رواية الافعي السوداء الفصل الخامس 5 - بقلم جني احمد

تململت من نومها بانزعاج بسبب تلك الأشعة التي تقتحم عينيها. روز بتأفف: أوف بقا… سمعت دقات على الباب معلنةً أنه قد أتى. القائد بهدوء: صاحية؟ روز: آه… اتفضل. دخل القائد بهدوء متجهاً نحو فراشها التي تتوسطه. القائد بهدوء: مستعدة أحكيلك كل حاجة، بعدين نتدرب. أومأت برأسها قليلاً. *** في قصر ما على شكل ثعبان يجلس في رجل يبدو على ملامح وجهه الراحة، ولكن لا تنخدعوا، فهذه من صفات الأفعى الماكرة. الرجل بفحيح الأفعى

وهو ينظر للمرتبك أمامه: ألا قولي يا حسين، إيه أفضل عقاب ليك؟ أجابه الآخر في ارتباك وخوف شديد: اللي تشوفه يا باشا. اندفع ناحيته وهو يتحول كلياً إلى أفعى ضخمة، لفظ آخر كلماته قبل أن يتحول: معاك حق، اللي أشوفه أنااا. ومن ثم لم نسمع صوت ذلك الرجل، أقصد سمعنا صوته في معدة هذه الأفعى الضخمة. كان رجل ماكر حقير بخيل. أتمنى أن يأتي هذا اليوم. كان لدي هذا الرجل صاحب وفي جداً. وفي أحد الأيام. الرجل بمكر:

أنت عارف إنك صاحب عمري، أنا هختفي دلوقتي وأنت هتمثل إنك قتلتني علشان تستولي على كل حاجة وتروح تعمل نفسك إنك عايز تقتل بنتي. صاحبه بدهشة: إنت بتقول إيه يا جاسر؟ إنت صاحب عمري آه، بس أنا مش موافقك في الجنان ده. الرجل وهو يمط شفتيه للأمام: معاك حق، طب إيه رأيك نستخدم الطريقة التانية. ومن ثم تحول جاسر إلى أفعى ضخمة وذهب مسرعاً إلى منزل صديقه، ودون أي كلام كان سوف يبتلع ابن صديقه. صاحبه برجاء:

أرجوك يا جاسر، هعمل أي حاجة بس إلا بنتي. عاد ذلك جاسر إلى طبيعته الآدمية. جاسر بمكر: تعجبني كده. *** تبادلت أطراف الحديث معه. روز بدهشة: طب أبويا أنا يعمل كده لي؟ القائد: لحد دلوقتي محدش يعرف. آه، فيه حاجة تاني. القائد: آه، الوحمة اللي في وشك دي رمز قوتك، ده اللي بيحولك لأفعى، وتقدري تخفيها زي ما أنتِ عايزة، وفي الوقت اللي عايزاه. روز بدهشة: إزاي؟ القائد: بصي، أول حاجة ركزي على شكلك من غير الوحمة، وغمضي عينك.

فعلت ما قاله، ومن ثم فتحت عينيها ولم يحدث شيء. روز بيأس: محصلش حاجة. القائد بابتسامة صغيرة: معلش، هتتعودي المرة الجاية. يلا علشان تدربي. روز: هو لازم؟ القائد بابتسامة صغيرة: يلا يا كسولة. روز بتساؤل: هو إنت اسمك إيه؟ القائد بابتسامة: عيسى. *** في الناحية الأخرى.