رواية الادهم الفصل الثالث عشر 13 - بقلم اسماء محمد

أحمد ماشي بوجع ناحية الجثة اللي وشها كان فيه جروح مكان الحادث. أحمد بدموع وتوتر: رهف. وحط إيده على وشها وعينه فيها دموع. أحمد: رهف... رهف... اصحي يا حبيبتي أنا جيت. محدش هيقدر يأذيكي... يلا قومي يا حبيبتي عشان خاطري قومي يا رهف بالله عليكي بلاش توجعي قلبي. وبصوت عالي: رااااهف. قومي. ومسكها من هدومها: قومي بقاااا.

وبيعيط: عشان خاطري عشان خاطري عشان خاطري قومي وأنا والله هحميكي يا رهف. طب بصي انتي كان نفسك تفتحي مرسم صح وأنا كنت معارض. قومي وأنا هعمله ليكي. يلا يا حبيبتي. ومسك إيديها ومسح دموعه: يلا قومي. الضابط: لو سمحت حرام كده وحد الله. أحمد بغضب راح ناحية أدهم ومسكه من ياقة قميصه. أحمد: قسماً بالله هقتلك يا أدهم. هقتلك. انت اللي قتلتها. الضابط: أستاذ أحمد بعد إذنك اتفضل معانا. أحمد خرج بالعافية مع الضابط.

أدهم خرج هو كمان ومش متقبل أنها ماتت. وسالي وملك ومالك بصوت واحد وقلق: هي ولا. أدهم برق بغضب: مش هي. وسابهم ومشي. علي: هي ولا مش هي يا أحمد. أحمد بوجع ودموع: هي. ملك شهقت بصدمة: مستحيل. وجريت عشان تشوف رهف. علي مش قادر يقف على رجله من الصدمة. مالك بحزن: البقاء لله. ملك بعياط: رهف... رهف انتي صاحية صح. رهف قومي معايا. هما مش بيفهموا حاجة. رهف قومي معايا يلا. وبزعيق: قومي يا رهف قومي. مالك دخل على صريخها.

مالك: اهدي اهدي يا حبيبتي. ملك بعياط وصريخ: رهف عايشة. هي بتعمل كده عشان تعرف غلوتها عندي. بس والله هي غالية أوي. حتى هتقوم دلوقتي. مالك بحزن ودموع: ادعيلها يا حبيبتي. ملك بعياط وقعت على الأرض: لا. رهف مماتتش. رهف عايشة. أنا ماليش غيرها. رهف لو ما قومتيش دلوقتي والله العظيم مش هكلمك تاني. وبصريخ: رهااااااااااااااااف. وتبتكر الأيام اللي قضوها مع بعض سواء فرح أو حزن. مالك حاضن ملك بدموع. علي سابهم وخرج وركب عربيته.

ودقايق ووصل مكان فاضي ونزل من العربية. علي بصريخ: عاااااااااااااااااااااااااا. وقعد على الأرض بعياط. علي: ملحقتش أحميكي زي ما وعدتك. أنا آسف. آسف. بعد مرور خمس سنوات. أدهم اتعالج من المخدرات وعرف إن لميس هي السبب. ولحد دلوقتي مش عارف يوصل ليها. ودايماً بيجيله تهيئات إن رهف قدامه وبتطلع مش هي. مالك وملك خلفوا بنت واسمها رهف بناءً على طلب ملك. ولسه عايشين على ذكرى رهف. أحمد محمل سالي ذنب موت رهف بسبب أخوها. وطلقها.

وسالي حالها يصعب على الكافر بعد طلاقها من أحمد. علي مش بيكلم أدهم غير قليل يطمن عليه بس. سارة راحت لأدهم بعد موت رهف. وأدهم سامحها وعمل كده بناءً على وصية رهف. أدهم كان راكب العربية وفجأة وقفها ونزل منها بسرعة وجرى ناحية بنت. أدهم مسكها من دراعها. أدهم بفرحة: رهف. البنت بغضب: انت متخلف. أدهم بإحراج: أنا آسف. وركب العربية تاني. أدهم كل يوم بيكون أحلى من الأول على أمل أن رهف ترجع. بعد دفنها. في مكان ما في أمريكا.

خالد كان ماشي في الطرقة ودخل الأوضة. في بنت صغيرة قاعدة على الأرض بتلعب. خالد: Good morning. ملك: بابي. خالد: قلب بابي. أومال ماما فين. ملك بطفولة: معرفش. هي من الصبح في التواليت. في الوقت ده خرجت أمها من الحمام. ملك: أهي خرجت. خالد بص عليها وظهر رهف. خالد: ازيك يا حبيبتي. رهف بابتسامة: كويسة طول ما انت بخير.