رواية الفسحجية الفصل الحادي عشر 11 - بقلم يارا محمود شلبي

بعد ذلك بيومين سيف: عائشة انتِ مش هتندمي؟ عائشة: مش هندم علشان أنا شفت في عينك نظرة حب طمنتني، عارف لو أنا اللي كنت أخدت القلم ده مكنتش هحس بيه بعد النظرة دي، أنا موافقة يا سيف. سيف: يبقى تجهزي بقى علشان مفضلش كتير على عيد حبنا. *** مسك: يا حبيبي بطل طنط مش شايفة المراية. الأم: بس يا حبيبي علشان طنط تشوف المراية. حاولت أن تتمالك أعصابها في هذا الموقف لكن لا جدوى، فضغطت على الفرامل وأوقفت السيارة.

مسك: انتِ إزاي تقفي كده؟ الأم: بس استكتي مش عايزة أسمع صوتك ولا انتِ ولا ابنك. ثم نظرت إلى ذلك الطفل: أعملك إيه تاني ها؟ الأكل كان في العربية خلصته، البسكوت اللي كنت هفطر بيه طفحته، متخلينيش أقلب عليك أنت وأمك بقى، أسكت كده علشان متزعلش أمين؟ نظر لها الصغير بخوف ثم قال: أمين. نظرت أمامها ثانيةً ثم بدأت بالقيادة. مسك: عالم متجيش غير بالعين الحمرا. *** أحمد: شكرًا إنك قبلتي تيجي. أميرة: العفو على إيه بس.

حك أحمد يده بذقنه ثم قال: أنا جايلك بخصوص منى. أميرة: مالها هي كويسة؟ أحمد: أه الحمدلله، هي حبيتك أوي بصراحة ومبقتش بتعرف تنام غير لما تفتح الواتساب بتاعك وتفضل تتفرج على الصور اللي بتنزليها، وبقيتي بتطلعي في أحلامها وكأنك لابساها فستان أزرق وماسكة في إيدك ورد أحمر. قاطعته أميرة بسخرية وهي تضع قدم فوق الأخرى: منى ها؟ أحمد: أيوه طبعًا هو أنا هكدب؟ بعدين جريت عليا وهي بتقولي انت هتتجوز أميرة، أنا شفتك معاها في الحلم.

أميرة: بالفستان الأزرق؟ أحمد: والورد الأحمر. قامت أميرة وهي تستند على الطاولة: أنت كداب. أحمد: بس بحبك وبقيت مش عارف أنام من غير ما أشوف صورتك يا أميرة. *** أوقف دراجته النارية بالقرب منها ثم نزل ووقف أمامها. ياسين: ممكن تركبي؟ هاخدك نتكلم شوية، ثقي فيا. كانت ستذهب وتتركه لكن تذكرت حديث مسك بأن تعطيه فرصة، فقالت له: أعرف الأول هتاخدني لفين. ياسين: مطعم قريب من هنا.

هزت رأسها موافقة، أمسك يدها يساعدها على الركوب ثم انطلق بها. *** نزلت تلك السيدة هي وابنها، وأوقفت مسك السيارة تستند برأسها على طارة السيارة. فوجئت بباب السيارة يفتح فجلبت من جيبها المادية خاصتها وهي ترفعها، لكن وجدته سفيان وهو يقول: فاضي يا سطا؟ مسك: خضتني يا سفيان. سفيان: سلمتك يا جميل. مسك: أوعى تكون جايب أكل؟ سفيان: جايب. مسك: مش عارفة أقولك دا أنا جعانة أوي، الواد ابن الذين ده أكل فطاري.

سفيان: أنا من ساعة ما عرفتك وأنتِ جعانة يا مسك. نظرت له ثم تركت الطعام أمامه: انزل ياض. سفيان: ليه بس كده؟ والله بهزر معاكي يا أفطري... تحبي تاكلي على العربية من قدام زي أول مرة؟ هزت رأسها سريعًا فهي تعشق هذه الحركة، وبينما هي تفتح العلبة الكرتونية لتأخذ قطعة بيتزا وتأكلها. سفيان بصدمة: استني يخربيتك، أنتِ بلعتيه؟ مسك: هو إيه ده؟ سفيان: بلعتي الخاتم؟!! بلعتي خاتم الخطوبة يا فقرية، منك لله يا شيخة...

طب استني هخبط على ضهرك يمكن يرجع. قام بالفعل سفيان يخبطها على ظهرها عددت مرات، لكن وقف عند سماع صوت ضحكاتها يزداد شيئًا فشيء. سفيان: أنتِ بتضحكي على إيه؟ قامت وهي تمسك الخاتم بين إصبعها ثم احتضنته. مسك: بحبك يا سفيااااان. سفيان: وأنا كمان بحبك يا مسك. أبعدته مسك وهي تقول: ابعد يا شبح علشان معملهاش معاك. سفيان: شبح شبح، هو حد لاقي بس، أي رأيك في المفاجأة اللي بوظتيها؟ مسك: أجمل مفاجأة فحياتي يا سفيان.

سفيان: هخطبك من أخواتك يا مسك غصب عنهم. مسك: موافقة... بس إيه الرومانسية دي؟ سفيان: أنتِ خليتي فيها رومانسية، دي بقت رومانسية منسية. *** ياسين: والله بعدت يا تاج، بعدت علشانك أنتِ، لما حسيت إني ممكن أضيعك من إيدي، أنتِ ساكتة ليه؟ ردي عليا.

تاج: خايفة خايفة يا ياسين، خايفة أندم، خايفة حياتي تبوظ أكتر ما هي بايظة، أنتَ معشتش اللي أنا عشته، عارف يعني إيه تفضل كل يوم تتعرض لمواقف وأنتَ مش قادر تدافع عن نفسك ولا حتى تاخد حقك، عارف يعني إيه بدل ما أبقى عايشة حياتي زي باقي البنات بفضل أشتغل كل يوم علشان أجيب مصاريفي، كان نفسي ألاقي حد حنين يخاف عليا ميسبنيش أنام زعلانة. جلس ياسين أمامها

على ركبته ومسح لها دموعها: والله العظيم مستعد أعيش حياتي كلها بطمنك وأعوضك على كل حاجة عشتيها بس متعيطيش، ومش بقول كلام وبس لا دي حقيقة، مستعد أتجوزك دلوقتي ومأخليكيش تشتغلي خالص، تدرسي وبس وأي حاجة أنتِ عايزاها أنا هعملهالك بس متعيطيش ممكن. زادت في بكائها فأحتضنها ياسين: خلاص أهدي. بكت أكثر. ياسين: بتعيطي ليه دلوقتي؟ تاج: الناس كلها بتتفرج علينا، بص وراك.

قام ياسين وهو ممسك يدها، فأخذ جميع من بتلك المطعم أن يصفق لهما. تاج: امشي يا ياسين. ياسين: أنا هجري يا ياسين. مسكت كفه وأخذت تجري.