رواية البروفيسور والتلميذه الفصل الأول 1 - بقلم ملك إبراهيم

يزن: قومي يلا يكسولة. ليلي: عاوزة أنام، سبيني. يزن بابتسامة: قومي بقا يا لولي عشان تروحي الحضانة. ليلي بغضب طفولي: حاضر يا يزن. وقامت راحت الحمام. يزن ضحك عليها وقال: اتوضي عشان نصلي مع بعض. يروح يزن ليلي وهي بتغسل سنانها: حاضر. عند مليكة: صحت من النوم، دخلت الحمام، واتوضت، وصلت، ولبست عشان تروح الدروس بتاعتها. سها (مامت مليكة) ببرود: رايحة فين؟ مليكة بضيق: هروح دروسي يا أمي، عاوزة مني حاجة؟

سها ببرود: دروس إيه وغم إيه بس، عايزة أفهم هما اللي اتعلموا خدوا إيه يعني؟ وبعدين انتي بقيتي عروسة، وفي حد اتقدم لك وأنا وافقت. مليكة بصدمة ودموع: وافقتي وأنا ماليش رأي؟ سها بعصبية: لا مالكيش، أنا اللي أقول إيه اللي يمشي، بس وكلمة كمان مفيش دراسة خالص، إيه رأيك بقا؟ مليكة مشيت وهي بتعيط. حور صحبت مليكة كانت مستنياها عشان يروحوا الدرس مع بعض. تعالوا نتعرف على أبطالنا:

يزن محمود: مدرس دراسات شاطر جداً في شغله، لقبه البروفيسور. كان متجوز بس محصلش نصيب وطلقها، وعنده ليلي بنته في حضانة عندها خمس سنين، وبيحبها جداً. وليلي بتحبه جداً. ليلي بشرتها بيضاء وشعرها بني وعينيها عسلي، وخدودها لون عين يزن، وفرفوشة وبتحب الهزار. ويزن معلمها الصلاة والقرآن وإنها تذكر الله كتير. ويزن عنده 27 سنة. يزن أمور أوي وطيب، بس جد في شغله جداً، ووقت الجد مبيشوفش قدامه. كده عرفنا يزن وليلي. تعالوا

نتعرف على مليكة وحور: مليكة مصطفى: عندها 18 سنة، في تالتة ثانوي عام أدبي. بشرتها قمحاوية، عيونها عسلي، وشعرها أسود وطويل وناعم ومحجبة. أمورة وطيبة أوي، أي حد يشوفها يحبها. سها على طول تنكد عليها وتضايقها، رغم إنها أمها بس مش بتحبها. حور صحبت مليكة: حور بتحب مليكة جداً وبتخاف عليها. حور بشرتها بيضاء وعيونها بني وشعرها بني، وعسولة أوي ومحجبة، في تالتة ثانوي عام علمي علوم. عندها 18 سنة. باقي الشخصيات هنعرفها مع الأحداث.

حور بصدمة: مالك يا مليكة؟ في إيه بتعيطي ليه؟ مليكة: مفيش يا حور. حور بعصبية: مفيش إزاي؟ أمك نكدت عليكي زي كل يوم صح؟ مليكة بدموع: بعدين هقولك، يلا عشان أنا اتأخرنا على درس العربي. حور بعند: مليكة والله مش هسيبك إلا أما تقوليلي في إيه. مليكة بدموع وحزن: أمي عايزة تجوزني غصب عني. حور بحزن: إزاي يعني؟ مليكة بدموع: معرفش يا حور، معرفش أي حاجة، معرفش هي بتعمل معايا كده ليه.

حور بابتسامة: طب اهدي يا حبيبتي، اهدي، وإن شاء الله تتحل. وأنتي حاولي تتفشي العريس ده. مليكة بدموع: طب لو معرفتش. حور بحنية وهي بتحضن مليكة: هتتحل، هتتحل إن شاء الله. مليكة بحزن وهي بتمسح دموعها: يا رب. حور بصدمة: طب يلا عشان اتأخرنا، فاضل عشر دقايق على الدرس. مليكة بصدمة: يالهوي، يلا. ومشوا بسرعة. عند يزن: كان راكب عربيته وليلي راكبة جنبه. ليلي بخوف: يزن. يزن بابتسامة: إيه يا قلب يزن؟ مالك في إيه؟

ليلي بتوتر: خايفة تزعقلي. يزن بابتسامة: لا متخفيش، مش إحنا أصحاب. ليلي: أيوه. يزن باستغراب: امال في إيه؟ ليلي بخوف: عايزة أشوف ماماي. يزن حاول يتكلم بهدوء: ماما مسافرة يا حبيبتي ومش هترجع تاني. ليلي بزعل: طب ممكن أكلمها فون عشان خاطري. يزن بابتسامة: هشوف يا ليلي عشان خاطرك انتي بس. ليلي بابتسامة وفرحة، وبست يزن من خده: شكراً يا أحلى يزن في الدنيا. يزن بضحك: ماشي يا لمضة، بتثبتني.

وكمل طريقه ووصل ليلي الحضانة، وبعدين راح درسه وهو بيفكر، هيعمل إيه. تفتكروا إيه السبب اللي خلى يزن يطلق مراته دي، اللي إحنا لسه مش عارفين هي مين. يزن بتفكير: يارب، أعمل إيه، أنا وعدت ليلي. حبيبة قربت منه: مالك يا بروفيسور. يزن بضيق: مضايق شوية يا حبيبة. حبيبة بابتسامة: طب احكي، مالك في إيه. يزن بضيق: بعد ما الحصة تخلص هحكيلك. حبيبة بابتسامة: اشطا، ماشي. تعالوا أعرفكم على حبيبة:

حبيبة أخت يزن الصغيرة. في تالتة ثانوي عام أدبي. بشرتها بيضاء وعنيها زرقاء لون البحر، وشعرها أسود وناعم ومحجبة. أمورة وطيبة جداً. عندها 18 سنة. (أه صح، المجموعات دي تانية ثانوي عشان تكونوا عارفين) عند مليكة وحور: وصلوا الدرس متأخر خمس دقايق. ميس هدى: ما لسه بدري يبشوات. مليكة: معلش يا ميس، اسفين. هدى: خشوا. ومليكة وحور دخلوا. بعد وقت خلصوا الدرس وووو.