رواية العطر الفريد الفصل الثاني 2 - بقلم هنا سلامة

تاليا بكسوف: اقلع بسرعة. فريد بصدمة: نعم؟ تاليا بدموع: فستاني اتقطع يا فريد وجسمي كله باين. فريد بحنان وهو يقومها: طيب قومي وأنا هتصرف. تاليا بعياط: بقولك جسمي باين يا فريد! فيه بنت دست على طرف فستاني قطعته كله. قلع فريد البلطو بتاعه ونزل قعد على ركبه وحطه عليها. ولما كان هيقوم، مسكت في دراعاته وقالت وهي باصة في الأرض: خليني معاك. الفستان اتقطع من تحت كمان والبلطو ده مش هيعمل حاجة.

فريد بتنهيدة: متخفيش أنا هتصرف. خليكي هنا وهنادي بنت تساعدنا. تاليا بشحتفة: طيب. راح فريد يشوف أي بنت تقدر تساعد تاليا. اتأكدت تاليا إنه مشي وطلعت فون من قطعة في الفستان وقالت بعياط: أيوه يا عم، أيوه أنا مع فريد باشا، متخافش هروح معاه وهعمل اللي اتفقنا عليه. قفلت معاه بسرعة لما لقت فريد جاي عليها. جيه فريد ومعاه بنت في إيده. وقفوا قدام تاليا فقالت البنت بتكبر: مالها يا فريد؟

فريد ببرود: فستانها اتقطع يا هيدي. ممكن تطلعيها معاكي وتلبسيها حاجة من عندك؟ وقفت هيدي قدامه وحاوطت رقبته وقالت بمياعة: ما أنت عارف مش بحب حد يلبس حاجاتي. إيدها من عليه وقال بصرامة: يبقى همشي أنا وهي. هيدي بغيظ: وأنت تمشي ليه؟ ماهي تتنيل تمشي! تاليا بعياط: لا لا أنا مش هعرف أروح لوحدي بالمنظر ده. ده ولاد الحارة يتحرشوا بيا! فريد ببرود: ومين قال إني هسيبك أصلاً؟ وقف قدامها وداراها

بجسمه العريض وقال بإحراج: بصي أنا هاخدك في حضني لحد ما نطلع من هنا. يلا قومي متخفيش. قامت تاليا براحة وهو شدها ليه من حزام البلطو ورابطه على جسمها كويس وهي بتسمح دموعها في قميصه. لحد ما خرج بيها من الحفلة وهو محاوطها كويس من وسطها. وطبعاً البنات بتتفرج ومتغاظة، ورجال الأعمال مستغربين مين البنت دي وإزاي تبقى في حضن فريد بالشكل ده. "في العربية" تاليا وهي بتمسح دموعها: مش عارفة أقولك إيه. بجد مش عارفة أقولك إيه يا باشا.

فريد وهو بيسوق: متقوليش حاجة. بس بعد كده خدي بالك من خطواتك. تاليا بشحتفة: أنا آسفة إني بوظت الشغل النهاردة. آسفة بجد. فريد بتنهيدة: ده تصرف طبيعي مني. وبعدين خلاص بطلي آسف. وخذي بالك. أنا شغلي رقم واحد في حياتي. ومعرفش إيه اللي خلاني أمشي. كان ممكن أتصل بالسواق. تاليا وهي بتمسح مناخيرها بالمنديل: ومعملتش كده ليه؟ بصلها فريد ودقق في ملامحها وبلع ريقه: خوفت عليكي. خوفت عليكي.

ابتسمت تاليا بهيام وهو بصصلها. ولما كان هيتكلم لقى تاليا بترمي منديل مسحت بيه مناخيرها في وشه وبتعيط وبتقول: بس شكلي كان بوكسر في الحفلة والفستان بيتقطع. مسح على وشه بقلة صبر وقال من بين سنانه: ملعون أبو هرمونات الستات دي! "قدام بيت تاليا، في حارة ضيقة" تاليا بلجلجة: لا ما هو مش هطلع البيت بالمنظر ده. ودينا على بيتك عشان أغير وألبس أي حاجة من هدومك. فريد: معنديش مشكلة بس مفيش حد في شقتي. هنبقى أنا وأنت والـ...

تاليا بردح: لا لا يا باشا، ده أنا آخر مرة الواد سيحا كان عاوز بس يمسك إيدي كسرتها له. ف دماغك متوهش وتروح بعيد عشان مقطعهاش! فريد بزعيق: في إيه؟ خلاص يا ست الجامدة. يلا بينا على شقتي. "في شقة فريد" تاليا بإستغراب: ده بيتك؟ فريد بسماجة: لا دي شركتي. أنت شايفه إيه؟ تاليا: لا مقصدش بس مكنتش متخيلة إنك تبقى عايش في شقة يعني! وكئيبة بالمنظر ده كمان! فريد بتنهيدة: لا ده موضوع كبير. ادخلي أنت الأوضة واقفل على نفسك وغيري.

تاليا بإبتسامة: أوكيه. "في أوضة فريد" دخلت تاليا وهي بتتفرج على الأوضة. فيها صور كتير ليه. ولونها رصاصي في أسود. فتحت الدولاب بتاعه ف لقت هدوم قليلة. وكم بدلة!! مش زي كانت متوقعة أبداً! لقت فونها بيرن فردت بصوت واطي وقالت: ألو يا باشا. أيوه أنا في بيته أهو. المجهول: طيب متنسيش تحطيله الدواء يا تاليا. أوعي تنسي تديله الدواء. عشان يخف ويبقى كويس. تاليا بخوف: لا إن شاء الله هعرف. بس أنت ليه مش راضي تقولي هو عنده إيه؟

وده دواء إيه؟ وهو رافض يتعالج من إيه؟ أنا مش فاهمة حاجة بجد! المجهول بعصبية: أنت تنفذي كلامي وبس. أنا مش هأذي فريد أكيد. ومتنسيش تجيبي كام ورقة هقولك عليهم من أوضته. تاليا بعصبية: لا أنا مش حرامية! المجهول بخبث: يا بنتي الورق ده هيفيد فريد في الشغل. أنا عمري ما هأذي فريد. ده زي ابني يا تاليا! تاليا بتنهيدة: طيب. بس لو فريد اتأذى أنا ساعتها هبقى وحشة أوي. مش هرحم حد يا باشا!

المجهول بشر: طيب يا ستي. يلا أديله الدواء وخذي الورق وانزلي. تاليا: حاضر. طلعت تاليا من الأوضة وهي لابسة ترينج رياضي بتاع فريد، وشعرها الأسود على أكتافها. لقت فريد واقف في المطبخ وبيعمل عصير مانجا. تاليا: الله! مانجا! جريت وزقيته وقالت بإبتسامة: خليني أعمله أنا وروح أنت. فريد: ده شوية عصير. هعملهم أنا عادي. تاليا بعناد: لا خليها عليا المرة دي. استسلم فريد وراح قعد قدام التليفزيون. وهي طلعت الحباية من جيبها وحطتها

في كوبايته وقالت بهمس: بالشفاء إن شاء الله يا فريد. راحت وقعدت جنبه وأدته الكوبايه. وأخدت كوبايتها. شربت كوبايتها على بق واحد ف بصيلها بصدمة. مسحت بقها بكم الترينج فقال بصدمة: الترينج!! تاليا بإحراج: هغسله والله. ابتسم وشرب العصير وهو بيتفرج على التليفزيون لحد ما حس بدوخة ومسك راسه فجأة. بصيتله تاليا بقلق وقالت بخوف: فريد. أنت كويس يا فريد؟ فريد بدوخة: معرفش. معرفش. كان بيعرق بطريقة مش طبيعية. حاوطت

تاليا وشه وقالت بخوف: أنت كويس ولا لا يا فريد! متخوفنيش عليك! فريد بهلوسة: تاليا. أنتِ. أنتِ حلوة أوي يا تاليا. تاليا ببلعة ريق: نعم! فريد بدوخة وهو بيزقها على الكنبة: أنا. أنا عاوز اللبس بتاعي دلوقتي! تاليا بصدمة: فريد!!!!!! شد السوستة بتاعت الترينج ف شهقت تاليا وهو بيقرب عليها و....