تحميل رواية الغدر بقلم نيرة عبدالله pdf

أول ما دخلت إتصدمت لما شوفته قاعد على المكتب بكل هيبة ووقار كالعادة.

من كتر الصدمة حسيت إن الزمن وقف بيا، وبقيت أكلم نفسي وأقول: أيوه هو ده أحمد حبيبي القديم، معقولة الدنيا صغيرة أوي كده لدرجة إني أرجع أشوفه تاني بعد السنين دي كلها.

إتصدمت أول ما شوفتها، مكنتش مصدق نفسي إن يوم ما أشوفها تاني بعد السنين دي كلها أشوفها وهي في الوضع ده.

الصدمة كانت شالة تفكيري، ولأول مرة مكنتش أبقى عارف أتعامل إزاي. كنت بين نارين، بين إنها متهمة عندي ولازم أحقق معاها، وبين إنها حبيبتي اللي بسببها قلبي اتكسر زمان.

فوقت من سرحاني على صوت المساعد بتاعي وهو بيقولي: "أبدأ المحضر يا فندم".

بصيت له ورجعت بصيت على رهف اللي دموعها نازلة زي الشلال. كل دمعة بتنزل منها كانت بتنزل على قلبي تحرقه. غمضت عيني عشان أستعيد تركيزي، وقررت إني أفصل بين حياتي الشخصية وبين وظيفتي، وقولتها ببرود: "اسمك وسنك وعنوانك ومؤهلك الوظيفي".

رهف: "كذب والله العظيم كذب، أنا أول مرة أروح المكان ده".

أحمد بسخرية: "كذب وأول مرة تروحي! طب ليه البنات بتقول إنك كنتي بتروحي هناك على طول".

رهف بدموع: "كذابين والله العظيم كذابين، وبعدين إنت إزاي تصدقهم وإنت أكتر واحد عرفني".

أحمد بجمود: "وأنا بقى هعرفك إزاي وأنا أول مرة أشوفك".

رهف بصت له بصدمة من ردته، ومسحت دموعها وقالت: "معتش عندي كلام تاني أقوله".

أحمد بصلها وقال: "إمضي على أقوالك". وأمر بتجديد حبسها لمدة أسبوع.

طلعت من عنده ورجعت تاني الحبس، وكنت لسه في حالة صدمة من رده. إزاي قدر ينكر معرفتي بيه واللي كانت بينا؟ ابتسمت بسخرية وقولت: "مستغربة ليه، ده سابك قبل فرحكم بشهر".

**فلاش باك**

أحمد: "رهف إحنا لازم نسيب بعض".

رهف بدموع: "أحمد إنت بتهزر مش كده".

أحمد بجمود: "لا مش بهزر يا رهف، اللي بينا انتهى، ويا ريت تنسيني وتكملي حياتك مع حد غيري". وخلع دبلته وسابها ومشي.

أما رهف فكانت بتبص للدبلة بصدمة ودموعها نازلة.

**(نهاية الفلاش باك)**

رهف مسحت دموعها وفضلت تستغفر ربها وتدعي له إنه يساعدها ويقف جنبها.

مازن بعصبية: "إنت اتجننت يا أحمد، إزاي تقول لها كده؟ إزاي تجرحها بالشكل ده".

أحمد بعصبية: "جري إيه يا مازن، كنت عايزني أقولها أه أعرفك عشان يتقال أحمد المنشاوي يعرف واحدة سمعتها مش كويسة".

مازن بزعيق: "أحمد اعقل واعرف إنت بتتكلم عن مين، رهف طول عمرها سمعتها مفيش أحسن منها".

أحمد بسخرية: "إنت هتقولي على سمعتها بأمارة الصور اللي اتبعتت ليا عنها قبل فرحنا بشهر، ولا ناسي".

مازن: "آه الصور، كويس إنك فتحت الموضوع ده. الصور يا حضرة وكيل النيابة طلعت مزورة، وأنا اتأكدت بنفسي".

أحمد بصدمة: "مزورة!". وأكمل بغضب: "إزاي متقولش ليا، انطق".

مازن: "إنت ناسي يا أستاذ إنك سافرت على طول بعد ما سبت رهف وغيرت نمرة تليفونك كمان، ولما رجعت تكلمني كنت كل ما أجي أفتح معاك الموضوع ترفض وتتضايق".

أحمد بحزن: "يعني أنا ضيعتها من إيدي بغبائي، ومش بس كده أنا ظلمتها مرتين".

مازن: "روح ليها يا صاحبي، وقِف جنبها وجيب حقها". أحمد هز رأسه وسابه ومشي.

عند رهف كانت قاعدة بتعيط وقلقانة على بنتها.

واحدة من البنات قالتها: "ما خلاص بقى يا بت، إنتي اسكتي صدعتينا بعياطك".

رهف بزعيق: "اخرسي وملكيش دعوة بيا، حسبي الله ونعم الوكيل فيكم، أنا هنا بسببكم إنتوا".

واحدة من البنات: "إنتي بتعلي صوتك عليا يا بت إنتي، طب تعالي بقى". ومسكتها من شعرها ونزلت ضرب فيها هي والبنات. ورهف مكنتش قادرة تدافع عن نفسها. وفضلوا يضربوا فيها لحد ما أغمي عليها.

أول ما وصل أحمد القسم نده على العسكري وقاله: "هاتلي رهف من الحبس بسرعة".

العسكري: "تمام يا فندم".

وبعد شوية جه العسكري وقاله: "الحق يا فندم، المتهمة مغمي عليها في الحبس".

أحمد بصدمة: "إيه!". وجرى بسرعة على الحبس وشاف رهف مغمي عليها وفيه آثار كدمات على وشها وهدومها متبهدلة.

أحمد بغضب: "والله العظيم هدفعكم كلكم تمن اللي حصلها".

وشالها وطلع بيها على مكتبه وحطها على الكنبة وقال للعسكري: "جيب دكتور بسرعة".

العسكري: "أمرك يا فندم". وسابه ومشي.

أحمد بص لرهف بحزن على شكلها والكدمات والخدوش اللي مالية جسمها ووشها. وبعد شوية جه الدكتور وكشف عليها وكتب لها أدوية.

أحمد قعد جنب رهف وشال خصل شعرها اللي على وشها وقال بحزن: "آسف يا رهف، آسف على كلامي الجارح معاكي الصبح، وآسف على جرحي ليكي زمان. عارف إني كنت غبي، وزي ما جرحتك زمان جرحتك دلوقتي، بس وعد هعوضك وهقف جنبك وهجيب حقك من اللي عمل فيكي كده". وباس جبينها بهدوء.

تاني يوم رهف فتحت عينيها ولاقت أحمد واقف قدامها وقالها بإبتسامة: "حمد الله على سلامتك، عاملة إيه دلوقتي طمنيني".

رهف بصت له ومردتش. ولسه جاية تمشي مسك إيديها وقال: "أنا آسف يا رهف، سامحيني".

رهف بدموع: "بتتأسف ليه يا أحمد باشا لواحدة متعرفهاش".

أحمد: "أنا كنت غبي يا رهف، كنت معمي عن الحقيقة. الحقيقة اللي بسببها ضيعتك من إيدي زمان، وكنت هضيعك من إيدي دلوقتي".

رهف: "قصدك إيه يا أحمد؟ أنا مش فاهمة حاجة".

أحمد: "هتفهمي قصدي إيه بعدين، بس الأول احكيلي اللي حصل ده حصل إزاي عشان أقدر أساعدك".

رهف بعياط: "قبل ما أحكيلك أنا عايزة أطمن على بنتي. إيهاب طلقني بالتلاتة وشاكك فيا وشاكك إن أسيل مش بنته".

أحمد بحنان: "اهدي، أنا هروح بنفسي وهطمنك عليها، وإنتي هتفضلي هنا ومش هتنزلي الحبس ده تاني، ووعد إني هظهر براءتك".

على الجهة التانية: كان قاعد بيدخن سيجارته وماسك صورة رهف وبيقول: "صدقيني هدمرك زي ما عملتي فيا يا رهف، ومش هرتاح إلا لما أجيبك راكعة تحت رجلي وتترجاني إني أرحمك من اللي هيحصل فيكي، وساعتها هوريكي من العذاب أشكال وألوان".

في مكتب أحمد: كان قاعد هو ورهف والباب خبط ودخل العسكري وقاله: "في واحدة برا اسمها داليا، ادخلها".

أحمد قاله: "دخلها".

وأول ما دخلت داليا جرت على رهف حضنتها وقالت: "رهف انتي عاملة إيه، طمنيني عليكي، وإيه اللي في وشك ده؟ والله لأخرب بيتهم بس اصبري عليا".

أحمد بضحك: "ما تهدي يا ست الصحفية، مالك داخلة حامية كده ليه".

رهف بضحك: "إيه ده مش صاحبة عمري، لازما تخاف عليا".

داليا بأرف: "أهلاً يا سي أحمد، بتعمل إيه هنا".

أحمد: "أنا اللي ماسك القضية يا ستي".

داليا بغضب: "والله لو حاولت بس تظلم رهف لأكون..." وقبل ما تكمل كلامها قاطعها أحمد وقال: "أنا همشي قبل ما تلبسني مصيبة". ووجه كلامه لرهف: "هخلص شوية شغل وهروح زي ما اتفقنا".

رهف هزت دماغها وهو مشي وساب داليا معاها.

داليا: "اتفقتوا على إيه".

رهف: "قولت له يروح يطمن على أسيل بنتي، خايفة عليها من إيهاب خاصة بعد ما طلقني بالتلاتة".

داليا: "قليل الأصل، إزاي صدق عليكي الكلام ده، إزاي أما ورَّيته".

رهف بدموع: "إذا كان بابا صدق ومجاش ليا، هو مش هيصدق".

داليا: "الصدمة عليهم كانت صعبة يا رهف، بس بإذن الله الحقيقة هتظهر". وخدتها في حضنها وفضلت تواسيها.

داليا بعد ما مشت من عند رهف ركب عربيتها وسقت لحد ما وصلت لمكان مهجور ونزلت منه وابتسمت ودخلت وشافت واحد واقف عاطيها ضهره. ابتسمت وقالت له: "اتأخرت عليك ولا إيه".

المجهول: "كنت فين كل ده".

داليا بشماتة: "كنت بشمت شوية في ست رهف هانم".

ح(2)

سجين الغدر 2

وقت الحساب

‏ ‏

من تاليفي، ،

محمد منصور.

** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ

بسم الله توكلت علي الله. وهو رب العرش العظيم

‏

وبعدها بكام دقيقة يقف عزت بعربيتة وينزل من العربية بسرعه ويرفع عنها الغطاء ويحط الغطاء في كابوت العربية وينطلق مسرعا، ،،،،،،،،

وبعد مرور كام ساعة يوصل عجمي لمكان الحادثة علشان يلاقي جثة رشدي وسط الطريق وعليها كام ورقة جرونال والدم يحيط بة من كل مكان فيرفع اوراق الجرونال عن جثة رشدي ويبص لرشدي بحسرة شديدة ويرفع وشة للواقفين ويقول

مين فيكم شاف العربية اللي خبطت رشدي

فيخرج رجل في الخمسينات من عمرة وهو جار رشدي ويقول

انا كنت واقف في البالكونة ولقيت عربية متغطية وبتجري ناحية رشدي بسرعة جدا. وهو ما قدرش يهرب منها لدرجة ان العربية خبطتة ورجعت تاني وداست علية

عجمي

يعني أية. ما تقدرش توصف لي اي حاجة مميزة في العربية

الرجل

الغطاء كان مداري العربية كلها

عجمي

دة مين اللي مغلول من رشدي للدرجة دي علشان يقتلة بالطريقة البشعة دي، ،،،،،،،،،

وفي نفس الوقت ومن جوة شقة جابر يقف عزت قدام جابر وجابر يقول

برضو عملتها وقتلتة

عزت

قدامك حل تاني

جابر

انا بقيت بخاف منك.

عزت

ماتخفش طول ما انت حبيبي. هاتفضل عايش. فين البت

جابر

تعبت من كتر العياط ونامت في اوضي

فيقوم عزت ويروح ناحية الاوضة ويفتح الباب ويبص علي جميلة اللي كانت ملامحها نفس ملامح جيهان بالظبط فاقترب منها وفضل يبص لها وبدأ شيطانة يزينها لي ومد ايدة علي شعرها. وقلبة بيدق وقرب بوقة من خدها وباسها بوسة مخيفة فدخل علية جابر واستغرب من اللي شافة وقال

انت بتعمل اية يا مجنون انت

فيرجع عزت لعقلة ويبص لجابر ويقول

مافيش.

وقام عزت بارتباك شديد وبدأ يمسح العرق بتاعه وجابر يقول

انت بقيت مجنون رسمي.

عزت

ماحصلش حاجة لدة كلة

جابر

اللي انت عملتة دة. يخليني اخاف علي البت دي. تفضل هنا

عزت بعصبية

ماتكبرش الموضوع. انا بس، ،،،،،

جابر مقاطعة له

انت بس شوفت جيهان فيها. صح

عزت وهو يخرج من الاوضة وجابر وراء منه. وبيقول

اية انت مسحور

عزت

خلاص خلصنا وقصر بقي

ويخرج عزت من شقة جابر كلها وهو بمنتهي العصبية،،،،،،،

وتمر الليلة. وجيهان كانت قاعده في الصالة جنب التيلفون مستنية مكالمه من عزت. لكنها تلاقي باب الشقة المكسور يفتح وعزت يدخل الي الشقة فاول ما تشوفة جيهان تجري ناحيتة وتقول بلهفة

عزت فين بنتي

عزت

في شقتنا اللي هانكمل فيها اللي فاضل من عمرنا

جيهان

انا موافقة اعمل لك كل حاجة. بس تخرج شناوي وترجع لي بنتي

عزت

والفلوس

جيهان

الفلوس ماحدش يقدرا يسحبها من الخزنة الا شناوي او جميلة

عزت بعصبية

وبعدين بقي.

جيهان

والله هي دي الحقيقة. حتي مفتاح الخزنة مش معايا

عزت

اومال مع مين

جيهان

مع واحد من اهل البلد.

عزت

خلاص روحي وخدي منه المفتاح وفي البنك انا هاتصرف وهاخليهم يسلموكي الفلوس

جيهان

مش هانلاقي دة سافر امبارح ومعه المفتاح. وموصي ناس تبعة لما شناوي يخرج يعرفو. وهو هايوصل له المفتاح او اما المفتاح هايكون مع جميلة لما تكبر. خرج شناوي من السجن ورجع له بنتة وانا هاكون ليك

عزت

انا عايزك. وعايز الفلوس كمان

جيهان

مش هاتقدر توصل للفلوس الا بالطريقة دي. صدقني

عزت

يبقي خلاص. اخد منك اللي انا عايزة. وبرضو هاتوصليني للفلوس

جيهان

انت لية مش عايز تصدقني

عزت بعصبية وهو يضربها بالقلم ويمسكها من الحجاب ويسحبه

علشان انتي كدابة والحوار العبيط اللي بتحكي دة.

ما يخشش علي عيل صغير. فين الفلوس يا جيهان

جيهان وهي تحاول الخلاص منه ويتخلع حجابها ليطير شعرها الناعم علي وشها وهي بتقول بعصبية

الفلوس مش هاتكون. الا ملك شناوي او جميلة ودة اخر كلام عندي

فيبص عزت لشعرها وسحرها اللي مخلي مش قادر وقال بحب شديد

طيب خلاص. اهدئي

ويقرب منها فتلاحظ جيهان نظرات الديب السعران اللي في عيونة فغطت شعرها بالحجاب وقالت

مش هاكون ليك الا لما تنفذ الا اطلبة منك

عزت بلين شديد

انا بحبك وعمري ما حبيت غيرك

جيهان وهي تمسك حجابها بايدها وتقول

طلع شناوي من السجن اللي انت دخلتهوه. له ظلم ورجع لي بنتي وانا هاكون ليك

عزت

عايزاني اخرج شناوي.

جيهان

اة

عزت

تروحي وتطلبي منه الطلاق وبعد العدة تكوني مراتي واخرج لك شناوي

جيهان بحزن شديد

موافقة، ،،،،،،،

وتاني يوم ومن جوة السجن وقدام شناوي تقف جيهان ودموعها علي خدها وتقول له

زي ما سمعت طلقني

شناوي بتهتهة

أ. طل. طلقك. ل. لية

جيهان

هو كدة تطلقني وخلاص

شناوي باكبا

واهون عليكي. ولا خلاص مابقيتش تحبيني

جيهان بصعوبة

ماعنديش كلام تاني اقول ل،،،،،،

وتمسك جيهان قلبها اللي ماستحملش مايقال ووقعت علي الارض فبص لها شناوي وقال

جيهان. جيهان

فيروح ناحيتها احدي العساكر ويجس نبضها ثم يقول

دي باين عليها ماتت.

فيصرخ شناوي بحرقة شديدة وهو هاين علية يكسر الحديد اللي بينه وبينها.،،،،،،،،،،،،

وبعدها بيوم ومن جوة شقة عزت يقعد عزت قدام التيلفون وبيحط السماعة وهو عصبي جدا فيبص له جابر ويقول

اية برضو ما بتردش

عزت

ما بتردش ومن ساعة ماراحت زيارة لشناوي ما رجعتش البيت. تفتكر اية اللي بيحصل

جابر

أكيد بتحضر لملعوب تخلص بي عليك

عزت بارتباك

تقصد انها ممكن تكون اتصلت بعجمي وحكيت له

جابر

ولية لا.

عزت

ازاي تعمل كدة وبنتها تحت ايدينا.

ثم بهدي قليلا ويقول

لا لا. مافتكرش والا لو عجمي عرف باللي دار ما بينا في المكالمة مجاش لية قبض علية.

جابر

اومال هاتكون بس اختفت فين وهانت عليها بنتها كدة

متسالش فيها

عزت

انا هاروح لشناوي السجن واسئلة عليها

جابر باستنكار

انت مجنون يا عم انت.

عزت

قلقان عليها ليكون حصل لها حاجة

جابر باستغراب

اية.

عزت بارتباك

علشان الفلوس. ماهي الوحيدة اللي عارفة طريق فلوس شناوي

جابر بمكر

بس كدة.

عزت بعصبية

بقول لك اية. مش عايز اي كلام تاني في الموضوع دة. واللي في دماغي هاعمله

جابر

ولما شناوي يشك في سؤالك عن مراتة

عزت

يشك اية بس. دة اهطل. وبعدين انا هاقول له روحت لجيهان البيت علشان اطمئن عليها وملقتاش،،،،،،،،

القصة موجودة كاملة علي مدونة حكايات منص و دوددا ابحث عن عن طريق جوجل. مدونة مليانه قصص باذن الله تعجبكم

وبعدها بكام يوم. يقف عزت قدام شناوي في السجن في ميعاد الزيارة ويقول عزت بحزن شديد

ماتت. طيب ازاي

شناوي

كانت بتزروني ووقعت ميتة. والغريبة ان قرايبي روحو البيت عندي وملقوش بنتي

عزت

بنتك معايا.

شناوي بفرحة حزينة

طيب الحمد لله انت ماتعرفش انا كنت قلقان عليها قد اية. دة هي اللي فاضلة لي بعد موت امها

عزت

ما تخفش علي بنتك.

شناوي

هاتعبك معايا يا عزت. ممكن تؤدي بنتي لخالتها وهي تربيها

عزت

لا. انا هاربيها

شناوي

بس، ،،

عزت مقاطعة له

مافيش بس. بنتك ماحدش هايربيها غيري. لغير ما تخرج بالسلامة

شناوي

انا مش عايز اتعبك.

عزت في سرة

مافيش تعب. دي جميلة هي اللي فاضلة لي من ريحة جيهان. حبيبتي

ويدي عزت ظهرة لشناوي ولاول مرة تنزل دموع عزت لاول مرة تنزل دموع الشيطان

وبعدها بشوية كان جابر بيقول لعزت

انت بتقول اية.

عزت

هاربيها وهاتبقي بنتي وبعد ما تكمل 22 سنة هاخد الفلوس وارميها

جابر

هو انت فاكرني عبيط. بقي عزت هايربي بنت شناوي بس علشان الفلوس

فيبص له عزت ولا يرد فيكمل جابر. ويقول

طالما ساكت يبقي انت عارف هاتربيها لية. علشان تكبر قدام عينك وتزرع في قلبها حبك اللي ماعرفتش تزرعة في قلب جيهان. بس يا تري بقي لما البت دي تكبر هاتبقي بتحبها زي بنتك ولا هاتحبها زي ما بتحب جيهان

ويفضل عزت باصص لجابر وهو ساكت فيقول له جابر

رد علية. ولا مش لاقي حاجة تقولها

لكن عزت يقف ويروح ناحية الاوضة اللي كانت نايمة فيها جميلة ويشيل جميلة وجابر بيقول

برضو مصمم علي اللي في دماغك

عزت واللي الشيطان ظهر في ملامحه فقال

هاربيها علشان الفلوس وعلشان اتمتع بيها لما تكبر واللي هايفكر يمنعني هاخلي يحصل كل اللي ماتو.

ويشاور بصباعة ناحية جابر ويقول

حتي لو انت

جابر

انت مريض

فيبص له عزت ويسيبة ويمشي وهو معه جميلة، ،،،،،،،،

وعديت الايام وجه يوم محاكمه شناوي وكان عزت قاعد في المحكمة وشناوي جوة القفص. والقاضي بيقول

حكمت المحكمة حضريا. علي شناوي محمود الصاوي بالاعدام شنقا

فضحك شناوي ضحكة بطعم المر وقال بصعوبه

حكمته عليه بالاعدام ده حكمكم يا اهل الارض لكن ربنا مش هايسبني اموت ظلم

وبص شناوي لعزت وقال له

عزت خلي بالك من جميلة

عزت

جميله في عينيه يا شناوي

شناوي وهو بيبكي

قولها اهل الارض منعوني من اني احضر جنازه امها ومن اني اشوفها وهي بتكبر ومن اني اخدها في حضني وكمان حكموا عليه بالاعدام بس انا مش هاموت وربنا ها ينصري ولو بعد سنين. انا طالع وراجع ليكي يا جميله بابا

ويبكي ويصرخ من جوة القفص ويقول

يارب انا مش راضي بحكم اهل الارض انا هارضي بحكمك انت بس يارب انا المظلوم تحت سمائك انا العبيط اللي بتمني رضاك احمي بنتي لغايه ما اخرج لها واخدها تاني في حضني

ويبص شناوي لفوق ويقول باعلي صوت.

يارب

ويبص تاني لعزت ويقول والعسكري يسحبة

قول ل جميله. بابا بيحبك. يا جميله بابا. اوعي تنسي تقولها. بيحبك يا جميله بابا،،،،،،،

وبعدها بساعه ومن جوة مكتب عجمي يقف فرد من المباحث قدام عجمي واسمه منير وكان منير في أيدة ملف فييص له عجمي ويقول

اية يا منير في جديد

منير وهو بيقعد علي الكرسي له ويقول

الجثة اللي نبشت الكلاب مكان دفنها. طلعت تخص عوف امين الشرطة

عجمي باستغراب

عوف. علشان كدة كان مختفي الفترة اللي فاتت

منير

بالظبط ساعتك

عجمي

يعني عوف مات وياسر اللي شهد في القضية اختفي ومش بعيد يكون مات هو كمان. ورشدي مات. تفتكر واحد مسجون زي شناوي كل اللي لي علاقة بالقضية بتاعتة يموت لية

منير

ممكن يكون شناوي بيقتلهم بدافع الانتقام منهم

عجمي

لو قتل عوف وياسر بدافع الانتقام لية يقتل رشدي اللي ماكنش مصدق انه قاتل. وكان ببساعده يخرج

منير

انت تقصد ان شناوي في حد، ،،،،،

فيكمل عجمي قائلا

ملبسة القضية. ظلم

منير

غريبة دة ماكنش كلامك

عجمي

موت رشدي خلاني ادور كتير وافكر كتير لية رشدي يموت وهو كان بيدور علي براءة شناوي الا لو في حد مش عايزة يوصل. لدليل براءة شناوي. وكمان لما رجعت ملف الطب الشرعي. اتاكد ان شناوي مش هو اللي استخدم المشرط في تقطيع جثة سالم

منير

وازاي بقي عرفت الكلام دة

عجمي

اللي قطع في جثة سالم شخص بيستخدم ايدة اليمين بمنتهي الدقة. والاعاقة في ايد شناوي اليمين. كمان بصمات شناوي علي المشرط من جنب المشرط يعني كان المشرط محطوط قدامة في مكانة وهو مسكة بس.

و بايدة الشمال مش اليمين ودة باين من عدلة البصمات. ودليل تاني لو هو اللي قطع في جثة سالم كان المفروض بصمة صباع السبابة يكون من اعلي المشرط علشان يتحكم في ويقطع

منير

يااااااا. كل دة بان لما انت قررت انك تقف جنب الراجل دة. بس يا خسارة يا عجمي. انت فوقت متاخر اوي

عجمي

لية بتقول كدة

منير

لان شناوي اتحكم علية النهاردة بالاعدام.

فانصدم عجمي ،،،،،،،،،،،

ومن جوة عربية عزت كان عزت فرحان جدا وجابر بيبص له باستغراب وبيقول

انت مالك فرحان اوي كدة

عزت

الاهطل خد اعدام

جابر

هو انت روحت المحكمة النهاردة

عزت

وهو انا برضو افوت لحظة زي دي. دة انت ما تعرفش انا فرحان ازاي. وقال اية ربي جميلة لغاية ما طلع لها مش بقول لك اهطل واخد اعدام وبيقول هاطلع لها.

ويضحك بشدة فيقول جابر

يا ساتر يارب للدرجة دي بتكرة شناوي. حتي بعد موت مراتة اللي انت استكترتها علية

عزت

ومكرهوش لية دة الناس كلها بتحبة واتجوز القمر وبقي معه فلوس كتير. وانا فضلت ولا حاجة. وكل دة وهو عبيط وغبي وما يمتلكش نص عقلي وذكائي. لية عبيط زي دة يبقي عندة كل حاجة وانا ما عنديش حاجة. بس خلاص كلها كام يوم وسيرتة تختفي من الوجود

جابر

بس اسمة هايفضل ملازم اسم جميلة بنتة

عزت بعصبية شديدة

اخرس. جميلة ما بقتش بنت شناوي جميلة بقي اسمها جميلة عزت الحديدي. واياك تغلط تاني في اسم بنتي،،،،

ومن جوة مكتب المامور جلال. يقف عجمي ويقول

يا فندم الراجل دة مظلوم وحرام يتعدم.

جلال

اما امرك غريب يا عجمي بقي انت اللي بتقول كدة وانت اللي مقدم للمحكمة دليل ادانتة

عجمي

كنت غلطان وفوقت وجاي اصلح غلطتي

جلال

وتفتكر انك هاتقدر تصلح الغلط دة. بعد ماصدر حكم المحكمة وكلها كام يوم ويتنفذ حكم الاعدام

عجمي

هاصلحة باذن الله بس انت ساعدني يا فندم وخلي المحاكمة بتاعت شناوي تتعاد تاني

جلال

معاك اي دليل جديد يخرجة براءة

عجمي

اللي تحت ايدي دلوقتي يلغي بس حكم الاعدام انما ما يجبش لي براءة

جلال

خلاص انا هاتصرف ويارب الوقت يكون في صالحنا ونلحق نحرك اوراق فتح القضية تاني واعادة محاكمة شناوي، ،،،،،،،

وتمر الايام سريعة. ومن جوة زنزانه يقعد شناوي وهو لابس البدله الحمراء وكان بيقرا القران فدخل عليه اثنان من العساكر ومعهم ظابط وخدو وراحو بي لاوضة الاعدام ومن جوة اوضة الاعدام قال الظابط

نفسك في حاجه قبل ماتموت

فبص له شناوي وقال

ومين قال بس أني هاموت

الظابط

يعني ايه

شناوي

ربنا وعد كل مظلوم بانه يجيب له حقه ولو بعد حين وانا لسه حقي ماجاش وظني في ربنا انه مش هايسيني اموت ظلم

الظابط

انت غريب اوي. جايب الثقة دي منين وانت بينك وبين الموت ثواني

شناوي

ربنا قال انا عند حسن ظن عبدي بي. وانا مش هاموت مظلوم. لسة شوية علي نهايتي

فيبص الظابط للشيخ ويقول له.

اتفضل يا سيدنا الشيخ. لقنة الشهادة. بلاش نضيع وقتنا معه

فيبدا الشيخ يقول كلمات قصيرة عن الموت ويلقن شناوي الشهادة. فيبص الظابط لعشماوي ويقول

نفذ حكم الاعدام

ويقف شناوي تحت حبل المشنقه ويلبسه عشماوي غطاء الراس ويمسك اليد الخاصه بالمشنقه ويستني الاشاره من الظابط ويدي له الظابط الاشاره ويسحب عشماوي اليد

فيفتح باب المشنقة ويتعلق شناوي من رقبته زي اللي شافه في الحلم بس المرة دي ماكنش حلم وبدأ جسم شناوي ينتفض والموت بيقرب منه بسرعه. وهنا عجمي دخل اوضة الاعدام وهو بينهج وبيمسك جسم شناوي المتعلق في الهواء ويقول عجمي للظابط بسرعه

وقف تنفيذ حكم الاعدام بامر من النائب العام

ويخرج عجمي من جيبه ورقه بها امر من النائب العام بايقاف تنفيذ حكم الاعدام لاعاده التحقيق في القضية

ومحاكمة شناوي من جديد فيبص الظابط الي الورقة ويبص لعشماوي ويامره بايقاف تنفيذ حكم الاعدام فيوقف عشماوي تنفيذ الحكم ويقفل باب المشنقة ويرجع تاني شناوي يقف علي الارض برجله علشان يبقي للحكاية. احداث جديدة خالص ، ،،،،،،

وبعدها بكام دقيقة يقعد شناوي في مكتب عجمي وعجمي بيبص له وبيقول له

ماكنتش هاسامح نفسي لو حصلك حاجه

فيبص له شناوي باستغراب شديد ويقول

أنت اللي ربنا سخرك علشان تلحقني. سبحانك يارب. انما اية اللي حصل في الدنيا. وخلاك تكون معايا. معقوله تكون صدقت أني مظلوم

عجمي

شناوي. ملهوش لزوم الكلام دة. وسبب اني بقيت معاك ان ظهر دليل يمكن يكون سبب برائتك من حكم الاعدام. ودلوقتي تروح تقلع البدله الحمراء دي علشان هانقعد مع بعض شويه في مكتبي،،،،،،،

وفي نفس الوقت تنزل واحدة في اخوار الخمسينات من عمرها اسمها نوال من عربية ملاكي موديل السنة وتقف قدام مصلحة الكهرباء وتدخل الي مصلحة الكهرباء علشان يقابلها عزت فيبص لها باعجاب شديد فتبص له وتقول له

لو سمحت عايزا مكتب المدير

عزت

لية بس كدة.

نوال

افندم

عزت

اقصد اني ممكن اساعدك. واعمل لك اللي انت عايزا واحسن من المدير

فتضحك نوال وتقول

كدة طيب كويس ممكن بس قبل ما احكي لك مشكلتي تخلي حد يركن العربية بتاعتي علي اي جنب

وتبص ناحية العربية الملاكي. فيبص عزت للعربية بطمع شديد ويقول

العربية دي انا هاشيلها علي راسي من فوق واحطها في عينية. علشان خاطر صاحبتها

فتضحك نوال.،،،،،،،،،

ومن جوة مكتب عجمي يقول عجمي لشناوي

يا شناوي لازم تساعدني. لية جابر عمل فيك كدة

شناوي

ماعرفش والله العظيم. وعمري ما اتوقعت ان جابر يغدر بيا

عجمي

طيب تفتكر ان عزت وراء كل اللي بيحصل لك

شناوي باستنكار

عزت. لا خالص. دة حتي هو اللي بيربي بنتي. يبقي ازاي بس عايز ليا الشر

عجمي

انا هتجنن واحد زيك طيب وفي حاله لية يتعمل في كدة. ولو ماقدرناش نوصل لدليل مادي واضح وصريح. مش هاعرف اطلعك براءة وهاتقضي احلي سنين عمرك هنا في السجن بس انا مش هاسكت وهاحارب لغاية ما وصل للحقيقة واجيب لك حقك ولو ماقدرتش سامحني علشان في يوم كنت ضدك مش معاك

شناوي

ربنا يسامحنا كلنا. ،،،،،،،،،،

وبعدها بشهر كان عزت قاعد مع جابر وجابر بيقول

واخرتها ايه

عزت بضيق

عايز ايه يا جابر

جابر

عايزك تفوق بقي من حوار اللي اسمها نوال دي اللي انت لازق لها ليل ونهار ومش عارف اخرتة اية.

عزت

اخرتة جواز. ماهو انا مش هاسيب كل الملايين اللي عند نوال دي.

جابر

يا عزت كل الفلوس اللي معانا خلصت ولازم بقي نرجع نشتغل تاني

عزت

تاني اسرق واخطف واعرض نفسي للخطر عشان كام الف بيرميهم لينا الدكتور نصر

جابر

يعني ايه هانفضل عايشين علي مرتب الحكومه اللي ما بيكفيش عيش حاف

عزت

اتكلم عن نفسك انا خلاص اتفقت انا ونوال علي الجواز. وهي مقطوعة من شجرة هاتعيش لها كام سنة وتموت.وتبقي معايا فلوسها. وتعدي السنين وتكبر جميلة ويبقي معايا كمان فلوس شناوي وابقي غني غني جدا

جابر بزهق

يووووووا انسي بقي فلوس شناوي الوحيده اللي تعرف مكان الفلوس جيهان وخلاص ماتت وانت عملت المستحيل عشان توصل للفلوس لدرجه انك كتبت جميله علي اسمك وبردو ما وصلتش لحاجه

عزت

مسيري هاوصل واعرف الفلوس دي فين. وابقي زي الجوكر بتاع الكوتشينة لميت كل اللي يقابلني،،،،،،،،،

وبعدها بكمان شهر يقف عجمي قدام شناوي في التخشيبة ويبص له وهو حزين ويقول له

انا اسف يا شناوي. كان نفسي تطلع براءة

شناوي

انا عارف ان حكم المحكمة كان قاسي اوي. و15 سنة سجن فترة كبيرة. لكن ربنا قادر يهون عليه كل اللي جاي لغاية ماخرج لجميلة بنتي

عجمي

انا مش عارف اقول اية. بس كان نفسي اعمل حاجة وماقدرتش رغم اني حطيت جابر تحت المراقبه 24 ساعه وما وصلتش لاي جديد. بجد انا اسف يا شناوي

وساب عجمي شناوي ومشي وشناوي بيبص عليه، ،،،،

وفي نفس الليلة ومن قاعة كبيرة كان عزت يحتفل بجوازة علي نوال. وبحضور عدد قليل من المعازيم تمت الجوازة. وخد عزت مراتة نوال وراح بيها علي فيلتها اللي هايعيشوا فيها وقدام باب الفيلا وقفت نوال وبصت لعزت فاستغرب عزت وقال

وقفتي لية

نوال بصوت غريب وغامض

لغاية هنا وماقدرش اكمل

عزت باستغراب

انتي بتقولي اية

نوال

الجنة اللي هاتشوفها جوة الفيلا جنة تخص شيطان زيك. وعيش في الجنة علي قد ما تقدر واتمتع بكل اللي فيها سنة اتنين تلاتة زي ما يكون مكتوب لك. وبعد ما تمتلك الجنة هايبدتي وقت الحساب

عزت بنظرة مريبة

انتي مين

نوال

انا ممكن اكون مرات سالم اللي انت قتلتة. او مرات رشدي اللي مات علي ايدك او مرات شناوي. جيهان

فيستعد عزت للهجوم علي نوال ولكن يخرج تلت رجال اقوياء ويقفوا وراء نوال وفي ايدهم سلاح ومرفوع في وش عزت فيرجع عزت مكانة ويقف ويبص لهم باستغراب شديد وهو رافع ايده لفوق ونوال تقول له

يخرج المظلوم وهايبدأ وقت الحساب

عزت بعصبية شديدة

انتي مين

نوال

اتمنيت الفلوس وعلشانها قتلت وظلمت

وتبص للفيلا وتقول

اهه الفلوس قدامك. الفيلا دي باسمك والعربية اللي واقفة دي بتاعتك. وكمان جوة الفيلا. خزنة مليانة فلوس حلال عليك. بس لما يبدا وقت الحساب ياريت كل الفلوس اللي هاتبقي معاك تنفعك. وصحيح انا مش مراتك. والماذون اللي كتب الكتاب دة. مش ماذون اصلا. سلام يا عزت

وتضحك نوال وتمشي وسط رجالتها وعزت بيبص لها وهو يقول بصراخ شديد

ردي علية انتي مين.

ولكن نوال تفضل تضحك لغاية متركب عربية تانية وتختفي من قدام عزت وعزت يستغرب بشدة ويبص للفيلا بخوف شديد ويسال نفسه قائلا

مين دي

ويبص للفيلا باستغراب شديد. ويقول بكبرياء وغرور

اية يا عزت هاتخلي واحدة ست مهما كانت مين هي تلعب بيك وتضحك عليك. دة حتي تبقي عيبة في وشك يا عزت يا حديدي.

ويفتح باب الفيلا ويدخل الي الفيلا ويبص للفيلا بطمع شديد وينسي تهديد نوال له ويظل يلف في الفيلا وهو منبهر ويفتح اوضة وراء اوضة الي ان يفتح اوضة فيها خزنة كبيرة فيروح ناحية الخزنة ويفتح باب الخزنة ويلاقي فلوس فيتسعر عزت وتلمع عيونة بالطمع ويمد ايدة ويمسك الفلوس وهو فرحان ولكنة يلاقي مكتوب علي الفلوس اسم شناوي وسالم ورشدي ونقط من الدم فيرمي الفلوس بعيد عنه وهو خايف ولكنة بمجرد ما يهدي يروح ناحية الفلوس تاني ويبص للفلوس بصة شخص ضميرة مات. وقال وهو يمسك الفلوس في ايدة

أية يعني عايزين تخوفوني عزت الحديدي ما بيخفش وهاكبر بالفلوس دي وهابقي غول ياكل اللي يقرب مني ولو كانت الجنة بفلوسكم يا اهلا بيها. وانا مستني وقت الحساب اللي بتقولي علية يا نوال. ومستني المظلوم اللي هايخرج. مستني اي حد يقرب مني علشان اخلص علية ويحصل كل اللي فاتو. ،،،،،،،،،،،،،

القصة موجودة كاملة علي مدونة حكايات منص و دوددا ابحث عن عن طريق جوجل. مدونة مليانه قصص باذن الله تعجبكم

وعدت السنين وكبر عزت وبقي مليونير وكبر معه جابر وخد مراتة وابنة وعاشو في فيلا كبيرة ورغم كل الفلوس اللي مع الاثنين فضلو عايشين في الحرام. ،،،،،،،،

وخرج شناوي من السجن. وابتدأ وقت الحساب

ونرجع تاني. لمكتب عزت في فيلته وكان عزت قاعد علي كرسي مكتبه فتيفتح باب المكتب ودخل شناوي ومعه جميله اللي كانت في ايديها كلابشات في أيدها وكان في ايد شناوي كيس بلاستيك ويصرخ عزت لكن ماحدش كان سمعه ويلبس شناوي الكيس البلاستيك في راس عزت ويمنع عنه الهواء ويحاول عزت انه يشيل الكيس البلاستيك عن وشة. لكن جميلة تكلبش ايدة بالكبلاشات ويفضل عزت يحاول الخلاص لغاية ما يموت

،،،،،،،،،وفجاه يفتح عزت عيونه وهو بيتنفس وكان وشه مصفر من شده الخوف ولقي جابر قدام منه بيقول له

اهدئه يا عزت مالك

عزت

كابوس كابوس

جابر

خير

عزت

مش خير شناوي وبنته عايزين يقتلوني

جابر

هو فين شناوي ده

عزت

كان واقف قدام الفيلا انت ما شوفتهوش

جابر

وانا جاي ماكنش في حد واقف قدام الفيلا

عزت

معقوله يكون مشي

جابر

هيمشي ويسيب بنته

عزت

اومال يكون راح فين

جابر

‏مش مهم دلوقتي راح فين المهم انت ناوي علي ايه

‏ ‏

‏عزت

‏ناوي عليه في ايه

‏

‏جابر

‏في موضوع جميلة

‏ ‏

‏عزت

‏جميلة دي بنتي وماحدش هياخدها مني

‏ ‏

‏جابر ضاحكا

‏ايه يا عزت انت هاتكدب الكدبه وتصدقها

‏ ‏

‏عزت بعصبية

‏كدبه ايه جميله بنتي غصب عن عين الطخين

‏ ‏

‏جابر

‏عزت فوق جميله مش بنتك وانت عارف وانا عارف انت بتربيها ليه ومسير الايام تلف وتدور وجميله تعرف انك السبب في موت امها وسجن ابوها.

‏ ‏

‏عزت

‏وهو انا عملت ده كله لية مش علشان انقذك من دخول السجن

‏ ‏

‏جابر

‏لا انت من الاول كنت طمعان في مرات شناوي ولما ورث طمعت كمان في فلوسه وانا لو كنت دخلت السجن ما كنتش هاخش لوحدي

‏ ‏

‏عزت

‏بص يا جابر من الاخر كده انا مش هاخلي شناوي يجي ياخد جميله ومعها الفلوس علي الجاهز

‏ ‏

‏جابر

‏يعني ايه هتحرم جميله من ابوها. وتفتح علي نفسك ابواب جهنم. انت باين عليك نسيت اللي اسمها نوال واللي قالتة ليك من زمان فاكر.

‏

عزت بغرور شديد

مش عزت. اللي يخاف واللي عايز يقرب مني او من جميلة هاحرقة. دة كلها سنتين وجميلة تتم 22 سنة. ويظهر اللي معه مفتاح الخزنة وامتلك فلوس شناوي

جابر بزهق

يادي فلوس شناوي. يا عزت انت بقي عندك اللي يكفيك وزيادة. انسي بقي فلوس شناوي دي

عزت

مش هانسي انا ربيت جميلة السنين دي كلها علشان اللحظة دي

جابر

بلاش تكذب علي نفسك. انت ربيت جميلة علشان تفضل قدام عينك وتشوف فيها جيهان حبيبتك. وياعالم هاتستحمل لغاية امتي قبل ما تطلب من جميلة العلاقة الل،،،،،،،

عزت مقاطعة له وبعصبية

اسكت. مش عايز اسمع ولا كلمة تاني. جميلة بنتي

جابر

تاني. دة انت بتبص عليها وهي نايمة. وهي ماشية وهي بتتكلم وهي بتضحك. بصة راجل لمراتة عشيق لعشيقتة وتقولي بنتي

عزت بانيهار

ايوة بعشقها وبحبها. واللي انا عايزة من جميلة هايتم ولو غصب عنها

جابر

انت حر. بس خليك فاكر الطريق دة اخرة عذاب ليك. وشناوي مش هايسيب بنتة

عزت بغضب مخيف

شناوي ‏لو قرب تاني من جميلة هاقتلة،،،،،،،،،،

وتعدي الليله وتاني يوم الصبح من جوة قسم يقف شناوي قدام ظابط اسمه زكي وقدم شناوي بلاغ في عزت بانه خاطف بنته وبص له الظابط باستهزاء وقال

عزت الحديدي رجل الاعمال المشهور سرق بنتك انت

شناوي بصعوبه

اه خليتها معه لغايه ما اطلع من السجن وطلعت لقيته بيقول انها بنته هو

زكي

انت مجنون يا راجل انت يالا امشي غور هو انا فايق لك علي الصبح

شناوي بعصبيه وبتهتهة

هو ح حضرتك م. مش مصدقني ليه

زكي

عشان انت باين عليك متخلف ومش ناقصه شوف منظرك عامل ازاي وجاي تتبلي علي راجل زي عزت الحديدي

شناوي بصعوبه شديده

انا مش متخلف انا واحد مظلوم وعايز حقي واتكلم معايا باسلوب احسن من كده

فيقوم زكي من علي مكتبه منفعلا ويقول

انت يا عبيط يا ابن العبيط هاتعرفني انا اتكلم ازاي وحياه امك لعلمك الادب

ويهجم عليه زكي ويضربه بالقلم علي خده ويقع شناوي وهنا يدخل الي. المكتب بالصدفة ظابط تاني اسمه

صالح ويقف صالح قدام زكي ويمنعه من الوصول لشناوي ويقول. صالح لزكي وهو يبص بضيق

مش هاتبطل طريقتك دي بقي. عمل ايه الراجل ده عشان تضربه

زكي بمنتهي الغرور

العبيط ده جاي يقدم بلاغ في عزت الحديدي رجل الاعمال المشهور وبيقول في انه كتب بنته باسمه ولما بقول له ازاي واحد زي عزت يخطف بنتك بيقول لي اتكلم باسلوب احسن من كده

ويبص زكي لشناوي اللي لسة علي الارض ويقول بعصبية

وحياه امك لعرفك ازاي تتكلم مع زكي السماك

ويحاول زكي الهجوم علي شناوي مرة تانية لكن صالح يمنعه ويقول له

ايه انت مجنون عايز تضرب واحد من سن ابوك

زكي. لصالح

ابويا ايه يا صالح ما تظبط كلامك هو انا ابويا شحات زي ده

فيزق صالح زكي بعيد عن شناوي وهو يقول

طيب اهدئه وروح ااقعد علي مكتبك

زكي وهو رايح لمكتبه

مابقاش الا زباله الشارع كمان تقول لي اتكلم باسلوب احسن من كده

ويقعد علي مكتبه وهو يقول

وحياه امك لوريك يا رمه

فيبص صالح ناحيه شناوي اللي وقف وقاله صالح

حقك عليه يا حاج

زكي

وكمان بتتأسف له في ايه يا صالح

صالح بانفعال

ما خلاص يا زكي بقي اتعامل مع الناس احسن من كده يا اخي

زكي بتعالي وغرور

هما دول ناس ياما نفسي البلد تنظف من الاشكال دي بقي

فيبص له صالح ويقول

والله البلد دي عايزه تتنظف من اشكال تانيه

وياخذ صالح. شناوي ويقول له

تعالي معايا يا حج

زكي

مش هايروح معاك في حته الا لما اعلمه الادب

صالح

فكر كده تقرب منه وانا اللي هاعلمك الادب

ويبص صالح لزكي بص تحدي وياخذ شناوي ويخرج به من مكتب زكي وزكي يبص وهو مضايق،،،،،،،

ومن جوة مكتب صالح يقعد شناوي وصالح بيدي له كوبية شاي وبيقول له

حقك علي راسي من فوق يا حج.

شناوي باكيا

هو انا كنت عملت اية علشان يحصل فيا كدة

صالح

طيب ممكن تشرب الشاي وتهدئة. وعايزك تحكي لي حكاية بنتك دي يمكن اقدر اساعدك.

ويحكي شناوي حكايته كلها للظابط صالح ويقوم الظابط صالح بالاجرءات المطلوبه ويطلب عزت وعزت طبعا ينكر كل الكلام اللي بيقولو شناوي ويقدم الاوراق اللي تثبت ان فعلا جميلة بنته ومابقاش قدام صالح الا تحليل ال d n a

لاثبات النسب

ومن داخل فيلا عزت يقف الظابط صالح ومعه شناوي وامامهم عزت ويقول صالح لعزت

عم شناوي جه القسم وقدم بلاغ في ان بنته جميله موجوده عندك في الفيلا وانت كتبتها باسمك

عزت

مين شناوي ده

شناوي بتهتهة

انت مش عارف مين شناوي. ده العبيط اللي ساب لك بنته بايديه كان فاكر انك صاحبه واخوه وهتحافظ عليها

عزت للظابط صالح

حضره الظابط واضح ان شناوي ده غاوي افلام عربي قديمه انا اول مره اشوفه

شناوي

كداب

صالح

عزت بيه ممكن اشوف جميله

عزت

جميله بنتي فوق ممكن اندهه لحضرتك واجيب كل الاوراق اللي تثبت انها بنتي انا

وبالفعل يطلع عزت فوق وينادي جميلة من اوضتها ويجيب معه شهاده ميلاد جميلة وبطاقتها اللي تثبت انها بنته فينظر صالح الي الاوراق وعم شناوي بيبص لجميلة باشتياق شديد ويتمني ان ياخذها في حضنه وهي تنظر له فيقول صالح لشناوي

عم شناوي اوراق عزت بيه كلها سليمه والانسه جميله فعلا بنته يا تري معاك اي اوراق تثبت انها بنتك

شناوي وهو لسة باصص لجميله ولا يرد ويقول لنفسه وهو يبكي اشتياقا.

كبرتي يا جميله بابا وطالعه حلوه زي امك جيهان الله يرحمها

ويسمع صوت جميله في خياله وهي ترد قائلا

انا طالعه حلوة ليك انت يا بابا

شناوي

يا تري يا جميله بتحبي حد غير بابا

جميله

لا انا بحب بابا وبس

فيسمع صوت صالح وهو يقول بصوت عالي

عم شناوي رد عليه

فينظر له شناوي ويقول

هه انا معاك

صالح

بقول لك معاك اوراق تثبت ان جميله بنتك

شناوي

في شقتي شهاده ميلادها ومن غير شهاده الميلاد انا كنت ديما بقول لها جميله بابا وهي فاكرها

ثم ينظر لجميله ويقول

مش انتي فاكره مين بيقول لك جميله بابا

جميلة بانكار

انا أول مره اسمع الجمله دي

فيبص لها شناوي باستغراب شديد وعزت باستغراب اكثر لانها قالت لعزت من قبل انها سمعت جمله جميله بابا كثير ودلوقتي بتنكر فسأل عزت نفسه

ليه عملت كده

‏

صالح

عموما. أن الانسه جميله تفتكر الجمله دي او لا ده مش دليل يا عم شناوي لازم دليل مادي

عم شناوي

انا حدفت ليها صوره ليا وانا معها وشايلها وهي صغيره

صالح. لجميله

حصل يا انسه جميله وحدف لك صوره

جميله

ما حصلش انا اصلا اول مره اشوف الراجل ده دلوقتي

عم شناوي

ازاي ده انا كنت واقف تحت بلكونتك

جميله

انا ما عرفكش

ثم تنظر جميله الي الظابط وتقول

في حاجه تاني مطلوبه مني

الظابط صالح

لا تقتدري تتفضلي

فتسيبهم جميلة وتطلع جري علي اوضتها وشناوي بيبص لها ويقول

هي بتقول ليه كده دي مش بنتي. انا عايز جميله بنتي

عزت

حضره الظابط ممكن تاخد الشخص ده وتكشف علي قواه العقليه

شناوي

انا مش مجنون جميله دي بنتي وممكن يا حضره الظابط نعمل تحليل يأكد الكلام ده

صالح

دة حل معقول. برضو، ،،،،،،،،

وبالفعل يلجا الظابط الي تحليل ال d n a. لاثبات النسب

ويمر كام يوم ويطلب صالح حضور عزت وشناوي عزت الي مكتب الظابط صالح. علشان نتيجة تحليل ال d n a ومسك صالح نتيجه التحليل في أيده وبص لشناوي وقال

جميله مش بنتك يا عم شناوي

عزت

صدقتني يا حضره الظابط لما قولت لك ده مجنون

فيبص صالح لي عزت ويقول

ولا بنتك انت كمان

فينصدم عزت وشناوي ويقول عزت

اومال بنت مين

فيتفتح باب المكتب صالح ويدخل رجل في الستينات من عمره ومعه اوراق وشهادة ميلاد تثبت نسب جميلة له ويقول

جميله بنتي انا، ،،

فيبصو كلهم باستغراب شديد ،،،،،،،،،،،،

ومن النهاردة كل اللي فات حمادة وكل اللي جاي حمادة تاني خالص

لقراءة الجزء الاول

بسم الله توكلت علي الله. وهو رب العرش العظيم

فبعد ما بص الظابط صالح في شهادة الميلاد اللي مع عزام واللي كانت سليمة فقال باستغراب شديد

انا اول مره اشوف حاجه زي دي بنت ليها بدل الاب تلاته

شناوي بتهتة

الراجل ده كداب ونصاب زيه زي عزت. جميله بنتي

عزام

انا مش كداب ولا نصاب انا كنت متجوز جيهان قبل ما أنت تتجوزها

ويخرج عزام قسيمه جوازة من جيهان بتاريخ قديم عن تاريخ جواز شناوي من جيهان. وفعلا عزام دة كان متجوز جيهان قبل شناوي بتلت شهور. وطلع عزام ورقة طلاق جيهان منه وبص صالح في كل الاوراق دي وهو بيقول لشناوي

واضح يا عم شناوي ان جميله فعلا بنته وانت مش ابوه جميله ولا عزت ابوها

عزت

ازاي بس جميله بنتي وحضرتك شوفت قسيمه جوازي من جيهان وشهاده ميلاد جميلة.

شناوي بصعوبه شديده بسبب توتره

انتوا كلكم نصابين جميله بنتي أنا وماحدش هياخدها مني كفايه بقي ظلم.

جيهان مراتي كانت بنت بنوات ساعه ما دخلت عليها يبقي ازاي كانت متجوزة قبلي وكمان كانت حامل منه

هو أنا أية اللي بيحصل لي دة كدة كتير وانا تعبت تعبت

ويعيط عم شناوي بحرقه فيبص له صالح ويقول

عم شناوي ممكن تهدئه شويه

شناوي

مش هاهدئه

صالح

عم شناوي عزام قدم اوراق رسميه و، ،،،،،،

شناوي مقاطعه له

ملعون ابو الاوراق انا ابوه جميله وما حدش هياخدها مني حتي لو كان مين هو

عزام

من مصلحه جميله بنتي انك، ،،،،

فيهجم شناوي علي عزام و هو يقول

ماتقولش بنتي. جميله مش بنتك

ويهجم شناوي علي عزام ويخنقه بمنتهي العنف. ويروح صالح بسرعه ويبعد شناوي عن عزام وعزت كان بيبص للي بيحصل وهو بيقول لنفسه

ايه يا عزت. لسه ناوي تكمل في كذبه ان جميله بنتك.

شناوي اتغير وخارج من السجن وشكله مش هايرحم اللي ياخد منه جميلة. انما ابن الكلب اللي خد مني. الفلوس علشان يزور تحليل ال. d n a. نصب عليه

ولا اية ومين عزام ده وطلع لي منين

وفي الوقت دة يبعد صالح. شناوي عن عزام وهو يقول بحدة بعض الشي

عم شناوي ها تهدئه ولا هاطلعك بره المكتب

شناوي بتهتة شديدة

مش ها هدئه الا لما اعرف النصاب ده ليه بيقول ان جميله بنته

عزام وهو بيظبط هدومه اللي اتبهدلت بسبب هجوم شناوي علية. يقول

حضره الظابط انا عايز محضر أثبت في واقعه الاعتداء عليه في مكتب حضرتك

صالح

خلاص يا استاذ عزام لا حظ ان الموقف كله بايخ تخيل نفسك مكان عم شناوي وبنت كان فاكرها بنته وبيربيها وتطلع مش بنته

عزام

ده مش مبرر يا حضره الظابط عشان يحاول يخنقني

صالح

حقك عليه انا ممكن بقي نحل المشكله دي

عزام

انا عايز بنتي اللي اتحرمت منها سنين

عزت

ولما هي بنتك سيبتها ليه السنين دي كلها

عزام

علشان كنت مسافر ولسه جاي من بره وعن طريق اخر رساله جيت لي من جيهان عرفت منها ان عندي بنت واسمها جميله وسابت معايا امانه اديهلها لم تتم 22 سنه

فتلمع عيون عزت ويقول عزت لنفسه

الفلوس يا عزت. هو ده اللي معه الطريق لفلوس شناوي

فيكمل عزام

وانا عرفت من ظابط قريبي في مديريه امن القاهره ان بنتي جميله بيتعمل لها تحليل ال. d n a لا ثبات نسبها وعرفت ان القضيه مع حضرتك فجيت علي هنا

صالح

انا مش عارف ااقول ايه اوراقك سليمه وبحكم الاوراق اللي قدام مني فجميله بنتك انت

فيضحك شناوي باستهزاء ويقول

ياااااااا علي دي دنيا الزمن بيعيد نفسه من 15 سنه بسبب الاوراق دخلت السجن ظلم. وكنت ها تشنق ظلم وبعديها بكام سنه بردو بسبب الاوراق بنتي هتتاخد مني ظلم

ثم يتحول وجه شناوي من الضاحك الساخر الي الحزين المتمرد ويتكلم بلغه التهديد ولاول مرة. يكون حاد ويقول

أنا أتظلمت مره ومش هاتظلم التانيه واللي هايقرب من بنتي جميله ها قتله

ويبص لعزت ويقول

حتي لو كان واحد صاحبي او كان عامل نفسه انه صاحبي شناوي الطيب العبيط مات واتولد شناوي هياخد حقه بايده

ويبص للظابط صالح ويقول

نصيحه لو عرفت تقبض عليه قبل ما حد يموت منهم ياريت تعمل كده بس تشوف قضيه تليق عليه عشان البسها ظلم

ويبص كمان مرة لعزت وعزام نظره كلها حقد وغل ويخرج من مكتب الظابط صالح ويقفل الباب وراء منه فيبص عزت لصالح ويقول

انت ازاي تسيبه يمشي بعد اللي قاله ده يا حضره الظابط

صالح

وهاقبض عليه بتهمه ايه

عزت

بتهمه ايه ده هددنا بالقتل قدام حضرتك

صالح

عزت بيه شناوي باين عليه انه راجل طيب وده مجرد كلام ساعه نرفزه وهو مش ها يقدر ينفذ اي حاجه من تهديده ده

عزام

ودلوقتي انا ممكن اخد جميله بنتي

عزت

طبعا لا جميله دي بنتي انا

صالح

بصراحه كده انا شايف ان الموضوع ده حله الوحيد في ايد المحكمه

عزام

يبقي نروح المحكمه واخدها بقوه القانون

ويبص عزام الي عزت نظره تحدي،،،،،،،

ومن جوة فيلا جابر يقعد عزت مع جابر ويقول بعصبية

الاهطل بيهددني. خلاص باظت. لا وكمان عزام الزفت اللي ظهر في الصورة دة

جابر

انا مستحيل اصدق ان جيهان كانت متجوزة اللي اسمه عزام دة

عزت

اللي اسمه عزام دة هو اللي جيهان اديتة مفتاح الخزنة وجاي بقي. بعد السنين دي كلها طمعان في فلوس شناوي وقال اية جيهان مراتة

وفي الوقت دة يرن موبيل عزت وكان مكتوب علي الشاشة رقم خاص فاستغرب عزت اوي فقال له جابر

مين اللي بيتصل

عزت

رقم خاص

جابر

طيب افتح الاسبيكر ورد

فيرد عزت ويفتح الاسبيكر قائلا.

الو

صوت نوال تقول

المظلوم خرج. وابتدا وقت الحساب

فيرتبك جابر وعزت يقول بارتباك

مين اللي بيتكلم

نوال

انا نوال. نسيتني طبعا ماهو برضو 15 سنة مش قليل

عزت بعصبية

انتي.

نوال

خلاص بقي جه الوقت ان الشيطان يطلع من الجنة اللي انا دخلتة فيها. بس بذمتك هاتحس باية بعد ما تتحرم من الجنة. ومش بس الجنة. انت كمان هاتتحرم من فلوس شناوي اللي عيشت تحلم بيها

عزت

أنتي بتهدديني يا بنت الكلب.

نوال

نوال. ما بتهددش نوال بتنفذ. وعزام يشهد

عزت باستغراب شديد

عزام. هو، ،،،،

نوال مكملة كلامها

انا اللي بعت لك عزام. وخليت جميلة بالتزوير تبقي بنتة زي ما بالتزوير جميلة بنتك. وكمان الفلوس هاتتصرف باسم جميلة عزام.

وتضحك نوال بشدة وتنهي المكالمة وعزت يقول بعصبية شديدة

الو الو. ردي

ويرمي الموبيل علي الارض بمنتهي الغضب فيبص له جابر ودقات قلبة سريعة من شدة الخوف وبيقول

انا هاصفي كل حسابتي وابيع كل املاكي وهاهرب علي برة.

عزت بعصبية شديدة

بقي انت راجل انت. مراة زي نوال دي تخوفك كدة وتخليك مهزوز.

جابر

بقول لك اية انا ماعنديش استعداد اخسر كل اللي حيلتي ومش بعيد كمان حياتي تخلص بفضيحة وابقي قدام ابني الوحيد راجل مجرم. وانت عارف انا اية بالنسبة لابني وهو اية بالنسبة لي

عزت

اللي اسمها نوال دي هاحرمها من نور عينيها قبل ما اخلي دكتور نصر يقطعها حتت. وبكرة تشوف ،،،،،،،،،،،

ومن جوة الحاره اللي ساكن فيها سكر اللي أتعرف عليه شناوي في السجن يدخل شناوي الي الحاره ويبحث عن سكر فيلاقي قاعد في اول صاون عزاء. وبيشرب بيرة ومش فايق خالص فيروح شناوي ناحيته وكان وقتها واقف قدام سكر رجل بيعزي وبيقول له

الشده علي الله

فيبص له سكر ويقول

أبو عبد الله

الرجل

والله يا سكر ابوك قطع فينا

سكر

اكيد ما كنش يقصد يقطعها ممكن يكون داس عليها غصب عنه

ويغني سكر

في حياتك يا ولدي وليه شبه البرغوت . في حياتك يا ولدي وليه في عينيها الحول المظبوط والشعر الغجري المنكوش والمعكوش والفنكوش يا ولدي.

سكر خد بوق من البيرة تاني وقال

اموت انا في اغنيه قارئه الفجنان. ولا اغنيه يا لعبه الايتام بتاعت ام كلسون يا أوف علي حلاوه دي اغنيه

شناوي

سكر ازيك

سكر

شناوي انت خرجت من السجن ولا لسه

شناوي

سكر انا مش فايق وتعبان وعايز ارتاح

سكر

من عينيه احلي مكان يحضر ليك يا عم شناوي

لكن سكر يفضل قاعد. فيقول له عم شناوي

طيب ايه يا سكر مش ها تقوم توديني للمكان اللي هارتاح في

سكر

اقوم اروح فين

شناوي

يا سكر انا فيه اللي مكفيني عايز انام وارتاح. فوق كده وركز معايا

سكر

هاقوم يا عم شناوي بس بعد فقره الساحر

شناوي

فقره الساحر هنا في الصوان دة. يا سكر بالله عليك تعبان وعايز ارتاح، ،،،،،،

ومن قدام شقه من اوضه وصاله فوق سطوح منزل قديم يقف سكر ومعه شناوي ويقول

انت بقي هتنام هنا يا عم شناوي لغايه ماتخرج من السجن

شناوي

يا سكر انا خرجت من السجن والله

سكر

كده من غير ما تقولي والله ازعل منك

شناوي

سكر انا تعبان فعلا ومش مستحمل هاتفتح الاوضه وتخليني اخش انام ولا ايه

سكر

طبعا هاتخش تنام اومال ايه هو يصح والنبي ما يصح

ويقف سكر قدام الباب ومايفتحش الباب فيقول له شناوي

مش هاتفتح الباب عشان اخش انام

سكر

المفتاح راح فين شوفو معاك كده

شناوي بعصبيه

اشوف ايه معايا هي شقتي

سكر

صح والله كلامك مقنع طيب المفتاح فين بقي

ويدور سكر علي المفتاح في هدومه ولكنه ميلقيش حاجة فيبص سكر للباب ويقول

انت هاتزهقنا لية

فيضرب سكر الباب برجله ضربه قويه فيكسر الباب ويدخل سكر ويقول لعم شناوي

ادخل يا عم شناوي بيتك ومطرحك

شناوي وهو بيبص للباب المكسور يقول

انت كل ما تنسي المفتاح تكسر الباب كده

سكر

اعمل ايه بس دماغي محتاجة عمرا

ويقعد سكر علي الكنبه الموجوده في الصاله ويقول لعم شناوي

شناوي تعالي ااقعد

ويروح شناوي ناحيه الكنبه الموجوده في الصاله ويقعد جنب سكر ويقول له

هاتعبك معايا يا سكر بس لغايه ملاقي شقه وبعد كده هامشي علي طول. دة انا بقالي كام يوم بنام في الجامع بس الراجل ما رضيش ينيمي الليلة دي

سكر

عيب عليك ياعم شناوي لما تقول كده انا عايزك تعتبر الشقه شقتك

ويبص شناوي. ناحيه صوره لشخص ضخم وباين عليه انه بيلعب حديد وجنب منه مراتة اللي كانت علي قدر ضئيل من الجمال. وفيها شبة من سكر. فقال شناوي

مين اللي في الصوره دول اخوك ومراته ولا اختك وجوزها

فيبص سكر للصوره ويقول

دول أنا ماعرفهمش

شناوي

ماتعرفهمش ازاي

سكر

اصل انت قولت لي عايز مكان تنام في فجيبتك تنام هنا

شناوي

يعني ايه دي مش شقتك

سكر

لا. مش شقتي هو انت قولت لي عايز تنام في شقتي

شناوي

الله يخرب بيتك وهو انا قولت لك انا عايز انام في شقه مش بتاعتك

سكر

انا قولت اشوف لك شقه تنام فيها براحتك ممكن قرفان تقعد معايا

في هذه اللحظه يقف الرجل الموجود في الصوره امامهم وكان اسمه مجانص ويبص للباب المكسور ومعه مراتة واسمها السبع ويقول بصوت مخيف

مين اللي عمل في الباب كده وايه اللي دخلك شقتي يا سكر

سكر

اللي كسر الباب كده شناوي يا عم مجانص

مجانص بص ل شناوي بمنتهي الغضب وقال

انت عملت ليه كده في الباب

سكر

عشان يتفرج علي مراتك السبع وهي بتستحمي

شناوي بص ل سكر وقال

أنا يا سكر

ويقترب منه مجانص والشر في عيونه وشناوي ينظر لمجانص وهو خائفا منه ويقول

صدقني يا ابني ده كداب انا والله ما كسرت ابواب

مجانص

عايز تتفرج علي مراتي وهي بتستحمي

شناوي

والله ابدا دي زي بنتي

مجانص

لا اتفرج وهي بتستحمي بس هات خمسه جنيه

شناوي باستغراب

أيه

مجانص

هات خمسه جنبه

شناوي لسكر

هو في ايه يا سكر

سكر

ايه كتير خمسه جنيه ده انت كمان هاتتصور معها وانت بتاكلها

شناوي

باكل ايه انا مش فاهم حاجه

مجانص

هاتتصور وانت بتاكل مراتي

شناوي لسكر

سكر ممكن تخرجني

فيضحك سكر ومجانص والسبع ويقول سكر

ما تخافش يا عم شناوي دي شقتي وده مجانص اخويا. ودي مراته واسمها السبع واحنا كنا بنهزر معاك وانا حكيت لمجانص قصتك كلها من بعد ما انت اتصلت بيا وعرفتني علي اللي عمله معاك عزت صاحبك بعد ما خرجت من السجن وحكيت له قد ايه الناس دمروا حياتك ودخولك السجن ظلم. ومن النهارده عايزك تعتبرنا كلنا اهلك وفي خدمتك وتحت امرك يا اطيب شناوي انا عرفته

ويذهب سكر ويبوس علي راسه وياخذه في حضنه فيبكي شناوي ويقول

أصيل يا سكر مع انك حرامي ونصاب ومعرفه سجن لكن انظف من ناس كتير يبانه نظاف وهما اوسخ خلق الله

سكر

عموما عايزك تنسي وتخش ترتاح وبكره يعدلها ربنا

مجانص

ومراتي تحت امرك في اي حاجه تطلبها

سكر

واديك عرفت عايز تتصور معاها وانت بتاكلها بخمسه جنيه وكمان الولدا اللي جايه بتاعتها ليك فيهم جوز

ويضحكوا جميعا ،،،،،،،،،،،

وفي نفس اليوم بالليل ومن جوة اوضة جميلة تقف جميلة عند شباك اوضتها فيدخل عليها عزت ويقف وراها وهو بيقول

جميله

فتبص له جميلة وماتردش فيقول عزت بحب شديد

مالك واقفه ليه كده

جميله

عادي

عزت

لا مش عادي وفي سؤال عايز اسئلة ليكي

جميله ببرود

أسال

عزت

انتي ليه قدام الظابط قولتي انك ما شوفتيش اللي اسمه شناوي ده قبل كده وما سمعتيش جمله. جميله بابا

فتنظر له جميله وتقول

عشان خوفت ااقول حاجه غير كده ااعملك مشاكل

عزت وهو يبوسها في خدها

يا حبيبه بابا انتي كده عملتي الصح

جميله

بس ده ما يمنعش اني من حقي افهم مين ده وليه قال اني بنته

عزت

عشان ده راجل مجنون كان عنده بنت واسمها جميله وسنها من سنك لكنها ماتت وهي صغيره ومن ساعتها وهو فاكر انك انتي بنتة

جميله

يا حرام والله صعب عليه طيب ليه بتعامله وحش كده

عزت

عشان، ،،،،،،

ويسكت عزت علشان شاف شناوي واقف تحت في الشارع وراسم علي السور اللي قدام الفيلا صورة لعزت وهو متعلق في حبل المشنقة. فيترعب عزت ولسة هايخرج من الاوضة يرن موبيلة فيرد عزت بسرعه ويسمع صوت جابر اللي كان مرعوب وبيقول

الحقني يا عزت شناوي هنا وعايز يقتلني

عزت باستغراب شديد

شناوي ازاي وهو واقف قدامي اهو قصاد بوابة الفيلا ،،،،،،،،

ووقتها يسمع عزت وجميلة صوت، ،،،،،،،

لقراءة الجزء الاول

بسم الله توكلت علي الله. وهو رب العرش العظيم

‏

ويسمع عزت وجميله صوت. انفجار رهيب جاي من الدور الاول للفيلا فيجري عزت بسرعه ناحية تحت ومن وراء منه جميلة ويلاقي اوضة المكتب بتولع والنار خارجة منها وشكلها يرعب فيقول عزت بعصبية شديد

يخراب بيتك يا عزت. دي اوراق الملكية الخاصة بكل اللي حيلتي جوة المكتب

جميله وهي خايفة من شكل النار

مين يا بابا. اللي عمل كده في المكتب

عزت بعصبية

شناوي الكلب هو في غيرة بس دخل الفيلا ازاي. اتصلي انتي بالمطافي وانا خارج اجيبة من رقبه اهلة

وتتصل جميلة بالمطافي في نفس الوقت اللي بيخرج في عزت من الفيلا وهو بيزعق لحراس الفيلا وبيقول لهم

يعني اية ما حدش دخل الفيلا اومال النار مسكت في مكتبي ازاي

ويفضل عزت يبص في الشارع يمين وشمال بيدور علي شناوي اللي كان واقف تحت شباك اوضة جميلة. ولكنه مايقليش اي حد في الشارع. فيقول

بقي كدة يا شناوي بتلاعبني طيب ورحمة جيهان لرجعك السجن تاني، ،،،،،

ومن جوة مكتب صالح يقعد شناوي و قدام منه يقعد عزت جابر. وكان صالح بيبص لجابر وعزت وبيقول لهم

ممكن بقي افهم يعني اية. حرق مكتبك يا استاذ عزت وفي نفس حرق عربيه استاذ جابر

شناوي بصعوبه

يا حضره الظابط انا مظلوم مش انا اللي حرقت المكتب بتاع عزت ولا عربيه جابر

عزت بعصبية

كداب انا شوفتك بعينيه دول وانت واقف تحت شباك اوضة بنتي جميلة

جابر

وانا كمان شوفتو في عربيتي وكان عايز يقتلني لولا ان زقيته بعيد عني ونزلت جري من العربيه كان هايولع فيه وفي العربيه

شناوي وهو بيبص لجابر

اني عربية. اللي انت بعتها ليا علشان تلبسني جريمة قتل

فيرتبك جابر ويبلع ريقة بالعافية فيضحك شناوي ويقول

انا فعلا كذاب. بس مين فينا مش كداب

ثم يبص شناوي لصالح ويقول

وبعدين يا حضره الظابط انا معايا ورقه تثبت اني برئ

ويخرج شناوي ورقه تثبت انه كان في نفس الوقت جوة مستشفي بيكشف علي ايده ويديها لصالح ويقول له

ودي ورقه تثبت اني كنت في المستشفي في نفس وقت الحريق وعندي بدل الشاهد الف واظن كده بلعبه الورق انا برئ وهما اللي ظالمني

صالح وهو بيبص في الورقه يقول

كلامك مظبوط انت فعلا كده ما علكش اي دليل يدينك

فيضحك شناوي ويقول

سبحان الله. يوم ما اكون ظالم بورقه طلعت مظلوم ويوم ما كنت مظلوم بورقه بقيت ظالم اه يا بلد اهم حاجه فيكي الورقة. و اظن كده بحكم الورقة انا ااقدر امشي يا باشا

صالح

طبعا تقتدر تمشي

فيفتح شناوي الباب ويخرج وعزت يقول لصالح

انت ازاي تسيبه يمشي يا باشا

صالح

مافيش حاجه ضده

عزت

ده حرق مكتبي اللي كان في كل الاوراق اللي تخصني

جابر

وعربيتي اللي اتحرقت والشروع في قتلي

صالح

انتم مش شايفين. ان كلامكم ده لوحده دليل براءه لشناوي

عزت

ازاي بس يا صالح باشا

صالح

عشان ما فيش حد بيرتكب جريمتين في وقت واحد وكمان في نفس الوقت بيكون في المستشفي بيكشف،،،،،

وبعدها بشوية ومن جوة عربية عزت. يبص عزت لجابر ويقول

ايه رايك في اللي حصل

جابر

ما عرفش بس ازاي شناوي كان عندك وكان عندي في نفس الوقت

عزت

حاجه تجنن بس في نفس الوقت حاجه تاكد ان في حد بيساعد شناوي علشان ينتقم مننا

جابر

ده شي اكيد لان شناوي تفكيره وذكائه عمره ما هيوصلو لكده. طيب يبقي مين اللي مع شناوي

عزت

مافيش غيرها. اكيد اللي اسمها نوال.

جابر

يبقي الصح اننا نعرف مين نوال دي ولية بتنتقم هي كمان مننا. ،،،، ،،،

ومن قدام معهد التمثيل تجلس جميله ودهب ومالك وابراهيم في عربية جميلة ومن علي الرصيف المقابل يقف شناوي ويبص لجميله بصة اشتياق وجميله تبص له وتقول لدهب

هو ده يا دهب الراجل اللي بيقول انه بابا

فيبص مالك مكان ما بصت جميلة. وشاف شناوي وقال

العبيط ده باباكي انتي

ابراهيم وهو بيبص علية. يقول

حرام عليك دي خلقه ربنا

مالك بتعالي

بقول لك ايه بلا حرام بلا حلال ده مستحيل يكون ابوه جميله وانا مع عمي عزت في رايه ده باين عليه مجنون

جميله لمالك

طيب ايه رايك بقي اني حاسه ان ده بابا

مالك

جميله انتي بتقولي ايه

جميله

نظره عينيه ليا كلها حب عمري ما شوفتها ولا حسيتها في نظره عيون بابا عزت

مالك

انتي مجنونه ده انتي لازم تصلي وتدعي ان ده ما يكنش باباكي

ابراهيم

ليه يعني عشان فقير انت ممكن تكون في يوم من الايام زيه

مالك بغرور

انا. ده انا مالك ابن سراج رجل الاعمال المشهور اكون زي ده انا هاكون نجم النجوم في السنين اللي جايه مش نجم درجة تانية زيك

دهب

قول ان شاء الله يا مالك ومتنساش ان ابراهيم موهبته في التمثيل اجمد منك

مالك

ابراهيم ده ها جيبه معايا في افلامي ويبقي دور ثانوي

ابراهيم

يا عم وماله انت لما تنجح كاني انا نجحت بالظبط

جميله

طول عمرك يا ابراهيم بتحب الخير للناس كلها

فيبتسم ابراهيم ويبص لجميلة بصة العاشق ويقول

انا اتعلمت منك ازاي احب الخير لغيري

مالك بضيق

ايه يا عم النحنوح ماتنساش اني قاعد جنبها وانا وجميله في حكم المخطوبين

جميله

مش لما تطلب ايدي من بابا الاول نبقي مخطوبين

مالك

ما عمي عزت عارف وموافق واحنا هانتجوز بعد ما نخلص دراسه

جميله

انا مش بتكلم علي انك تطلب ايدي من بابا عزت

مالك

اومال اطلبها من مين

فتبص جميله ناحيه شناوي فيبص مالك ناحيه شناوي ويقول

انا احط ايدي في ايد الكائن ده

جميله

الكائن ده ممكن يطلع بابا وساعتها لازم تطلب أيدي منه

مالك

مستحيل انتي مجنونه ده انا كان بابا يضربني بالنار

جميله

يعني انت عايز تتجوزني بس علشان انا بنت عزت الحديدي مش علشان بتحبني

مالك

مين قال كده انا بحبك

جميله ضاحكا باستهزاء

بكره نشوف مين بيحب مين، ،،،،،،،،

وبعدها بيوم ومن جوة مطعم سمك يقعد عزت وجابر. وكانو بياكلو فيبص جابر لعزت وهو بياكل. ويقول

لسة ما وصلتش لحاجة بخصوص نوال دي

عزت

مش عارف اوصل لاي خيط يدلني علي طريقها.

جابر

طيب وبعدين هانفضل كدة عايشين تحت رحمة نوال وشناوي ومش عارفين اللي جاي هايبقي اية

عزت

اعمل اية اكتر من اللي انا بعملة دة انا مخلي رجالتي كلهم يدوروا عليها وعلي شناوي

وبعد ما خلصو اكل يقف قدام منهم سكر ومجانص وكانو لابسين لبس جرسونات. ويقول سكر ليهم

يارب يكون الحواوشي عجب حضراتكم

مجانص وهو بيخبط سكر في كتفه يقول بشويش

حواوشي ايه يا غبي ده مطعم سمك

سكر وهو يبص له

طيب مش تقول

فيبص سكر لعزت ويقول وهو يبتسم

انا اسف يا فندم طبعا مطعم سمك عمره ما هايكون في حواوشي. فيارب تكون الدنيا بخير

فيبص عزت لجابر باستغراب شديد. ويقول عزت

بصراحه انا ما بحبش السمك اللي من عندكم

جابر

وانا كمان

فيخرج سكر ورقتين ويحط ورقه قدام عزت وورقه قدام جابر ويدي لكل واحد منهم قلم ويقول لهم

احنا النهارده يا فندم بنحتفل بمرور كام يوم كتير علي افتتاح المطعم فياريت نعرف رايكم في المطعم وفي الخدمه وفي السمك الزفر بتاعنا

فيكتب عزت رايه في الورقه ويمضي في اخر الورقه وجابر يعمل زي ما عمل عزت.

فيمسك سكر الورقه من ايد عزت ويبص للامضاء بابتسامة. فيمد جابر ايدة بالورقة اللي فيها راية. فيبص سكر للورقة وياخدها من جابر ويقطعها فيستغرب جابر ويقول

الله لية عملت كدة

فيبص له سكر ويقول

انت رايك مش مهم

ويمشي سكر ومعه مجانص ويبص لهم عزت وجابر ويقول عزت

باين عليهم لسه جداد

جابر بحرقة دم

بس اللي خد الورقة مني دة قليل الذوق اوي ،،،،،،

وبعدها بيوم ومن جوة شقه سكر. كان سكر بيدي ورقه لعم شناوي ويقول له

عيش يا عم شناوي والعب كمان وكمان. معاك توكيل رسمي يحق لك بيع كل املاك عزت ليك

فيبص شناوي في الورقه ويقول

يا ابن الجنيه

سكر

ده انا سكر. هه بقي ناوي تبدا بأيه

شناوي

شوف لي مقاول، ،،،،،

وبعدها بكام يوم ومن قدام اهم شركات عزت يقف بلدوزر كبير ومعه رجل صعيدي وكان هذا الرجل مقاول كبير ومعه اولاده الخمسه وامن الشركه كان بيتخانق مع الراجل دة وعياله. اللي كانو عايزين يهدو الشركة. فيجي عزت بعربيته ومعه جابر ويروح عزت ناحية المقاول وهو بيقول بعصبية

‏

‏في ايه يا معلم

‏

المقاول

في انا اشتريت حته الارض دي بالشركه اللي عليها وجاي النهارده اهدها وابني مكانها برج

جابر

انت مجنون يا راجل انت الشركه دي بتاعتنا وماحدش باعها ليك

المقاول

بتقول ايه انت الشركه دي ملك واحد اسمه شناوي وهو اللي باعها لي وادي العقد

ويخرج من جيبه عقد شراء الارض بالشركة ويبص عزت وجابر. في العقد وفي الوقت دة يرن موبيل جابر فيرد جابر

الو

ويسكت شوية ويرجع يقول

امتي حصلت المصيبه دي

ويسكت لثواني ويقول

طيب انا جاي حالا

فيبص له عزت ويقول

مصيبه ايه تاني

جابر

اركب بس العربيه وفي الطريق هافهمك

عزت

طيب والشركه

جابر للمقاول

بص يا معلم واضح ان في سوء تفاهم انت دفعت كام لشناوي عشان تشتري الارض

المقاول

اتنين مليون

فيخرج جابر دفتر الشيكات ويكتب المبلغ اللي قاله المقاول ويدي الشيك للمقاول ويقول له

ده المبلغ اللي انت دفعته خده ونبقي حبايب ومافيش ارض هاتتباع

فياخذ المقاول الشيك. ويقول وهو بيبص في الشيك

اصرف الشيك الاول وبعدها نبقي حبايب

عزت

والعقد اللي معاك يتقطع. وعلشان نبقي حبايب فعلا راجل من رجالتي هايروح معاك البنك تمام. تصرف الشيك تسلمة العقد

وفعلا يروح راجل من رجاله عزت مع المقاول للبنك

ويركب جابر العربية ومعه عزت ويتحرك ببها وهما في الطريق يسأل عزت جابر ويقول له

اية المصيبة اللي حصلت تاني

جابر

بضاعه الحاج عبد الواحد

عزت

اللي بخمسه مليون

جابر

اه

عزت

مالها

جابر

اتسرقت والحاج عبد الواحد عربياته راحت عشان تستلم البضاعه لقيت المخازن فاضيه

عزت

ايه اللي بيحصل لنا ده

‏

‏جابر

‏باين ان شناوي مش ناوي يجبها لبر ومش هايسكت الا لما ترجع له بنته

‏

عزت

ارجع ايه انت مجنون ده انا خلاص رفعت قضيه في المحكمه ضد اللي اسمه عزام بان جميله بنتي وقدمت ورق يثبت كلامي لو رجعت جميله لشناوي هادخل السجن بتهمه التزوير

جابر

طيب وايه العمل

عزت

ما فيش غير اننا نخلص من شناوي ونجيب اللي اسمها نوال دي

جابر

هنقتل تاني

عزت

عندك حل غير ده

جابر

لا ما عنديش. والمرة دي فعلا لازم الدم يكون حل لكل مشاكلنا

وفي الوقت دة يرن موبيل جابر. فيفتح جابر الخط ويقول

الو

صوت شناوي يقول

لو عايز تشوف ابنك لاخر مره تعالي العنوان ده

جابر برجاء

شناوي ابني بره اللي بينا

ولكن شناوي يدي له عنوان شقه ويقول

تيجي لوحدك والا مش ها تشوف ابنك تاني

وينهي شناوي المكالمة فيقف جابر بالعربية ويقول لعزت

أنزل يا عزت

عزت

شناوي خطف ابنك

جابر بعصبيه

مش وقته يا عزت. انزل مافيش وقت

عزت

سيبني اجي معاك

جابر

عايزني لوحدي انزل بقولك

عزت

طيب والبضاعه اللي اتسرقت

جابر بعصبية

مافيش اغلي من ابني. انت فاهم وانزل بقي

فينزل عزت من العربية وجابر يروح للشقة اللي شناوي اداة له عنوانها ويلاقي باب الشقة مفتوح فيذق الباب بحذر شديد وهو بيقول

شناوي ابني مالهوش ذنب خد حقك مني انا

لكنه سمع صوت شناوي جاي من سماعات متعلقة في الشقة وقال

اقفل الباب وراك واقلع هدومك وخش الاوضه اللي في وشك

جابر باستغراب

اقلع هدومي ليه

شناوي

باين عليك عايز ابنك يموت

جابر

لا خلاص هاقلع

ويقلع جابر هدومة ويدخل الاوضة الموجوده في وشه فيلاقي مرات أبنه قدامه وبملابس خفيفه فتبص له وتقول وهي خايفة

عمي جابر

جابر يبص لها باستغراب ويقول

لقاء. بتعملي أيه هنا

ويروح ناحيتها جابر ولسة بيغيطها يدخل عليه ابنه سمير ويقف علي باب الاوضة ويبص لمراتة وابوة جابر وهما بالمنظر دة ويقول

يعني المكالمة ما كنتش كذب

ويخرج المسدس من جيبه ويصوبه ناحية جابر فيصرخ جابر قائلا

سمير افه،،،،،

ولكن تخرج الرصاصه ليسكت الجميع، ،،،،،،،،

لقراءة الجزء الاول

بسم الله توكلت علي الله. وهو رب العرش العظيم

‏

ويروح ناحيتها جابر ولسة بيغيطها يدخل عليه ابنه سمير ويقف علي باب الاوضة ويبص لمراتة وابوة جابر وهما بالمنظر دة ويقول

يعني المكالمة ما كنتش كذب

ويخرج المسدس من جيبه ويصوبه ناحية جابر فيصرخ جابر قائلا

سمير افه،،،،،

ولكن تخرج الرصاصه ليسكت الجميع. ولكنها رصاصة جت في اللمبة الموجودة في الاوضة. وبقيت الاوضة طلمة تماما. وتخرج رصاصة ثانية ويحط جابر ايدة علي جسمة ويتحسس جسمة وهو مش مصدق ان مافيش رصاصة جت في فيبص وراء منه وهو يقول للقاء مرات ابنه

لقاء انتي كويسة

فترد لقاء وهي ترتعش من شدة الخوف

أة.

جابر

طيب لو تعرفي توصلي للأباجورا وتولعيها ولعيها

فتنور لقاء لمبة الاباجورا. وتصرخ لما تشوف سمير. واقع علي الارض والدم مغرق وشة وهدومة كلها فيبص جابر ناحية ابنه سمير ويصرخ من القهر ويقول

سمير. رد علية

وتلف لقاء. نفسها بالملايا وتروح ناحية سمير اللي وصل له جابر وضمه لصدره وهو بيعيط عليه بحرقه

فيرن موبيل جابر ويبص جابر للرقم وهو الرقم اللي بيكلمة منه شناوي فيفتح ويقول

هاقتلك يا شناوي سامع هاقتلك زي ما قتلت ابني

شناوي

دة جزاتي برضو اني سمعت ضرب النار. قولت اتصل اطمئن عليك يا صاحبي

جابر بغضب شديد

ابني مات بسبب لعبتك الوسخه وانا مش هارحمك يا شناوي

شناوي

ياجابر المهم ان انت بخير علشان تلحق بنت سمير. هي اسمها اية صحيح. مريم. افتكرت

جابر بتهديد

لو مريم حصل لها حاجه هاقتل بنتك

شناوي ببرود

اسكت. مش جميله طلعت مش بنتي. اكيد عزت حكي لك.

ولو مريم ماتهمكش خليك قاعد عندك

جابر بتوسل

شناوي ابوس ايدك مريم عيلة صغيرة ملهاش ذنب في اللي حصل زمان ارحمها وارحمني

شناوي

وانت ما رحمنتنيش ليه ده انا كنت هاتشنق ظلم بسببك عموما ما ضعيش وقت وانزل دلوقتي من عندك وروح شقتك القديمه اللي في العجوزه هتلاقي مريم مربوطة في اوضه النوم بتاعتك والغاز مالي الشقه عشان ماعرفش مين ساب محبس الغاز مفتوح. ولو مالحقتش تكون عندها خلال ساعتين هاتموت مخنوقه

ويقفل شناوي في وش جابر فيقول له جابر

شناوي رد عليه شناوي مريم. لا لا كفايه ابني واللي حصل له

ويبص لجثه ابنه سمير وهو بيلبس هدومه بسرعه.

ولقاء تبص له وتقول

سمعاك بتقول مريم. مريم مين

جابر وهو بيلبس جذمتة يقول

مافيش وقت للرغي دة. البسي هدومك وانا هابعت. لك عربيه اسعاف تاخد جثه سمير. وبعدين هاتصل بيكي واعرف انتي فين

ويستعد للنزول فتقف لقاء قدامه وهي تقول

مريم بنتي صح. دخلت في الحساب اللي بينك وبين اللي بيعمل فينا كدة

جابر

يا بنتي مافيش وقت للرغي. لازم انزل حالا

لقاء بعصبية شديدة

مش هاسيبك تنزل الا لما تقول لي. اية اللي بيحصل لمريم بنتي

جابر بمنتهي الغضب

قولت لك مافيش وقت.

ويزقها جابر زقة عنيفة ويبعدها عن سكتة. ويخرج من البيت باقصي سرعه ويروح ناحية عربيتة ويركبها ويتحرك بيها وفجاه تخرج من شارع جانبي زفه عروسه. علي عربية كارو. ومعازيم كتير وكان العريس مجانص والعروسه مراته السبع وقدام الزفه. سكر. بفلنه محملات علي موتوسيكل وعمال يرقص ويغني. وجابر يضرب لهم كلكسلات ويشاور لهم ويقول

وسع طريق خليني اعدي

فيبص له سكر ويقول ببرود

ما تضرب واحده تيت تيت ربنا يبارك لك في عربيتك دي العروسه يتيمه

جابر

وسع من طريقي يا متخلف انت

سكر

يا اخي اعمل ثواب ولا تصحي تلاقي العربيه بتاعتك ميكروباص

جابر

بقول لك وسع من طريقي بدل ما ادوسك

سكر ببرود

هاتعرف تدوس ولا هتنادي حد يدوس معاك

ويقف سكر بالموتوسيكل قدام عربية جابر ويقفلو الطريق تماما قدام عربية جابر. ويروح سكر ناحيه جابر ويدخل راسه من الشباك ويدوس علي الكلكس بايده. فيقول له جابر وهو بيخرج راس سكر من شباك العربية

ابعد عن عربيتي يا متخلف

سكر وهو يغني

متغير ليه حيران كده ليه

‏

جابر وهو عمال يبص في الساعه والوقت بيعدي واعصابه بتنحرق يقول بعصبية شديدة

‏

ابعد عن طريقي احسن لك

سكر

والله ابدا مش لما تتعرف علي السبع

جابر بزهق

سبع مين

سكر

العروسه

وينادي سكر

بت يا سبع يا بت انزلي يخرب بيت اللي جابتك الباشا الحيوان ده هايزفك

جابر بعصبيه

هازف مين ابعد انا مش فايق لك

سكر

وربنا دم امك خفيف وانت متعصب كده

ويفتح سكر باب العربية اللي وراء ويقعد مجانص ومعه السبع فيبص لهم جابر ويقول

انتوا بتعملوا ايه

سكر

هاتزف السبع وربنا انت محترم. بدل ماهي بتتزف علي عربية بيجرها حمار تتزف في عربية سايقها حمار

جابر

انزل،،،،،،،

سكر مقاطعه وينظر للسبع

مش قولت لك دا باشا حيوان بذمتك يا باشا بص للسبع سيبك من الشنب اللي طالع لها والله يتيمه مع انها جربانه ومعفنه بس قمر

جابر وهو عمال يحاول اخراجهم من السياره يقول

انزلو انتوا مجانين ولا ايه

سكر

انت مش مصدق ان السبع بنت دي بنت والله ااقلعي يا بت وري الباشا مكان التاتو

جابر بعصبيه

تقلع ايه. يا متخلف يا حيوان

سكر

طيب نعمل الدخله علي الكنبه اللي وراء دي اقلعي يا بت هانعمل الدخله دلوقتي. اندهو بتاع الفيديو

جابر

دخله ايه يا ولاد الكلب

وفي الوقت دة يبص سكر بطرف عينه لراجل تبعه فيجري الراجل دة بسرعه وينزل تحت عرببة جابر. ويخرم الخرطوم الخاص بتانك البنزين وبعد ماخرم الخرطوم بدا البنزين يتسرب علي الارض. وسكر عمال يضايق في جابر وبطرف عينه بيبص علي مؤشر البنزين وهو في النازل وفي نفس الوقت يتقطع تيل الفرامل وسكر كان يقول

ما تقلعي يا سبع انتي مكسوفه من الباشا

ثم يبص لجابر ويقول

قولها تقلع دي مكسوفه منك

جابر بعصبية

يا عم ابعد عني انت واللي معاك دول ابوس ايدك بنت ابني في خطر

سكر

بنت ابنك في قطر فين في قطر طيب اتصل بيها وخليها تبارك للسبع وبالمره تقولها تقلع عارف السبع لو قلعت وشوفت الحبيه اللي في ظهرها. دي عليها حته حباية معبيه دمن وكل ما قول لها تعالي لما افقعها تقول لا،،،،،،،

جابر مقاطعة له

الله يخرب بيتك انا مالي بالحباية

سكر

تقلع ونعمل الدخله هنا علي الكنبه والله اول ولده من السبع بتاعتك

ويخرج الراجل اللي تبع سكر من تحت العربية فيقول سكر لجابر

اما انت راجل بارد هو في حد عزمك علي فرحنا عشان تخش بعربيتك كده يالا يا عم امشي

وينزل مجانص من العربية ومعه السبع. وجابر مستغرب من كل اللي حصل. ويوسع سكر طريق لعربية جابر ويتحرك جابر بالعربية وبمنتهي السرعه. ويرن جرس الموبيل تاني فيفتح جابر الخط وساعتها يسمع صوت شناوي بيقول

جابر ما عرفش مين خرم التانك عندك خلي البنزين اللي في العربيه يتسرب وكلها كام كيلو والعربيه هاتفضي من البنزين وتقريبا تيل الفرامل اتقطع فخلي بالك ان العربيه من غير فرامل فانا سايبك لقضاء ربنا لو البنزين خلص قبل ما تحتاج الفرامل هاتعيش وهاتلحق مريم انما لو احتجت للفرامل ولسه في بنزين هاتموت وتموت معاك مريم فخلي بالك من نفسك يا صاحبي علشان انا مش عايزك تموت دلوقتي، ،،،

وينهي شناوي المكالمة فيبص جابر الي مؤشر البنزين فيلاقي البنزين مؤشره في النازل فيدوس فرامل فيلاقي ما فايش فرامل فيصاب جابر بالخوف والرعب ويقول

اة يا ولاد الكلب

ويبتدي صراع جابر مع الطريق والزمن. لانقاذ مريم وانقاذ نفسه من الموت. وبدا يفادي العربيات بمنتهي السرعه وكل عربية تقرب منه كان بيشوف شبح الموت فيها. وقدر يعدي من المطب دة بصعوبة وخلص البنزين ووقفت العربية في منطقة هادية. فنزل جابر من العربية وهو مش مصدق انه لسة عايش. ويبص في ساعته فيلاقي ان في ساعه ونص عدو من الساعتين. اللي قالو عليهم شناوي فبدأ يجري في الشارع زي المجنون.

لغاية ما وصل جابر للشقه ودخل الشقة وفضل يدور في كل الاوض علي مريم. لغاية مالقي قدام منه مجانص بيبص له وبيضحك وضربه. ضربة واحدة خليته يقع فاقد الوعي، ،،،،

وفي نفس الوقت ومن جوة جنينة فيلا عزت يقف ابراهيم ومعه ذهب وقدام منهم تقعد جميله مع مالك خطيبها وكانوا في حاله حب وابراهيم عمال يبص علي جميلة بحب شديد فتميل عليه ذهب وتقول له

علي فكره جميله تليق عليك انت اكتر من مالك

فيبص لها ابراهيم ويقول باستغراب

انتي بتقولي ايه

دهب

بقول اللي انت سمعته وانا عارفه انت قد ايه بتحب جميله

ابراهيم بارتباك

انا لا خالص جميله بالنسبه لي زي اختي وبس

دهب

ابراهيم ما فيش حد يعمل اللي انت بتعمله مع جميله وتكون بالنسبه لي زي اخته وبس

ابراهيم

دهب بلاش السيره دي انا اصلا مش مركز في اي حاجه دلوقتي غير مستقبلي وبس

دهب

عليه انا ده انت جميله بالنسبه ليك هي مستقبلك وحياتك كلها

ابراهيم

يا لو تحس بيا زي ما انتي حسيتي بيا

دهب

خلي بالك يا ابراهيم جميله ما بتحبش مالك زي مانت متخيل هي بس مشدوده لي وهي كتير كانت عايزه تفشكل معا بس هو بيضحك عليها بكلامه الحلو. مالك دة عيل ملزق

ابراهيم

يعني تفتكري يا دهب انها ممكن في يوم ما تكنش لمالك

دهب

ولو هي مش لمالك عايزها تكون لمين

ابراهيم ضاحكا

سؤالك خبيث بس عموما انا نفسي انها تكون ليا انا.

جميله حب عمري انا قلبي عايش بينادي عليها وعينيه ما بتشوفش غيرها

دهب

ايوه بقي والله انت اللي تستاهلها مش ابن سراج دة

ابراهيم

ده يبقي احلي يوم في عمري يوم ما جميله تكون ليا

وفي هذه اللحظة ينضم لهم مالك وجميله وتقول جميله

قاعدين علي جنب ليه وعاملين تجيبوا في سيره مين

دهب

في سيرتك يا هانم انتي نسيتي اننا عندنا بروفات عشان المسرحيه الجديده بتاعتنا وانتي معطلانه

جميله

صح ده انا نسيت طيب يالا بينا

في الوقت دة يسمعوا كلهم صوت عزت بيقول

ازيكم يا ولاد

فيبصو له ويسلموا كلهم علي عزت فيقول عزت لمالك

ازيك يا مالك. والدك سراج عامل اية

مالك

بخير والله يا عمي

عزت

طيب كنت عايزك يا مالك في كلمتين توصلهم لوالدك سراج

جميلة

يا بابا عندنا بروفة

عزت

معلش يا جميلة مش هاعطلكم كتير

فيستاذن مالك منهم ويروح مع عزت وجميلة تبص عليهم، ،،،،،،

ومن جوة مكتب عزت يقف مالك قدام عزت ويقول له

صدقني يا عمي حاولت معها كتير لكنها مش عايزنا نتجوز الا لما تخلص تعليمها

عزت

ما ينفعش اللي انت بتقوله دة. لازم تسيطر وتخليها توافق علي الجواز

مالك بضحكة كلها خبث يقول

اية يا عمي مش قادر تستحمل خلاص. انا عارف ان جميلة حلوة وحلوة اوي كمان لكن لازم تمسك نفسك شوية مش كدة

عزت

مالك بلاش تلميحات سخيفة

مالك

انا مش بلمح. بس انت فعلا مش قادر تستحمل وهاتموت وانا اتجوز جميلة علشان تدخل انت عليها بعد ما تخدرها مش دة اللي نفسك في

عزت

اسمعني كويس انت واخد مني فلوس علشان تبيعها لي وهي مراتك. وانا بقي حر اعمل فيها اللي انا عايزة. وحاجة كمان لو انت مش هاتقدر تنفذ اللي اتفقنا علية انا هاشوف غيرك يعلقها منك واشتريها منه

مالك

لا وعلي اية. روق كدة يا عمي.

عزت

يبقي خلاص تخلصو اللي بتعملو وتكلمها تاني في موضوع جوازكم فاهم ولا لا

مالك

بقول لك اية لما انت مش قادر كدة. ماهي قدامك في الفيلا ليل ونهار ما تخلص واعمل فيها اللي انت عايزة

عزت

دة تفكير الاغبياء اللي زيك. انا لو عملت كدة يبقي حكمت علي نفسي باني ادوق طعمها مرة واحدة بس. انما طول ما هي مراتك انا هاكون معها وقت ما احب.

مالك

انت مستحيل تكون انسان

عزت

انا وانت من نفس الطينة يا ابن سراج . ،،،،،،،،،،،

وفي نفس الوقت ومن جوة شقه جابر القديمة. في اوضة نومه كان جابر علي السرير متكتف وايديه مربوطة في شباك السرير. وقدامه يقعد شناوي وفي ظهرة سكر ومجانص وجابر بيحاول يفك نفسه وبيقول

فين مريم يا شناوي

شناوي

مريم في بيت ابوها. هو انا برضو واطي زيكم علشان اخد حقي من عيله صغيرة

جابر باستغراب

اومال انت ليه قولت انها هنا

شناوي

علشان عايز اشوفك وحشتني ونفسي اقعد معاك شويه

جابر

شناوي اقتلني وريحني وبلاش تلعب باعصابي كده انا مش هاستحمل وكفايه انك قتلت ابني وبكده يبقي انت خد حقك مني وبزياده

شناوي

مين قالك ان خد حقي ده انا لسه ببتدي دول 15 سنه سجن يا صاحبي. بس نفسي أسئلك طول ال 15 سنه دول ما صعبتش عليك. طيب وانا بيتحكم عليه بالاعدام ضميرك ما قالكش حرام ليه يموت ظلم

جابر

شناوي حقك عليه. بس لازم تعرف ان عزت هو السبب هو اللي قال لي نعمل كده علشان نطلع براءه من قضيه خطف وقتل سالم

شناوي

وعشان تطلعه براءه اتسجن انا ظلم اتحرم من بيتي وتموت مراتي وبنتي يربيها واحد تاني علي انه أبوها كل ده ليه

ويروح شناوي ناحيته ويضربه بالقلم. بغل السنين الظلم فيتوجع جابر اوي من قوه القلم ويقول جابر

أضرب كمان يا شناوي. حقك

شناوي

تعرف اني اول مره في حياتي كلها اضرب حد بس الظلم وحش اوي يا جابر ربنا يرزقك باللي يظلمك

جابر

شناوي حقك عليه سام،،،،،،،

فيضربه شناوي كمان قلم و بنفس القوه وقلم تاني وقلم تالت ورابع ويفضل شناوي يضرب جابر فيبص مجانص لسكر. ولسة هايروح ناحية شناوي علشان يحوشه سكر يمنعه ويقول له

سيب شناوي ياخد حقه

مجانص

هايموت في ايده

سكر

يموت هنبعت نجيب غيره

ويتوقف شناوي عن الضرب وبوق جابر بيجيب دم من كتر الضرب ويقول شناوي بمنتهي الصعوبه وهو بيعيط

ل ليه حر. حرام عل عليك الظ الظلم طعمه مر قوي عملت لكم ايه ده انا كنت بحبكم. وبعتبركم زي اخواتي

ويمسح شناوي دموعه وهو يقول

لكن خلاص وقت الظلم راح وشناوي الطيب مات وجه وقت الحساب

جابر بصعوبه

هاتعمل فيه ايه تاني اكتر من اللي انت عملته مش كفايه ان ابني مات بسببك

شناوي

مش كفايه وانا لسه ماخدش حقي

ويبص شناوي لسكر ويقول

هات الزباله اللي اسمه نصر

فيفتح سكر باب الاوضة ويخرج ويرجع في ايده نصر اللي كان مضروب علقة موت. وايده عماله تترعش فيبص له جابر باستغراب ويقول

دكتور نصر هو عرف مكانك أزاي

نصر

ماعرفش. بس اكيد من مراقبتة ليكم. يا شوية اغبياء

سكر

لا بصراحة احنا عرفنا مكانك عن طريق دكتور شمال زميلك. شغال نفس شغلتك بيقطع في لحم الغلابة ويبيع

شناوي لجابر

بس اية رايك في دكتور نصر شايف ايده بتترعش ازاي اصل سكر قالي علي جرعه مكيفات بتضرب خلايا الاعصاب علشان كدة اديت جرعه كامله للدكتور نصر مش خسارة في.

وبعد كدة يبص شناوي لنصر ويقول

سنين كتير ربنا سترك وانت مش عايز ترجع عن اللي بتعمله وسايق فيها اهو انا بقي جاي اخد حق كل واحد اتقطع علي ايدك

نصر

هاتعمل فيا اية تاني اكتر من اللي عملته دة انا مش قادر اقف علي رجلي واعصاب جسمي كلها اتلفت

شناوي

لا. ازعل منك دة انا عايزك في اخر عملية اعتبرها ماتش اعتزالك وعلشان ارحمك تفتح لي صدر جابر وتطلع لي قلبه الاسود

سكر

ايوه بقي ولما يطلع القلب نشوحه في الزيت مع حته بصله

جابر خائفا

شناوي اوعي تكون ناوي تعمل اللي بيقول عليه ده

شناوي

وليه لا دي فكره حلوه. مع اني ماليش في الزفارة. بس وماله

وبعدها يبص شناوي لنصر ويقول

وكمان عايز الكليه الشمال وفص كبد زي اللي خدوهم من سالم. طبعا فاكرة والعملية دي كلها تتم من غير بنج. عايز جابر يحس بكل الوجع اللي في الدنيا وبكل لحظة حرمان اتحرمها حد من اللي بيحبهم بسبب لعبة غدر من شوية اندال زيكم

نصر

انا ما قدرش امسك مشرط بايدي دلوقتي.

شناوي بحده

هاتمسك مشرط وهاتعمل العملية

جابر

لا لا ابوس ايدك يا شناوي ارحمني

شناوي

انت مالك خايف ليه كده

جابر وهو يبكي

ابوس رجلك سيبني اعيش.

شناوي

بلاش عياط وخليك راجل طيب تحب ارجع لك سمير ابنك واخد اللي انا عايزه من جسمك

جابر باستغراب شديد

ابني سمير مات

شناوي

تبقي عبيط لو صدقت ان شناوي يقتل او يكون السبب في موت انسان برئ وانا لو عايز اقتل ها قتلك انت وعزت مش هاقتل ابنك ولو مش مصدق اتفرج

ويبص شناوي لسكر فيفتح سكر باب الاوضة ويخرج يجيب سمير وهو متكتف فيبص له جابر وهو هايتجنن لدرجة انه اغمي عليه ،،،،،

ومن جوة فيلا عزت كان عزت قاعد وبيحاول انه يوصل لجابر لكن جابر موبيلة كان مقفول فيقول لنفسه

يا تري يا جابر انت لسة عايش ولا يكون شناوي خلص عليك

وتعدي من قدام منه جميلة وكانت زي القمر فبص لها عزت وهي بتعدي من قدامه بلبس البيت وشاف جيهان وقلبة دق اوي وسمع صوت مالك والشيطان في نفس الوقت

طالما هي قدامك لية ما تخدش منها اللي انت عايزة

فقال عزت لنفسه

هو صح طالما قدامي لية ماخدش منها اللي نفسي في. ماحدش يعرف بكرة مخبي اية واهو لو موت ابقي ميت وانا واخد جيهان حبيبتي. في حضني

وقام عزت ودخل المطبخ وخرج حباية منوم وحطها في كوبية عصير برتقال اللي بتحبه جميلة. وطلع وراء جميلة ودخل عليها الاوضة فبصت له جميلة وقالت

بابا في اي اية

عزت

جايب لك عصير يستاهل بوقك

جميلة باستغراب

اول مرة تعملها يا بابا

عزت

علشان انا زعلت لك كتير الفترة اللي فاتت وناويت اراضيكي

ويمد عزت ايدة بكوبية العصير لجميلة فتمسك جميلة كوبية العصير وهي تقول له

ماشي يا سي بابا. انا مرضية

وشربت جميلة كوبية العصير. وقالت وهي بتحط الكوبية جنبها

تسلم ايدك يا بابا.

فيبتسم عزت ابتسامة الثعبان. ويقول

اسيبك تنامي

ويخرج من الاوضة لدقائق وجميلة تروح في نوم عميق فيفتح باب الاوضة ويدخل علي اطراف اصابعة ويقعد علي طرف السرير ويبص لجميلة برغبة شديدة ومد ايدة ومسك اللحاف الموجود عليها وقلع هدومه وقرب من جميلة و ،،،،،،،،،،،،،،،،

نهاية الحلقة السادسة

لقراءة الجزء الاول

علشان انا زعلت لك كتير الفترة اللي فاتت وناويت اراضيكي

ويمد عزت ايدة بكوبية العصير لجميلة فتمسك جميلة كوبية العصير وهي تقول له

ماشي يا سي بابا. انا مرضية

وشربت جميلة كوبية العصير. وقالت وهي بتحط الكوبية جنبها

تسلم ايدك يا بابا.

فيبتسم عزت ابتسامة الثعبان. ويقول

اسيبك تنامي

ويخرج من الاوضة لدقائق وجميلة تروح في نوم عميق فيفتح باب الاوضة ويدخل علي اطراف اصابعة ويقعد علي طرف السرير ويبص لجميلة برغبة شديدة ومد ايدة ومسك اللحاف الموجود عليها وقلع هدومه وقرب من جميلة و ،،،،،،،،،،،،،،،،

لقراءة الجزء الاول

بسم الله توكلت علي الله. وهو رب العرش العظيم

‏

خلصت الحلقة اللي فاتت علي ان عزت حط منوم لجميلة في العصير بتاعها واستناها لغاية ما نامت ودخل عليها وكان عايز يحرمها من شرفها ويتمتع بيها. بعد ما شاف فيها صورة جيهان حبيبته اللي عمره منسيها. لكن بمجرد ما قرب من جميلة سمع صوت خبطة علي باب الاوضة اتخض عزت ولبس هدومه بسرعه. وفتح باب الاوضة علشان يشوف مين اللي خبط الباب. وشاف ست عند اخر الممر. ولبسة ايشارب اسود علي وشها وبتجري تخش جوة اوضة. فراح وراها عزت بسرعه ودخل الاوضة اللي هي دخلتها. وقبل ما ينطق باي كلمه لقي حقنه بنج

بتتغرز في رقبته علشان يقع مغمي عليه،،،.،

وفي نفس الوقت كان سكر بيفوق جابر اللي اغمي عليه اول ما شاف سمير داخل عليه الاوضة متكتف واول ما فاق جابر ورجع له تركيزه قال وهو عمال يبص لسمير

ازاي ازاي

شناوي

هو ايه اللي ازاي

جابر

انا شوفت سمير وهو ميت والدم نازل من دماغه

شناوي ضاحكا

لا غلط. انت شوفت سمير واقع علي الارض والدم مغرق وشه ما كنش بينزف لكن مع صعوبه الموقف وان ابنك شافك في المنظر دة. انت ماخدش بالك. ان سمير مش سمير

جابر

انت بتقول أيه

شناوي

بقول ان اللي شافك مش سمير ابنك. دة واحد شبه وبشويه مكياج بقي سمير بالظبط وعلشان ما تتعرفش عليه سمير المزيف ضربنا رصاصة في لمبة الاوضة علشان تبقي كحل. وبين اول رصاصه وتاني رصاصه كان الدم نزل من سقف الشقه عشان يغرق اللي عامل نفسه سمير وقبل ما تلم نفسك اتصلت بيك عشان اشل تفكيرك واشتت انتبهاك وقولت لك الحق مريم. ورجالتي قبضو علي مرات ابنك علشان لما تكتشف اللعبه ما تلحقش تتصل بيك

جابر

انت يا شناوي يطلع منك ده كله

فيضحك شناوي بشده ويقول

انا طيب يا جابر لكن. مش عبيط زي ما انتوا فاكرين و ديما بيقوله اتقي شر الحليم اذا غضب وانا دلوقتي غضبان وكلي شر. وكان نفسي اخلص عليك وعلي عزت بايديه لكن انتو ارخص من اني اخش فيكم السجن تاني. ودلوقتي بقي بعد مارجعتلك ابنك بالسلامه نقدر نبدأ العمليه

جابر

شناوي ابوس ايدك ارحمني انا طلبت منك الرحمه اكتر من مره. خليك احسن مني وسامحني

شناوي

ربنا اللي بيسامح. لكن انا. لا. لكن انت صعبت عليه وبفكر اني الغي العمليه ومش هاخد منك الكليه ولا فص الكبد

سكر

ليه كده بس يا عم شناوي اومال هنتغدي ايه

شناوي لسكر

هنجيب كبده بلدي

سكر وهو بيبص لجابر

بس هو في احلي من كبدة حيوان زي دة

شناوي

عيب يا سكر احنا متربين مش هانقبي واطيين زيهم

ثم يبص شناوي لجابر ويقول

بس انا علشان اسامحك خالص ونيتي تصفي من ناحيتك عايزك تحكي لسمير ابنك انت عملت فيه أيه وجمعت ثروتك دي منين

جابر

شناوي. بلاش كده انا طول عمري مثل اعلي لابني

شناوي بمنتهي الغل. يقول

وانا طول عمري محروم من بنتي. ويا أما تعمل اللي قولت لك عليه ياما اخلي نصر يبدا العمليه ومن غير بنج

فيبص جابر ل سمير اللي كان بيبص له وفي عيونه اسئله كثيره ولكن فمه المكمم منعه من الكلام. فيبص سكر لجابر. ويقول

ايه هانستني كتير نصر راجل كبير وبيحب ينام بدري لخص

شناوي

شكلنا كدة يا سكر هانتغدي بالكبده بتاعت جابر النهارده

سكر ضاحكا

حبيبي يا عم شناوي هو ده الكلام

جابر

لا لا هاحكي له علي كل حاجه

ويبص جابر ل سمير تاني ويحكي الحكاية من اولها لاخرها فتنزل دموع سمير اللي مش مصدق ان ابوة بالوساخة دي

ومايقدرش جابر يبص في عيون ابنه ويقول لشناوي

خلاص يا شناوي خلصت عليه وارتحت

شناوي

لسه فاضل العمليه

جابر

عمل،،،،،،

ولكن مجانص يحط كمامه علي بق جابر فيمنعه من الكلام ويقول شناوي لجابر

انا خد حقي بمجرد ما عرف ابنك حقيقتك وانا عارف ان سمير ابنك محترم مش زيك انما فاضل حق رشدي اللي اكيد مات علي ايديكم وحق سالم وحق عوض وحق كل مظلوم مات بسبب لعبة الغدر دي. علشان كدة نصر بايدة اللي بتترعش دي هايعمل لك عملية وانت ونصيبك بقي يا تطلع حتة واحدة يا تطلع كذه حتي

وبعد كدة يبص شناوي لسكر

بعد ما نصر يخلص العملية سلمو للبوليس وهما ياخدوا حق كل اللي ماتو علي ايدة ،

نصر

والبوليس هايقبض عليه بتهمه اية

شناوي وهو بيبص لسكر

هو انت ماقولتش للدكتور يا سكر. ان العيال اللي خدهم اخر مرة من مخزن عزت وجابر. اتصورو وهما عنده في العيادة وبيتقطعو جوة الاوضة اياها

فينصدم نصر ويقول

انتو وصلتو ازاي للاوضة السرية

سكر

اصل الممرضة بتاعتك. طلعت كلبه فلوس صورتك وباعت صورك لينا. يا حمار

وساعتها كان شناوي بيبص لسمير وبيقول له

اسف اني دخلتك انت ومراتك في انتقامي. بس اللي اعمله ابوك فيا ما كنش شوية

فتنزل دموع سمير حزن علي اللي عرفه عن ابوه وقال شناوي نصر بعصبية

اعمل العملية

ويروح دكتور نصر ناحية جابر وهو ماسك المشرط وايدة بتترعش وحط المشرط عند كلية جابر الشمال وبدأ يقطع. في لحم جابر وجابر بيصرخ صرخات مكتومه،،،،،،،،

وتعدي الليلة والصبح بدري تقف جميلة قدام عزت اللي استعاد وعية بعد حقنه البنج اللي خدها في رقبته وكانت جميلة بتقول

اية اللي خلاك تنام علي الارض كدة

عزت وهو لسه عيونة مزغللة ودماغة تقيلة يقول

ماعرفش. انا كنت كويس وفجاة لقيت نفسي وقعت مغمي علية

جميلة

طيب تحب اتصل بالدكتور يجي يطمئن عليك

عزت

ملهوش لزوم. انا هابقي كويس

جميلة

طيب انا لازم اروح المعهد النهاردة علشان العرض الاول للمسرحية بتاعتنا.

عزت

روحي المعهد بتاعك وانا هابقي بخير

جميلة

خلاص ماشي. وانا لما اخلص برضو هاتصل اطمئن عليك

وتمشي جميلة ويروح عزت ناحية الشاشة اللي بتعرض اللي تم تسجيلة عن طريق كاميرات المراقبة. ورجع الشريط لغاية ما وصل لليلة امباراح ولكنة ملقاش اي حاجة غريبة. ومافيش حد غريب دخل الفيلا ولا في حد خرج منها فاستغرب اوي وقال لنفسه

يعني اية اللي خدرتني امبارح دي كانت. واحدة من اللي عايشين معانا في الفيلا. طيب هي مين

وفي نفس الوقت ومن جوة مطبخ فيلا عزت. كان عزت واقف علي باب المطبخ دة وبيبص للي شغالين عنده وبيحاول يفتكر اللي شافها امباراح بتجري. لكن كل اللي كانو واقفين كانو اقصر من اللي شافها. فبصت واحدة منهم لعزت وقالت

عايز حاجة يا عزت بية

فيمردش عزت عليها. ويخرج من المطبخ. ويرجع للاوضة اللي اتخدر فيها ويبدا. يدور في كل شبر في الاوضة عن اي حاجة ممكن توصله للي عملت في كدة. لكنه ما يوصلش لاي حاجة. فيقعد علي السرير الموجود في الاوضة وهو عمال يفكر في كل اللي بيحصل له، ،،،،

وفي نفس الوقت ومن جوة عربية مالك اللي كانت واقفه قدام معهد فنون مسرحية. كان مالك قاعد جوة العربية وجنب منه بنت اسمها سعاد وكان عمال يضحك معها وماسك ايدها لكن مالك وهو بيهزر مع سعاد دي لمح بطرف عينه ابراهيم داخل المعهد. فقال لسعاد بسرعه

يالا انزلي بسرعه

سعاد

انزل ليه. قوام كده زهقت مني

مالك

ابراهيم عدي علينا وشكله شافني. وممكن جميله تساله عليه ويقول لها انه شافني معاكي

سعاد

وفيها ايه انا زميلتك في المعهد وعادي لما اقعد معاك

مالك

لا مش عادي جميله اتصلت بيا اكتر من مره وانا بسببك ماردتش عليها يالا انزلي بقي هي اصلا ما بتحبكيش

سعاد بدلع

مش مهم هي تحبني المهم انت

مالك

مش وقته الكلام ده

فتميل عليه سعاد وتقول

مالك انا بحبك

وفي نفس الوقت تقف جميله قدام عربية مالك وكانت معها دهب وتقول له

لما انت هنا ما بتردش ليه علي موبيلك

مالك بارتباك شديد

انا ما سمعتش الموبيل رن

فترن عليه جميله ويرن موبيل مالك وتقول جميله

ليك حق ما تسمعش رنتي ما انت مش فاضي. والهانم اللي معاك دي اهم مني

وتسيبة وتمشي هي ودهب فيبص مالك لسعاد ويقول لها بعصبية

ما انا قولت لك انزلي عجبك كده

وينزل من العربيو ويجري وراء جميلة لغاية ما يوصل لها ويقف قدام منها وهو بيقول

يا جميله دي كانت بتسالني علي حاجه وكنت مش عارف ارد عليكي

جميله

الكلام بينا انتهي ارجع وروح لها بدل ما تزعل منك

وتسيبة وتمشي فيقف قدام منها مالك تاني ويقول

ياجميله ممكن تقفي عشان نتكلم مش هاينفع افضل اجري وراكي كده في الشارع

جميله

وانا مش عايزا اتكلم معاك هو ايه بالعافيه

مالك

لا مش بالعافيه بس انتي خطيبتي ولازم تسمعيني

جميلة وهي بتقلع الخاتم وتحطه في ايد مالك

انا ما حبش اكون نمره اتنين في حياة اي حد. حتي لو انت

مالك بعصبيه

ايه يا جميله واضح ان ابراهيم عرف يسخنك عليه

جميله باستغراب

ابراهيم. وابراهيم ماله بالموضوع ده

مالك

مش هو اللي جري وراح قال لك اني قاعد في العربيه مع واحده

جميله

ما تظلمش ابراهيم يا مالك ابراهيم ما قاليش حاجه ده انا حتي سالته عليك وانا خارجة من البوابة قال انه ما شافكش

مالك

لا بجد وانا هاصدق الهري ده.

جميلة

انا مش كذابة

مالك

انتي اة مش كذابة لكن هو خبيث وارتاح لما وقع بينا وانا بقي لازم اعلمة الادب.

ويسيبهم مالك ويدخل المعهد ويفضل يبص علي ابراهيم لغاية ملاقا. فراح ناحيته جري وهو عصبي جدا. وضرب ابراهيم بالبوكس في مناخيرة وكان بيقول

ارتحت لما وقعت بيني وبين جميلة

فيبص ابراهيم لمالك مستغرب ولسة مالك هايضربه كمان بوكس. قدر ابراهيم يمسك ايدة وهو بيقول

في ايه يا مالك. ما تلم ايدك بدل ما اقطعهالك

وفي الوقت دة تقف جميلة قدام مالك وتبعده عن ابراهيم وهي تقول

ايه اللي انت بتعمله ده انت مجنون

دهب

ابراهيم ما قالش حاجه لجميله انا اللي شوفتك وانا داخله المعهد واتصلت بجميله وقولتها تطلع تشوف بنفسيها وقابلتها عند باب المعهد

مالك

انتي

دهب

اه انا. ايه اشوفك وانت بتخون صاحبتي واختي واسكت

مالك

انا ما بخنش جميله دي زميلتي في المعهد وكانت بتسالني علي حاجه

دهب

انا شوفتك وانت تقريبا في حضنها ده كان ناقص تبوسو بعض في الشارع

ويضرب مالك دهب بالقلم علي وشهها وهو يقول

كدابه. بنت كلب

فتتوجع دهب من قوه القلم فيهجم ابراهيم علي مالك ويضربه بالقلم زي ما ضرب ذهب ويقول ابراهيم

اول مره اعرف انك مش راجل

فيبص له مالك والشر في عيونه ويقول

انت بتضربني. بتضرب مالك ابن سراج

ابراهيم

طظ فيك وفي ابوك هو انت عشان ابوك معاه فلوس ده يديك الحق انك تضرب بنات الناس

مالك

انا هاوريك يا ابراهيم لو ما ضيعتش مستقبلك

فتقف جميله قدام مالك وهي بتبص لي دهب اللي ماسكة خدها وعماله تعيط بحرقه. فترفع جميلة ايدها وتنزل بقلم قوي جدا علي وش مالك فيبص لها مالك. وكل اللي في المعهد اتلمو علي الخناقة دي. وكانت جميلة بتقول

قول لباباك سراج ان جميلة ضربتني بالقلم. وخلي يجي يجيب حقك. مني

فيبص مالك لجميله ويقول لها

بتضربيني بالقلم يا جميله بتشتري ابراهيم ودهب وتبعيني انا ماشي والله يا جميله لتندمي

ويسيبهم مالك ويمشي وجميلة تروح ناحية صاحبتها وتاخذها في حضنها وهي تقول لها

كنت بتقولي علية اية

فتبتسم ذهب وهي بتعيط وتقول

عيل ملزق

وتضرب ذهب جميلة في كتفها وهي تقول

ذوقك عكر

ويضحك الثلاثة وجميلة تبوس صاحبتها وهي تقول

حقك علية. اضربتي بسببي

ذهب

هو في بين الاخوات حقك وحقي ،،،،،،،،،،

وبعد مرور كام ساعه ومع حلول الظلام تقف خمس عربيات مرسيدس . قدام بوابة فيلا عزت وينزل 20 راجل مسلحين ويدخلوا لفيلا عزت بالقوة بعد ما سيطروا علي حراس الفيلا ويدخلو الفيلا. فيقف قدام منهم عزت ويقول

انتوا مين ودخلتوا هنا عايزين اية

فتخرج نوال ومعها عزام من وراء الرجاله وتقول نوال

ازيك يا عزت بيه

عزت باستغراب شديد

انتي ايه اللي جابك هنا

نوال

جه وقت خروج الشيطان من الجنه وقت الحساب. الوقت اللي هناخد منك في كل اللي حيلتك حتي جميلة

عزت بعصبية

جميلة مش هاتخرج الا وانا ميت

فتقف جميله جنب عزت بعد ما خرجت من اوضتها علي الصوت وتقول

مين دول يا بابا

نوال

جميلة. دة مش باباكي.

جميله باستغراب وهي بتبص لعزت

بتقول ايه دي

عزت

دي ست كداب

في الوقت دة يسمع عزت صوت ست هو عرفها كويس بتقول

لا مش كذابة

و تدخل للفيلا ست ملامحها مش باينه وكانت علي كرسي بعجل. وتبص ناحيه جميله فيبص عزت للست الموجوده علي الكرسي اللي ملامحها بانت وبصت له بغضب الدنيا كله فقال وهو قلبة هايقف من الصدمه

جيهان مرات شناوي. طيب ازاي انتي ميته

وتفضل جيهان تبص له بصة ترعب

لقراءة الجزء الاول

بسم الله توكلت علي الله. وهو رب العرش العظيم

‏

وفي هذه اللحظه تدخل الي الفيلا امراه علي كرسي بعجل وتبص ناحيه جميله فيبص عزت للمراه الموجوده علي الكرسي ويقول باستغراب شديد ويكاد قلبه يقف

جيهان مرات شناوي

فتبص له جيهان بصة ترعب وعزت بيقول

انتي موتي. ازاي ازاي عايشة

جيهان بصوت يرعب

جه وقت خروج الشيطان من الجنة. ورجوعه لجهنم ومن تاني جميلة ترجع لحضن ابوها وامها

وتقترب جيهان منه وتبص له بصة كلها كرة. وهو بيعبد عنها وهو خايف اوي وعمال يقول

انتي عايزا مني اية

لكن واحد من الرجاله الموجودين في الفيلا يمسك عزت اوي. ويحط ايده علي بوق عزت. وعزت بيحاول انه يفلت منه. لكنه ماقدرش وتبص جيهان لنوال وتقول

الحقنه

فيبص عزت وهو مرعوب لنوال اللي رايحة ناحية جيهان وفي ايدها حقنه شكلها غريب وتمسك جيهان الحقنة من ايد نوال. وتغرز سن الابرة في الوريد الرئيسي اللي بينقل الدم للمخ. واللي موجود في رقبه عزت. فيصرخ عزت صرخة مكتومة ويبص لجيهان وهو مش فاهم هي عملت اية. فتقول جيهان

هانت كلها كام ساعه. وتخلص الحكاية بس نصيحة خليك ديما في الفيلا واوعي تهرب علشان علاجك هنا وبس. دور علي العلاج قبل ماتبقي، ،،

وتسكت جيهان وتبص للراجل اللي ماسك عزت بطرف عينيها. فيضربة الراجل بكعب المسدس في راسه. ضربه قوية يقع بعديها عزت مغمي عليه، ،،،،،،

وبعدها بشوية ومن جوة بالكونه شقه سكر. يقعد شناوي وكان بيبص للحارة وهو حزين فدخل عليه سكر ومعه كوبيتين شاي وقال

باصص للحارة بقالك ساعه كامله. للدرجة دي عجباك خرابا سيتي اللي احنا عايشين فيها

فيضحك شناوي ضحكة بطعم المر. وياخد كوباية الشاي من علي ايد سكر وكان باين عليه الهم فيقول سكر

مالك حزين لية كدة

شناوي

صعبان عليه شناوي

سكر باستغراب

شناوي مين اللي صعبان عليك

شناوي

انا

سكر

وانت صعبان عليك شناوي ليه. ما انت خد حقك من جابر وسلمت نصر للحكومة. يعني المفروض ما تكنش زعلان

شناوي

ازاي ما كنش زعلان. دة في بني ادم اتعذب بسببي

سكر باستغراب

بني ادم. مصيبة لو يكون صعبان عليك جابر

شناوي

انا ما تعودش اكون سبب في اذيه حد

سكر

انت ازاي كده وازاي في قلبك رحمه علي حد كان ها يخليك تتشنق ظلم

شناوي

انا، ،،،،

سكر مقاطعه له

انت غلطان لو فكرت كده دي عالم وسخه وتستاهل اكتر من كده وانت لو فكرت انك ترحمهم انا مش هارحمهم والمشوار اللي بداته معاك هاكمله لو حتي لوحدي

شناوي

للدرجه دي

سكر

واكتر من كده. عم شناوي انا اتكويت مره بنار الظلم وما خدش حقي والمره دي انا مش هاسيب حقك

شناوي

ومين اللي ظلمك يا سكر

سكر

ابويا

شناوي باستغراب شديد

ابوك

سكر

اه. ضحك علي امي واتجوزها وسرق دهبها واول ما حملت في مجانص رماها في الشارع وخد شقتها واتجوز عليها وامي من الحسره ماتت بعد ما خلفت مجانص ما استحملتش الظلم. وانا بقيت لوحدي في الشارع ومعايا اخويا ناكل شويه ومن هنا شويه لغايه ما لقيت نفسي بقيت حرامي ونصاب ومزور. عايزني بعد ده كله اشوف ظلم ناس لراجل طيب زيك وفي ايديه اجيب حقه واسكت

شناوي

انت بتساعدني علشان اتظلمت وذوقت طعم الظلم

سكر

الغدر وحش. ومش بساعدك علشان كده وبس

شناوي

اومال ايه تاني

سكر

علشان انت بتفكرني بامي

شناوي ضاحكا

بفكرك بامك ماشي ياعم شكرا

سكر ضاحكا

مش قصدي والله. انا قصدي انك طيب زيها. ومهما كان ابويا بيعمل فيها. كانت بتدعي له وكانت عايزا تكمل معها.

وانا كنت عيل وكرهت ضعفها لو كل مظلوم سكت علي ظلمه وساب الظالم يسوق فيها. يبقي نستاهل اللي يحصل فينا وساعتها الظالم هايحس انه صاحب حق. الدنيا كدة يا عم شناوي يا ظالم يا مظلوم

شناوي

بس انا. مش عابز ابقي ظالم ولا ابقي مظلوم. انا كل اللي عايزه. اخد بنتي جميله في حضني وارجع شقتي القديمة وعيش اللي فاضل من حياتي وانا في حضن بنتي

سكر

وماله خد حقك من اللي سرق بنتك وكان عايز يسرق فلوسك وبعد كده خد جميله في حضنك وعيش حياتك

شناوي

انت شايف كده يا سكر

سكر

وابو كده وام كده احنا في سبق وخلصنا علي اثنين وفاضل الشيطان. عزت

شناوي

يبقي لازم اكمل اللي بدته

سكر

اللي بدانا سوي. و مش ناوي بقي تجيب 5 جنيه وافرجك علي السبع وهي بتستحمي

فيضحك عم شناوي ويقول

وربنا بحبك زي جميله بنتي

سكر

انا اللي بحبك يا راجل يا طيب

ويبص شناوي للحارة تاني وهو بيقول

جه وقت حسابك يا عزت ،،،،،،،

وبعدها بساعه ومن جوة فيلا عزت. يدخل ابراهيم ومعه ذهب. للفيلا اللي كان بابها مفتوح وتصرخ دهب اول ما تشوف عزت مغمي عليه. وواقع علي الارض والدم نازل من دماغه. فيروح ناحيته ابراهيم بسرعه ويهز في لغاية ما يفوق وابراهيم بيقول له

عمي عزت. مالك في اية

عزت بصعوبه شديدة وعيونه كانت مزغلله قال

ناس هجموا علي الفيلا وخطفوا جميله بنتي

دهب مصدومه

جميله اتخطفت انت بتقول أيه يا عمي

عزت

ايوة اتخطفت بس انا مش هاسكت

ويقوم عزت بصعوبه ويروح لجابر فيلته ويسال عليه مرات ابنه لقاء لغاية ما عرف انه في اوضة نومه فاول ما دخل عليه لقي جابر بيقول

انت جيت يا وش المصايب ادي اخرة لعبتك الوسخة

عزت

مالك

فيرفع جابر هدومه ويوري عزت مكان الخياطة والجرح. اللي ناحية كليته. وكان بيقول. بعصبية

شناوي ابن الكلب خلي نصر. ياخد كليتي وفص من الكبد. وكله بسببك انت امشي انا مش عايز اعرفك تاني

كان يوم اسود يوم ما سمعت كلامك

فيتوجع جابر بسبب العصبية والجرح يشد عليه فيقول له عزت

احنا في اللعبة دي سوي من الاول. والفيلا والفلوس اللي عندك بسبب لعبتي. ولازم تهدئي علشان في مصيبه حصلت ولازم نتكلم

جابر

مصيبه ايه اكتر من اللي انا في. يا ما قولت لك سيب شناوي ياخد بنته ويغور يبعد عن طريقنا

عزت

بنته وهي فين بنته

جابر باستغراب

بتقول ايه

عزت

بقول ان جميله خدتها جيهان

جابر

جيهان مين

عزت

جيهان مرات شناوي

جابر

عزت انت في وعيك. جيهان ماتت من سنيين

عزت

جيهان ما متتش جيهان عايشه وطلعت متفقه مع اللي اسمها نوال

جابر

لا بقي ده احنا كده بنعيش اسود ايام حياتنا

عزت

انا مش عارف ازاي تطلع عايشه ولما هي عايشه ليه سابت لي بنتها كل السنين دي معايا

جابر

ممكن خافت علي نفسيها وعلي بنتها منك

عزت

خافت وظهرت ليه دلوقتي. واللي هايخلني اتجنن الحقنه اللي خدها في رقبتي. وبتقولي علاجها في الفيلا.

جابر

انا مش فاهم منك حاجة ومش عايز افهم. بالنسبه لي ان كدة شناوي خد حقة مني ومش عايز مني حاجة تاني

عزت

يعني ايه الكلام ده. احنا في حرب سوي هانسيبهم يكسبونا

جابر

بعد اللي حصل لي انا بره الحرب دي

وفي الوقت دة يدخل سمير. عليهم الاوضة. ويبص لجابر وهو بيشاور علي عزت. ويقول بعصبية

الراجل ده بيعمل ايه هنا. وازاي لقاء تدخلة عندك

عزت لسمير وبحدة

انت بتتكلم معايا ليه كده

سمير

انا هنا في بيتي واتكلم زي ما انا عايز

جابر

سمير ما يصحش كده.

سمير لجابر وبعصبية

بقول لك ايه الشيطان ده لو فضل في بيتنا هنا هانسي انك والدي و انت وهو هاتخرجوا فاهم ولا. لا

جابر باستغراب

انت بتقول ايه

سمير بعصبيه

بقول اللي انت سمعتو كفايه كل الوساخه اللي عرفتها عنكم وما بلغتش البوليس لغاية دلوقتي. عنكم

جابر

عايز تبلغ عن ابوك. بدل ما تجيب حقي من اللي فتح جسمي وسرق اعضائي

سمير ضاحكا

سرق ايه. الراجل النظيف اللي زي شناوي ما يعملش كده هو بس كان بيحرق اعصابك

جابر

يعني اية

سمير

يعني انت سليم وما خدش منك ايه حاجه عارف ليه عشان انت صعبت عليه هو بس خلي الدكتور يفتح لك جرح ويلمه بكام غرزه

جابر يفرح بشدة ويقول

يعني انا سليم. ماخدش مني حاجة

سمير

سليم وده مجرد جرح وهايلم وهاتبقي كويس لكن انا اللي عمري ما هابقي كويس. بعد اللي عرفتة عنك

جابر

سمير انسي اللي فات وسامحني انا والله ندمت علي اللي حصل

سمير

مش بايدي لكن انت ابويا ولازم اكرمك في اخر ايامك ودلوقتي

ثم يبص لعزت ويقول

الشيطان ده يخرج وتقطع علقتك بي نهائي

جابر

اللي انت شايفه يا ابني

ثم يبص جابر لعزت ويقول

عزت انت سمعت سمير ابني قال ايه ياريت تاخد بعضك وتطلع بره وما شوفش وشك تاني

عزت

انت شايف كده

سمير وهو يزق عزت برة الاوضة يقول

يالا غور اطلع بره

ويزق سمير عزت برة الاوضة. وجابر يبص لسمير ويقول والفرحة علي اخرها

يغور في ستين داهية المهم اني بخير. وهاعيش. صح يا سمير. مش انا هاعيش

سمير

اللي عايزة ربنا هو اللي هايكون.

جابر

طالما ما اتخدش حاجة من جسمي هاموت لية. انا هاعيش وهاعيش سليم مش هاموت. مش هاموت

ومن شدة الفرحة يحس جابر بوجع شديد في قلبة ويمسك قلبة وهو يقول بصعوبة

الحقني يا سمي،،،،،،

ولكن القلب توقف ومات جابر بالسكتة القلبية، ،،،،

وبالليل ومن جوة فيلا عزت يقعد شناوي في اوضة نوم عزت ومعه سكر ومجانص ويفتح باب الاوضة عزت ويدخل ويتصدم لما شاف شناوي قدام منه. وشناوي بيبص له ويقول له

واحشتني يا اوطي خلق الله

عزت مرعوبا

شناوي. عايز اية مني

شناوي

عايز بنتي

عزت

بنتك خدتها جيهان

شناوي

جيهان هي لسة عايشة. تصدق فاجتني

ويبص شناوي ناحية الحمام الموجود في الاوضة وتخرج جيهان وهي بتضحك وشناوي يبص لها وهو يقول

تصدق طلعت عايشة

عزت

خلاص بقي خلصت وبنتكم معاكم عايزين ايه بقي مني

شناوي وهو يبص لسكر بيقول لعزت

جاي علي علشان اديك الفلوس اللي انت بسببها حرمتني من بنتي وسرقتها

ويحط سكر شنطه فيها فلوس كتير ملايين فيبص عزت للفلوس ويقول شناوي

هي دي الفلوس اللي انت عملت عشانها كل حاجه خدها ولو عايز جيهان كمان خدها. وانا هاخد منك الحاجه اللي نقصاني

وعزت كان بيبص له باستغراب شديد لانه مش فاهم هو يقصد اية وقال عزت

انت تقصد أيه

فيبص شناوي في ساعته ويقول

هانت وهاتعرف

ثم يبص شناوي لجيهان ويقول لها

مش هانت برضو

جيهان

هانت جدا.

وفي الوقت دة تبدا اليد اليمين لعزت تصاب باعاقه غريبة زي اعاقة شناوي. فيستغرب عزت من اللي بيحصل ويقول بصعوبه وهو يتهته والرياله تنزل من بوقة

اي اية ال اللي بي بيحصل لي

فترجع أيد شناوي اليمين سليمه ويتكلم بطريقه طبيعيه ويقول لعزت

انا نقلت العبط اللي عندي عندك وبقيت انا السليم وانت العبيط حلال عليك الفلوس

فيبص عزت لشناوي اللي بقي سليم باستغراب شديد وهو هايتجنن، ،،،،،،،،،،

‏بسم الله توكلت علي الله. وهو رب العرش العظيم ‏

وفي هذه اللحظه تبدا اليد اليمين لعزت تصاب باعاقه غريبه زي اعاقة شناوي. فيستغرب عزت مما يحدث ويقول بصعوبه وهو يتهته والرياله تنزل من فمه

‏

ايه اللي بيحصل لي

‏

فترجع أيد شناوي اليمين سليمه ويتكلم بطريقه طبيعيه ويقول لعزت

‏

انا نقلت العبط اللي عندي عندك وبقيت انا السليم وانت العبيط حلال عليك الفلوس

‏

فيبص عزت لشناوي اللي اصبح سليم تماما باستغراب شديد ويكاد يتجنن

ويقول عزت بصعوبه وهو لسة بيتهته

از. ازاي ان انا بق بقيت ك كده وان انت خف خفيت

شناوي

اصل انا دعيت ربنا ان اللي فيا يبقي فيك وفي المقابل انا لوخفيت مش عايز الفلوس وعشان كده ناويت اتبرع بفلوسي كلها لواحد عبيط وانت صاحبي الوحيد وعبيط فحلال عليك الفلوس

عزت

لا ان انا مش عا عايز فل فلوس. خل خليني. ار ارجع اتك اتكلم زي الاول من غير التهتهه دي وايدي ترجع تتحرك

شناوي

وارجع انا عبيط تاني لا ياعم انا كده زي الفل سليم ومش عبيط وايديه الاتنين بيتحركوا هاعوز ايه تاني من الدنيا

فيبص عزت لجيهان ويقول لها بتوسل

جيهان قولي لي شناوي يرجعني زي الاول انا مش عايز اعيش كده

فتضربة جيهان بالقلم وهي تقول

اسمي أم جميلة. لاني بكرة اسمي لما بيطلع منك

عزت

اضربي كمان . بس ابوس رجلك

وينزل عند جذمة جيهان علشان يبوسها لكن جيهان تبعدة عنها وهو يقول

خلي شناوي يرحمني.

جيهان باستزهاء

يرحمك. دة انا 15 سنة بعيدة عن جوزي وبنتي بسببك 15 سنة مستنيا اللحظة دي وانت قدامي مكسور ومذلول تحت رجلي انا وشناوي. اوعي تكون فاكر اني لما بعت لك نوال بالفلوس كنت غبية ولما جيبت الفيلا دي وجهزتها علشان انتقامي منك. يكمل. كنت عايزا ليك الراحة. لا يا عزت انا بس حبيت اخليك تعمل ذنوب كتير وتكبر وذنوبك تكتر حبيت اخليك تحب الدنيا جدا علشان تنسي وقت الحساب ورغم كل اللي كان معاك فضلت فاجر. وكمان بتربي بنتي علشان طمعان في فلوسها وجسمها.

عزت

لا.

فتضربة جيهان بالقلم وتقول

الفيلا مترشقة كاميرات بتسجل لك كل كلمة صوت وصورة. ومسجله لك اتفاقك الخسيس مع مالك خطيبها واظن فاكر ليلة ما فكرت تهجم علي جميلة وتسرق منها شرفها. ساعتها كان لازم احمي بنتي. انا اللي ليلتها اديتك الحقنه وخدرتك.

وتمسكة جيهان من شعره وهي بتقول

حتي انت ساعتها شكيت في كل اللي شغالين عندك في الفيلا. لكنك غبي يا عزت ورغم اني عيشت معاك في الفيلا. لكنك عمرك ما شوفتني

فيستغرب عزت بشدة فتقول جيهان

الدولاب اللي في الاوضة اللي جنب اوضة جميلة. بيوصل لسرداب بيودي لاوضة تحت الفيلا. وكنت ديما عايشة في

الاوضة. قريبة من بنتي علشان احميها وقت اللزوم من شيطان زيك

وتعيط جيهان وتقول بحرقة

حرمت علي نفسي الحرية. زي ما اتحرمت علي شناوي وخليتك تصدق اني ميته علشان تنساني واقدر انتقم منك وفي نفس الوقت حاولت اوصل لدليل براءة شناوي. لكن ماقدرتش وزي ما شناوي عاش في سجن عيشت انا كمان وفضلت اتابع جميلة وهي بتكبر قدامي لحظة بلحظة واستنيت شناوي يخرج وخوفت علية منك علشان كدة طلبت من نوال ان عزام جوزها يقول انه ابو جميلة واخليك تنسي شناوي وتركز مع عزام لغاية ما يكمل انتقامنا

فينزل عزت عند جذمة شناوي وهو يقول

انتقامك انت ومراتك انا مش هاقدر استحملة ابوس رجلك ارحمني

فيبعد شناوي وش عزت عن جذمته وهو يقول

ابعد بس علشان الرياله ما توسخش الجذمه

ويقعد شناوي علي السرير. وهو يقول

وبعدين المفروض لما تطلب الرحمة تطلبها من المظلوم مش مني انا

عزت وهو مصدوم

مش انت شناوي

في الوقت دة. يتفتح باب الاوضة. وتدخل جميلة وذهب ومعاهم شناوي الحقيقي بيده اليمين المعاقه وبكلامه المتهته. فيبص له عزت وهو علي الارض باستغراب شديد وقلبه كان هيقف من اللي بيشوفو. وقال وهو منهار

انتوا ايه عايزين تجننوني اقتلوني ارحم من كده

شناوي بصعوبه

هاتموت ما تقلقش وماتستعجلش

عزت

انت شناوي

شناوي

صح انا

فيبص عزت لشناوي اللي علي السرير ويقول

اومال مين ده

فيخلع شناوي القاعد علي السرير ماسك بنفس وش شناوي. ويظهر وش أبراهيم صاحب جميله في المعهد فينصدم عزت ويقول

ابراهيم انت مع شناوي ازاي

جميلة وهي بتقرب من عزت

ازيك يا عزت بيه.

فتبص جميلة ل شناوي وتدمع عيونها وشناوي يبكي بحرقه وياخذها في حضنه ويقول

دلوقتي اقدر احضنك يا جميله بابا

فتعيط جميله وتستخبي في حضنه ابوها وتقول

حبيبي وحياتي خدني في حضنك وخبيني يا بابا. من اي كلب حاول ينهش لحمي

عزت بتهتهه

يعني أيه، ،،،

فيضرب سكر. عزت علي قفاه وهو بيعيط وبيقول

استني يا ابن البارده خليني اتفرج علي الحضن. ده كله الا الحضن بتاع الحلقه الاخيره ده

فتمسح جميله دموعها وتبوس ايد شناوي وتروح ناحية مامتها جيهان وتحضنها وتقف وسط ابوها وامها وهي بتقول

يالا نكمل اللي بدانا سوي

وتبص جميله لعزت بصه كلها كره وتقول له

ايه مش مصدق عينيك مش مصدق اني عرفت انك وسخ من بدري اوي. وحرمت بنت عندها خمس سنين من ابوها وامها. وعلشان اية الفلوس

فتحط جميلة ايدها في شنطه الفلوس. وتخرج رزمه من الفلوس وترميهم في وش عزت وتقول

الفلوس اهه اللي انت ربتني علشانها وحرمتني من اهلي خد الفلوس بس انسا انك تخف من المرض اللي عندك. الحقنة اللي أديتهالك ماما دي متركبة علي ايد صيدلي انجليزي. واخد كتير اوي. علشان يركبها. وانا صاحبة فكرت انك تكون عبيط ياللي كنت فاكر نفسك اذكي خلق الله

عزت باستغراب

ازاي كل ده يطلع منك انتي

جميله

شوفت بقي ان شناوي خلف بت لعبه بيك. كنت بتربيني علشان انا اللي اخلص عليك. زي فرعون ما ربي موسي وكانت نهايته علي ايده. كان احسن ليك انك كنت سيبتني لاهل امي تربيني. لكن كويس اني اتربيت علي ايدك وشوفت وساختك قدامي والبركة في ماما اللي. عرفتني كل حاجة عنك بس ماما طيبة زيادة عن اللزوم كانت عايزا تسلمك للبوليس وخلاص

وتمسك شعر عزت بمنتهي الغل وتبص في عيونه جامد وتقول

لكن انا قولت لا. لازم تتعذب زي الكل اللي اتعذبو علي ايدك. ورسمت لك الخطة الجميلة دي. انت وجابر. من اول ليلة وبابا جالي فيها عند الفيلا. كنت انا اللي متفقة معه.

بس صحيح عبيط زيك يعرف ازاي انه كان بيتلعب بي. عايز تسرق شرفي انا قدامك اهو قوم امسح الرياله وخد مني شرفي

سكر وهو بيسقف

الله عليكي يا ماما جيهان عرفت ترضيعها صح. قال وشناوي جاي يسالني علي عنوان عزت وهو عارف من الاول العنوان

فتبص له جميله بصه معنها السكوت فيقول سكر

معلش نسيت ان دي الحلقه الاخيره. كملي يا جميلة

وتبص جميله لعزت. تاني وتقول

كان لازم ناخد حق كل اللي اتظلمو علي ايدكم وبدات اللعبه بغدر منك لي ابويا وخلصت بوقت حسابكم. وعلشان كدة عيش اللي باقي من حياتك عبيط

عزت وهو بيبص لشناوي

لا عرفت تخلف يا شناوي

عزت لجميله بتهته

وانتي ياجميله برافو عليكي عرفتي تاخدي حق ابوكي لكن افتكري اني في يوم من الايام كنت ابوكي ولو بالكدب وماحرمتكيش من حاجه عشان خاطر الايام دي عايز ارجع زي الاول وهابعد عنكم وزي ما دخلت حياتكم هاخرج منها

جميله

تفتكر اني انا لو رجعتك زي الاول. بابا وماما هاترجع لهم احلي سنين عمرهم وهما معايا وانا بكبر وسطيهم. افتكر انه مش هاينفع

عزت بعصبيه

لا هاينفع انا عزت الحديدي اللي الكل بيحلف بذكائي مش هاسكت وهادور علي علاج للمرض اللي عندي لو كلفني كل ثروتي

ويجري عزت ناحيه باب الاوضة فيمنعه مجانص من الخروج فيبص شناوي لمجانص ويقول

سيبه يخرج يا مجانص. كفاية اوي اللي حصل له

فيسيبه مجانص ويخرج عزت من الاوضة ويروح ناحبة عربيته وهو عمال يقول

انا عزت الحديدي. هاخف وهارجع زي الاول وهوريك يا شناوي انت وبنتك. انا راجع لكم اخد حقي

ولسة هايركب عربيته سمع شناوي بيقول

مالكش حاجة هنا. اطلع منها علي رجلك زي ما دخلتها علي رجلك. كل املاك رجعت تاني باسمي بعد ما مضيت علي توكيل يحق لي ابيع بي اللي حيلتك

فيخرج عزت من الفيلا بعد ماراح راجل من الرجاله اللي برة ومنعه من ركوب العربية.

ومن جوة الفيلا يقف ابراهيم قدام شناوي ويقول له

بكده بقي انت تبقي خدت حقك من اللي ظالموك واظن بقي انت مش عايزني تاني

شناوي

انا مش عارف اشكرك ازاي بس انت شاطر جدا في تقليد الاصوات

دهب

عم شناوي ابراهيم ده موهوب جدا واشطر واحد عندنا في معهد التمثيل

شناوي

باين عليه انه شاطر جدا

جميله وهي بتبص لابراهيم تقول

تعبناك معانا يا ابراهيم

ابراهيم ببصه كلها حب يقول

ما فيش تعب ولا حاجه انتي عارفه قد ايه انت غاليه عندي

دهب

وبس

ابراهيم بارتباك

انا لازم امشي

جميله

لا انت هاتقعد معانا شويه

ابراهيم

هاقعد اعمل ايه

جميله

انا عايزاك تقعد معانا يبقي تقعد

سكر

خلاص بقي الست جميله امرت

ابراهيم

خلاص اقعد

وفي نفس الوقت كانت جيهان بتبص لشناوي وتقول له

جه الوقت بقي نرجع تاني لشقتنا بتاعت زمان ونبيع الفيلا دي. لان مستحيل اقعد في مكان في ريحة عزت

شناوي

مش مهم هاكون فين المهم اني هاكون معاكي.

جيهان ودموعها بتجري علي خدها بتقول

واحشتني اوي يا شناوي. وياما اتبهدلت من غيرك

شناوي وهو بيعيط في حضن جيهان

باذن الله. اللي جاي من عمرنا هايكون من غير بهدلة

لكن جميلة تخش وسطهم وهي بتقول وعيونها مرغرغه بالدموع

انا اللي محتاجة الحضن دة

فيفتح شناوي حضنة لجميلة وجيهان تحضن جميلة ايضا فيتاثر كل الحضور بهذا المشهد. ويبص سكر لمجانص اللي كان بيعيط ويقول له

انا محتاج حضنك اوي يا مجانص

فيفتح مجانص ايدة الاثنين ويحضن سكر فبعد ماكان سكر بيعيط تغيرت ملامح وشة للقرف وقال

مجانص. انت في حد ميت تحت باطك،،،،،،،،،،

وبعدها بشهر ومن جوة المعهد. تقعد جميله مع دهب و ابراهيم فيقف قدام جميله مالك ويقول لها

واحشتيني

فتبص له جميله وتقول

ازيك

مالك

تعبان من غيرك

جميله

لا انت اجمد من كده ده انت مالك ابن سراج باشا مش واحده زيي هي اللي تتعبك

مالك

جميله ممكن نتكلم مع بعض شويه

فيبص لها ابراهيم وتبص لها دهب فتقول جميله وهي بتبص لي ابراهيم

أستاذن من ابراهيم الاول

فيبص مالك لابراهيم باستغراب ويقول لجميله

أستاذن من ابراهيم ليه

جميله

علشان ابراهيم بقي خطيبي

ابراهيم وهو بيبص لدهب باستغراب ودهب بتبص لجميله وهي فرحانه باللي سمعته فيقول مالك لجميلة

انتي بتقولي ايه يعني ايه خطيبك وانا

جميله

انت ايه

مالك

انا خطيبك

جميله

كنت خطيبي.

مالك

وياتري عم عزت موافق علي الكلام ده

جميله

مين عزت ده

مالك

عزت باباكي

جميله

انا اسمي جميله شناوي وماعرفش حد اسمه عزت. والاتفاق اللي كان بينك وبين عزت تقدر تقول عليه بح

مالك بارتباك

اتفاق اية

جميله

انك تبيعني لي وانا مراتك. يا راجل هو في يعمل كدة غير القوادين. عارف يعني اية قواد يا ابن سراج

مالك

انتي بتقولي ايه. دة

جميله مقاطعة له

هاتمشي من قدامي ولا اديك باوسخ جذمة علي دماغك وافضحك في المعهد كله

فيمشي مالك من قدامها بسرعه. فتقول ذهب لجميلة

انتي بتكلمي بجد انا مش مصدقه انك خلصتي من ابو دم تقيل ده

جميله

عشان ابراهيم عرف يخرجه من قلبي ودخل هو وقعد في قلبي من جوه

فيقوم ابراهيم ويبوس راس جميله ويقول

والله بحبك ومن زمان كنت بتمني حبك يا اجمل حاجة حصلت لي

فتبص له جميلة وتضحك، ،،.،،،،

وبعدها بكمان شهر. وبعد نص الليل ومن تحت احدي الكباري كان عزت قاعد بياكل من كيس اسود في بواقي اكل. وفي الوقت دة يقف قدام منه توك توك وجوة التوك توك سواق اسمه رجب فبص رجب دة لعزت ولهدومة المتبهدلة وبص له عزت وقال

جاي تاخدني

رجب

انت عرفت ازاي

عزت

اصلي عملتها قبلك.

لكن رجب ينزل من التوك توك. بسرعه ويبنج عزت اللي حاول يهرب وهنا افتكر عزت. سوزي وهي عند نصر وافتكر سالم وعمال عزت يحاول الهروب من رجب وهو بيفتكر عوض اللي خبطة بالعربية وعوف ورشدي وبنت العشر سنين اللي امر بقتلها. شريط حياة شيطان بيتعاد قدام منه لغاية ما فقد الوعي وماصحيش الا واللي اسمه رجب دة بيحطة علي طاولة التشريح ودكتور بيقف قدام منه وبيكشف عليه وخدره تاني. واتقطع لحم عزت واتباعت اعضاءه للي دفع. ومات الشيطان الموته اللي يستحقها

وان ربك لمرصاد.

وربك ليس ظلام للعبيد ولكن انفسهم يظلمون

ورجب سواق التوك توك دة لي حكاية هابقي احكي لكم قريب باذن الله

ونرجع لشناوي اللي جوز جميلة لابراهيم وعمل مصنع نسيج ومسك الادارة لسكر ومجانص. وربنا ظلم المظلوم ورد له حقة حتي ولو بعد سنين.