رواية العذراء والرجل الاربعيني الفصل التاسع 9 - بقلم صابرينا

في شقه شاهين كان شاهين قاعد قدام اللاب توب بتاعه بيكلم موج، وعرف عنها كل شيء: اسمها، عنوانها، رقم تليفونها، الحاجات اللي بتحبها والحاجات اللي بتكرهها، أخوها وصحابها. وهو قالها كل حاجة من غير ما يحس. شاهين بعت رساله لموج: "بحبك" واستنى منها الرد، لكنها قفلت نت. حاول يتصل عليها، سمع أجمل صوت بيقول: "الوووو" شاهين: "أنا شاهين" قفلت موج السكة في وشه على طول. في اوضة موج كانت موج بتكلم نفسها:

"إيه الجنان اللي الدكتور قاله ده؟ اتجنن دا ولا إيه؟ إزاي يكلمني كدا؟ مجنون دا ولا إيه؟ لاااااا، أنا لازم أروح لدينا، أنا عقلي هايتفرتك من كتر التفكير." في شقه دينا كانت دينا بتتكلم في التليفون مع شاهين. دينا: "حاضر، حاضر." شاهين: "اعرفيلي مالها؟ وقفت فونها ليه؟ وليه قفلت السكة في وشي؟ دينا: "حاضر، أنا هاروحلها." شاهين: "ولو لقيتيها ميالة ليا، زودى ميولها أكتر وحبيها فيا." دينا انسحت من لسانها واتكلمت:

"هو أنت حبيتها بجد؟ قفل شاهين السكة، وفضلت دينا تعيط. هي مش عايزة تبقى خاينة، ودي موج الهوى، عشرة عمرها، بس مضطرة تكون خاينة عشان بتحب أخوها ومش عايزة تخسر حسام. لبست دينا هدوم خروج عشان تنزل، اتفاجئت بالباب بيخبط. دينا: "مين؟ موج: "أنا موج يروحي، افتحي." دينا فتحت الباب لموج واتكلمت: "أنا كنت لسه جايلك." موج الهوى دخلت وقعدت على السرير: "أنا واقعة في مصيبة." دينا: "بعد الشر عليكي، مصيبة إيه؟ موج الهوى:

"فاكرة مشكلة الدكتور؟ دينا: "ماله الدكتور دا؟ مش كنا خلصنا منه؟ موج حكت كل حاجة لدينا، وإنّه قالها إنّه بيحبها. دينا: "إنتي متأكدة إن دي صفحة الدكتور؟ ماممكن يكون هكر يابنتي؟ موج: "اتصل عليا كمان لما لقاني قفلت." دينا قعدت جمبها: "ي نهار أزرق بالالوان، دا جنان فعلاً. أوعى تكوني اتجننتي انتي كمان وبتفكري فيه؟ موج: "إنتي عارفة دا عنده كام سنة؟ دا أكبر مني بكتير يابنتي." دينا:

"السن عمره ما كان عائق، أنا وحسام مثلاً. أنا مكملتش العشرين وهو في الثلاثين." موج: "الفرق معقول، لكن دا تلاقيه في الأربعينات." دينا: "إنتي بتتحججي على فكرة." موج: "تفتكري؟ دينا: "ادي لقلبك الفرصة إنه يعيش. الدكتور دا محترم وكويس جداً، وبرغم اللي عملتيه فيه محولكيش لرئيس الجامعة ورفضك مثلاً؟ لا، بالعكس، دا انتوا اتصاحبتوا كمان." موج: "حاسة إني مش مرتاحة، أنا هاحول من الكلية دي." دينا خافت لموج تفوق،

وحاولت تحط السم في العسل: "وتضيعي عليكي حلم الطفولة؟ إنتي ناسيه إن دي كليتك وحلمك كله فيها؟ وبعدين لو مش عايزاه قوليله مش عايزك، بسيطة." موج: "إنتي أختي بجد وحبيبتي، أنا بحبك أوووي. إنتي عندك حق، أنا هاتكلم معاه وأقوله إن كدا مش هينفع وكدا غلط." *** في شقه شاهين كان الباب بيخبط. راح شاهين يفتح الباب، اتفاجيء بعلا، طالبة عنده في الكلية. شاهين: "علا! إنتي بتعملي إيه هنا؟ إنتي اتجننتي؟ علا:

"اتجننت عشان في بيت الراجل اللي بحبه." شاهين: "بلاش جنان، إنتي عارفة أنا عندي كام سنة؟ علا: "وليه ماقلتش الكلام دا لنفسك لما كنت واقف مع البت اللي ضربتك وكنتوا عمالين تضحكوا؟ شاهين: "إنتي مجنونة؟ إنتي بتراقبيني؟ بدأت علا تقلع هدومها قدامه لحد ما بقت بالقميص. علا قربت منه: "أنا بحبك."

شاهين مش بقي شايف غير موج الهوى، دي أكبر تحدي في حياته، وبقي مش عاوز أي حد غيرها. شاهين لم هدوم علا من على الأرض وحطها في إيديها، وخدها للباب وفتحه وخرجها. شاهين: "ابعدي عني ي رخيصة، ومهوبيش ناحيتي تاني، لإن المرة الجاية هايكون فيه مجلس تأديب من الجامعة، وأنا أقدر أعملها وأعملها كويس كمان." *** فضل شاهين مع نفسه يفكر في كلامه مع علا. "شوفي سنك وسني، أنا راجل أربعيني." شاهين: "إنت اتجننت ياشاهين؟

إنت إزاي نسيت سنك وقولتلها إنك بتحبها؟ متوقع إيه من عيلة مكملتش العشرين؟ هاتجري عليك وتقولك بحبك؟ ولا يا أونكل؟ إنت إزاي عملت كدا؟ إنت الحريم بيترموا تحت رجليك، علا وزينب وغيرها، إزاي تعمل كدا في نفسك ياشاهين؟ أنا لازم أنفذ الخطة حالا، لو موج وافقت أو لأ، براضاها أو غصب عنها، هاتبقى بتاعتي." اتصل شاهين بدينا. شاهين:

"اسمعي كويس اللي هاقولهولك، هاتاخدي موج بكرة لشقتي بحجة إنها شقتكم الجديدة، وهاتعمليلها عصير وتحطيلها فيه منوم، وتسيبها وتمشي." دينا: "لاااااا، إحنا متفقناش على كدا." شاهين: "اسمعي ي حلوة، أنا ممكن أقتل أخوكي في المصحة اللي بيتعالج فيها، ومش بس كدا، دا أنا ممكن أروح لحسام وأفبركلك صور توديكي في مليون داهية، ومش هاسيبك بردو. نفذي اللي قلت عليه، أنا محدش يرفضني أبداًاااا، إنتي سامعة؟ "يا عووووض، يا عووووض، إنت يزفت."

جه عوض البواب للهانم. الهانم: "إيه الريحة النه دي اللي جاية من شقة ٦؟ خبطي على البهايم دول وشوفي مصدر الريحة من إيه." عوض: "حاضر ي هانم." راح عوض يخبط على الشقة، محدش فتح. اتجمع سكان العمارة كلها على الريحة وكسروا الباب، لقوا جثة زينب بدأت تتحلل وتطلع روايح بشعة. العمارة كلها بقت في حالة خوف، واتصلوا على الشرطة. اليوم التالي

اتصلت دينا على موج وقرروا ينزلوا يشوفوا شقة دينا وأهلها الجديدة، اللي هي طبعاً شقة شاهين. أخدت دينا موج الهوى وراحوا شقة شاهين. في الشقة موج: "الله، حلوة أوي أوي الشقة ي دينا." دينا: "حبيبتي، زمانك عطشانة، هاعملك عصير فريش." موج: "وهاتي فشار معاكي، وأنا هاتفرج ع الفيلم." دخلت دينا المطبخ، لقت شاهين مجهز العصير. طلعت دينا بالعصير، لقت موج الهوى بتتفرج ع التي في ومستمتعة. عطتها دينا العصير، وموج شربته كله، وووووووو.