رواية الفسحجية الفصل الثاني عشر 12 - بقلم يارا محمود شلبي

بعد مرور أقل من شهر بدأ هذا البرنامج في الانتشار عبر البنات وتم تزايد عدد السيارات بمساعدة والد عائشة مع تقبله لأصدقاء ابنته التي أشفق عليهم حين علم بقصتهم. أقبل عدد كبير من الفتيات التي تريد العمل معهم في هذا المشروع. يسيرون بفرحة فها هو اليوم هو عيد الحب الذي سيصبح أحلى ذكرى سنوية عليهم جميعًا. أوقات يختلفون في التصرفات أو في طريقة التفكير والتحدث أو حتى أحلامهم تختلف لكنهم جميعًا اتفقوا أن الحب هو أساس صداقتهم.

مسك: ما تخلصي يا أميرة عماله تلفي ودوري ومش عجبك ولا فستان أنا زهقت. أميرة: لازم فستان أزرق علشان أحققله الحلم اللي محلمهوش. تاج: أيوه بقى يا عم. عائشة: مالك يا مسك سرحتي كده؟ مسك: مبسوطة أوي كل ما أفتكر شكل سفيان وهو بيكلم أخواتي علشان الخطوبة بفرح أكتر حسيت كده إن ليا ضهر. تاج: وأنا كمان كل ما أفتكر منظره وهو بيقنع بابا بقول فعلًا أنا اخترت صح وانتِ يا أميرة. أميرة:

أحمد بالنسبالي بقى كل حاجة كل يوم بشكر ربنا على اليوم اللي اتقابلنا فيه بتخيل كده لو أخته مكنتش تعبت في اليوم دا كنا هنتقابل إزاي. عائشة: أنا بقى ببقى عايزة أضرب نفسي ستين جزمة إني ماكنتش واخده بالي من سيف. *** احتفال كبير يضم الأربع فتيات وشباب بفرحة عارمة أخذوا يتراقصون. أحمد: بس إيه الشياكة دي؟ أميرة: حققتلك حلمك بالفستان الأزرق. ضحك أحمد بشدة وهو يقول: والورد الأحمر. *** سيف: مالك يا عائشة؟ عائشة: سيف I Love you.

سيف: بالعربي وحياة خالتي علشان أتصدم أكتر. عائشة: بحبك يا سيف. سيف: وسيف بيحبك أوي ومستعد يجيب المأذون وتبقى جوازة مش خطوبة وخير البر عاجله بقى. أخذت تضحك. *** لم يكونوا يرقصوا بل جلست مسك تتناول الطعام وخلعت جزمتها وضعتها تحت الطاولة. مسك: تحسي ناقص ملح صح؟ سفيان: أيوه بس حراق مش عارف إزاي. مسك: يلا مش مهم بس تصدق الورد الأحمر مع أجواء عيد الحب دي جميلة أوي فعلًا اختيار اليوم مميز. سفيان:

الفرح إن شاء الله في نفس اليوم السنة الجاية. فستانك جميل يا مسك أسود عامل كده زي. قالت معه آخر كلمة في ذات التوقيت: زي المسك الأسود. *** ياسين: نفسك في إيه؟ تاج: أقولك بصراحة. ياسين: قولي. تاج: نفسي تخدني دلوقتي على الموتسكل بتاعك ونلف في الشوارع وأمسك الورد كده أصل دا أول عيد حب أصلًا حد يجبلي في ورد. وضع يده على جيب سرواله يتحسس على مفاتيح دراجته النارية ثم أمسك يدها وركض خارج القاعة والمكان بأكمله. تاج:

انتَ بتعمل إيه؟ ياسين: بنفذ طلبك يا جميل. حين بدأ جميع بالهمهمة والحديث عن ما حدث بينهم وبين بعض فسحب سيف عائشة من يدها وخرجوا وكذلك أحمد وأميرة. أما سفيان فنظر إلى مسك: طب إيه مش يلا نجري زيهم؟ مسك: نجري إيه يا عم أنا لسه جعانة. أمسك يدها وهو يسير: يلا بقى. مسك: طب استنى طيب الجزمة تحت الترابيزة. تركها وجلب لها حذاءها من تحت الطاولة ثم ساعدها لكي ترتدي ثم ذهبوا خلفهم.

ياسين وتاج بالمقدمة على دراجته النارية وتاج تمسك بيدها ذلك الورد الأحمر وتحركه بالهواء بسعادة ثم وقفت وهي مستندة بيدها على ذراع ياسين. وباقي السيارات بالخلف. سيارة سفيان وأحمد مقابلة لبعضهم تجلس عائشة على نافذة السيارة وتخرج نصف جسدها منها وكذلك أميرة ويمسكون بيدهم علم لونه أحمر مدون عليه: تحية الحياة مع الحب.

أما سيارة سفيان فكانت مسك تجلس مثل باقي الفتيات لكنها تمسك بيدها أحد الألعاب النارية ثم حركتها لتخرج منها صوتًا وشكل قلب منير في السماء. فعلتها كثيرًا وضحكتها تتعالى مع الموسيقى. ابتسم لها سفيان وهو ممسك بيدها ويقبلها. جميع السيارات اتفقت على ذات الأغنية: والليلة حبيبي الليلة ليلة عمرنا الليلة دي أجمل ليلة في حياتي أنا والليلة حبيبي الليلة ليلة عمرنا الليلة دي أجمل ليلة في حياتي أنا عايز تحس بفرحتي خليك مكاني

عيش مع اللي حلمت بيه مش حد تاني والليلة حبيبي الليلة ليلة عمرنا الليلة دي أجمل ليلة في حياتي أنا والليلة حبيبي الليلة ليلة عمرنا الليلة دي أجمل ليلة في حياتي أنا ينظر كل واحد منهم إلى نصفه الآخر ثم يبتسم ويحمد ربه على هذه النعمة. *** حسنًا لربما تكون هذه نهاية قصتنا لكن لن تكون هذه نهاية قصتهم، هما معهم مسار إلى آخر العمر. لربما يا عزيزتي يفرقهم الموت.