رواية الضحية الفصل الثالث 3 - بقلم جني احمد

زين بصدمه: احيييه! نرمين بسخريه: بالكركديه يعنى؟ زين بصدمه: عمو عبدو البواب اتحول ازاى؟ نرمين: حط لسانك جو بقك يلا. امير كان فاتح بوقه ومصدوم على الآخر. نرمين: حاسب الدبانه تدخل فى بقك. امير قفل بوقه بسرعه وبصلها باستغراب. نرمين وهي متجهه للخارج: يلا كتكم داهيه يولاد. وخرجت بره. في بيت نرمين. نرمين اول ما دخلت البيت لاقت ابوها قاعد. جسمها كل اترعش وافتكرت موقف في ثانوي. فلاش باك. "خلاص يا اشرف حرام عليك. كفايه انت ضربتها كتير." "ابعدي عني بدل ما اجيبك جنبها." كانت قاعده على الارض بتاخد الضرب وبس ملهاش حق تعترض. "ايه الدرجه دي هاااا؟ مش كفايه اني لميتك من السكك وانتي اخرك كلاب الشوارع." انهال عليها بالضرب والشتائم بقسوه: "ميدخلهاش مايه ولا أكل وتفضل محبوسه زي الجزمه. واول عريس هيجي هاقبله ان شاء الله زبال. مش هتكمل تعليمها." في الغرفة. "وحدها. سحقا دوما وحدها. لا أحد لديها يعايرها بانها أخذها لبيته ورباها. تود ان تصرخ لكنها لا تمتلك الشجاعة لذلك. أمامه تلك الفتاه الباردة، لكن لوحدها فتاه هشه ضعيفه. امسكت بقطعة زجاج واغمضت عينيها وجرحت ايديها. سحقا لم تعد تشعر بالالم، فبداخلها الم أكبر." انتفضت بخوف وفضلت ترجع لورا لما لاقت ابوها بيقرب عليها. قرب منها ومسك دراعها بقوه ولسه هيتكلم. نرمين صرخت بهستريه واغمى عليها.