رواية البائسات الفصل الثاني 2 - بقلم شروق عبدالعزيز

هناء بخوف من نبرته العالية: أنا آسفة يا فندم بس... يخربيتك انت إيه اللي جابك هنا؟ أنا مش بتخيل صح؟ يخربيتك فوقي لتنطردي من أول يوم. المدير بعصبية: انتي بتقولي إيه يا روح أمك؟ انتي عارفة بتكلمي مين؟ هناء برعب: أنا آسفة يا فندم والله أنا... يعني مقصدش بس يعني بس. المدير: انتي هتهببيلي؟ يلا على مكتبك، اخلصي. مشت هناء وهي بتبرطم وتدعي على اللي وقعها في الورطة دي. هناء مع نفسها: آه يا ني، يعني يوم ما أحب أحب الغوريلا دي؟

أستغفر الله العظيم، دا مش تبع البشر أساسًا. ياما دا كان شوية وهياكلني، الحمد لله طلعت من تحت إيده سليمة. ماشي يا إسلام يا ابن أم إسلام، إن ورّيتك. فردوس وهي غارقة في هستيرية ضحك بسبب تلك المجنونة: الله يخربيتك، هتفضحينا وهتتطردي من أول يوم. إيه اللي بتقوليه دا؟ لو إسلام بيه سمعك هيعملك كفتة. هناء بثقة زائفة: فشر! هو أنا أي حد برضه؟

أنا كنت هعملها على نفسي وأنا قدامه. بس يخربيته دا مش بني آدم زينا. لا، كنت خايفة يبلعني. فردوس: هناء يا حبيبة قلبي، روحي شوفي شغلك بدل ما تطربقك على دماغنا إحنا الاتنين. وذهبوا كل منهم إلى مكان عملها. هناء: الو؟ يا زفتة يا شروق انتي والكلاب التانيين اللي عندك. عارفة لو شفتكوا النهاردة قدامي هعمل منكوا البيتزا اللي انتوا عايزينها دي. شروق بضحك: يخربيت! هو في كدا؟ إيه مسورة وضربت؟ حصل إيه؟ أوعى يكون الكراش لغى الأدد؟

هناء بغيظ: لا ياختي، طلع هو المدير وعامل زي دراكولا في الشركة ونافش ريشه كدا. أوف منه، هتشل بسببه. إسلام بغضب: انتي يا آنسة؟ إحنا مش جايين نضيع وقت، مفهوم؟ عايزة تكلمي صحابك وتكملي رغي؟ اتفضلي برة. هنا شركة محترمة مش للكلام الفاضي، مفهوم؟ هناء بعصبية: أنا مسمحلكش تقلل مني أبداً. مش عشان انت حلو ومز كدا شبه الأجانب تقلل مني، لا يا بابا، فوق. إسلام بضحك يحاول إخفاءه بصرامة: كلمة كمان وهدفنك مكانك، مفهوم؟

وخلصي الأوراق دي، عشر دقايق وتكون على مكتبي. مش عايز تأخير. وغادر. هناء: روح يا شيخ، الله عضلاتك اللي انت نافخها علينا دي تفرقع يا رب. أوووف، إيه البني آدم براس خنزير دا؟ عاااا. *** في مكان آخر. شروق: يا جماعة، انتو كمان لازم تلاقوا شغل. وأنا هحاول أقنع أبو السيد كدا، يمكن يوافق. البت هناء والعة معاها بقا والكراش طلع هو المدير وحاجة ولا في الروايات.

دينا: يبختها والله. أنا معنديش مشكلة، أنا وأسماء لقينا شغل في مكتب للسفر بس المدير يختااااي. موووز موووز وحاجة آخر حلاوة يا ولاد. رشا: بس يا ولية منك ليها، اتحشمي يا مرة. جري إيه؟ يا اختي انتي وهي، إحنا لسه ملناقيناش شغل. إمتى ألاقي بقا الفارس بتاعي؟ هييح، ياه بقا لو كان زي آدم الكيلاني؟ موووز موووز موووز. منار: آدم الكيلاني مين يا ماما؟ بتاع يا روح أمك دا؟

لا أنا هغني بقا وأطلع على الفضائيات وهيصة وبقا وكدا وبقا وكدا وهزبط الدنيا. ميار: بقولكوا إيه؟ أنا عايزة أشتغل وخلاص. ويا بقا لو قصة حب زي الروايات وواحد زي زين الجارحي؟ يا قلبي الضعيف لا يتحمل. نورهان: بس بس. زين الجارحي مين؟ وادم الكيلاني مين؟ لا يا بابا انتي وهي. أنا عايزة أشتغل في حاجة إنترناشيونال على راي هناء. إحنا تعليم كريدت يا بابا، مش تعليم عادي. شروق بمقاطعة: بس إيه؟

إحنا مش هنخلص. يلا يا اختي انتي وهي ندور على شغل بدل الفشل اللي إحنا فيه دا. البت هناء شغالة معاها عسل. (سوري يا هناء بس مكنش جايبك ورا غير نقنا 😂😂) وذهبوا كلا منهم في طريق باحثين عن عمل. *** مكان آخر. سيف: اوف، مش عارف أنا إيه الملل دا. متيجوا نخرج يا جدعان. أحمد: لا يا عم، أنا مش قادر. مع نفسك. سيف: آه يا واطي، أسفوخس على دي صحاب. أمسك هاتفه وحدث البيست فريند.

سيف: ياهلا بالناس اللي خلاص بقا بقت تشتغل في شركات ونسيتنا. (مش هنخلص من القر ده بقا؟ استحملي بقا يا هناء انتي اللي سبتينا ملناش فيه 😂) المجهول بعصبية: عايز إيه يالا؟ مش كفاية عليا دراكولا؟ عايز إيه انت كمان؟ (أكيد عرفتوا مين؟ أيوا هي اللي في بالكوا) سيف باستغراب: دراكولا مين دا؟ هناء بهدوء: فاكر إسلام اللي حكيتلك عنه. سيف بغيرة لا يعلم سببها: آه، ماله سي زفت.

هناء بغضب: آهوو سي زفت دا كرهني في حياتي النهاردة. لا طيقاك ولا طيقاه ولا طايقة العيال اللي معايا في الأوضة كلهم. سيف: وأنا مالي أنا؟ يالمبي بس. هناء بغيظ: مش عارفة. أنا شايف نفسه على إيه؟ بعضلاته اللي هتنفجر من دراعاته دي؟ شكلوا نافخ على الفاضي. أصلا ريش على مفيش. سيف بضحك: خلاص قدمي استقالتك. إيه اللي مقعدك؟ هناء بغيظ: والله جيت تكحلها عميتها. يلا يلاااا غور. وأغلقت بوجهه. هناء: اوف ياربي، مش كفاية عليا صحاب معتية؟

لا وكمان البيست؟ ياااربي أنا والله صغيرة على الهم دا. يا صغيرة على الهم يا هناء. نسيب هناء تصوت على حالها ونروح مكان تاني 😂 *** مكان آخر تقام به الخطط. مجهول ١: أنا مش عارفة أنا البنات دول شايفين نفسهم على إيه؟ مفكرين نفسهم أحسن منا. مجهول ٢: واخدين في نفسهم مقلب ونافشين جناحاتهم علينا. اسكتي ولا الغبي اللي حبتيه بيجري ورا التانية اللي اسمها هناء دي. والغبية اللي اسمها شروق، أنا بخاف منها أصلًا.

مجهول ١: والله لأخليها تندم على اليوم اللي فكرت تاخده مني فيه، وهخليها تدوق العذاب ألوان. ومش هيا بس، الشلة كلها. واحد واحد بس. هناء وشروق وأم لسان وسام دي. مجهول ٢: إحنا عايزين نخلص من الشلة كلها. والبت اللي اسمها شروق اللي عاملة نفسها بتاع دي. ولسان اللي لسانها مبيدخلش بوقها. مجهول ١: أنا هقولك نخلص منهم إزاي. اسمعي بقا. *** بالشركة. إسلام: آنسة هناء، تعاليلي على المكتب عايزك. هناء: حاضر يا فندم. تك تك تك.

إسلام: ادخل. دخلت هناء وهي مرعوبة ومش عارفة أي اللي هيحصل. هناء: أنا والله معملت حاجة، دا حتى خلصت الملفات. أهي. بص انت لو عايز تطردني أنا همشي لوحدي أصلًا. وبلاش تتعب عضلاتك خالص. بص سمو... إسلام بضحك: استني هنا يامجنونة. هناء: إيه دا؟ انت عندك سنان زينا وبتضحك أهوو. إسلام: هو أنا مش بني آدم زيكوا ولا إيه؟ هناء: هو من جهة زينا؟ فادي أشك فيها بصراحة. بس اللي تقولوا، مش انت المدير خلاص بقا؟

إسلام بضحكة عالية: بس يابنتي، أهدي. دا انتي مصيبة فعلًا زي مبيقولوا. هناء: ناعم؟ هما مين دول اللي بيقولوا؟ إن شاء الله. إسلام: هشش هش. يخربيتك هتفضحينا. بص أنا عايز أقولك حاجة مهمة بصراحة. أنا كنت عارفك أول يوم جيتي فيه الشركة. وكمان لما بعتي الأدد، أنا قبلته. أه، متستغربيش كدا. أنا كنت براقب صفحتك بالساعات. ولما صدقت بعتي وكنت خايف أبعت متقبليش. هناء، أنا بحبك ❤ وعايز أتجوزك. تقبلي تتجوزيني؟ بس مش هقدر أع...