رواية الهاوية الفصل التاسع 9 - بقلم سوليية نصار

أمي ماتت؟!! قولتها بصدمة وعيوني بتنزل دموع. رغم اللي عملته بس كانت آخر سند ليا. فضلت أعيط وأنا حاسة نفسي هموت. حطيت إيدي على بطني وأنا بحس بالضياع. موتها كسرني. قضيت أيام العزا وأنا مصدومة، كنت ببكي بإستمرار. مرت الأيام لحد ما جه ميعاد الولادة. ولأني كنت لسه بواجه مشاكل في ورقي لأني مش مصرية، مفيش مستشفى حكومي كان هيرضى بيا. عشان كده قررت أروح عيادة خاصة.

ومن حسن الحظ إني عملت جمعية بجزء من الفلوس اللي كنت بشتغل بيها. اتصلت بيها عشان آخدها واتصدمت صدمة عمري لما قالتلي إن جوزي من فترة صغيرة جه وقالها إني هولد وأخد الفلوس. وقتها حسيت بحضر*بني بسك*ين في قلبي. يا لهووي هعمل إيه؟ دماغي فضلت تودي وتجيب، أنا هولد إزاي. حطيت إيدي على دماغي وأنا ببكي. وفجأة زاد الألم عليا وصرخت. فضلت أصرخ بألم قدام عادل وحسن اللي كانوا بيبصولي ببرود. لحد ما الباب بدأ يخبط جامد.

راح عادل فتح الباب. فجيراني دخلوا واتصدموا من شكلي. واحدة منهم بصت لحسن اللي قاعد ببرود وصرخت: اتقي الله، البنت بتموت قدامك. خليها تموت. قالها ببرود. هزت هي رأسها وبعدين قربوا الجيران مني وودوني عيادة خاصة لأنهم عارفين قصتي وقدروا يجمعوا من بعض لحد ما دفعوا الفلوس. بنتي نزلت وهي تعبانة ودخلوها الحضانة. ودي كانت مصاريف تاني. وطبعًا حسن رفض يساعدني وأنا اللي اشتغلت. كنت بموت من التعب وفاتحة بطني.

ورغم كده روحت اشتغل وأمسح السلالم. كنت بموت حرفيًا بس كله عشان بنتي. دي اللي هتعوضني عن ابني اللي ضاع. الحمدلله بنتي اتعافت وخرجت وروحت بيت حسن ولقيت كريم هناك. أنت أحقر إنسان أنا شوفته في حياتي. صرخت فيه وأنا شايلة بنتي وماشية بصعوبة. بصلي ببرود وقال: أنا خلاص قطعت الورق ما بينا وبقولك انتي طالق. أنا مش عايزك خلاص وهاخد بنتي منك. أنا اتعرفت على واحدة وهتجوزها وهي اللي هتربي بنتي. رجعت ببنتي وقولت: مستحيل.

مستحيل دي بنتي. صرخت مرة تانية وأنا بفتكر حرقة قلبي على ابني الأولاني وقولت: مش هسمحلك تاخدها مني مفهوم. ابتسم وهو بيبصلي وقال: وإنتي مستعدة تصرفي على بنتك؟ ده إنتي مش لاقية تأكلي. الدموع بدأت تظهر في عيوني وقولت: ملكش دعوة بنتي، أنا هصرف عليها. كل اللي نعمله دلوقتي بس إنك تسجلها باسمك. ضحك بشر وقال: مستحيل، خليها كده من غير أب عشان لما تكبر يقولوا عليها بنت حرام. أنا مش هسجل حد باسمي. اتقي الله.

قولتها بإنهيار فقال هو: وقتك خلص يا حلوة خلاص. أنا دلوقتي هتجوز واحدة رسمي وبنتك دي اشبعي بيها. وبعدين خرج وسابني منهارة. قعدت على الأرض أنا وبنتي وأنا حاسة قلبي بيتقطع. ياربي هعمل إيه في المصيبة دي. بصلي حسن بقسوة وقال: يالا يا حلوة بقا عشان تغوري من هنا. أنا استحملتك بما فيه الكفاية عشان أمك. لكن أنا بعد يومين هتجوز والعروسة الجديدة مش عايزاكي هنا.