رواية البروفيسور والتلميذه الفصل الثالث 3 - بقلم ملك إبراهيم

مليكه بصدمة ودموع: إنتِ إزاي تعملي كده؟ إزاي من غير ما تقوليلي؟ هو أنا مليش رأي؟ حرام عليكي، إنتِ بتعملي فيا كده. والدتها بعصبية وهي تضرب مليكة: أنا لما أقول حاجة تتنفذ، وغصب عنك يا مليكة هتتجوزي. مليكة جرت على أوضتها وهي بتعيط وقفتلت عليها الباب: يارب، أعمل إيه؟ ده بعد بكرة، يعني بكره الأربعاء، أعمل إيه؟ عند يزن. خلص شغل وخد حبيبة وروحوا لقوا ليلي قاعدة بتتفرج على التلفزيون. حبيبة بمزاح: بتتفرجي على روبانزل من غيري؟

أخص عليكي، ده أنا اللي جايبالك الشوكولاتة اللي بتحبيها. ليلي بفرحة ومزاح: ما إنتِ كنتي في الدرس، أنا أعرف منين إنك جاية؟ وهاتي السوكولاته عشان مأضربكيش. يزن بضحك: هههههههه، اديها الشوكولاتة عشان متتضربكيش يا حبيبة يا كبيرة يا مهزأة. حبيبة وهي تجري ناحية أوضتها: كده؟ طب مفيش شوكولاتة. ليلي بغيظ: هاتلي السوكولاته منها يا يزن. يزن بضحك: حاضر يا قلب يزن، بس متتغظيش عشان بتضحكيني. ليلي بضحك: حاضر، بس هاتيهالي منها.

يزن بضحك: عيوني. بعد شوية. كانت ليلي قاعدة مع حبيبة في أوضتها ويزن بيحضر العشا. ليلي بابتسامة وفرحة: الله، دي الشوكولاتة اللي بحبها. حبيبة بابتسامة: ودي كمان. ليلي بفرحة: الله، اتنين بجد، فرحانة أوي، سُكّري يا بيبه. حبيبة بابتسامة: العفو يا قلب بيبه، بس واحدة مني وواحدة من مليكة. ليلي بابتسامة: بجد، بحبها أوي وحبتها أكتر لما ورتيني صورتها. حبيبة بابتسامة وتمثل الزعل: طب وأنا؟ ليلي بابتسامة: إنتِ العسل كله يا بيبه.

يزن وقف متنح: وأنا مليش من الحب جانب ولا إيه؟ ليلي بابتسامة ومزاح: وانت البطل يا يزن. حبيبة ويزن ضحكوا وقعدوا يهزروا شوية، بعدين روحوا اتعشوا وكل واحد راح ينام. في صباح اليوم التالي. عند مليكة. والدتها ببرود: اجهزي يا عروسة، كتب كتابك بكرة، ها؟ مليكة بدموع: حاضر. وكملت بتفكير: هاتي فلوس أنزل أجيب حاجات الفرح والفستان يا أمي. والدتها ببرود وهي تعطيها فلوس: خدي، ويلا اخلصي ومتتأخريش. مليكة بحزن: حاضر يا أمي.

والدتها خرجت من أوضة مليكة. وبعدين لبست فستان بنفسجي طويل على خمار أبيض، وكانت زي القمر من غير نقطة مكياج. وبعدين حطت في شنطة اللابتوب الكبيرة بتاعتها كل كتبها والفلوس اللي والدتها أدتهالها والحاجات اللي ممكن تحتاجها ومشيت براحة ونزلت من غير ما والدتها تاخد بالها. مليكة وقفت تاكسي ومشيت. مليكة: الو يا حور. حور بنوم: إيه يا مليكة؟ صاحية بدري كده؟ مليكة بحزن: حور، تعالي قابليني في كافيه... ضروري.

حور بخضة: حاضر، أنا جاية حالاً. حور قفلت مع مليكة وبعدين لبست ونزلت جري. في الكافيه. حور بخوف: إيه يا مليكة؟ خضتيني، مال صوتك؟ في إيه؟ مليكة بعياط: أنا كتب كتابي بكرة يا حور. حور بصدمة: إزاي يعني؟ هي أمك اتجننت ولا حاجة؟ مليكة بحزن ودموع: أنا تعبت يا حور بجد، أنا ههرب يا حور. حور بصدمة: تهربي إزاي يا مليكة؟ مليكة بعياط: أنا تعبت، مش عايزة أتجوز الزفت ده، أنا بحب يزن ومش هحب ولا حبيت حد غيره، افهمي.

حور بصدمة شديدة: مستر يزن؟ إنتِ بتقولي إيه؟ إنتِ مش عارفة إنه متجوز؟ مليكة بدموع: طلق من زمان ومعاه بنته ليلي. يا حور، لو سمحتي سبيني وأنا هتصرف وهشوف هعمل إيه. حور بخوف: أنا مستحيل أسيبك، تعالي اقعدي معايا. مليكة بحزن: مش هينفع يا حور، لأنه ده أول مكان ماما هتدور عليها فيه، لو سمحتي امشي وسيبيني دلوقتي، وأنا أول ما أشوف مكان أقعد فيه هقولك. حور بحنية: طب بصي، أنا هدورلك على مكان وإن شاء الله ألاقي النهاردة وأقولك.

مليكة بابتسامة حزينة: ماشي يا حور، شكراً يا حبيبتي إنك معايا وبتساعديني، ربنا يباركلي فيكي يا رب. حور بابتسامة: ربنا يخليكي يا مليكة، هرد عليكي بليل، ماشي؟ مليكة: ماشي. ومشت حور. عند يزن. كان لسه مخلص درس، جات رؤى تاني عشان تسأله على حاجة. يزن جاوبها. وفي الليل. كانت مليكة ماشية في الشارع وهي بتعيط. طلع عليها واحد: أي يا حلوة؟ إيه اللي منزلك في الوقت ده؟ ما تيجي أوصلك. مليكة بخوف: امشي يلا من هنا.

الشاب بخبث: يلا، أنا هوريكي يا أمورة. وبدأ يشد مليكة من إيدها جامد. مليكة بصويت وعياط: الحقونييييي. ووجه حد من بعيد و...