رواية الضحية الفصل الثاني عشر 12 - بقلم جني احمد

مراد شاف واحد ماسك نرمين ومثبت السكينة على رقبتها. الشخص: بقى أنا أقعد السنين دي كلها أدلع في جدك وأعمل له كل اللي هو عايزه، وفي الآخر ورثه يبقى ليكي؟ نرمين بخوف: ابعد عني يا أسامه أنا مش عايزه ورث، سيبني في حالي. أسامه وهو مثبت السكينة: لو موتّك هاخد الورث، ودي هتبقى أنسب حل، اتشاهدي يا قطة. مراد جرى على أسامه وشده من على نرمين وقعد يضرب فيه.

مراد: يا***** يا ابن ال*****، لو شوفتك هنا تاني مش هتمشي غير وأنت ميت، سامع يلا. نرمين حضنت مراد بخوف ومراد شدد على حضنها. مراد: شششش، اهدي يا نيرو، اهدي يا روحي. نرمين بخوف: أنا كنت خايفة أوي، كان هيموتني، أنا والله مش عايزه ورث. مراد: اهدي يا نيرو متخافيش، بعدين اضحكي بقى، إحنا لقينا طنط. نرمين بلهفة: بجد لقيتوها؟ فين؟ وهي عاملة إيه دلوقتي؟ هي كويسة صح؟ مراد: اهدي يا نرمين، كل دي أسئلة؟ تعالي هنشوفها دلوقتي.

في المستشفى، داخل الأوضة. مسعد: ماما، أنتِ مش فاكراني خالص؟ أنا مسعد ابنك. الأم: والنبي ما أنا واخدة بالي يا ابني. الدكتور: عاوزك لو سمحت يا أستاذ بره. في الخارج. الدكتور: يا أستاذ، يؤسفني أقول لك إن والدتك اتخبطت في مناطق حساسة من الدماغ ونزفت كتير، فـ حصل لها فقدان ذاكرة. الدكتور بأسف: الله أعلم يا أستاذ، ممكن تفتكرك بكرة، بعد شهر، بعد سنة، ويمكن أكتر، بس أهم حاجة تبعدوها عن التوتر.

الدكتور مشي ونرمين ومراد عرفوا لما مسعد قال لهم. نرمين: طيب يا مسعد، إحنا كده هنروح البيت علشان ناخد بالنا من ماما. مسعد: معاكي حق، متشكر جدا يا مراد إنك شلتني الفترة دي كلها. مراد برفعة حاجب: اقعد يا أهبل، وبعدين أنا اشتكيت لك ياض أنت؟