رواية العذراء والرجل الاربعيني الفصل الثامن 8 - بقلم صابرينا

في الكليه كانت موج داخله الكليه بتاعتها لقت شاهين في وشها حاولت تبص لبعيد كأنها مش شايفاه وكده بس على مين وقف قدامها واتكلم شاهين: آسف موج الهوى: بلّمت شاهين: على اليوم اللي ضربتك فيه والأذية اللي سببتها لك في المحاضرة خلينا نبدأ صفحة جديدة موج الهوى: بجد؟ شاهين مد إيده لموج: أصدقاء؟ موج الهوى: طبعًا أصدقاء كل دا بيحصل قدام عيون علا علا في سرها: فيها إيه زيادة عني؟

دي ضربتك قدام الكلية كلها واقف تتكلم وتضحك معاها وأنا مطنشاني؟ بس على مين؟ والله لأخربها عليك وأبلغ عنك عميد الكلية موج كانت واقفة مع شاهين فرحانة وشاهين قدر بخبرته يحسس موج إنه كويس والوقار الكذاب كان باين عليه *** كان حسام نازل عشان يحجز البدلة مع دينا لقي زينب واقفة تحت بتعيط زينب: حسام ممكن نتكلم؟ حسام: خير؟ زينب: أنا بحبك خلينا نرجع يا حسام، أنا حياتي جحيم من غيرك حسام: بجد؟

زينب: انت طلقتني في ساعة غضب يعني يمينك واقع، أنا لسه مراتك وبحبك خلينا نتجوز تاني موافقة؟ حسام: بس بشرط زينب: اشترط اللي انت عايزه يا حبيبي حسام: بوسِـي رجلي هنا وفي الشارع حالا زينب: انت بتقول إيه؟ حسام: مش عايزة خلاص زينب: لأ، استني بس الناس هنا، ممكن في البيت وأنا مستعدة أعمل كده حسام: لأ، دلوقتي وقدام الناس مش قعدتي تزغرطي لما اتطلقتي وعملتي فضيحة؟ دلوقتي قدام الناس بوسِـي رجلي وارجعك تاني زينب بانكسار: حاضر

وطت زينب عشان تبوس رجل حسام حسام بعد عنها بقرف واتكلم حسام: أنا مش عارف كنت متجوز معدومة الكرامة والإحساس دي إزاي أنا قرفان منك حقيقي قرفان منك والحمد لله إنك طلعتي من حياتي في داهية حسام كان ماشي لكن كلام زينب منعه زينب: أنا حامل حسام دار وضربها بعنف على وشها وقعها على الأرض حسام: وأنا عقيم يا فاجرة يا منحطة سمعت زينب كلمة عقيم من هنا واختفت من وش حسام نهائي جري حسام وراها عشان يحاسبها على خيانتها له

لكنها اختفت من قدامه حسام: هقتلك يا بنت الـ... هقتلك والله لأقتلك *** في شقة زينب روحت زينب الشقة مرعوبة خايفة من اللي حصل زينب: الحمد لله قدرت أهرب منه دخلت زينب أوضة النوم وأخدت شاور طلعت من الحمام كلمت زينب شاهين وحكت له كل اللي حصل بينها وبين حسام وإنها مقصرتش وإنها عايزة تكون معاه زينب: أنا حاولت بس فيه مصيبة حصلت حسام طلع عقيم وأنا قلت له إني حامل أنا في مصيبة، دا ممكن يقتلني

شاهين: أقسم بالله لأقتلك لو فكرتي تقربي لي انتي فاهمة؟ قفل السكة في وشها طبعًا شاهين كان مقرر يقتلها لو اعترضت له *** قدام اللاب توب بتاعه شاهين كان بيتفرج على صفحة موج الهوى وصورها الجميلة وبعتلها "أدد" وطبعًا اتقبل وبدأت المحادثات بين موج الهوى وشاهين واللي من خلالها عرف إنها بنت محترمة أوي واحلوت في عينه أكتر وأكتر كان عايز يمتلكها زيها زي غيرها *** في شقة شاهين كان لسه بيكلم موج سمع صوت الباب بيخبط جامد

راح فتح الباب لقاها زينب زينب دخلت بزعيق زينب: هي فين؟ فين اللي بتخوني معاها؟ راحت فين؟ أكيد مخبيها جوه دخلت زي المجنونة جوه لقت محادثات بين موج الهوى وشاهين زينب بغضب: يعني أنا كنت كوبري عشان توصلها؟ وأي وصلتلها ولا لسه؟ شاهين: اخرسي، دي أشرف من اللي خلفتك زينب: أما أوريك والله لأقولها كل حاجة شاهين خنقها من رقبتها واتكلم بصوت واطي هقتلك لو فكرتي تروحي لها هقتلك زقها بعيد عنه وسابها وقعت في الأرض

شاهين: اللي في بطنك ده مش ابني، دا ابن حرام وأنا مش أبوه انتي فاهمة؟ ويلا غوري من هنا زينب بعياط حقيقي لأول مرة: منك لله، خربت بيتي منك لله، منك لله دمرتني أنا كنت عملت لك إيه؟ شاهين: دا مصير أي زوجة خاينة لجوزها الضياع انتي اللي عينك فارغة، بصيتي للمستحيل مع إن الممكن كان بين إيديكِ جريتي للحرام مع إن الحلال كان موجود سيبتي الحب وجريتي ورا وهم دا مصيرك لازم تتعودي عليه الضياع وأقسم بالله لأقتلك لو فكرتي مجرد تفكير

إنك تقولي حاجة لموج زينب: إيه؟ هتتجوزها؟ شاهين: آه زينب ضحكت ضحكة عالية أوي زينب: فوق انت مش بتسنن، انت أربعيني عارف فرق السن بينكم كام؟ شاهين: مش يمكن أخوها هو اللي يترجاني أتجوزها؟ الأيام متعرفيش مخبية إيه يلا يا شاطرة على بيتك وما أشوفش وشك تاني *** في شقة شاهين كان بيتكلم مكالمة فيديو كول شاهين: امتى هتتجوزي؟ دينا: الأسبوع الجاي شاهين: حاولي إن موج متكونش موجودة في الشقة وابعديها عن حسام خالص

عايز المشاكل بين الأخين تكتر والعداوة تكبر عايزها تلاقيني أنا الحضن الحنين ليها فهماني؟ دينا: بس أهم حاجة قاطعها شاهين شاهين: اعتبري أخوكي الشمام اتعالج متقلقيش يا دينا طول ما انتي بتنفذي اللي أنا عايزه حسام وأخوكي هايكونوا بخير سلام *** في المساء كانت زينب بتاخد شاور وطلعت من الحمام لقيته ماسك سكينة وواقف قدامها زينب: لأ! متقتلنيش لأ! أبوس إيدك أنا حامل لأ! ضربها بالسكينة في بطنها كذا مرة قتلها