رواية العذراء والرجل الاربعيني الفصل الحادي عشر 11 - بقلم صابرينا

وانت كنت فين ساعة حدوث الجريمة؟ شاهين: كنت في البيت نايم. الضابط: عندك شهود إنك كنت في البيت؟ شاهين: بواب العمارة شافني وأنا طالع. الضابط: اممم. نادى الضابط العسكري وأخذ شاهين للحجز لحين استكمال الاستجواب. في الحجز كان حسام قاعد بيضرب بإيده في الحيطة من الغضب على اللي هو فيه. دخل شاهين الحجز وهو شايف المساجين وحسام. الاتنين قعدوا يبصوا لبعض كتير، وبعدين شاهين عطى ضهره لحسام وهو بيبص على باب الحجز.

حسام قام وراح لشاهين. أنت تعرف زينب منين؟ شاهين: دي كانت معرفة سودا اترمت عليا، وصعبت عليا وأجرتلها شقة تقعد فيها. حسام مسك شاهين من رقبته. أنت تعرفها من امتى؟ شاهين: بعد طلاقكم اتعرفت عليها. ابعد شاهين يد حسام عنه وتحدث: شاهين: اسمعني، لو كنت أنت اللي قتلتها اعترف وخلصني، لأني مش حمل وجع دماغ، أنا دكتور محترم. حسام بدأ يضرب في شاهين. وشاهين يرد الضربة لحسام. في شقة شاهين دينا قدرت تفك نفسها وتخرج من الشقة.

لقت واحد غريب بيخطف موج. صرخت وجرت ورا العربية وهي بتستنجد. وركب عربيتها تلحقه لكن مقدرتش. حفظت رقم العربية وجريت على القسم تبلغ عن اللي حصل. في القسم دخل الضابط بالتقرير اللي فيه بصمات حسام وشاهين، واللي بصماتهم مش شبه بصمات الجاني. أمر الضابط بإحضار شاهين وحسام من الحجز. في المكتب دخل شاهين اللي هدومه كانت متقطعة، وحسام اللي وشه مزرق. الضابط: تقدروا تمشوا. التقرير أثبت إن البصمات متخصكمش. لسه حسام وشاهين خارجين.

انفتح الباب ودخلت دينا بتعيط وتصرخ وتستنجد بالضابط. حسام وشاهين راحوا لدينا اللي اتجننوا أول ما سمعوا اسم موج. حسام: حصل إيه؟ فين موج؟ انطقي! دينا بصت لشاهين: أنت السبب، أنت السبب. شاهين: موج حصلها إيه؟ في إيه؟ دينا: موج اتخطفت. الضابط أخد دينا قعدها على الكرسي عشان يفهم منها. وحكت دينا كل حاجة واتفاقها مع شاهين، وإنها اتخطفت أول ما طلعت من البيت. حسام مسك في رقبة شاهين. انطق يا مجرم يا ابن الـ*ـلب. أختي فين؟

عملت فيها إيه؟ انطق. شاهين: أنا عارف مين اللي خطفها. راح شاهين بقوة هو وحسام مع الشرطة لبيت ندى. في شقة ندى كانت ندى في المطبخ بتنادي على وائل. وائل... وائل... جه وائل وحضن ندى من ضهرها. وائل: ششش، وطي صوتك. أنا مصدقت البنات ناموا. ندى: بحبك. وائل فضل يبوسها بوسة طويلة وهو حاضنها. فجأة سمعوا صوت هبد على الباب. وائل: خليكي هنا، هشوف مين اللي بيهبد ده. خرج وائل يفتح الباب لقي شاهين وحسام والشرطة. وائل لسه هايتكلم.

شاهين ضربه وفضل يضربه. صرخت ندى وطلعت لقت شاهين بيضرب وائل والكل بيحوشه. يا ابن الكلب! بتعمل إيه هنا؟ خطفتوها ليه يا ولاد الكلب؟ صرخت ندى باسم وائل. ندى بصراخ ضربت شاهين. ابعد عن جوزي. شاهين بصدمة: جوزك؟ ندى: أيوه جوزي. ودخلت جابت القسيمة وعطيتها للضابط. الضابط: إحنا آسفين يا مدام، حصل سوء تفاهم. أخذوا شاهين المصدوم من ندى ووائل بعد ما أحضنها وائل قدامهم وكأنه بيقوله أخدتها هي وبناتك منك. في مكان مجهول

علا: عايزاك تصورهالي وهي في حضنك. عزيهالي في شرفها. الرجل: أنتِ تؤمري.