رواية الانسة مراتي الفصل الثامن 8 - بقلم هايدي ناصر

ايمن: احنا لازم نعمل الدخله بأسرع وقت، لازم الجوازة تتم بسرعة. صفاء: وعمر هنعمل إيه؟ إنت عارف إنه ماكانش موافق إنه يتجوز نهائي، وكمان مايعرفش إننا كتبنا كتابنا. ايمن: علشان كده لازم نعمل الدخله قبل ما عمر يرجع من مهمته. صفاء: إيه؟ إزاي؟ ايمن: مش إحنا كتبنا الكتاب خلاص، هنحط عمر تحت الأمر الواقع. صفاء: يعني؟ عند نور في صالة التدريب بتلعب بوكس وهي متعصبة. نور: لييييييه؟ ليه عملتوا فيا كده؟ ليه بس؟

خلاص حان الوقت. كل ده علشان أنا مش بنتكم؟ علشان كده بتعملوا فيا كده؟ بس خلاص، أنا عارفه هاخد حقي إزاي. أهل عمر راحوا عند أهل نور واتحدثوا في الموضوع. ياسر: بس... صفاء: بس إيه يا أستاذ ياسر؟ خلاص الأولاد، واتكتب كتابهم، وخلاص مش لازم نتأخر أكتر من كده. هنعمل الدخله النهارده. ياسر: طب لما نشوف نور الأول. وتقاطعهم نور بدخولها. نور: أنا موافقة. ياسر وسميرة في تفاجؤ مما قالته نور. هل حقاً سمعوا ما قالته نور صحيحاً أم لا؟

نور: آه، أنا موافقة، وموافقة إن الدخله النهارده كمان. صفاء: كده نقول ألف مبروك. نور بضيق: الله يبارك فيكي. أعتقد إن في حاجات للعروسة لازم تعملها قبل الجواز. يلا، طرّقونا كده، مش فاضيين. صفاء وهي تجز على أسنانها: طبعاً يا حبيبتي. بعد أن ذهب أيمن وصفاء، كان ينظر ياسر وسميرة لنور، ولكنها ذهبت قبل أن يتحدثوا معها. أسيا في الهاتف: يابنتي، إنتي متأكدة من اللي بتعمليه؟ نور: آه متأكدة. وبعدين إنتي قلقانة ليه؟

أنا برضه مش سهلة. فرح في المكالمة الجماعية: يعني كده خلاص مش هنشوفك تاني؟ نور: حد يديني طوبة أضرب بيها البت دي؟ لا طبعاً، أنا مش هسيب النادي ولا هسيبكم. مليكة: وهتعملي إيه؟ خلصوا أخيراً مكالمتهم. سميرة على الباب: إنتي كويسة يا نور؟ نور: ليه؟ تعبانة لسمح الله؟ سميرة: مش قصدي يا نور، بس... تقاطعها نور: ملوش لزوم السؤال. من إمتى وأنا بتسأل على حاجة تخصني؟ سميرة: إزاي ده يا نور؟ إحنا...

نور بمقاطعة: بعد إذنك، أنا تعبانة وعايزة أنام. سميرة بحزن: ماشي يا نور. ثم خرجت ودموعها تملأ عينيها. ياسر: مالك يا سميرة؟ في إيه؟ سميرة: أنا خايفة على نور أوي يا ياسر. ياسر: متقلقيش، إن شاء الله خير. ثم ضمها إليه. سميرة: بس في حاجة غريبة، نور وافقت رغم رفضها. أكيد في حاجة. ياسر: نور مش صغيرة، نور كبرت وفاهمة كل حاجة، وهي اللي قالت بنفسها. وربنا يوفقها. في الساعة الخامسة مساءً، أتى أهل عمر لبيت أهل نور.

ياسر: أهلاً وسهلاً، اتفضلوا. ايمن: يزيد فضلك. صفاء: أخبار عروسنا إيه؟ سميرة: بتتجهز مع البنات فوق، زمانهم خلصوا. هطلع أشوفهم. فرح: يا بنات، أهل العريس وصلوا. مليكة: يلا يا صلاح، متنساش خطك. أسيا: خلي بالك من نفسك. أكيد عارفة هتعملي إيه. نور: لا تقلقوا، صخرتكم أسد. فرح: طب يلا يا ختي. نور: بس إيه رأيكم في الفستان؟ ههههه. البنات في نفس واحد: هههههههههههههههه تحفة.

سميرة بتخبط على الباب: يلا يا نور، أهل العريس تحت مستنينك. فرح: حاضر يا طنط، إحنا نازلين أهه. أسيا: يلا يا جامد. خرجوا جميعاً ونزلوا للأسفل. صفاء بصدمة: إيه اللي إنتي لابساه ده؟