رواية الضائعة الفصل الثاني عشر 12 - بقلم بسمة سلام

حاتم:: بس انتي عايزة أسر ليه؟ نغم:: أكيد هناك هلقي حجة توصلني لأهلي. حاتم:: اسألها لعم محمود مش أسر بالذات. نغم:: انتي بتغيري يا محي. حاتم:: بطلي رخامة، ابعدي ايدك كدا. نغم:: انتي بتغيري يا قطة. حاتم:: طبعاً عشان بحبك. نغم:: طب اسكت وبطل أم الكلمة دي. حاتم:: أم الكلمة دي يخربيت دبشك. نغم:: بتكثف يا حاتم يا خويا. حاتم:: هو أنا كنت عايز أسألك حاجة. نغم:: إيه؟ حاتم:: هو انتي كنتي بتحبي أسر دا؟

نغم:: قولتلك بتغير متصدقتنيش. حاتم:: بتكلم جد. نغم:: هتشلني انت كمان يا ابني، طفلة، 6 سنين هتحب؟ حاتم:: أنا بس بسأل، لحسن المنافسين بيزيدوا أوي قدام عيني. نغم:: طبعاً أنا حلوة وقمر والناس بتموت فيا. حاتم:: بحبك يا قمر. نغم:: بس ياض اتلم. حاتم:: أعوذ بالله، بومة. نغم:: أيوه أنا بومة، خلينا في أهلي. حاتم:: وانتي مستعدة إنك تقبليهم أو تشوفيهم؟ نغم:: لا. حاتم:: امال؟

نغم:: بس لازم ألاقيهم عشان مسمعش كلمة بنت شوارع دي تاني. حاتم:: طيب بكرا هنروح أنا وانتي ونشوف. نغم:: بس أنا مش عارفة المكان. حاتم:: انتي بتقولي إن شهاب كان كعاكي في نفس المنطقة وإنك عارفة اسم المدرسة صح؟ خلاص يبقى نروح هناك. نغم:: بس لازم أعرف شهاب الأول. حاتم:: بكرا الصبح حبيبتي نشوف الموضوع دا. نغم:: متقوليش يا حبيبتي. حاتم:: لينغم:: بتكثف. حاتم:: ماشي يا محسن. نغم:: محسن في عينك. حاتم:: طب أقولك إيه يا مجنونة؟

نغم:: أنا رايحة أنام. حاتم:: لا تعالي هنا. نغم:: أدخل فين؟ انت اتجننت؟ مش هينفع. نغم:: يا بنتي هوريكي حاجة، متقلقيش، هسيب الباب يا هابلة. نغم:: امم طيب، ف إيه بقا. وقف قدم دولاب وخرج منه صندوق كبير. نغم:: إيه دا؟ حاتم:: دي ذكرياتنا. نغم:: ذكرياتنا إزاي يعني؟ حاتم:: اقعدي أوريكي. نغم:: تعالي نقعد على الأرض. حاتم:: ومالو. بصي بقا. نغم:: امم. حاتم:: فكرة دي. نغم:: إيه دي؟ حاتم:: ورقة شوكولاتة. انت مجنون يا حاتم.

حاتم:: دي أول شوكولاتة أجبهالك لما كنت عايز أصاحبك ومش عارف، لأنك كنتي دايماً خايفة مني. فلاش باك. حاتم:: استني طيب، انتي بتخافي مني لي؟ نغم:: متتكلمش معايا. حاتم:: أنا جبتلك الشوكولاتيه دي، خديها وامشي طيب. نغم:: ليا أنا؟ حاتم:: طبعاً. قعدت كلتها، كان بقالي كتير ما أكلتش شوكولاتة، وبدأت حاتم يحكيلي عن المدرسة وعن نفسه وبقينا أصحاب. شهاب:: عايز إيه منها؟ نغم بخوف:: شهاب، ايدك متعورة.

شهاب:: اللي بياكلك شوكولاتة، والدتك كانت لسه بتعذب فيا من شوية. خوفت وجريت بعيد عنك. فجأة وجريت على شهاب، وأول المحاولة باظت. باك. حاتم:: طب فاكرة دي؟ حاتم:: اشتريتلك عروسة لعبة وقلتلك إني هسميها نغم، وكنتي بتلعبي بيها لما ماما تسافر. نغم بابتسامة. فلاش باك. نغم:: مامتك سافرت؟ حاتم:: أيوه يا بنتي، أيوه، ادخلي الأوضة عادي. نغم:: لا، انت نسيت عملت فيا إيه لما شفتني قاعدة على السرير بتاعك.

حاتم:: عارف بتخافي تقعدي على السرير عشان ماما حبستك تلات أيام. أنا آسف يا نغم. نغم:: وانت مالك، هو انت السبب. باك. حاتم بحزن وهو ينظر على الأرض:: أنا آسف. نغم:: انت لسه فاكر إني بخاف أقعد على سريرك من مامتك؟ حاتم:: أنا عارف إنها ظلمتك كتير، بس صدقيني مكنتش عايز كل ده يحصل. نغم:: بقولك إيه، خليني أكمل باقي الحجة وسيبك من الهبل ده. حاتم:: طيب، فاكرة دي.

نغم:: يااااااي يا حاتم، الكشكول لسه عندك، معقول. ينهار أبييض، الخط زي الزفت. حاتم بابتسامة:: فعلاً خطك كان وحش شوية. نغم:: نعم؟ خطي كان وحش؟ أنا الترعة اللي انت كنت بتكتب بيها دي كانت إيه؟ حاتم:: اهدى يا نغم. نغم:: ظانت كنت بتكتب الكلل بين السطور أصلاً. حاتم:: يا بت خلاص، ف إيه. نغم:: وتقولي خطي وحش. حاتم:: ههه، الكشكول ده كنت. نغم:: بتعلمني فيه الكتابة. حاتم:: دانتي فاكرة بقا. نغم:: طبعاً.

حاتم:: طب فاكرة الاستيكة يا حلوة. نغم:: تصدق إنك رخيم. حاتم:: تبقي فاكرة يا حرمية. نغم:: أنا حرمية؟ حاتم:: يومها اشتريت استيكتين، وانتي ضيعتي بتاعتك عشان كنتي خايفة من ماما. وبعد كدا سرقتي بتاعتي. نغم:: هو انت شوفتني؟ حاتم:: أيوه يا حرمية. نغم:: تصدق إنك رخيم، وأنا غلطانة إني قاعدة معاك، أنا أروح أشوف منافس من المنافسين بعد إذنك. وخرجت، وعلى الباب مسك إيدي وشدني لصدره. حاتم:: قولتي بقا هتروحي فين؟ نغم:: منافسين.

حاتم:: 13 سنة محدش قدر ينافس أصلاً. نغم:: لا نافس، بس انت مش واخد بالك. حاتم:: عشان كدا الخاتم فضل معاكي صح. نغم:: بقولك إيه، أنا همشي، ابعد بقا. في غرفتي قعدت وبشوف القمر اللي بين كل الغيوم بيختفي ويرجع يظهر. خرجت اتمشى شوية في الفيلا وسمعت صوت همس وكان فيه حد بيحاول ينادي. رجعت خطوتين وفهمت إن قريب من غرفة مدام أميرة. ونظرت والباب كان مقفول بسيط. كانت الممرضة نائمة ومدام أميرة تحاول إن تصحيها.

دخلت واقتربت منها وفهمت من نظرة عينيها إنها عايزة تشرب. جريت وجبتلها مياه وشربتها بهدوء وبدأت أمسح فمها بهدوء وأكلمها. حاتم:: عايز تاني؟ تحبي أجيبلك حاجة؟ عندك دواء؟ طيب. كانت توزع نظرتها على وجهي ولم تتحدث. وشعرت بأنفاس وحركة خلفي كانت جدتي وحاتم يقفون ويبتسمون. في الصالة، جدتي:: يااا يا نغم، لسه فاكرك.

نغم:: وأنا كمان فاكرك يا جدتي، عمري منسيتك وانت بتتخانقي مع مدام أميرة عشان تسبنا وتبطل تعذبنا. ولا إنك وافقتي نه، ب وطلبتي من الحارس إنه يخرجنا. جدتي:: لازم تشكري حاتم. حاتم قعد أسبوعين محبوس لما أميرة عرفت إنه هربكم. نغم:: مقولتليش لي إن كل ده حصل. حاتم:: محصلش حاجة، انتي فاكريني مش هستحمل ولا إيه؟ انتي قعدتي خمس سنين في الظلم ده، كان لازم أجربه أنا كمان. جدتي:: بس انتي بقيتي قمر يا نونو.

حاتم:: قولي لها يا جدتي، دي بقت قمر وعصفورة كناري. جدتي:: اتلم يا واد. نغم:: اتلم هي تقول انت لأ. حاتم:: تؤمر يا محسن أخويا. نغم:: ضحكتني، هاها هاها. جدتي:: بس قلبك أبيض زي ما انتي، والدليل شربتي أميرة حتى بعد ما كانت مش بتشربك نقطة مياه، ولو شربتي تشربي مياه مش نظيفة. نغم:: الحمد لله على كل حال، أنا مش زعلانة منها خلاص، هي آه أذتني جامد بس ليها فضل عليا كبير. حاتم:: وعليا، وربنا. نغم:: مش الفضل إلا في دماغك.

حاتم:: امال إيه يا بومة؟ نغم:: لو مكنتش اشتريتني كنت ممكن أكون ميتة، لأني كنت هبقى أعضاء للبهوات الكبار. جدتي:: الحمد لله على كل حال، ومن النهارده أي حاجة محتاجاها انتي بس تقوليلي عليها. نغم:: شكراً يا جدتي. حاتم:: أنا، أنا نفسي في حاجة، هتعمليها لي؟ جدتي:: هعملهالك، بس لما نغم توافق. تصبحوا على خير يا ولاد. حاتم بغمز من عينه الساحرة:: إيه؟ نغم بغمزة:: هو إيه اللي إيه؟ حاتم:: بتقولك لو وافقت هتنفذلي طلبي.

نغم:: طيب، ربنا يوفقك. أنا هنام عشان بكرة يومنا طويل. حاتم:: هتنامي؟ ويوفقني؟ مهو هيوفقني معاكي يا هابلة، يخربيتك وبيت الحب ده. في الصباح، تحت بيتنا القديم المحروق، شهاب يعيش في شقتنا، وهالة تعيش في شقة خالتي روحية. شهاب:: صباح الخير. نغم:: إزيك؟ شهاب:: تمام. حاتم:: يا ابني قولنالك تعال عيش في القصر معانا أحسن.

شهاب:: لا لا. وبعدين أنا وفقت أعيش عندك عشان مش هينفع أعيش أنا وهي في بيت واحد من غير عبد الله الله يرحمه وهالة. نغم:: هو انت مكلمتهاش خالص؟ شهاب وهو يركب بغضب:: لا، لازم عايز أكلمها، وملكيش دعوة بيها، فهمه. في الطريق، ركبت وراء، والشباب قدام، كان الهوا قوي جداً من الشباك وبدأ يطير شعري الطويل. فلاش باك. نغم:: أنا بس عايزة أعرف إيه السبب اللي خلاكي تعملي فيا كدا. هالة:: كنت عايزة يحبني أنا. نغم:: طب أنا ذنبي إيه؟

هالة:: ذنبك إنه حبك ومش شايفني، كنت عايزة يبعد عنك عشان يشوفني. شهاب:: وفعلاً شوفتك، بس شوفتك حاجة تقرف. هالة:: بس حبيتك بجد. شهاب:: اسمعيني كويس، من النهارده أي حاجة كانت بيني، أو بين نغم أو عبد الله، تنسيها. فهمة؟ ده مفتاح شقة خالتي روحية، عيشي فيها. وانتي يا نغم. حاتم:: لا، نغم هتعيش عندي. شهاب:: إيه ده؟ إزاي؟ حاتم:: هيا مساعدة الدكتور حاتم، ولا نسيت؟ وأنا سلمتها المريضة أميرة أمي. هشام:: انت مجنون؟

أمك عشان تعذبيها كمان وهي كبيرة. حاتم:: متخافش، أمي جالها شلل ومحتاجة ممرضة، ونغم هتكون الممرضة. وانت هتعيش في الشقة بدالها، أو تيجي معانا القصر. شهاب:: لا، أكيد لا. حاتم:: طيب، يبقى انت في شقة. وهالة خلاص تعيش في شقة. وطبعاً نغم وهالة مينفعش أبداً يعيشوا سوا. شهاب:: ولا يتكلموا سوا حتى، ولا يعرفوا بعض. ومن النهارده انتي ملكيش دعوة بينا، وملكيش إخوات تاني، فهمه.

نغم:: كفايا يا شهاب. امشي يا حاتم، امشي يا شهاب. كفايا كل حاجة حصلت، وربنا يسمحها. باك. سمعت صوت حاتم وهو بيقولي وصلنا. حسيت بالدموع على خدي ومسحتها ونزلت، وبدأنا ندور على البيوت ونسأل. نغم:: بيت عم محمود فين لو سمحت؟ الراجل:: محمود مين؟ شهاب:: أبو أسر ومصطفى. الراجل:: أها، اهو تاني بيت على إيدك اليمين. طلعنا وبدأت افتكر الباب بشكل السلم وكل حاجة. خبطنا الباب. حياة:: أيوه، نعم. شهاب:: بيت الأستاذ محمود.

حياة:: أيوه. يبني انتوا مين؟ مصطفى:: مين يا أمي على الباب؟ نغم بصدمة ودموع:: ماما حياة. حياة:: نعم؟ نغم:: ااااا ن. شهاب:: ممكن ندخل؟ مصطفى:: ادخلوا، اتفضلوا، مين حضرتكم؟ نغم:: مصطفى. مصطفى:: انتي تعرفيني؟ حاتم:: حضرتك تعرف بنت زمان كانت عندكم اسمها نغم. حياة بدموع وتمسك قلبها وتقرب من حاتم وتمسك إيده:: بنتي فين؟ بنتي. نغم بنتي حبيبتي، هي فين؟ قولي. شهاب:: أهي.

كانت صدمة، فضلت تبصالي وهي بتعيط ومش قادرة تصدق، ومسكت وشي وبدأت ألمس جسمي وأشوف طولي وشعري وإني كبرت. وحضنتني جامد جداً. مصطفى:: مش معقولة، نونو رجعت، انتي نونو. حاتم بهمس:: إيه يا عم الدلع الكتير ده. شهاب:: معلش، نفوتها المرة دي. حياة:: يا حبيبتي يا بنتي يا حبيبتي، كنتي فين؟ يا محمود، يا أسر، يا أسر، يا ولاد، أختكم رجعت.

أسر خرج من الغرفة وهو يرتدي بنطلون رصاصي شروال وعاري الصدر وشعره منكوش وطويل وعينه الساحرة. نظر لها. لفتاة شعرها يميل للاصفر وعيون خضراء جميلة وقمورة، وبملامح استعجاب. أسر:: مين دي يا ماما؟