رواية البائسات الفصل السابع 7 - بقلم شروق عبدالعزيز

رشا بتذكر: اه صح، عملتي إيه مع سيف؟ هناء: سيف. رشا: اه سيف. هناء: أنا وسيف مبقناش صحاب، ولا حتى أحمد. رشا باستغراب: ليه؟ إيه اللي حصل لكل ده؟ هناء: سيف طلع بيحبني أنا بس، حبيتُه كصديق. أنا بحب إسلام لسه ومش قادرة أخرج حبه من قلبي رغم اللي حصل. رشا بعصبية: هناء، انتي غبية! إسلام ده واحد متجوز ومخلف كمان. هناء بدموع لأول مرة: انتي متعرفيش إيه اللي حصل بعد كده. هو كان بيضحك عليا عشان يخليها تغيّر. كسرلي قلبي.

رشا: هو أنتِ بتعيطي بجد ولا ده تمثيل؟ يعني الدموع دي بحق وحقيقي؟ هناء بدموع: أنا أصلاً مبِعيطش على حد. رشا بتأثر: هناء، انتي محبتيش إسلام زي ما انتي بتقولي، صدقيني انتي بس شفتي فيه حاجة جديدة وشكل جديد وطريقة متعاملتيش بيها قبل كده. وكمان غني، دا سبب انجذابك له بس انتي مش حبتيه. هناء بمكابرة: لا، حبيتُه. رشا بتصميم: لا محبتيهوش. تقدري تقوليلي لما عرفتي إنه متجوز متاثرتيش ليه؟ ولا كأن حاجة حصلت؟

دا انتي حتى كملتي شغل في شركته. طب تيجي إزاي دي؟ ياما بقا اتبدلتي، مهو مش انتي هناء اللي أعرفها. إيهما أقرب. هناء: يمكن فعلاً أنا محبتهوش. بعترف، أنا عجبني فيه الأسلوب والطريقة. يمكن كان من الأول إعجاب وأنا افتكرته حب. بس وجعني أوي لما طلب مني أتجوزه من غير ما يكون عندي أولاد. ياترى لو كنت قبلت كان هيبقي حالي دلوقتي إيه. رشا

بمرح للتخفيف عن صديقتها: كان زمانك قاعدة وعاملة زي ستي بتندبي حظك. قومي ياستي قومي. أحسن أصلاً إنه طلع متجوز. هناء: امشي يابت من هنا، انتي جاية تضحكي على أحزاني. شكراً يا رجولة. رشا: العفو يا أنوثة. وأكملت بتذكر: اه صح، افتكرت. قومي أنا لازم أروح النهاردة. يختااااي! مروان هيعلّقني. كتب الكتاب بكرة والفرح يوم الجمعة. يلّا نمشي بسرعة عشان ألحق أروح. وغادروا. عند باقي البائسات.

شروق: البت منار طلعت جامدة، لعلعت كده ومحستش بصوصوه خالص. الباقي بضحك: حصل. منار، انتي بجد صوتك جامد. منار بفرح: بجد؟ أنا مبسوطة أوي. وكمان في مخرج كلمني النهاردة، بس صراحة مش عارفة أقول لبابا إزاي وخايفة يرفض. شروق: يرفض إيه؟ سيبها علينا يا معلم. يلا نروح نشوف البت اللي هتتجوز بكرة دي. اه صح، يا سماء، وانتي هتعملي إيه؟

أسماء بغرور مصطنع: يابنتي أنا أصلاً جامد. كلمت بابا إن الفرح بدري وكدا وهو وافق. وكمان خالد أجل السفر علشاني. شروق: هيييح! اه ياربي ملقيش ميم لورد بس يكون زي خالد ده. ليه؟ يلاااأ. أصل المحن هيودينا أبو زعبل. في السكن. رشا: إيه دا؟ باقي الشلة فين؟ ميار: لسه مجوش. وسام بس اللي جت. هناء: وسام، مالك؟ وسام وهي تمسح دموعها: مفيش حاجة. هناء: وسام، في إيه؟ وسام: هناء، علشان خاطري متضغطييش عليا دلوقتي. هحكيلك بعدين.

قاطعهم صوت منار. منار: ياااااقوم أنااا نجحت! الجميع: مبروووك! شروق: وسام؟ وسام: مش دلوقتي. وعد، هحكيلكوا بعدين. رشا بتذمر: هتجوز بكرة ومحدش فاضيلي. وهمشي الفجر كمان. اه يا صحاب يا عروووس. وسام: الحفلة للصبح. هييييييييييه! واستعدوا لسهرتهم الجميلة التي أخفت بعض أحزانهم. وكأنها كانت النجاة لهم. في اليوم التالي. شروق: بقولك إيه، دون تاتش مفهوم. شكلك فاهمني.

رشا: ياباشا، محدش فاهمني قدي. صحبك راجل، وبعدين أنا يوم الأربع لو ملقتش حد فيكو جه، اترحموا على نفسكوا. وخصوصاً بتاعة الكونغ فو دي، أنا عارفاها. شروق وهناء والجميع: اسكتي، مش إحنا حجزنا الفساتين خلاص وجايين. هييييية! وهنلبس الفساتين كمان. رشا: باي، مش هتوحشوني علشان هشوفكم بكرة. باي. ومرت الأيام وجاء يوم الفرح. رشا: قولولي، شكلي حلو. شروق بتافف: يابنتي، والمصحف قمر. دا السؤال التسعين اللي بتسأليه.

منار: أوشة حبيبة قلبي، تسأل زي ما هي عايزة. رشا: بت يمنار، والله انتي قلبي. وسام: هي ولا مروان؟ رشا: إيه دا؟ منار ومروان؟ تصدقوا لايقة. بس لا، مروان ده قرة عيني. ياماما، فين أسماء الجزمة؟ لسه مجتش. والله لوريها. أسماء: رشااااا، وحشتينييييي موووووت! رشا بغضب: لسه فاكرة تيجي دلوقتي؟ والله كنتي خليها بعد الفرح. أسماء: إيه الإحراج دا؟ على فكرة يعني أنا متجوزة قبلك. يعني قرة عيني صمم يجي معايا. أعمل إيه؟ البنات: هييييح!

هناء: اه ياني، فكرتوني بأحمد توكسيك واللي عمله. بس والله كنت شوية وهقوله موافقة على الجواز. وسام: بقولك، انزلي بالتفاصيل. هي اللي بتنفع.

هناء: لما كنا رايحين المبادرة الأخيرة، كان عيد ميلاد وكان فارش الأرض ورد وكان جايب تورتة وهدايا كتير، لحد دلوقتي متفتحتش. بس في الآخر قالي إن سيف صاحبه وهو بيحبني بس ميقدرش يخسر صاحبه. بصراحة، كبر في نظري أوي. وبعدين النهاردة لرشا وبس. مش عارفة هتسبنا وتمشي إزاي. شلتنا بدأت بيا أنا ورشا ومنار وشروق، وبقت أنا ورشا ومنار وشروق ودينا وأسماء وميار، ونورهان ووسام، وأخير شيماء.

هناء: أنا بحبكوا أوي وبتمنى نفضل أصدقاء طول العمر. وبكى الأصدقاء على ذلك الموقف المؤثر. وجاء العريس لاصطحاب حبيبته (اوزعته ههههه) ووصلوا إلى القاعة. وبمجرد دخولهم اشتغلت أغنية طلي بالابيض. طِليِّ بالابيض طليِّ يا زهره نيسان طِليِّ يا حلوي وهليِّ بهالوج الريَّان طِليِّ بالابيض طليِّ بهالوج الريَّان اميرك ماسك ايديكِ وقلوب الكل حواليكِ والحب يشتي عليكِ ورد وبيلسان قلبي بيدعيلك يا بنتي بهالليلي الشعلاني

يا اميره قلبي انتِ سلَّمنا الاماني قلبي بيدعيلك يا بنتي بهالليلي الشعلاني يا اميره قلبي انتِ ما تنسي اهلك يا صغيري بعينينا ما صرتِ كبيري ضليِّ معنا وطيري وطيري عَ جناح الامان طِليِّ بالابيض طليِّ يا زهره نيسان كانت السعادة غامرة الجميع. وأبدأت الأغاني والرقص. وفجأة أصدقاؤها أغنية صحبتي وعشرة عمري بأصواتهم وهم يرقصون فرحين لصديقتهم. منار: اه يا قلبي ع الجمال، قمر ما شاء الله. شروق: حطها في عينك. دي أغلى بنت في الدنيا.

وسام: يعني تتدلع ومالو. ما القمر عارف جمالهم. ميار: مش هتبعد عنها يوم ولا ساعة ولا ثانية. أسماء: دي صاحبتي وعشرة عمري. وبينا سنين. هناء: من صغري وأنا إيدي في إيديها. تعدي سنين. دينا: فرحة باينة من عينيها. لايق الأبيض عليها. شيماء: والعريس إيده في إيديها. الله على جمالهم. نورهان: دي صحبتي وعشرة عمري. مبينا سنين. وانتهي الفرح وأجمل ليلة تنتظرها كل فتاة. وانصرف الجميع بفرحة غامرة وسعادة.

شروق: أنا مبسوطة أوي بجد. رشا تستاهل كل خير. اه صح، يا أسماء، انتي هتتجوزي آخر الشهر برضوا؟ صح؟ علشان الفستان ملحقش يتقدّم. مش هنلحق فساتين إحنا. أسماء بغيظ: اه يا شروق الكلب، بقا مستخسرة فيا فستان. وسام: مش القصد يا صاحبي، بس بصراحة إحنا كترنا مرة واحدة وبتتجوزوا مرة واحدة. فعايزين نتظبط. اه بس ببلاش. هناء بضحك: والله البت وسام دي في قلبي دايماً. فهماني. أسماء: اه يا شلة فقر. أنا هروح مع قرة عيني أحسن منكوا. باي.

البنات: باي. شروق: وسام، إحنا لازم نتكلم. وسام بدأت الدموع تظهر في مقلتيها: أنا عارفة. انتوا عايزين تعرفوا اللي حصل. شروق: حبيبتي، إحنا معاكي وهندعمك في حاجة انتي عايزاها. احكي لنا وإحنا هنساندك ونقف جمبك. وسام: أنا قولتلكوا على اللي الحيوا*ن اللي اسمه حسن. واللي كان عايز يعمله في المكتب. بس اكتشفت مش هو السبب. السبب في اللي حصل كان...