رواية الانتقام الفصل الثالث 3 - بقلم منة محمد

مريم: انت كنت واعدني هتبعد عن صحابك الشلة الفاسدة دي، وإن انت اكتفيت بيابس. لما رجعت من السفر لقيت عكس كده تمامًا، في ساعتها قررت القرار ده. زياد: وبعدين كملي، أنا سامعك. مريم: أنا مش قادرة أتكلم. زياد: بس أنا عايز أعرف. مريم: وأنا قلت مش عايزة أتكلم. زياد: مش قادرة ولا مش عايزة؟ مريم: يووه، بص يابن الناس، كام شهر كده هنقضيها مع بعض بالطول والعرض، فياريت تتجنبني فيهم. أنا أصلاً مش طايقة نفسي خلاص.

زياد: أنا لسه بحبك، وحوار إننا فترة وننفصل، تنسيه خالص. لم تنتبه مريم لما قاله زياد، وتركته ودخلت إلى الغرفة. ظلت تفكر كثيرًا بمستقبلها وماذا سوف يحل بها، ولكن قطع هذا التفكير أصوات كثيرة بالخارج. دخل زياد ليخبر مريم بوصول أهله لكي ترحب بهم. مريم: مطلوب مني إيه؟ زياد: مش مطلوب غير إنك تطلعي تسلمي وبس. مريم: أنا مش هطلع لحد، انت فاهم. زياد أمسك بيد مريم: صوتك لو اترفع مرة تانية هزعلك، واضح إنك مبقتيش عارفة حدودك خالص.

مريم: سيب إيدي. زياد: هخرج يا مريم، وهيبقى يومك مش فايت لو مطلعتيش، انتِ فاهمة ولا لأ. مريم بحزن: فاهمة. ترك زياد مريم تبكي بمفردها، وظلت تدعي ربنا أن تمر هذه الساعة على خير وأن تتمالك أعصابها ولن تنهار. قطع شرودها صوت زياد. زياد بطريقة مخيفة: انتِ لسه ملبستيش؟ مريم: هقوم أهو. زياد: اتفضل. مريم: اتفضل اطلع بره علشان ألبس. خرجت مريم بعدما بدلت ملابسها، وبدأت بالسلام على أهل زياد. مامت زياد (نعمة)

: بسم الله ما شاء الله، إيه القمر ده. مريم بابتسامة: شكراً يا طنط. فريدة: إزيك يا مريوم، عاملة إيه؟ مريم: الحمد لله.. انتِ عاملة إيه؟ وتكلم فارس بطريقة استهزاء. فارس: إيه دا يا مرات أخويا، انتِ مش هتسلمي عليا ولا إيه؟ نظرت له مريم بنظرة ارتباك وحاولت أن تتمالك نفسها: أهلاً يا فارس، عامل إيه؟ فارس: أنا كويس أوي.. انتِ عاملة إيه؟ مريم بثقة: أحسن منك. وظلت كلًا من مامت نعمة وفريدة وزياد يتبادلون أطراف الحديث.

انصرف أهل زياد ودخلت مريم إلى غرفتها مخنوقة. دخل زياد إلى مريم في الغرفة. مريم ببكاء: ممكن متجبرنيش أعمل حاجة تاني أنا مش عايزها. زياد باستغراب: كل دا علشان تسلمي على أهلي.. هما كانوا هياكلوكي يعني؟ تركته مريم ونامت أو تظاهرت بذلك، وأقسمت مريم على الانتقام من هذا الملعون فارس.