رواية العشق والفراق الفصل السادس عشر 16 - بقلم نبض القلب

جلسَت نور على السرير ودفنَت وجهها بين يديها. دخل منصور وجلس بجانبها. منصور: انتي مين؟ نور رفعت وجهها. نور: أنا. نظرت له من صدمتها، لا تستطيع أن تتكلم، غير مصدقة ولا مستوعبة. تشعر أنها في حلم، ترى منصور وهو أمامها. هي مش بتحلم، دي حقيقتها. أجمل لحظة بعد فراق سنين. منصور: قوللي انتي مين؟ أنا أوصلك لحد بيتك. نور احتضنت منصور وتكلمت بصوت كله تعب وارهاق، بصوت ضعيف وقالت: وحشتني أوي يا حبيبي.

رأسها وقع على كتفه، بعدها فقدت الوعي. منصور يطبطب على كتفها: انتي... فوقي. حصل لها إيه دي؟ ثم تابع حديثه وهو ينادي: يادادة. دادة: أيوه. منصور: شوفيها، هي مالها؟ دادة: دي أغمى عليها تاني. منصور: طيب روحي اتصلي بمعتز دلوقتي. دادة: حاضر. منصور وضع يده على قلبه وتحدث في صمت: انتي مين؟ لحظة ومعتز حضر. منصور: خير يامعتز. معتز: حرارة جسمها ارتفعت وسببت لها فقد وعي. منصور: خليك هنا يامعتز لغاية لما تفوق. معتز: حاضر.

منصور: جب لها كل العلاج اللي هي عاوزاه، لو محتاجة ناخدها المستشفى. معتز: على بليل لو حالتها متحسنتش هناخدها المستشفى. قطع حديثهم صوت محسن. محسن: منصور بيه. منصور: نعم يا عم محسن. محسن: في واحد بيقول إنه عاوز مراته. منصور: مراته؟ معتز: تكون هي البنت دي. منصور ومعتز خرجوا من الغرفة. أمير: أهلاً يامعتز بيه... أهلاً يامنصور بيه. معتز: أمير اللي جابك هنا؟ أمير بتردد: أنا هنا عشان...

معتز طبعاً عارف أمير لأنه بيشتغل موظف في الشركة. وطبعاً منصور عرفه. وأمير ده لو تفتكروا اللي كان أخذ نور في العربية. نور استطاعت إنها تهرب منهم. معتز: هي البنت اللي جوه دي مراتك؟ أمير: هي فين؟ معتز: هي تعبانة وأغمى عليها. أمير: حبيبتي أنا عاوز مراتي. منصور: استنى لما تفوق. أمير: أنا هاخدها نروح المستشفى، من فضلكم أنا عاوز مراتي. منصور: في إيه، استنى لما تفوق نعرف هي مين. أمير: دي سارة مراتي. معتز: طيب ادخل خدها.

منصور: لأ. معتز: منصور دي مراته. أمير دخل وشال نور وهي كانت فاقدة الوعي. ركبها العربية وذهب. معتز: مالكم؟ منصور: مش عارف، قلبي مقبوض، حاسس إني مش قادر آخد نفسي. معتز كشف عليه. معتز: انت كويس؟ منصور: الصوت. معتز: صوت مين؟ منصور: صوتها قريب منها أوي. معتز: هي مين يامنصور؟ عند أسيل في الشركة. أسيل: المهندسة نور فين؟ رغدة ببكاء: مش عارفة راحت فين من امبارح. أسيل: هي ليها حد هنا؟

رغدة: لأ. مامتها بتتصل بيا، مش عارفة أقولها إيه. كل شوية أقولها حجة شكل. عند مامت نور. وفاء حاسة إن قلبها مقبوض. وفاء: كده يا نور... ربنا يطمني عليكي. خيم الليل. عند ورد ورفيق. ورد شافت ولادها بياكلوا شوكولاتة وفشار وهدومهم كلها غير نظيفة. ورد: تعالوا عشان أغيرلكم هدومكم. جاسر ومنصور: لأ لأ. قاموا يجروا في الفيلا. ورد: يالهوي! صوت منكم. تعالي هنا يامنصور. منصور: لأ يا ماما هههه.

ورد: تعالي غير هدومك، كلها شوكولاتة. طب تعالى انت ياجاسر. جاسر: أنا أحب البلوزة دي عليها قطة. ورد: هجب لك بلوزة تانية عليها قطط كتير. جاسر: لأ. ورد: أخبط دماغي في حيطة. رفيق: مالك ياقلبي؟ ورد: أنا خلاص تعبت. رفيق: من طفلين عملت كده؟ ومال لما يبقى عندنا خمسة؟ ورد: كفاية كده يا حبيبي. رفيق: ههههه، هم عملوا فيكي إيه بس؟ ورد: محدش فيهم عاوز يسمع كلام. رفيق: جاسر بيسمع الكلام. منصور هو اللي شقي. ورد: جاسر بيقلد أخوه.

رفيق: طيب ياقلبي، ولا تزعلي نفسك، بسيطة خالص. يلا تصبحي على خير. بعت لها بوسة في الهوا. ورد: هو ده اللي انت عملته؟ رفيق: بقالي يومين سهران عشان الشغل. نفسي أنام ساعة. ذهب إلى غرفته. هي رحت تجري ورا أولادها. منصور كسر الفازة. جاسر كسر فازة تانية. كانوا فرحانين هم بيجروا. أطفال صغار. رفيق خرج من الغرفة بالبجامة. رفيق: أنا مش عارف أنام. ورد جلست على الركنة. ورد: روح اتصرف معاهم. رفيق: يا منصور...... ياجاسر.

منصور وجاسر: نعم. رفيق: تعالوا هنا. رفيق اشتلهم، رايح ناحية باب الفيلا. ورد: انت رايح فين؟ رفيق: ده مشوار بسيط جمبكم. هي فهمت هو رايح فين. ورد: ههههه، طب ليه كده؟ خرج رفيق راح على منزل صابر ورحمة. بدأ يخبط. صابر فتح الباب وهو بيفرك عينيه. صابر: في إيه؟ رفيق: اتفضل. قاعدين يقول من الصبح عاوزين نروح لجدو صابر وتيتا رحمة. صابر: قلب جدو. رفيق: يعقدوا معاك هنا شهر عشان أستريح. مع السلامة. ذهب إلى فيلا ورد.

ورد: وزعت العيال. رفيق: عشان نفوق لنفسنا باقي ياقمر. تابع حديثه بغمزة: بقولك إيه، روحي حضري عشا في جو رومانسي والشموع. ورد: حاضر من عنيا ياقلبي. عند منصور. دادة: منصور بيه. منصور: أيوه يادادة. دادة: السلسلة دي وقعت من البنت اللي كانت هنا. منصور: هاتى كده. السلسلة. دادة وضعت السلسلة في يده. منصور كان بيلمس السلسلة بيده... فجأة تذكر. فلاش باك. نور: أبيه منصور. منصور: عاوز إيه؟ نور: انت عارف إن النهاردة إيه؟ منصور: إيه؟

نور: عيد ميلادي. منصور: طيب. نور: هو إيه اللي طيب؟ فين الهدية؟ منصور: هدية إيه؟ نور: هدية عيد ميلادي. انت كل سنة بتجيب لي هدية. منصور: قولت بلاش السنة دي. نور: طيب. كانت هتمشي، وقفه صوته. منصور: استنى. نور التفتت: نعم؟ منصور طلع علبة فيها سلسلة. منصور: اتفضلي ياست البنات. نور بفرحة: واو! جميلة أوي. إيه ده؟ فيها اسمي؟ منصور: خلي السلسلة دي ديما معاكي. باكم. منصور: قول لي يادادة الاسم الموجود في السلسلة. دادة: نور.

منصور بصدمة: نور؟ كان بيصرخ: مش ممكن! في مكان مجهول. عند نور. بدأت تفوق ووجدت نفسها في مكان غريب. نور: منصور انت فين ياحبيبي؟ أمير: أخيراً فوقتِ. نور انتفضت من مكانها. نور: انت؟ أنا اللي جابني هنا؟ أمير: نصيبك باقي يا عسل. نور: انت حيوان وزبالة. أمير: احترمي نفسك. نور: خرجني من هنا. أمير: معنديش أوامر بكده. فجأة دخل رجل آخر طول بعضلات. نور نظرت له بخوف وقالت: انتوا عاوزين مني إيه؟

غريب: مش عاوزين منك حاجة. أنا كلامي مع منصور بيه، ابن خالك. نور بخوف: عاوزين من منصور إيه؟ غريب: منصور خسرني كتير، لازم يعوضني الخسارة دي. وأكيد هيدفع فيكي كتير، مش هيرضى إننا نقتلك. نور: انتوا عصابة. غريب: افتكري اللي انتي عاوزاه. ثم تابع حديثه وهو ينظر إلى أمير: كلمت منصور؟ أمير: لأ. غريب: هات الموبايل. أمير: زي ما اتفقنا، أنا لي نص الفلوس. غريب: نصها مرة واحدة؟ أمير بقلق: انت رجعت في الاتفاق ولا إيه؟

ده أنا اللي قولت لك إن نور بنت عمة منصور، وأنا اللي رسمت الخطة عشان يعطينا الفلوس. غريب بمكر: اه طبعاً، ليك نص الفلوس. عند منصور. كان هيتجنن. أسيل: هي المهندسة نور اللي كانت بتشتغل في الشركة وهي مش متجوزة؟ منصور كان بيخبط قبضة يده في الحيطة بكل قوة. معتز: اهدى يامنصور. منصور بصراخ: محدش يقولي اهدى! ده أنا بموت كل يوم من بعدي عنها، ولما أخيراً جات لي، يجي حيوان زي ده ياخدها مني وأنا عاجز مش عارف أحميها.

قطع حديثه رنة هاتفه. فتح الموبايل بسرعة. غريب: الو. منصور: مين؟ غريب: أنا غريب يامنصور بيه. منصور بحدة: عاوز إيه؟ غريب: في واحدة عاوزة تكلمك. حاها يا أمير. أمير مسكها من شعرها. أمير: كلمي. أمير وضع السماعة على ودنه. نور كانت بتتنفس بسرعة، مش بتتكلم، خايفة على منصور إنه يجي يعملو فيه حاجة. منصور: وحياتك عندي يانور، هوصلك.