رواية الانسة مراتي الفصل التاسع 9 - بقلم هايدي ناصر

صفاء بصدمة: إيه اللي انتي لابساه ده؟ نور بتريقة: بتدور بالملابس عجبك مش كده؟ كنت عارفة إنه هيعجبك ياصفصف. سميرة وهي تكلمها بصوت واطي: إيه اللي انتي مهبباه ده؟ نور بصوت عالي: بما إن الفستان عجبكم، أومال فين الجثة؟ قصدي العريس. ياسر: نور اطلعي غيري هدومك بسرعة، إيه اللي انتي عملاه ده؟ نور بتحدي: بس أنا عاجبني الفستان ومش هغيره. صفاء: فستان؟ انتي تسمية اللي انتي لابساه ده فستان؟ نور: أومال إيه يا يااحمااااتي؟

قميص نوم زي اللي حضرتك لابساه ده. سميرة: نور إيه اللي بتقوليه ده؟ اعتذري حالا. نور: أنا مغلطش ومش هعتذر لحد ومش هغير الفستان، سامعين؟ سميرة شدت نور لغرفة المكتب وياسر راح وراهم. أيمن: مش مهم هي لابسة إيه، المهم إننا نخلص من الجوازة دي دلوقتي. صفاء بضيق: آه، أنا ماسكة نفسي عن البنت دي غصب عني، بس لما ناخد اللي إحنا عايزينه، حسابها معايا. خرج نور وسميرة وياسر بعد قليل من الوقت. نور: أنا قولت مش هغيره، سامعين؟

سميرة: يعني إيه؟ فيه عروسة تلبس ترينينغ تمرين يوم الفرح؟ أيمن: خلاص يا جماعة، مادام عروستنا عايزة كده خلاص، أهم حاجة تكون مبسوطة. نور: الله ينور عليك يا حاج. أيمن في نفسه: حاج؟ ياسر: لا، انتي زودتيها أوي يابنتايمن. أيمن: خلاص يا أستاذ ياسر، اسمحلنا ناخد عروستنا البيت. سميرة: آه طبعاً، يلا يا نور. ذهبت نور مع أيمن وصفاء إلى منزلهم. وأخيراً وصلوا بعد نظرات انفجار بين صفاء ونور. نور: فين أوضتي؟ أنا تعبت وعايزة أرتاح.

أيمن: طبعاً يامشيرة، خدي عروستنا لشقتها فوق. مشيرة: حاضر ياسعت البيه. ذهبت نور مع مشيرة لفوق ودخلت الشقة وقفل الباب وذهبت تتفحص الشقة. نور: امممممم مش بطال. ولمح نظرها عندما رأت غرفة تمرين. نور: ياصلاة النبي، دي تحفة أوي. وهي خارجة شافت ميداليات بطولة متعلقة في الحيطة. نور: شكلهم صيني. أكيد واحد بتاع بابي ومامي هياخد بطولات. أه، أومال فين عريس الزفة؟

يلا أحسن مش ناقصة قرف وخناق، أنا تعبانة وعايزة أنام. هو مافيش أوضة نوم؟ فضلت تدور في الشقة لأنها كبيرة لحد ما لاقت الغرف. نور: أخيراً لقيتك، كنتي فين ياشيخة؟ تعبت. دخلت نور الغرفة واتفاجأت لما شافت ديكور الغرفة زي ما هي بتحب، ألوانها هادية ورقيقة مع أثاث مريح وشيك وكلاسيك، والغرفة كانت واسعة وجميلة أوي وفيها بلكونة باب جرار شفاف مع ستائر لونها يخطف.

نور دخلت البلكونة كان المنظر يجنن، بتبص على جنينة الفيلا والبلكونة فيها زرع وورد وعصافير. واتفاجأت لما سمعت صوت بيردد صوتها وهي بتكلم نفسها. نور في نفسها: بسم الله الرحمن الرحيم، هو البيت ده مسكون ولا إيه؟ صوت: بسم الله الرحمن الرحيم، هو البيت ده مسكون ولا إيه؟ نور زادت رعب: لا، ده أكيد مسكون. أعوذ بالله من الشيطان الرجيم. صوت: لا، ده أكيد مسكون. أعوذ بالله من الشيطان الرجيم.

نور اترعبت جامد وأخدت عصا وهي بتتلفت حواليها بخوف. نور بصدمة: هو انت؟ صوت: هو انت؟ نور: امممم، انت بقى اللي بتردد كلامي؟ صوت: امممم، انت بقى اللي بتردد كلامي؟ نور: محترم نفسك، إيه ده؟ صوت: ما تحترم نفسك، إيه ده؟ نور: بقى حتة ببغاء زيك يخوفني ويرعبني؟ صوت: بقى حتة ببغاء زيك يخوفني ويرعبني؟ نور: لا كده كتير. ثم دخلت للداخل. صوت: لا كده كتير. نور: استغفر الله العظيم. ثم انفجرت ضاحكة.

نور: يالهوي، قلبي كان هيقع. والله العظيم إيه ده؟ هههههههههههههههههههه. دخلت الحمام غيرت ملابسها لبيجامة نبيتي وعليها نقط خفيفة من اللون الأبيض وحطت على عينيها رابطة على شكل قطة من اللون الأبيض ونامت. عند عمر. سيف: روح، جرحك عميق ولازم ترتاح. مينفعش تكمل. خلاص المهمة انتهت. مافيش داعي تفضل أكتر من كده. إحنا هنكمل. روح يا عمر. عمر: تمام. ثم ذهب بسيارته الفخمة السوداء إلى بيته وكان الوقت متأخر.

عمر دخل بكل هدوء علشان محدش يشوفه وطلع لفوق وفتح الشقة ودخل الحمام غير الجرح ولبس تي شيرت أبيض من القطن وبنطلون رصاصي وذهب لغرفة نومه وتمدد على السرير. نور وهي نائمة حسّت بحاجة على جسمها وبحركة سريعة من نور شدته، وقعته على الأرض. آآآآآآه. نور جريت على الكبس وولعت النور. حراااااااميييييي. عمر جري عليها وحط إيده على بقها. اسكتي. نور شالت إيديه بسرعة. عمر بصدمة: انتي بتعملي إيه هنا؟

نور مسكته من الياقة: أنا اللي بعمل إيه هنا ياحرامي انت؟ عمر بضيق: بت، انتي آخرسي خالص. داخلة بيتي ونايمة في أوضتي. تسميه إيه ده بقى؟ نور: بيتك؟ بيتك إيه يابو بيت؟ أيمن: هو إيه الصوت ده؟ صفاء: مش عارفة. وفجأة سمعوا صوتهم العالي. صفاء بصدمة: ده صوت عمر؟ أيمن بقلق: إيه؟ فزع هما الاثنان إلى شقة عمر ودخلوا وللأسف وجدوا 😱.