رواية الجمال الداخلي الفصل الثاني 2 - بقلم شروق حسام

"ايه ده مين دي سلمي هههه تخنتي كده ليه بقيتي كرنبة؟ "سلمي مين بس هتلاقيها حد تاني أو عادي ممكن تكون هي." سلمي فضلت ماشية بإحراج وهي بتتمنى الأرض تنشق وتبلعها. بلعت ريقها بتوتر وراحت عند ماسة. "ماسة ازيك؟ ماسة بإستعلاء. "انتي مين؟ "أنا أنا... ماسة بحدة. "انتي هتفضلي تتأتأي كتير انجزي يا بت انتي عايزة ايه؟ "انتي بتكلميني كده ليه يا ماسة؟ "وعايزاني اكلمك ازاي بقي يا قلبوظة؟ "انا سلمي يا ماسة... معقولة معرفتنيش؟

"سلمي مين انتي اتجننتي سلمي مش بالوزن ده ابعدي عني يا بت بمنظرك المقرف ده." سلمي بإحراج. "ده بجد انا سلمي." ماسة بصت لها بصدمة ودققت في ملامحها لقتها فعلا سلمي صاحبتها. ماسة بإستعجال. "معلش بقي انا ماشية داخلة الامتحان." سلمي بسرعة وهي بتمسكها من ايدها. "ماسة استني بس." ماسة شدت ايديه من عليها بقوة لدرجة انها وقعت علي الارض. "ييي ايديكي المقرفة دي متلمسنيش تاني يععع بجد."

سلمي بصت لها بصدمة ودموع تحت نظرات الكل الشمتانة والمبسوطة فيها. ملك بحدة وصوت عالي وهي بتقوم سلمي من علي الأرض. "الكل يخرس مش عايزة اسمع صوت حد كل واحد يروح علي امتحانه." "يلااااا غوروا من وشي حاااالا." الكل بص لها بخوف ومشي لأنهم عارفين انها ممكن تقلب عليهم قالبة جامدة وهم بيحبوها وبيعتبروها زي اختهم. بصت ناحية ماسة وهي بتضربها كف على وشها وبعدين رفعت صباعها ناحيتها بتحذير.

"انتي بعد كده برا حياتي انا وسلمي انتي بجد عار على الصحوبية بقي تقولي كده على صاحبة عمرك بجد الصحبة الجدعة مش بتبان غير وقت الشدة." ماسة كانت حاطة ايديها على خدها وبتبصلها بحدة. "انتي اتجننتي يا ملك؟ "اه اتجننت أي حد يقرب من سلمي بالذات هنسفه من على وش الأرض هو مش معني أن بطلت أكلمها فترة وسافرت ومكنتش أعرف حاجة عن اللي بيحصل عشان اتضايقت من تصرفاتها اللي كانت قبل كده بس مش معني كده إن خلاص قطعت كلام معاها نهائي."

"ويلااا انتي كمان غوووري من وشي." "يلااا ولا كأننا عرفناكي في يوم." ماسة مشيت وهي بتبص لها بحقد دفين هي فعلا بتكره ملك وسلمي من زمان ومكنتش بتبين. ملك فتحت ايديها لسلمي بحب فسلمي حضنتها وفضلت تعيط. "اششش اهدي يا حبيبتي." "ربنا بيرد لي اللي كنت بعمله... كمان تدين تدان... بس أنا عقابي كبير أوي... ومش قادرة استحمله." ملك بعدت عنها شوية وبصت لها بإصرار.

"طول ما أنا معاكي كل حاجة هتبقي تمام وكل حاجة هتعدي وربنا ليه حكمة في كده." "وزي ما ربنا قال في كتابه الكريم في سورة البقرة الآية 119 بسم الله الرحمن الرحيم ولا تعتدوا إن الله لا يُحِبُّ الْمُعْتَدِينَ."

"وفي قوله تعالى في سورة الحجرات الآية 11 يا أيها الذين آمنوا لا يسخر قوم من قوم عسى أن يكونوا خَيْرًا مِّنْهُمْ وَلَا نِسَاءَ مَن نساء عسى أن يكن خيرًا منهن ولا تَلْمِزُوا انفسكم ولا تنابَزُوا بالألقاب بئس الاسم الفسوق بعد الإيمان ، وَمَن لَّمْ يَتُبْ فَأُولَئِكَ هُم الظالمون." "وفي قوله تعالى في سورة الهمزة الآية رقم 1 وَيْلٌ لِكُلِّ هُمَزَةٍ لَمَزَةٍ."

"فربنا حذرنا من التنمر وقالنا عواقبه عارفة إنك متعرفيش كل ده بس أنا مساعدك موافقة." سلمي مسحت دموع زي الأطفال وقالت بإصرار. "موافقة." "هنبدأ من النهاردة بس الأول نخلص امتحان النهاردة." هزت سلمي رأسها بخفوت وراحت على لجنة امتحانها.