أخررررسى مش عايزة أسمع صوتك ولا أشوفك تاني ويااااريت تخرجي من حياااااتي برااااااا. بعد ما مشيت رانيا حلم وقعت فاقدة وعيها. فارس: جرى عليها يلحقها وبصرخ.. بسرررعة يا أدهم أعمل حااااااجة. أدهم: ماتقلقش هتبقى كويسة أكيد بس من الضغط النفسي اللي كانت فيه. هشام: بخوف.. جرى خدها من فارس وشالها طلعها أوضتها والكل جرى وراه عشان يطمن عليها.

أدهم: بجدية.. يا جماعة لو سمحتوا الكل برة وعاليا وياسمين خليكم ساعدوني. فارس: بدموع الخوف.. أنا مش طالع يا أدهم غير أما تفوق وأطمن عليها. أدهم: اطلع يا فارس لو سمحت أنا كدا مش هعرف أفوقها. فارس: بنرفزة.. قولتلك مش طااالع واتفضل شوف شغلك وانت ساااكت. أدهم: بيحاول يفوقها وجواه.. قد إيه فارس عاشق حلم للدرجة دي.. معقول فيه حد قدر يعمل كدا في أخوه اللي طول عمره مافيش واحدة قدرت تهز شعرة فيه..

وفعلاً بعد فترة قدر يفوقها وخرج هو والبنات وساب فارس معاها. فارس: حمد الله على سلامتك يا عمري. حلم: بتعب.. الله يسلمك يا فارس. فارس: بخوف.. كنت همووووت من الخوف عليكى.. روحي كانت بتروح مني وانت بعيد عني كنت هتجنن عليكي. حلم: بتعب.. كنت واثقة إنك هتيجي تلحقني ومش هتسمح له يأذيني. فارس: أفديكي بعمري يا عمري اللي فات وعمري اللي جاي.. أنا من غيرك ولا حاجة. حلم: قد كدا بتحبني.

فارس: حور أنا حبي ليكي عدى المدى.. أحبكِ يا من سرقتِ قلبي مني.. يا من غيرتِ لي حياتي.. يا من أحببتها من كل قلبي.. يا من قادتني إلى الخيال.. بعشقك يا حلم عمري كله. حلم: بخجل.. ممكن تنزل بقى وأنا شوية وهنزل وراك. فارس: برخامة.. بيهز دماغه بـ لأ.. تؤتؤ هستناكي ننزل سوا إيدي في إيدك ومش هسيبها أبدا. حلم: قامت بتعب.. حبيبي انت والله.. ومسكت إيده ومشيت معاه لغاية الباب.

فارس: بيضحك وهو متوقع اللي هتعمله.. على فكرة كدا مش فير. حلم: بضحك.. يلا برة يا فارس يلا يا بابا.. وخرجته برة الأوضة وقفلت الباب وراه. فارس: من ورا الباب.. كدا تطرديني من أوضتك ينفع يعني. حلم: يلا يا حبيبي انزل لإخواتك لما أبقى مراتك أبقى أقعد براحتك دلوقتي ماينفعش يا باشا ولا إيه. فارس: هتبقي يا حلم عمري وقريب أوي إن شاء الله… وفعلاً نزل بعد ما اطمن عليها وهو بيفكر إزاي يكلم هشام ويطلب إيدها منه. تحت في الليفنج

نزل فارس بعد ما فاقت حلم واطمن عليها وهي دخلت أخدت شاور واتوضت وطلعت صلت ركعتين شكر لله إنه وقف جنبها وكان معاها زي ما كانت أمينة بتدعيلها (روحي يا بنتي ربنا معاكي) قد إيه حست بالدعوة دي وبعد ما خلصت صلاتها نزلت تحت وأول واحد جرى ناحيتها. هشام: بخوف مسك وشها بين إيديه.. حبيبتي انتي كويسة؟ احكي لي إيه اللي حصل.

حلم: شافت في عينه نظرة ما شافتهاش قبل كده.. أهدى يا حبيبي أنا كويسة أهو قدامك ماتخافش.. وبعدين أختك جامدة ماحدش يقدر يغلبها. فارس: بضحك.. ههههههههههههه على إيدي. أدهم: بعدم فهم.. مش فاهم على إيدك إزاي يعني.. ولـ حلم.. حمد الله على سلامتك يا حور. فارس: بصوا بصراحة أنا كنت هتجنن مش عارف اللي خطفها ده بيعمل إيه فيها وبقيت بلف حوالين المكان عشان أشوف أي مدخل ولاقيت فعلاً وبصراحة اللي شوفته غير اللي كنت متوقعه خاااالص.

ياسمين: كنت متوقع إيه يا فارس. عاليا: شوفت إيه يا أبيه. فارس: بصراحة كنت متوقع ألاقيها مربوطة ومتكتفة وبتعيط واحدة مخطوفة بقى.. إنما بصراحة اللي شوفته كانت زينة مرات هركليز ههههههههههه.. وبتضرب بالبوكس. حلم: ههههههههههه انت تعرف عني كدا برضه. فارس: والله البنات الطبيعيين لما بيتـ خطفوا ده بيبقى حالهم. حلم: وأنا مش أي بنت يا كابتن. فارس: أشهد لك.. ده انتي شلفطتي أمه يا شيخة ههههههههههه.

حلم: يا سلااااام ده على أساس إنك ملاك بريء وما كملتش عليه. فارس: لا يا قلبي أنا مستلمه منك ضايع ههههههههههه. حازم: حلم أصلاً كانت بتدرب بوكس أول ما ابتدت مشروعها عشان تعرف تحافظ على نفسها. هشام: المهم إنك بخير يا حبيبتي حمد الله على سلامتك.. ولـ فارس.. أنا عايز أشكرك على كل حاجة عملتها. فارس: ماتشكرنيش ده واجبي وبعدين بصراحة.. انت ماتعرفش أختك غالية عندي قد إيه.

حلم: انتبهت إن الاء مش موجودة.. ولـ حازم.. فين الاء مش شايفاها. حازم: الاء تعبانة وبصراحة هي في أوضة طنط أمينة واخدة حقنة مهدئة ونايمة. حلم: قامت بخضة.. ليه مالها ورايحة ناحية الأوضة اللي فيها الاء. حازم: راح معاها وبيحكيلها اللي حصل من وقت ما خرجت وراها لغاية ما رجعت واللي حصل بينهم وبين رانيا وبعدها وقعت مغمى عليها واضطروا يدخلوها الفيلا. حلم: بدموع قعدت جنب الاء وبوستها في راسها.. كل ده حصل يا حازم.

حازم: الحمد لله إنها جت على قد كدا والمهم إنكم انتوا الاتنين بخير. حلم: الحمد لله.. وقامت وسابتها ترتاح وخرجت تاني. في الليفنج فارس: لـ أدهم.. ماما عرفت حاجة يا أدهم. أدهم: لأ.. لما عاليا كلمتني كنت في الطريق راجع من المستشفى.. كلمتها وقولتلها عندي عمليات كتير وهتأخر شوية. فارس: طيب كويس إنك… وقبل ما يكمل كلامه رن موبايله باسمها.. السلام عليكم ورحمة الله. نجوى: بخضة.. انت فين يا فارس برن عليك من بدري مابتردش ليه.

فارس: أهدى يا حبيبتي مالك بس.. أنا في شغلي. نجوى: ومش بترد ليه قلقتني عليك يابني. فارس: يا أمي يا حبيبتي ماتقلقيش أنا والله كويس وهخلص شغلي وأجي.. وبغيظ.. معاكي شروق وضحى قاعدين مونسينك. نجوى: تيجي بالسلامة يا حبيبي ربنا يحفظك ليا انت وأخواتك يارب يا حبيبي الحمد لله إنك بخير أسيبك لشغلك. فارس: ماشي يا حبيبتي هخلص شغلي وأجي على طول.. خدي بالك من نفسك ماشي.. سلام.. وفعلاً قفل المكالمة مع نجوى وانتبه على سؤال.

ياسمين: فارس هو انت عرفت إزاي اللي حصل وعرفتي ترجع حور بسرعة كدا إزاي. فارس: ابتدى يحكي والكل انتبه.. أدهم وهشام وحازم وعاليا وياسمين وحلم.. بصوا الحكاية من الأول.. من أول يوم رجعت فيه حور المزرعة بعد وفاة طنط أمينة حصل. "فلاش باك" فارس وحلم قاعدين في جنينة الفيلا مع بعض شوية قبل ما يرجع ويسيبها. فارس: حور. حلم: نعم. فارس: بغيرة.. مش هتقولولي حكاية عابد إيه وعايز منك إيه.

حلم: بصت للفراغ اللي قدامها.. وبتنهيدة.. دي حكاية طويلة يا فارس. فارس: ممكن أعرفها. حلم: عايز تعرف بجد؟ فارس: عايز أشاركك كل تفاصيل حياتك. حلم: بصت له بعينيها من غير ما تتكلم بتتأكد فعلاً إنه مهتم بيها. فارس: عينيه في عينيها بكل حب.. أنا عايز أطمن على روحي اللي ما صدقت لاقيتها.. حور أنا قبلك مكنتش عايش قلبي مادقش لواحدة قبلك ولا هيدق لغيرك.

حلم: عارف يا فارس أنا لما زمان حبيت عابد أو بمعنى أصح اتوهمت إني بحبه.. ما حسيتش الإحساس اللي أنا حاساه دلوقتي معاك. فارس: بغيرة.. كنتي بتحسي بإيه. حلم: كنت بحس دايما بوجع في قلبي بخوف ما كنتش بشوف في عينيه حب حقيقي. فارس: طيب ودلوقتي. حلم: معاك.. من أول يوم شوفتك فيه حسيت بإحساس فضلت أقاوهمه كتير.. إحساس اتولد من أول نظرة فعلاً من قبل حتى ما نتكلم مع بعض. فارس: حسيتي بإيه.

حلم: حسيت بالأمان حسيتك سندي وقوتي وقت ضعفي. فارس: بتأكيد.. أنا كمان من أول ما شوفتك حسيت بإحساس غريب مش عارف وقتها حسيتك مسؤولة مني ولما هشام اتكلم معاكي بطريقة مش كويسة ما حسيتش نفسي لما رديت عليه. حلم: تعرف إنك الوحيد اللي شوفتني وأنا ضعيفة وهشة قبل ما تشوفني قوية وعنيدة.

فارس: وقتها استغربت جدا أنا طول الوقت بسمع عنك إنك قوية وكنت متشوق جدا أشوفك.. بس لما شوفتك قولت لنفسي مش معقول تكون هي دي.. دي واحدة غير اللي سمعت عنها خالص واحدة ضعيفة جدا وحسيت وقتها إنك بتمثلي القوة وإنك فعلاً محتاجة سند حقيقي يكون في ضهرك. حلم: لا يا باشا أنا قوية بجد مش بمثل القوة.. ولا نسيت يوم ما جيت ورايا المزرعة أول مرة.

فارس: ههههههه لا ما نسيتش ومش أي قوة اللي شوفتك بيها دي.. ده انتي ماشية بالسلاح ولا اللي شغالة مع المافيا. حلم: لازم أحمي نفسي يا فارس من عابد واللي زيه. فارس: بتذكر.. عااااابد إيه حكايته بقى احكي لي. حلم: اسمع يا سيدي.. عابد إنسان انتهازي عايز يستغل اسمي وأتاجر من وراه في السلاح والمخدرات. فارس: بمقاطعة.. انتي عرفتي منين الكلام ده.

حلم: من وقت ما ابتدى يلف ويدور عليا بحجة إنه عايز يرجع لي تاني.. وقتها كلفت حازم يجيب لي كل المعلومات عنه وعرف كل حاجة بس ما كانش عندي دليل غير فيديو لعلاقة بينه وبين سكرتيرته و تقريبا هو اللي كان مصورها. فارس: بيسمعها بتركيز.. ها كملي وبعدين.

حلم: في الأول بعتله منه نسخة.. كان بهدف إنه يعرف إني قدرت أعرف عنه كل حاجة.. وأنا عارفة ومتأكدة إنه مش هيسكت بس ما توقعتش إنه يتفق مع مرات أخويا ويسرقني ويزور إمضي بس عايز الحق أنا كنت قررت ألعب معاه بنفس طريقته وأستغل الفيديو.. قبل ما أكتشف السرقة وقد كان وعن طريق سكرتيرته قدرت أمسك دليل عليه. فارس: دليل إيه ده بقى. حلم: فتحت موبايلها ومدت إيدها لفارس.. الفيديو ده.

فارس: بذهووول.. مش معقووول عابد هو الراجل اللي بدور عليه. حلم: بعدم فهم.. مش فاهمة بتدور عليه إزاي. فارس: عابد هو المقنع.. ده أكبر رجال المافيا هنا في مصر.. هاتي الفيديو ده لازم أتحرك بسرعة. حلم: من بين أسنانها.. عابد قضيتي أنا كمان ولازم أقضي عليه بنفسي ده وعد قطعته على نفسي. فارس: بعصبية.. انتي مجنونة ولا شكلك كدا.. انتي عارفة انتي عايزة تقفي قصاااااد ميييين.. ده واحد بيتاجر في الموت.

حلم: أهدى يا فارس.. انت طول الفترة اللي عرفتني فيها دي شوفتني خفت أو ضعفت؟ فارس: بقلق عليها.. كان بيلعب معاكي وهو عارف إنك مش معاكي دليل إنما دلوقتي لأ مش هيسكت لو عرف إنك كشفتيه انتي فاهمة مش هيسكت. حلم: اسمعني يا فارس عابد إحنا الاتنين عايزينه يبقى وافق على اللي هعمله وأخليك تقبض عليه. فارس: بخوف.. عابد بيقتل بدم بارد يا حور وأنا ما عنديش استعداد أخسرك. حلم: صدقني واثقة إنك مش هتسمح له يأذيني.. بس وافق أرجوك.

فارس: بقلة حيلة.. أمري لله. "عودة للوقت الحالي" عاليا: اوباااااا بقى طلعتوا متفقين مع بعض توقعوا عابد يا ولاد الحرام. حلم: عابد زودها وبدأ يأذيني في شغلي وخسرت كتير.. بس أكبر خسارة.. وبدموع.. أمي الخسارة الوحيدة اللي مش هعرف أعوضها.. كنت لازم أحاربه بنفس أسلوبه عشان أخلص منه.

فارس: لما شوفت الفيديو وعرف إني نفس الراجل اللي بدور عليه وافقتها إنها تبعت الفيديو.. ولأني متأكد إن عابد هيحاول يأذي حور.. جيت بعدها بكام يوم هنا لما جبتلكم السلاسل. ياسمين: اه فعلاً فاكرة. فارس: جبت لحور سلسلة زيكم.. والسلاسل التلاتة حطيت فيهم GBS ووصلتهم بموبايلى واللاب بتاعي. حلم: فارس لما جاب لي السلسلة قال. "فلاش باك" فارس: ممكن تقبلي مني الهدية دي. حلم: هدية!! هدية عشانى أنا. فارس: افتحيها.

حلم: فتحت العلبة وشافت سلسلة شكلها جميل أوي على اسم أمينة.. بدموع لفارس.. مش عارفة أقولك إيه.. كلام الدنيا كله ما يكفيش قصاد اللي بتعمله معايا. فارس: أول ما شفتها عجبتني أوي وشوفتك فيها أتمنى تعجبك. حلم: أكيد عمري ما هقلعها من رقبتي لأنها أغلى هدية جات لي ومشترك فيها أغلى اتنين في حياتي. فارس: بغيرة.. مين بقى إن شاء الله الاتنين دول. حلم: حبيبي اللي جاب لي السلسلة.. وبحزن.. أمي اللي السلسلة على اسمها.

فارس: باس جبينها.. حور مش عايز أشوفك حزينة تاني ربنا يقدرني وأسعدك دايما.. بس برضه مش هو ده السبب اللي عايزك تفضلي لابسة السلسلة عشانه. حلم: بأستغراب.. لو مش ده السبب يبقى إيه. فارس: السلسلة فيها GBS في حروف الاسم وموصلة بموبايلى.. ومش عايزك تتحركي أي حركة من غير ما تتصلي بيا تعرفيني لغاية ما نقبض على الزفت ده ممكن. "عودة للوقت الحالي"

فارس: وبالفعل زي ما كنت متوقع إنه هيحاول يعمل حاجة وكنت مرتب مع سيف كل حاجة وكان مستني إشارة مني.. ومن حسن حظنا إن اللي حصل ده حصل وأنا معاها على الفون عشان كدا الموضوع ما طولش بس.. وأخيرًا قدر فارس يقفل القضية وحلم خلصت من عابد اللي أكيد هيتحاكم ويعدم. بقلمي✍️ _لبنى دراز فارس: حور تتجوزيني؟؟ حلم: لأ