رواية البروفيسور والتلميذه الفصل الثاني 2 - بقلم ملك إبراهيم

حور بابتسامة: يلا أنا رايحة درس الفيزياء، عايزة حاجة؟ مليكة بابتسامة: سلامتك يا حور، خدي بالك من نفسك. ومشت حور. مليكة كمان مشيت على درس الدراسات. عند يزن، خلصت الحصة وفي بنت ندهت عليه وقالت: مستر معلش، أنا الحتة دي مفهمتهاش أوي. يزن بهدوء: هعيدها تاني الحصة الجاية يا رؤى. رؤى بحب: ماشي يا مستر. ومشت. حبيبة: هااا مالك بقا؟ فاضل عشر دقايق والحصة بتاعتي تبدأ. يزن بغيظ: يا أختي ما إنتي لازقة معايا.

حبيبة بغيظ: هضربك يا يزن. يزن بغيظ: آه يا خسارة تربيتي فيكي طول السنين. حبيبة بغيظ: اخلص واحكي. يزن بضيق: ليلي عايزة تكلم أمها. حبيبة بحزن: طيب، هتعمل إيه؟ يزن بضيق: أقولها إيه يعني؟ أقولها أمك سافرت وسابتك وإنتي طفلة ومفرقتش معاها واختارت الفلوس وسابتني وسابتك؟ أقولها إيه بس؟ دي حتى ما كلفتش خاطرها تتطمن على بنتها اللي على طول بتسأل عليها. حبيبة بحزن: يا قلبي، صعبانة عليا بجد. طب أنا عندي فكرة. يزن: إيه؟

حبيبة بتفكير: اتجوز يا يزن، إنت لسه صغير حتى. يزن بعصبية: حبيبة، اقفلي على الموضوع ده. أنا عايش عشان بنتي وبس، ومستحيل أجبلها مرات أب. حبيبة زعلت وقالت بزعل: تمام، اللي تشوفه. وجات مليكة وقربت من حبيبة. مليكة بمزح: إيه يا بيبه مالك؟ حبيبة بزعل: مفيش. مليكة: مش هتكلم كتير، اخلصي قولي مالك. حبيبة بحزن: يزن زعقلي. مليكة بابتسامة: معلش مستر يزن، طيب وهيصلحك، مش هتهوني عليه أكيد يعني. حبيبة بابتسامة: إن شاء الله يا لولو.

مليكة في نفسها وهي باصة ليزن بشوق: آه لو تعرف بحبك قد إيه، آه لو تعرف إني لو أقدر أخفيك جوه قلبي أعملها، آه لو تعرف إني بحب أشوفك مبسوط دايماً. نفسي في نفسي تحس بيا، نفسي تحس بتلميذتك الصغيرة اللي كبرت سنة ورا سنة وكل ثانية حبك بيزيد لدرجة إني عديت مرحلة العشق. حبيبة بزعيق: مليكة! مليكة بخضة: إيه؟ حبيبة: عمالة بكلمك وإنتي مش هنا. مليكة بابتسامة: معلش يا بيبه، إيه؟ حبيبة: الامتحان هيبدأ.

مليكة بابتسامة: أشطة، بسم الله. ويزن وزع الامتحان عليهم كلهم. ومليكة أول واحدة خلصت. مليكة: أنا خلصت يا مستر. يزن بغيظ: راجعي، فيه سؤال أنا حاطه صعب محتاج تركيز. مليكة بثقة: مفيش حاجة صعبة عليا. يزن بغيظ: أما نشوف. حبيبة ضحكت بخفة وبعدين قالت: مستر، السؤال الأخير ده مش فاهمه، انت شرحته؟ يزن بغيظ: أيوه، ماهو هو ده السؤال، ركزي فيه وهتحلي يا حبيبة. حبيبة: تمام. عند حور.

مصطفى مستر الفيزياء: الحصة الجاية فيه امتحان يا شباب، يلا بتوفيق إن شاء الله. الكل: إن شاء الله. وكلهم قاموا مشيوا. مصطفى: آنسة حور، غبتي لي الحصة اللي فاتت؟ حور بأسف: معلش، آسفة، راحت عليا نومة. مصطفى بجدية: راحت عليكي نومة إزاي يعني؟ حضرتك مش في أولى ابتدائي نضحك ونهزر ونستهبل. حضرتك في تالتة ثانوي، أيوه هتيجي في الآخر ونخيب. حور بضيق وحاولت متتعصبش: ما أنا قولت آسفة حضرتك.

مصطفى ببرود: اتفضلي، ويا ريت متتكررش تاني. حور بضيق: إن شاء الله. وحور مشيت متجهة لمنزلها. عند مليكة. يزن بغيظ: كله صح يمليكة؟ نفسي مرة أمسكلك غلطة. مليكة بانتصار: ههههههه، مش عليا يا مستر، ده أنا أحم، هبقى الملكة في المادة دي في المستقبل إن شاء الله. يزن بضحك وابتسامة: إن شاء الله يا مليكة، وفخور بيكي إنك على طول ممتازة. وبعدين اتكلم بجدية للبنات: يلا يا جماعة، الوقت خلص، هلم الورق.

يزن لم الورق من الكل وأده لرقية ولارا المساعدين بتوعه يعلموهم. وعلم ورقة مليكة وحبيبة بس. يزن لحبيبة: ممتازة يا حبيبة، قفلتي. حبيبة بابتسامة: عارفة إني شاطرة أصلًا. بعد ساعتين. عند أم مليكة. عمرو ببرود: ها؟ الفرح امتى؟ سها بضيق: قريب إن شاء الله يا باشا. عمرو: أنا من رأيي يكون الخميس الجاي. سها بضيق: بس انهارده التلات، يا باشا، مش هنلحق نجهز حاجة. عمرو ببرود: كل حاجة جاهزة، اللي يهمني الجوازة دي تتم بسرعة.

وعمرو قام مشي وساب لسها مليون جنيه، ده غير لما يتجوز مليكة. سها بخبث وفرحة: والله ولعبت هكسب من البت دي فلوس كتيرة. في مكان مجهول. مجهولة بكرة وخبث: بقولك إيه، عايزك تخلصني من مليكة في أسرع وقت. مجهول بخبث: اعتبري حصل، كده كده هتجوزها قريب. مجهولة بخبث: كده تمام. عند مليكة. مليكة لحبيبة: عايزة حاجة يا بيبه؟ حبيبة بابتسامة: سلامتك يا قلب بيبه، متخليكي قاعدة معايا شوية.

مليكة بحزن: مش هينفع والله، لازم أمشي، بس هكلمك فون بليل إن شاء الله عشان أحكيلك على حاجة. حبيبة بابتسامة: ماشي يا قلبي، خدي بالك من نفسك. مليكة بابتسامة: حاضر، سلام. وهي همست لها بقولك سلميلي على لولي وأديها الشوكولاتة دي، هي بتحبها. حبيبة بابتسامة وخبث: عنيا حاضر. مليكة: أوعي تاكليها. حبيبة بضحك: عيب، هو إنتي تعرفي عني كده؟ مليكة بضحك: لا، بعد الشر. سمو عليكم. ومشت.

يزن لحبيبة: متزعليش مني يا حبيبة عشان زعقتلك الصبح. حبيبة بابتسامة: مش زعلانة يا يزن عشان عارفة إني مش هاهون عليكي وتصلحني. يزن: طيب يا حبيبتي، يلا نروح عشان ليلي زمانها زهقانة وهي قاعدة مع الدادة لوحدها. حبيبة بابتسامة: يلا. عند حور. حور بتعب: ازيك يا أمي، عاملة إيه؟ أم حور: الحمد لله يا حبيبتي، حمد الله على السلامة، اقعدي أحضرلك الأكل. حور بتعب ونوم: لا، مليش نفس، هخش أنام ساعتين كده وبعدين هصحى آكل وأذاكر.

أم حور: ماشي يا حبيبتي. عند مليكة. روحت البيت ولقت أمها بتقول: اجهزي يا عروسة، كتب كتابك يوم الخميس الجاي. مليكة بصدمة ودموع...