رواية العشق الابدي الفصل الثاني عشر 12 - بقلم لبنى دراز

فـ المزرعة فارس كان راجع ع الڤيلا بعد ما سيف مشى. وهو راجع سمع كلام حلم مع عم جاد. وبعد ما مشيت حلم، راح قعد جنبه. فارس:: بأبتسامة صافية .. ازيك يا عم جاد عامل ايه؟ عم جاد:: فارس باشا .. الحمدلله يا باشا بخير. فارس:: ممكن اقعد معاك شوية؟ عم جاد:: طبعا يا باشا ممكن اتفضل. فارس:: يا عم جاد بلاش باشا دي، أنا زى ابنك ولا مانفعش يعني. عم جاد:: يا خبر يابني، ده أنا يزيدني شرف والله.

فارس:: قولي مالك، شايفك كدا من بدري قاعد مكانك. عم جاد:: ابدا يابني، العضمة كبرت والصحة بقت ع القد ومافيش شغل النهاردة. والست حور الله يصلح حالها قالتلي خليك فـ البيت. بس أنا بقى قولت اجي يمكن يجى شغل ولا حاجة. فارس:: ربنا يديك الصحة ويبارك فـ عمرك يا عم جاد. عم جاد:: تسلم يابني ربنا يعزك. فارس:: تسلم يا راجل بَركة .. إحنا جيران فـ البيت وماعرفش ولادك. احكيلى عنهم.

عم جاد:: أنا يابني ما عنديش غير عبير، عروسة عندها 20 سنة. جات بعد 15 سنة شوفت فيهم الويل أنا وخالتك أم عبير من أهلي وأهلها عشان الخلفة. واتحملنا لغاية ما ربنا كرمنا بـ عبير. فارس:: بضحك.. شكلك بتحب ام عبير اوي انت.

عم جاد:: ياااااه بحبها، بس دي حلم عمري كله يابني. كنت ليل نهار رايح جاي فـ شارعهم من وهي عيلة بضفاير .. وأول ما كبرت بس وبقى عندها 16 سنة، قولت لازم اتقدملها وأخطبها. والحمدلله عمرنا كله ما زعلتنيش مرة.. ولا نيمتها فـ يوم معيطة. فارس:: بيسمع عم جاد وصورة حلم قدام عينيه و شارد فيها. وجواه.. معقول يجى اليوم اللى يقدر يقولها فيه انه بيحبها. عم جاد:: بس يابني دي كل حكايتي.

فارس:: فاق من شروده وتقريبا ماسمعش نص كلام عم جاد.. بس قاله.. وعبير بقى بتدرس ولا خلصت تعليم؟ عم جاد:: لسة فـ كلية هندسة، فاضل لها سنتين. ولسة مخطوبة من قريب.. وبحزن.. كنت متفق مع عريسها ع سنتين خطوبة، منها تكون خلصت تعليمها وكمان أقدر أجهزها. بس حماتها بقى الله يسامحها شكلها مالهاش غرض للجوازة وبتتلكك. فارس:: بيسمع بأهتمام .. أزاى يعني يا عم جاد مالهاش غرض؟

عم جاد:: راحت لـ أم عبير البيت النهاردة وقالتلها كلام غريب كدا وغيّرت الاتفاق. وأنا مش عارف اعمل ايه يابني والله. فارس:: غيّرت الاتفاق من نفسها كدا إزاي. هو مش ده كلام رجالة؟ عم جاد:: والله يابني المفروض كلام العريس و أبوه. بس شكل كدا ان الكلمة كلمتها والشورى شورتها. وعايزة تعمل الفرح آخر الشهر. فارس:: طيب اقعد معاهم و ارفض الكلام ده.

عم جاد:: بقلة حيلة.. محتار يابني صدقني. لو رفضت هكسر قلب بنتي. ولو وافقت ماعنديش اللي أقدر أجهزها بيه فـ أقل من شهر. ده غير هيبقى فاضل شهرين ع امتحاناتها. فارس:: اعتبرني ابنك يا عم جاد. ولو تحب ننزل أقابل الناس دول معاك ونتكلم معاهم نفهم دماغهم فيها ايه .. أنا تحت أمرك أي وقت. عم جاد:: ياريت يابني.. بس الست حور قالتلي.. وحكى اللي حصل. وبعدين قال.. وكمان مش عايز أتعبك وانت لسة راجع من السفر وتعبان.

فارس:: يا عم جاد مفيش تعب ولا حاجة. اعتبرني ابنك وعبير زي أختي. عم جاد:: تشكر يابني بجد مش عارف أقولك ايه انت والست حور والله كلامكم ريح قلبي. ربنا يسعدكم ويهنيكم يارب. فارس:: ضربات قلبه زادت وحس ان عم جاد بيقصد ان ربنا يسعدهم مع بعض .. أمين يارب يا عم جاد. *** فـ النادي فـ ملعب التنس سيلين بتتمرن. وفجأة شافته. رأفت:: بيشاور لها .. هاى سيلو. سيلين:: شاورت له بالمضرب.. هاى رأفت. وكملت تمرينها.

بعد شوية راحت وقعدت جنبه. سيلين:: روڤي حبيبي مش اتفقنا اننا ما نتقابلش تاني؟ رأفت:: سيلو بيبي وحشتيني. وبعدين يا قلبي انتي ناسيه اني عضو فـ النادي. ما تقلقيش حبيبتي. سيلين:: وبعدين معاك يا رأفت كدا هتخلي العيون تتفتح علينا. وأنا مش عايزة كدا. بابي أو عابد لو عرفوا هيحصل مشاكل كتير أنا فـ غنى عنها. رأفت:: خلاص يا روحي نتقابل فـ الشقة زي زمان.

سيلين:: رأفت أنا جيت مرة وقولتلك خلاص. مش هنكررها. إيه لازمتها بقى نتقابل تاني؟ رأفت:: لانك بتوحشيني بيبى ومش عارف أعيش من غيرك ولا قادر أنساكي. سيلين:: انسى يا رأفت. مش هكررها تاني خلاص. رأفت:: بخبث.. أوك سيلو براحتك بيبى .. بس ممكن تقبلي مني الهدية البسيطة دي؟ سيلين:: هدية إيه دي؟ رأفت:: هدية وداع يا روحي. فيها أجمل ذكرياتنا. اتفرجي عليها وقوليلي رأيك. سيلين:: ذكريات إيه يا رأفت اللي بتتكلم عنها؟

رأفت:: قرب منها و بهمس جنب ودنها.. ذكريات أجمل ليالي قضيناها سوا فـ السرير يا عمري .. واتعدل بضحكة شر هاهاهاهاهاهاهاهاها. وسابها مصدومة من اللي قاله ومشى. سيلين:: مشيت وهي مش مستوعبة الكلام اللي قاله رأفت. وصلت ڤيلتها وطلعت جري ع أوضتها وشغلت الفلاشة وشافت اللي فيها. واتصلت بيه.. بنرفزة. سيلين:: الووو. رأفت:: بضحكة خبيثة.. هههههههههه عجبتك الفيديو يا بيبى؟ إيه رأيك أجنن مش كدا؟ سيلين:: بغضب.. انت اتجننت يا رأفت؟

إزاي تعمل حاجة زي كدا .. إزاي تصورنا واحنا مع بعض بالشكل ده؟ رأفت:: اهدى يا بيبى دي حاجة كدا بسيطة عشان لو فكرتي تغدري بيا وما تجيش وقت ما أعوزك.. ابعت نسخة لـ المغفل جوزك. سيلين:: بدموع.. بلييز يا رأفت امسح الفيديو ده. انت عارف بابي مركزه حساس جدا. وكمان عابد مش سهل. لو عرف حاجة زي كدا ده ممكن… و قطعت كلامها بدخول عابد. وقفلـ ت المكالمة. عابد:: بقلق.. مالك سيلي حبيبتي بتعيطي ليه؟

سيلين:: بتوتر.. مـ مـ مافيش حـ حـ حاجة. عيني بس وجعاني. تقريبا كدا و أنا فـ النادي حاجة دخلت فيها. عابد:: بشك.. متأكدة؟ سيلين:: بنرفزة.. أيوا يا عابد متأكدة .. عاملي تحقيق عشان عيني وجعتني شوية. مش معقول كدا أوووف .. وسابته فـ الأوضة ونزلت تحت. خرجت فـ الجنينة وهي مش عارفة تعمل إيه. عابد:: لنفسه.. الموضوع ده ما يطمنش. أنا لازم أعرف مالها. وفجأة شاف اللاب بتاعها مفتوح وكانت ناسيه الفلاشة. وشغلها وشاف اللي فيها.

عابد:: أه يااااااابنت الـ…… صبرك عليااااااا. *** فـ شقة أم عبير تاني يوم راحت حلم عند أم عبير عشان تطمنها ورنت جرس الباب. أم عبير:: طالعة من المطبخ .. حاضر ياللي ع الباب جاية أهو.. هو أنا كنت واقفة ورا الباب يعني. وبتفتح. حلم:: بهزار.. ده انتي لو جاية من كولالمبور كان زمانك فتحتي من بدري. أم عبير:: حور اتفضلي يابنتي تعالي.. معلش كنت فـ المطبخ بجهز الغدا .. استنى أعمل كوبايتين شاي وأطفي ع الأكل وأجيلك.

حلم:: لأ تعالي ندخل المطبخ خلصي طبيخك وأنا هعمل الشاي. ودخلت فعلا مع جارتها المطبخ. أم عبير:: عمك جاد كلمني امبارح وقالي ان… حلم:: بمقاطعة.. أنا زعلانة منك فكرة. أم عبير:: يا ندامة.. ليه بس يا حور؟ حلم:: بغيظ منها.. عشان قولتلك أي حاجة عبير تحتاجها كلميني وعيني ليها .. ليه ما قولتيش ان حماتها الحربوءة دي غيرت الكلام؟

أم عبير:: بحزن.. والله يابنتي فاجئتني بكلامها امبارح الصبح. ومابقيتش عارفة أعمل إيه. كلمت عمك جاد قال ما بـ اليد حيلة. وكلمت أم مودي هتشوفلي جمعية. حلم:: بمرح.. طب والله عيب عليكي يا مزة تعملي جمعية من غيري .. وبجدية.. شوفي بقى كل اللي عليكم فـ الجهاز هتنزلي من النهاردة و تشتريه. وانسى خالص موضوع الجمعية ده. وكلمي الولية الأرشانة دي تيجي عشان أربيهالك بالأدب.

أم عبير:: قبل ما ترد ع حلم رن تليفونها وكان جوزها .. بصت لـ حلم استنى أرد ع جاد. حلم:: خلاص براحتك وأنا هطلع أشرب الشاي برة. وطلعت من المطبخ. أم عبير:: ردت ع جاد.. الووو.. خير يا خويا فيه إيه؟ جاد:: الوو يا أم عبير .. خير يا غالية إن شاء الله .. كلمي حمات بنتك تيجي النهاردة هي والمحروس ابنها وجوزها عشان نتكلم فـ موضوع الفرح. أم عبير:: حاضر يا جاد أنا كنت لسة هعمل كدا من غير ما تقول.

جاد:: بنرفزة.. ومن امتى بتعملي من نفسك حاجة يا ولية يا أم مخ مهوى انتي. أم عبير:: يوه يا جاد مش انت متفق مع حور. جاد:: وحور مالها يا ولية باللي أنا بقوله ده؟ أم عبير:: ما هي لسة قايلالي الكلام ده حتى قالتلي هنزل أشتري كل الجهاز اللي ناقص من النهاردة. جاد:: هي قالتلك كدا؟ أم عبير:: أه والله يا جاد. جاد:: طيب بصي أنا جاي النهاردة ومعايا فارس باشا ربنا يكرمه. لما عرف قال نقعد مع عريس عبير وأهله ونشوف دماغهم فيها إيه.

أم عبير:: خلاص هتصل بيها وأقولها يجوا كلهم النهاردة المغرب .. وقفلـ ت المكالمة مع عم جاد. وطلعت قعدت مع حلم واتصلت بحمات بنتها بلغتها إنهم مستنينهم المغرب النهاردة. وقفلـ ت معاها. حلم:: خلاص يا قمر هروح أخلص كام مشوار كدا وأرجعلك عشان أظبطهالك الولية دي ههههههه. وفعلا مشيت حلم تخلص مشاويرها. وعدى الوقت بسرعة ورجعت حلم بيتها تغير هدومها وتنزل عند أم عبير. وبالفعل نزلت وخبطت. عبير:: فتحت الباب .. حور وحشتيني عاملة إيه؟

حلم:: من قبل ما تدخل قلبها بيدق جامد ومش عارفة ليه.. وردت بتوتر.. انتي أكتر يا بيرو. طمنيني عاملة إيه فـ كليتك؟ فارس:: من جوة سامع صوتها وحاسس بقلبه هيخرج من بين ضلوعه. وجواه.. حاول تهدى شوية وافتكر انت هنا ليه. عبير:: تعالي ادخلي بابا جوة مستنيكي.

حلم:: وهي داخلة الصالون.. طيب يا قمر فنجان القهوة الحلو بتاعك بقى اللي بيعدل المزاج.. وقطعت كلامها لما شافت فارس. حاولت تتحكم فـ انفعالها ع قد ما تقدر وترسم البرود. وسلمت ع عم جاد وع فارس. حلم:: ازيك يا سيادة العقيد؟ فارس:: مستغرب جمودها وبرودها ليها كام يوم. بس قال.. الله يسلمك وانتي ازيك؟ حلم:: بنفس البرود.. أنا تمام الحمدلله. وبصت لـ عم جاد.. قولي بقى يا راجل يا طيب عايز الناس دي تتربى إزاي وأنا أربيهملك؟

عم جاد:: بغُلب.. مش عارف يا حور يابنتي أنا بجد مش عارف. حلم:: بجدية.. بص يا عم جاد إحنا نسمعهم الأول وبعد كدا سيبني مني ليهم. فارس:: بغيظ منها.. وانتي إن شاء الله هتقعدي مع الرجالة ليه؟ حلم:: برفعة حاجب وبرود.. وما أقعدش ليه؟ ناقصة إيد ولا ناقصة رجل؟

فارس:: بعصبية.. حووور بطلي استفزاز وياريت بقى نتكلم فـ الجد قبل الناس ما تيجي .. ولـ جاد.. ياريت يا عم جاد لما الناس تيجي نقعد رجالة بس ومافيش أي واحدة ست تحضر القعدة دي. حلم:: بغيظ منه لسة هترد .. كان الباب خبط والناس وصلت. أم عبير:: بترحيب.. أهلا يا أم شادي اتفضلوا يا جماعة. شادى:: أهلا بحضرتك يا طنط. أم شادى:: بأبتسامة صفرا.. أهلا يا حبيبتي.. خير وفقتوا ع الميعاد ولا هتفكوا الخطوبة؟ وجواها.. يارب تتفشكل.

حلم:: بمكر.. ونفسخ الخطوبة ليه يا طنط؟ أم شادى:: بخبث.. تكونو لسة مجهزتوش بنتكم؟ حلم:: ومين قالك إن بنتنا مش جاهزة؟ انتي لو عايزة الفرح بكرة هتلاقي جهزها النهاردة فـ شقتها إن شاء الله. أبو شادى:: طيب ممكن نتكلم فـ الجد شوية. فارس:: اتفضل ياحاجّ وانت يا أستاذ شادي.. وبغيظ من حلم.. ياريت لو سمحتوا نقعد نتكلم رجالة بس. حلم:: بنرفزة منه.. يلا يا أم عبير نقعد جوة وليا حساب بعدين.

وفعلا دخلت هي وعبير وأمها وحماتها أوضة تانية غير الصالون. الصالون فارس:: بأستفهام.. ممكن تقولي يا أستاذ شادي هو انتوا مش كنتوا متفقين ع سنتين؟ إيه اللي حصل خلاكم جايين بعد كام شهر تقول عايز تتجوز وفـ اقل من شهر؟ شادى:: ممكن أعرف الأول مين حضرتك؟ عم جاد:: ده العقيد فارس المنصوري، جاري وزي ابني. أبو شادى:: بتوتر.. وماكانش قاعد ليه أول مرة؟ فارس:: كنت مسافر ولسة راجع. ممكن أفهم بقى غيرتوا كلامكم ليه؟

شادى:: أصل أنا جهزت وخلصت حاجتي. فارس:: فـ إيه بقى .. بتلوي دراع الراجل الطيب ده مش كدا؟ شادى:: بهدوء.. ابدا والله مش لوى دراع. أنا أصلا قولت من الأول أنا بحب عبير وعايزها بشنطة هدومها. عم جاد:: وأنا يابني قولتلك لأ. اديني فرصة أجهزها وأوديها بكرامتها وكمان تخلص تعليمها وانت وافقت. اوضة تانية حلم:: اسمعي بقى يا أم شادي الكلمتين دول. أم شادى:: ماتتكلمي عدل يابت انتي إيه أم شادي دي؟

حلم:: بجدية.. اسمعي يا أم شادي .. إحنا هنوافق ع ميعادك بس بشروطنا إحنا. وافقتي عليها خير وبركة. ما وفقتيش يبقى انتوا اللي خسرانين. قولتي إيه؟ الصالون شادى:: شروط إيه دي يا أستاذ؟ فارس:: أولا عبير هتفضل فـ تعليمها مهما حصل. الناحية التانية أم شادى:: هو إحنا كنا هنمنعها من التعليم يعني؟ حلم:: ماتقدريش. واسمعي للآخر. ماتقطعينيش. أم شادى:: بغيظ منها.. ماشي. حلم:: وثانيا. حلم:: ثانيا الشقة تتكتب بأسمها. قولتي إيه؟ الصالون

أبو شادى:: بس الشقة فـ بيتي يعني كدا كدا بتاعتها. فارس:: والله ده اللي عندنا. موافق يبقى خير. مش موافق براحتك. وماعندناش بنات للجواز. أبو شادى:: وماله موافق. فيه حاجة تاني؟ فارس:: أه طبعا أهم حاجة القايمة والمؤخر والشبكة. الاوضة التانية حلم:: دول مالهم دول كمان؟ مش كفاية الشقة؟ أم شادى:: ده حقها .. قولتي إيه؟ أم شادى:: متغاظة من حلم وجابت أخرها. وجواها.. كـ سر.. حُقها. بس تدخل البيت وأوريها. حلم:: شيفاكي ساكتة يعني.

أم شادى:: بغيظ.. مستنية تخلصي كلامك. حلم:: تمام. القايمة هتتكتب بـ 250 ألف جنيه. والمؤخر… الصالون فارس:: 50 ألف. والشبكة… الاوضة التانية حلم:: دي هدية العريس وقيمته مش هنتكلم فيها. المهم إنها تيجي وبس. وأه عبير هتدخل البيت معززة مكرمة وهتفضل فـ شقتها. مش هتنزل تخدم حد. آخرها لو حبت تنزل ضيفة نص ساعة وتطلع. الصالون فارس:: ولو جات اشتكت بس منك يا شادي أو من أي حد هيكون لي تصرف مش هيعجبك. تمام؟

شادى:: صدقني دي فـ عيني. ماتقلقش عليها. الاوضة التانية حلم:: أتمنى ما أقلقش يا أم شادي .. عشان لو قلقت انتوا اللي هتزعلوا. وبالفعل اتفقوا ع تحديد ميعاد الفرح بعد موافقة شادي وأهله ع شروط حلم وفارس اللي كانت بالظبط زي بعض كأنهم مرتبين سوا الكلام ومتفقين مع بعض عليه. وبعد ما شادي وأهله مشيوا. عم جاد:: بفرحة.. مبروك يا عبير يا بنتي ربنا يتمملك بخير .. أما فارس ده غسلهم وهما قاعدين.

أم عبير:: ولا حور يا جاد خلت الولية وشها جاب ألوان. صحيح صدق المثل اللي بيقول اللي مالوش كبير بيشتريله كبير. عبير:: بجد يا بابا حور جننت حماتي. أنا حسيت إنها شوية وهتقوم تطلع نار من بوقها وودانها هههههههه .. بس يا ماما هي إيه الشنطة اللي أديتهالك دي؟ أم عبير:: دي فلوس يابنتي عشان جهازك. الله يكرمها ويوسع عليها.

عم جاد:: تصدقي يا عبير يابنتي انتي رزقك واسع سبحان الله. حتى فارس اداني مبلغ كبير وقال لي ده هدية عبير. هاتلها كل اللي فـ نفسها. أم عبير:: ربنا كريم يا أبو عبير. ماحبش يكسرنا وجبر بخاطرنا. عبير:: أنتوا عارفين إن حور وفارس لايقين ع بعض أوي. ياريت يتجوزوا. عم جاد:: فعلا يابنتي. وتحسي دماغهم واحدة. ربنا يسعدهم لو ليهم نصيب فـ بعض. *** فـ جنة حلم

بعد ما خلص الاتفاق مع أهل شادي، طلعت حلم غيرت هدومها وطلعت فوق السطوح جنتها تسقي الورد والزرع. ودخلت الچيم الخاص بيها تفرغ غضبها وغيظها من فارس فيه. وفـ نفس الوقت طلع فارس السطوح ومايعرفش إنها موجودة. وشوية وخرجت حلم من أوضة الچيم بتاعتها وشافت. فارس:: واقف ساند ضهره ع سور البلكونة و إيده فـ جيوبه وعينيه ع أوضتها. فارس:: أسف. ماكنتش أعرف إنك هنا. حلم:: بجمود.. عادي ولا يهمك. وسابته ولسة هتنزلفارس:: حور.

حلم:: رفعت عينها بصت له من غير ولا كلمة. فارس:: ممكن نشرب قهوة مع بعض و أتكلم معاكي شوية؟ حلم:: ببرود.. تقدر تقول اللي عندك ومافيش داعى للقهوة. فارس:: طيب أنا كنت حابب أعتذرلك بالنيابة عن أدهم و…. حلم:: بمقاطعة.. مافيش داعي للاعتذار. أنا نسيت اللي حصل .. بعد إذنك. وسابته ونزلت وهي حاسة إن الهوا خلص من حواليها بسبب ضربات قلبها الزايدة.

تباً لك أيها القلب عندما تراه تظل تخفق بشدة بين أضلعي تريد التحرر مني كي تحلق في سمائه وهو لا يعلم ما تكنه له من عشق دافين. *** فـ مكتب فارس تاني يوم الصبح راح فارس القطاع ودخل مكتبه بتعب وقابله. سيف:: بأندهاش.. فارس إيه جابك يا ابني وانت لسة تعبان؟ فارس:: جاي أشوفكم وأقعد معاكم شوية. سيف:: تشرف يا عم أهلاً بيك .. أمين. أمين:: دخل وأدى التحية.. تمام يافندم. فارس:: القهوة المظبوطة بتاعتك يا أمين.

أمين:: تحت أمر حضرتك .. وخرج. أمين:: وبعد شوية رجع بالقهوة. فارس:: اومال فين هاني وياسر؟ سيف:: طلعوا مهمة خفيفة كدا. فارس:: بحزن.. عايز أزور أهل الشهيد مازن يا سيف. سيف:: بنفس الحزن.. حاضر بس شد حيلك الأول شوية. وكمان هم حالتهم تهدى. فارس:: انت بتروح تطمن عليهم؟ سيف:: رحت مرتين وفعلا حالة والدته ومراته صعبة جدا.. فارس:: تمام أنا همشي دلوقتي وشوية كدا كام يوم وتبقى خدلي ميعاد منهم عشان أقدر أزورهم.

سيف:: تمام.. وبتوتر.. فارس. فارس:: اممم خير. سيف:: سألت عاليا ع طلبي. فارس:: بغيظ منه.. تفتكر ده مكان مناسب يعني؟ سيف:: الله يا عم يعني أكلمك فين يعني؟ فارس:: في بيت يا متخلف تيجي تتكلم فيه. سيف:: بأستعجال.. أمتى طيب بس؟ فارس:: أنا النهاردة هكلمها إن شاء الله ويومين ونرجع البيت وتعال ماشي. سيف:: حبيبي يا أبو الفوارس .. ماشي طبعاً.. أنا بايت أصلاً ع بابكم من دلوقتي. فارس:: بضحك.. واقع أوي ههههههههههههه.

سيف:: روح يا شيخ يارب تتكعبل وتقع ع بوزك زيي كدا ههههههههههه. فارس:: شرد فيها وجواه.. أنا وقعت واللي كان كان خلاص. سيف:: بيتكلم وفارس مش سامع. وبزعـيق.. إييييه يا عمونا رُحت فييين؟ فارس:: بخضة.. بسم الله.. مالك ياض بتزعق ليه؟ سيف:: شكلك مش معايا يا كبير. فارس:: كنت بتقول إيه؟ سيف:: كنت بقول خدني معاك و حيات عيالك اللي لسة ما تعرفش مين أمهم اتغدا عندك فـ المزرعة.

فارس:: هي كانت مزرعة أبويا عشان آخدك فيها .. أنا ضيف كام يوم نقاهة وراجع تاني. سيف:: بهمس لنفسه.. أه بس صاحبتها شكلها واقعة فيك لشوشتها. فارس:: برفعة حاجب.. بتقول حاجة يا سيف؟ سيف:: بأستسلام.. وبيشاور بـ إيده ☝ لالالالالا ماحصلش يا باشا. فارس:: طب أنا ماشي يلا سلام. وفعلا مشى فارس. رجع المزرعة بعد ما خلص اتفاق عم جاد وكمان راح شغله. شاف سيف وقعد معاه شوية. *** فـ ڤيلا المزرعة

حلم رجعت الڤيلا آخر النهار بعد يوم طويل فـ المصنع والارض. ودخلت مكتبها مع حازم والاء وقصي. حلم:: بغضب.. أنا عااااايزة أعرف اللي حصل ده حصل ازااااااااى؟ قصي:: صدقيني ما أعرفش.. ورق الصفقة عليه امضتك عشان كدا طلعنا انتاج المصنع كله. حلم:: بصوتها كله.. انتوا هتجننوني أناااا ما مضيتش ع أي ورق ولا عملت صفقات بإنتاج المصنع كله مرة واحدة. حازم:: بهدوء.. طيب ممكن تهدى عشان نعرف نفكر مع بعض.

الاء:: أيوا يا حلم أهدى شوية لو سمحتي أرجوكي. حلم:: بغضب أكبر.. ماحدش يقولي أهدى الكلمة دي بتعصبني زيادة. الانتاج اللي طلع ده بملايين انتوا فاهمين. عارفين يعني إيه ملايين؟ وأنا ما اتفقتش مع عابد ولا مضيت ع أي ورق. يعني في حد داخل المصنع زور امضتي. في حد بيسرقني. تطلعوا تنزلوا انتوا التلاتة وتعرفوا مين اللي عمل كدا مفهوم. قصي:: خلاص حاضر تمام ومش هنرتاح إلا لما نعرف مين ورا الموضوع ده.

حلم:: بعصبية وزعيق.. قدامكم لـ بكرة الصبح ويكون اللي عمل كدا قدامي هنا هو واللي أخد منتجات المصنع. حازم:: وده هنعرفه إزاي يا حلم؟ حلم:: حااااااااااازم مش قد الشغل سيبه للي يقدر يعمله. انت فاااااهم؟ أنا مش هفضل أتابع كل حاجة بنفسي وانتوا قاعدين ع المكاتب تقبضوا وبس. وانت يا أستاذ قصي راجع الكاميرات واعرف مين دخل مكتبي لعب فـ الملفات والأوراق اللي فيه. قصي:: تمام. حازم:: بزعل منها.. تحت أمرك يا حلم هانم.

فـ نفس الوقت داخل فارس. شايف الكل قاعدين متوترين فـ الليڤنج. أمينة ونجوى وياسمين وعاليا وأدهم كان لسة داخل قبله. فارس:: السلام عليكم ورحمة الله. نجوى:: وعليكم السلام ورحمة الله وبركاته.. حمد الله ع سلامتك يا حبيبي. فارس:: باس إيدها وراسها.. الله يسلمك يا حبيبتي.. مالكم قاعدين كدا ليه خيري؟ ياسمين:: بتوضيح.. حور في حد زور امضتها وطلع انتاج المصنع كله لـ حساب واحد اسمه عابد الوزير. ومن ساعة ما عرفت وهي هتتـ جـ نن.

أمينة:: بقلق وخوف.. أنا مش عارفة عابد ده عايز منها إيه. مش سايباها فـ حالها ليه؟ زي ما يكون عارف ومتأكد إنها مالهاش حد يقف له ويوقفه عند حده. نجوى:: بس حور مش ضعيفة يا أمينة. أمينة:: بحزن.. مش ضعيفة بس لوحدها يا نجوى. مهما كانت قوتها وعدد الناس اللي حواليها. بنتي لوحدها. نجوى:: عينيها ع فارس.. حور مش لوحدها يا أمينة. كلنا حواليها. ولـ فارس.. مش كدا ولا إيه؟

فارس:: هز دماغه بمعنى أكيد حواليها. وفعلاً قام عشان يدخل المكتب. وقبل ما يخبط ع الباب سمع. فـ المكتب رن موبايل حلم وهي قاعدة مع حازم والاء وقصي. وردت وكان. عابد:: هههههههههههههههههه تعيشي وتاخدي غيرها يا لومى. حلم:: من بين أسنانها.. إن كنت فاكر إنك بكدا قدرت تاخد اللي انت عايزه.. تبقى بتحلم يا عابد. اللعب لسة فـ أوله والشاطر اللي يضحك فـ الآخر.

عابد:: بخبث.. قولتلك نفتح صفحة جديدة وننسى اللي فات.. عملتي فيها الحارس الأمين ع مصلحة الشعب ورفضتي نتشارك ونصّدر انتاج المصنع. والنتيجة واحد/صفر لصالحي. حلم:: لأ يا عابد كدا واحد/واحد ولا نسيت؟ والجون الجاي أنا اللي هجيبه وقريب أوي. وبعدها هتبقى صفارة النهاية. عابد:: بغيظ.. دي حلاوة روح يا حلم. عارف إنك مد بـ وحة وبتفرفري دلوقتي. وأنا سايبك تتكلمي براحتك.

حلم:: بغضب جحيمي.. ماتستعجلش ع رزقك يا عابد. وأوعى تفتكر إنك هتفلت من تحت إيدي انت واللي ساعدك. حضّر كفنـك. وقفلـ ت الفون من غير ما تسمع رده. وبصوتها كله. بدررررررر. بدر:: دخل المكتب جري.. تحت أمر حضرتك. حلم:: نفذ. بدر:: اعتبره حصل. حازم:: بقلق.. ناوية ع إيه يا حلم؟ حلم:: شاورت لـ بدر يمشي. ولـ حازم.. هتعرف كل حاجة فـ وقتها. ولنفسها.. موووتـ ك ع إيدي يا عاااابد وقريب قوي. وشوية والباب خبط. حلم:: أدخل.

فارس:: السلام عليكم. كلهم وعليكم السلام ورحمة الله. حازم:: اتفضل يا فارس باشا. فارس:: أسف طبعاً إني بتدخل بس سمعت صوت حور عالي وفهمت إن في مشكلة. ياريت لو ممكن تشركوني معاكم. قصي:: في حد زور أمضت أستاذة حلم ع ورق صفقة بملايين لـ صالح عابد الوزير. فارس:: بتذكر.. عابد.. مش ده اللي جه من حوالى 3 او 4 شهور تقريباً واتهجم ع المزرعة؟ حازم:: أيوا هو.. حاطط حلم فـ دماغه وعايزها بأي شكل. (ياريتك مانطقت يا حازم)

فارس:: بغضب.. نعععمممم يعني إييييه؟ عااااايزها بأي شكل؟ ممكن أفهمممم؟ حلم:: استغربت غضبه بس ساكتة. من وقت ما دخل وحاسة المكتب بيضيق عليها ومش قادرة تتنفس. حازم:: استغرب غضب فارس.. وقال.. قصدي عايز يشاركها فـ الشغل بأي طريقة.. مش قصدي حاجة تانية صدقني. فارس:: بيتنفس غيظ.. طيب ممكن أعرف كل اللي حصل وبالتفصيل.

حازم والاء:: ابتدوا يحكوا كل حاجة من وقت ما عابد راح المصنع بحجة فتح صفحة جديدة لغاية اللحظة اللي هم فيها دلوقتي. فارس:: تمام. ممكن تسيبولي الموضوع ده وأنا هحله إن شاء الله. *** فـ شركة عابد بعد ما قفل وهو بيضحك إنه قدر ياخد انتاج مصنع حلم. عابد:: لنفسه.. أخيراً قدرت أكـ سر ك يا حلم يا بنت الرشيدي. ولسة الباقية تأتي عشان تبقي تتحديني. كويس. مروة:: السكرتيرة خبطت ودخلت وبمياصة.. بودي في واحدة مستنية برة.

عابد:: بسعادة.. وماله خليها تتفضل يا قمر. النهاردة أنا متاح لـ أي واحدة هههههههههههه. مروة:: بغيظ.. يا سلام يا سي عابد يعني إيه بقى الكلام ده؟ عابد:: بخبث.. انتي اللي فـ القلب يا قلبي.. والباقي شغل مصالح يا حياتي.. يلا بقى روحي ودخليها. مروة:: مسكته من ياقة قميصه.. عارف لو عينك زاغت كدا ولا إيدك سرحت كدا هعمل فيك إيه؟ وشاورت بإيدها ع رقبته بمعنى هد بـ حـ ك. وسابته

واتلفتت عشان تخرجعابد:: بص له بضحك.. أحبك يا شرس ههههههههههه. وبعد شوية الباب خبط. عابد:: اتفضل. عزة:: بسعادة.. مساء الخير. عابد:: مساء الورد عزة هانم. عزة:: طمنيني يا باشا إيه الأخبار؟ عابد:: كله فـ الجون يا قمر. عزة:: باقي حسابي يا باشا. عابد:: بس كدا.. و بيكتب لها الشيك.. اتفضل يا قمر باقي حسابك وعليهم بوسة. عزة:: خدت الشيك ووقفت عشان تمشي.. كدا تمام يا عابد بيه وزي ما اتفقنا لا شوفتك ولا شوفتني. سلام يا باشا.

عابد:: خدت الشيك ووقفت عشان تمشي.. كدا تمام يا عابد بيه وزي ما اتفقنا لا شوفتك ولا شوفتني. سلام يا باشا. عابد:: بمكر قام وبيحاول يقرب منها.. بدري كدا.. ما تقعدي تشربي حاجة. عزة:: بدلع بتبعد.. تؤتؤتؤ ما اتفقناش ع كدا .. هتتعب .. سلام ياااا باشا ههههههههههه. عابد:: رجع قعد مكانه وأفتكر. “فلاش باك” عابد:: بغيظ وعصبية.. يا أنا يا انتي يا بنت الرشيدي. إن ما ذلـ يتك مابقاش عابد.

عزة:: بتجري بسرعة وراه.. واللي يخليك تكسـ ر ه؟ عابد:: انتي بتكلميني أنا؟ عزة:: انت مش عايز تذل حلم؟ عابد:: بـ غل.. أنا نفسي أجيب مناخيرها الأرض وأخليها تيجي تترجاني أرحمها وأتفرج عليها وهي مكـ سو رة. عزة:: مش بالساهل كدا.. حلم صعب تكسـ ر ه. عابد:: بغيظ منها.. انتي عايزة إيه بالظبط؟ عزة:: تدفع كام وأخليك تعمل اللي فـ نفسك وتاخد منها منتجات مصنعها كله والمزرعة لو حبيتي.

عابد:: بشرود.. أدفع نص عمري وأشوفها راكعة تحت رجلي. عزة:: مش بالساهل كدا.. حلم صعب تكسـ ر ه. عابد:: بغيظ منها.. انتي عايزة إيه بالظبط؟ عزة:: تدفع كام وأخليك تعمل اللي فـ نفسك وتاخد منها منتجات مصنعها كله والمزرعة لو حبيتي. عابد:: بشرود.. أدفع نص عمري وأشوفها راكعة تحت رجلي. عزة:: ما ينفعنيش يا باشا. عابد:: مليون جنيه. عزة:: تؤتؤ 4 مليون .. 2 دلوقتي و 2 لما تاخد الصفقة. قولتي إيه؟ عابد:: وأنا إيه يضمن لي كلامك؟

ثم انتي مين؟ عزة:: أنا مين ما يخصكش. وإيه يضمن لك؟ مافيش غير كلمتي. عجبك كلامي قول اشتريت. ما عجبكش ولا كأنك شوفتني. عابد:: بعد تفكير ثواني.. بص لها.. اشتريت يا قمر.. ههههههه شكلك بتحبيها أوي. عزة:: من بين أسنانها.. أوي أوي لدرجة ما تتخيلها. عابد:: تمام موافق. “عودة للوقت الحالى” ههههههههههههه. طلعتي قد كلمتك يا عزة. يااااه. بقى لما تعرف حلم إن اللي باعتهالي تبقى مرات أخوها. *** فـ ڤيلا المزرعة

رجع بدر بعد حوالي ساعتين. وكانت حلم قاعدة فـ مكتبها مستنية. دخل. فاطمة:: بدر برة يا أنسة حلم. حلم:: دخليه بسرعة مستنية إيه؟ فاطمة:: حاضر .. خرجت فاطمة وسمحت لـ بدر يدخل. حلم:: عملت إيه؟ بدر:: حصل يا هانم والأمانة فـ الحفظ والصون. حلم:: بهدوء.. برافوا عليك يا بدر. بدر:: خدامك الأمين يا هانم وتحت أمرك أي وقت. حلم:: بتواضع.. ما اسمهاش خدامك يا بدر اسمها بتساعدني أسترد حقي. ثم لو قولت هانم دي تاني هزعلك.

بدر:: برضا.. وأنا ما يخلصنيش زعلك يا أستاذة حلم .. بس هعمل إيه فـ الأمانة. حلم:: سيبها يومين تستوي لوحدها .. بس أكرمها آخر كرم. بدر:: تمام يافندم علم وجاري التنفيذ .. استأذن أنا. حلم:: شاورت له يخرج .. و ضحكت بكل قوتها. هههههههههههههههههههه .. الجون الجاي من نصيبي أنا يا عابد وتايم أوت. فارس وحازم والاء وقصي قاعدين مش فاهمين حاجة. فارس:: بغيرة إنها بتضحك بالطريقة دي قصاد حازم وقصي.. ممكن أفهم الأنسة بتضحك كدا ليييه؟

وأمانة إيه اللي بتكلمي الأخ ده عنها؟ حلم:: برفعة حاجب.. يهمك تعرف؟ فارس:: بغيظ منها.. أكيد يهمني. واتمنى ما تكونيش بتورطي نفسك فـ حاجة. حلم:: وهي بتقف و بتبعد عن المكتب.. بعدين يا حازم .. بعدين هتفهم كل حاجة.. دلوقتي أنا عايزة أرتاح شوية. وبالفعل خرجت من المكتب وخرج وراها حازم والاء. وقصي اتأخر شوية وقال. قصي:: بتوتر.. لو سمحت يا فارس باشا ممكن كلمة. فارس:: بغيظ.. خير فيه حاجة؟

قصي:: كنت عايز بس من حضرتك ميعاد أجيب و الدي و والدتي ونقابل سيادتك. فارس:: فهم قصد قصي بس عايز يتأكد.. بخصوص إيه؟ قصي:: بخصوص الأنسة ياسمين لو مافيش عندك مانع. فارس:: بمكر.. مالها ياسمين؟ انطق. قصي:: بقلق.. مالهاش والله دي زي الفل. أنا بس كنت بقول يعني إني بحبـ .. قصدي يعني إني مش هلاقي فـ أخلاقها وكنت عايز أتقدملها لو مافيش مانع يعني. فارس:: برفعة حاجب.. امممممم بقى عايز تتقدملها؟

قصي:: والله يا باشا لو مش موافق اعتبرني ما شوفتهاش أصلاً. فارس:: والله الرأي رأيها هي. أسألها الأول موافقة ولا لأ وبعدين أرد عليك.. عن إذنك. وسابه وخرج من المكتب وقعد فـ الليڤنج مع أدهم يبلغه بطلب قصي وسيف. بقلمي✍️ _لبنى دراز الدكتور:: البقاء لله. &:: لااااااااااااااااااااااا.