رواية الاميرة و المغترب الفصل السابع 7 - بقلم الاء اسماعيل

أهو كدة كل حاجة فل والسفرة جاهزة نتغدى أنا وأنتي؟ لا يا سحر خلينا نستناهم أحسن مش لطيفة ناكل من غيرهم. بس أنتي تعبانة ومحتاجة تتغذي... أوعي تفتكري إني مش ملاحظة تصرفاتك. تصرفات إيه؟ طول ما أنتي بتاكلي معانا بتبقي محرجة تحطي إيدك على أي حاجة.. وعمرك ما أخدتي راحتك لحد ما جالك هبوط! آه فكرتيني يا سحر!! هما ما ادونيش أي أدوية امبارح؟ هاا... لا الدكتور قال مفيش داعي! مفيش داعي إزاي وأنتي بتقولي فقر دم؟ ماهو...

ماهو مش النوع الحاد أوي يعني الدكتور بيقول بالأكل الكويس ممكن تبقي كويسة. طيب تمام 🤨 يبقى أنا هأحط الأكل ليا وليكي شكل المسقعة يفتح النفس بجد بقالي كتير أوي ما أكلتهاش 🥰 سكبت سحر طبقين وبدأتا في الأكل. في هذه الأثناء وصلت كل من فاتن وحنان. حنان أول ما شافتهم قاعدين عالسفرة دخلت أوضتها من غير كلام. توجهت فاتن نحوهما. مساء الخير. مساء النور يا ماما يالا بسرعة حطي اللي في إيدك وتعالي تذوقي أحلى مسقعة في الدنيا كلها..

وانتي تعرفي تعملي مسقعة من امتى؟ أميرة اللي عملتها لدرجة إني ما قدرتش أستنى دقيقة كمان 🥰 اه ما أنا ملاحظة... واخدين راحتكم أوي ولا كأن البيت ده ليه أصحاب تستنوهم!! أنا والله قلتلها كدة يا خالتي هي اللي أصرت ما تست... خلاص خلاص خلصوا أكل يالا على ما أصحى صالح عشان أحط لينا أنا وحنان وهو. قلتلك نستناهم شفتي نتيجة إصرارك؟ ولا تاخدي في بالك يالا كلي أنتي عشان تروحي ترتاحي.

لا أنا لازم أطلع أدور على شغل هشوف المطعم اللي حاطط إعلان ده يمكن لسه ما وظفوش حد. شغل إيه بس أنتي لسه تعبانة؟ معلش يا سحر سيبيني براحتي. مش هتكملي أكل طيب؟ الحمد لله شبعت كلي أنتي بالهناء. شبعتي إيه بس ده الطبق زي ما هو.... تنهدت بحزن وهمست بغيظ: لولا إنك أمي كنت قلت منك لله يا فاتن! بس للأسف ما أقدرش أقول حاجة 😓 دخلت سحر وبقت حنان تفكر كيف تبدأ كلامها. في غرفة سحر.

أميرة حبيبتي ما تزعليش من ماما عشان خاطري تمسحيها فيا المرة دي. قلتلك مش بزعل من خالتي ويالا ما تعطلنيش عايزة أطلع قبل ما الدنيا تظلم. ماشي يا قلبي... ربنا معاكي. حنان: بابا أنا كنت عاوزاك في موضوع. خير يا حنان؟ حضرتك أنا كنت عاوزة 1000 دولار. ألف دولار حتة واحدة؟؟ ليه بقى؟؟ عاوزة أعمل مشروع كدة أنا ووحدة صحبتي. مشروع إيه ده كمان؟؟

هنجيب مستحضرات تجميل اتفقنا مع صاحب المختبر اللي بيصنعها إننا ناخدها بنص ثمنها ونبيعها تاني أونلاين بس محتاجة راس مال عشان أشاركها. بس أنا مش معايا المبلغ ده! مش أنت لسه قابض؟ أيوه بس دي يا دوب تكفي مصروف الشهر لما أديهالها هنكمل باقي الشهر منين؟؟ يا بابا مش مشكلة... خد من الفلوس اللي أنت محوشهم. إني عارفة إن دول شقى عمري مش مستعد أحط إيدي عليهم و تنسي إنهم موجودين أصلاً!!

بس أنا مستعدة أرجعهم لك اعتبرها سلف وهأردها بعد تلات أشهر. مش عارف.. مش عارف إيه؟ يعني عاجبك قاعدة البت كدة من غير شغلة ولا مشغلة؟! مش يمكن مشروعهم ينجح وتساعدك في مصروف البيت بدل ما أنت ملخوم في شغلانتين ومموت نفسك ليل ونهار!! أنتي شايفة كدة؟ أنا رأيي نديها فرصة مش خسرانين حاجة. أمري لله... ميرسي أوي يا بابا ربنا يخليك ليا 🥰 في هذه اللحظة اسرعت حنان إلى الداخل وهي تلتفت يمينا ويسار.

دخلت إلى غرفة والديها وأخرجت صندوقا صغيرا من أعلى رف في دولاب والدها وأخذت كل المال الموجود فيه ووضعته في حقيبة يدها ثم أعادته إلى مكانه وغادرت مسرعة بعد أن تعمدت ترك باب غرفة والديها مفتوحا على مصراعيه وكذا باب غرفتها. فور أن أوصلت والدتها إلى الهايبر توجهت إلى دانيال وأعطته المال وعادت مسرعة إلى والدتها. آسفة يا بابا... يا رب بس تقدر تستحمل الصدمة لحد ما يتم اللي إحنا عاوزينه. خير؟

مالك داخلة عليا كدة زي ملك الموت؟؟ لعبة إيه دي مش واخدة بالي؟؟ لا واخدة بالك أوي وعارفة أنا قصدي إيه؟؟ بقى عايزة تبيعي لحم بنت خالتك اللي من دمك؟ وصلت بيكي الحقارة لكده؟ مش كفاية أنتي بايعة نفسك برخيص؟؟ أبيع إيه وأشتري إيه أنتي بتتكلمي عن إيه؟؟ أميرة اللي كنتي واخداها لدانيال لولا ستر ربنا ولحقتها في الوقت المناسب كانت ضاعت بسببك.. أنتي إيه؟! شيطان؟ ده أنتي حتى بنت زيها؟؟

على فكرة أنا اخترعت الحكاية إياها وما قلتش لحد على الحقيقة لا أميرة ولا ماما عشان صورتك بس قدامهم وكمان عشان مهما كان أنتي برضو أختي وما يهونش عليا تتفضي... بس أقسم بالله يا حنان لو الموضوع ده اتكرر واعرف أنك حاولت توصلي القذر اللي اسمه دانيال ده لأميرة مرة تانية لأكون ناسيه الأخوة وفاضحة علاقتكم أنتي وهو ولعبتك الواطية دي هأطربقها فوق دماغك فاهمة!!! وأظن بابا مستحيل يسكت لما يعرف علاقتك بالقذر دانيال واصلة لحد فين.

في مكان بعيد في كندا. انت بتقول إيه يا خالد؟ وأنت كنت فين لما حصل كل ده؟ قلتلك يا ياسين الظاهر إن اللعبة محبوكة بشكل دقيق عشان كدة ما اكتشفتش أي ثغرة في الحسابات، بس زي ما قلتلك قبل كدة .... أنا من الأول مش بأثق في اللي اسمه ميشال ده ولا مستريحله عشان كدة فتشت وراه ووصلت للي وصلتله. طب ما تعرفش تدبرها أنت من غير وجودي؟؟

للأسف يا ياسين أنت لازم تيجي بنفسك عشان تعاين البضاعة قبل ما نسلم الشحنة للشركة الأمريكية .. وما تنساش أنا معايا نسخ بس من صفقة الخشب اللي اتفقت فيها مع الأمريكان بس الورق الأصلي معاك أنت بإعتبارك المدير العام للشركة... وكمان أنا معنديش أي صلاحيات إني أتدخل في شغل ميشال والجماعة اللي تحت مسؤوليته وده اللي خلاه يستجرأ ويعمل شغل من وراك ... فاكر إنك مش هتقدر تيجي هنا وتكشفه وعارف إن صلاحياتي محدودة. تمام ...

أنا هأضبط أمور الشركة هنا وأجيلك .. بس خلي الخبر ده سر مش عايز حد يعرف إني جاي فاهم يا خالد؟ عيب عليك ... ده أنت صاحبي قبل ما تكون مديري. ده عشمني فيك يا أخويا. أحضري لي ملف صفقة الخشب وصفقة الورق اللي أجريناها مع شركة B NS الأمريكية وإحجزي لي بكرة على أول طائرة ذاهبة إلى أوتاوا. لك ذلك سيدي ياسين. لا ... انتظري!! جهزي الملفات وألغي كل مواعيدي للأيام القادمة .. سأذهب بالسيارة اليوم. أمرك سيدي. وحشتني.

قلتلك مية مرة يا ليليان مش بحب الحركات دي!! ده مكان شغلي وبعدين مش كان مفروض تخبطي عالباب قبل ما تدخلي؟؟! يوه بقى يا حبيبي!! ما الكل عارف إني خطيبتك! وبعدين أنا مش بأشتغل عندك عشان عايزني أعاملك بتحفظ يعني إيه لزمتها أخبط وأنا كلها شهرين وهبقى مراتك؟؟ نفس الأسطوانة ... عموما أنا مش فاضي ورايا مشوار روحي البيت أنتِ دلوقتي. مشوار إيه ده؟ يعني أنا واخدة إذن من المجلة وجاية أشوفك وأنت ماشي وسايبني!؟

ليليان مش وقت د لعك أنا عندي مشكلة في أوتاوا لازم أسافر فوراً عشان أعرف أحبها بأقل خسائر. يبقى أسافر معاك أنا كمان نفسي أغير جو أوي!! هو أنا بقولك رايح أفسح في المالديف عشان تقوليلي جاية معاك؟! دي أوتاوا!! مفيش غير تلج ومطر وبرد! طيب هتقعد هناك كام يوم؟؟ 3 أو 4 أيام على أقصى تقدير. وأ هعمل إيه من غيرك أربع أيام بحالهم؟ تروحي مجلة الأزياء بتاعتك تشوفي شغلك أنتِ كمان ... يالا أنا متأخر أصلاً!

ماشي يا ياسين .. مضطرة أتحمل عصبيتك المهم إني بعد شهرين هبقى حرم ياسين المنشاوي وساعتها هيبقى لينا معاملة تانية .. مضطر تحترمني وتعاملني كويس وإلا فأنت عارف القانون الكندي ... مش بيتسامح أبداً في حالات العنف ضد المرأة .. وأنا بقى أكتر واحدة تعرف إزاي تطلعك من طوعك وتخليك تطلع الوحش اللي جواك وساعتها كل أملاكك هتبقى ملكي 😁.. هاانت يا ياسين.

حلو أوي .. أهي الحكاية كلها هتقلب دلوقتي يا سحر .. وكلها ساعتين وحبيبة قلبي الحرامية هتكون بين إيدين دانيال 😁.