رواية الهاربة والشرطي الفصل الثالث 3 - بقلم أميرة جمال

ايه اللي عملته ده يا غيث؟ رائف: سوق وانت ساكت. غيث: يوه مش أفهم طيب. رائف: مفيش حاجة تفهمها. غيث: انت حبيتها يا غيث! رائف: إيه اللي بتقوله ده انت كمان؟ أنا شوفتها غير النهارده. غيث: حب من أول نظرة، إيه المشكلة؟ رائف: انت اتجننت خالص! يلا وصلني وروح بيتك. غيث: لا، أنا هبيت معاك النهارده. رائف: ليه؟ غيث: إن شاء الله. أصلك وحشتني. رائف: لم نفسك! واصلًا أنا بشوفك صبح وليل، كفاية بقى ارحمني. غيث: لا، هنام عندك.

رائف: ده انت غلس! يلا اتحرك. غيث: حاضر يا سيدي. *** كريمة: خلاص بقى يا نغم، قطعتي قلبي، كفاية عياط. نغم: أنا وحشة يا ماما كريمة؟ كريمة: لا يا بنتي، ده انتي ست البنات كلهم. نغم: طيب ليه غيث شايفني مش كويسة؟ كريمة: يهمك رأيه؟ نغم: لا بس مش عايزة حد يشوفني حد وحش ويشك في أخلاقي. كريمة: لا ماتقلقيش، هو أكيد متوتر بس بسبب ضغط الشغل، وكمان غار عليا لما شافنا بنتكلم سوا. نغم: آه عندك حق، هو بيعمل كل ده عشانك انتي فعلًا.

كريمة: طيب يلا غيري هدومك ونامي شوية. نغم: حاضر. كريمة باست رأس نغم وخرجت من الأوضة. نغم قعدت على السرير بتعيط وهي كاتمة صوتها عشان ماحدش يسمعها، وبتطبطب على قلبها كأنها بتواسيه. بتفكر إن غيث بالنسبة لها موتها مش أكتر، ولو عرف إنها المجرمة اللي بيدور عليها مش هيتردد لحظة إنه يسلمها للإعدام بنفسه. فضلت تفكر لحد ما غلبها النوم. *** رائف: يعني صاحي يا حبيبي؟ غيث: رائف، وافقت إنك تيجي تنام عندي يبقى تتخمد وانت ساكت.

رائف: بقيت قاسي أوي يا غيث، اخص عليكي. غيث: يا ابني استرجل، ده انت ظابط. رائف: عايزني أكون شرير زيك وأعيط ملاك زي نغم؟ غيث: يووه، سايبالك الأوضة وماشي خالص. رائف: طيب أنا هاخد رقم نغم من عمو رشاد عشان أكلمها أعتذر له. غيث: براحتك، هي ماتخصنيش. رائف: يعني ممكن أحبها؟ غيث اتصدم من كلامه ووقف مكانه ما اتحركش، وبعدها كمل طريقه من غير ما يبص لرائف وطلع للبلكونة. غيث قعد يكلم نفسه وهو في البلكونة:

إيه اللي بيحصلك ده يا قلبي؟ تقريبًا حبيتها. إزاي ده انت أول مرة تشوفها. حاسس إني أعرفها من زمان. إحساسك غلط، نغم مش زي ريم. كلهم واحد، مفيش فرق، بيكذبوا ويجرحوا. انت لسه ما عرفتهاش، يمكن تطلع غيرهم. ويمكن تطلع زيهم. اديها فرصة. لا، كفاية فرص، انت اللي اخترت غلط في أول مرة، وخلاص مش هجرب تاني، كفاية بقى. وبعد تعب من التفكير دخل ينام ومش عارف هيعمل إيه مع نغم.

إيه اللي هيحصل في الشركة بين غيث ونغم، ومين ريم دي، وإيه حكايتها مع غيث؟ *** كريمة: يلا يا نغم. نغم: صباح الخير يا ماما كريمة. كريمة: صباح النور يا عيوني، إيه الكسل ده؟ نغم: مش عارفة، كنت تعبانة أوي. كريمة: سلامتك يا بنتي، يلا خدي شاور كده فوقي وانزلي افطري مع رشاد بيه عشان تروحوا الشغل. نغم: لا، مش هروح. كريمة: إيه اللي بتقوليه ده يا نغم؟ نغم: يا بابا رشاد، أرجوك...

رشاد: من غير ولا كلمة يا نغم، يلا، حصليني، ده شغل مش لعب عيال. وخرج رشاد من الأوضة ونزل تحت يستنى نغم. نغم: ما تزعليش يا حبيبتي. كريمة: لا يا ماما، مش زعلانة، بابا عنده حق، الشغل مالهوش دعوة بالكلام ده. كريمة: برافو عليكي، يلا بقى هتتأخري على بابا. نغم: حاضر حالا. *** في الشركة: رائف: صباح الفل يا ست البنات. نغم: صباح النور يا رائف. رائف: لسه زعلانة ولا إيه؟ نغم: لا أبداً والله. رائف: غيث طيب جدا.

نغم: آه طبعًا، واضحة. رائف: هو بس طبعه شديد شوية. نغم: شوية إيه بس يا رائف. رائف: معلش، أنا بعتذرلك نيابة عنه. نغم: انت ما غلطتش عشان تعتذر، هو اللي يعتذر. رائف: مين؟ غيث يعتذر؟ بتهزري؟ نغم: لا، ده الصح. رائف: صح بس غيث مش بيعتذر لحد، وكمان بنت، يا أختي ده ينتحر أسهل. نغم: ليه كل ده؟ رائف: عشان... وقطع كلام رائف دخول غيث. غيث: أنا آسف، ماكنش قصدي. رائف فاتح بوقه مش مصدق إن غيث بيعتذر، ونغم مش عارفة تتكلم ومصدومة.

رائف: كنت بتقول حاجة؟ غيث: ها؟ لا. ومشي رائف. نغم بتضحك. غيث: ممكن أعرف بتضحكي على إيه؟ نغم: بصراحة رائف لسه بيقولي انسى إن غيث يعتذر لحد. غيث: ده حقيقي، هو ما كدبش. نغم: طيب ليه اعتذرتلي؟ غيث: مش عارف، حسيت إني عايز أعمل كده. نغم: هو كان غلط؟ غيث: لأ، ده صح جدًا. نغم: طيب أنا هروح على مكتبي. غيث: ماشي. نغم: هو أنا ليه مبسوطة كده إنه اعتذرلي؟

حاسة إني طايرة في السما، المفروض أفوق كده، ده بيدور عليا عشان أتعَدَم، لازم أبعد عنه. لا، أنا مش هقدر، هفضل معاه لما أشوف آخرتها إيه. ياربي، ده أنا نسيت أدي الملف لغيث، أروح أوديهوله بنفسي، وأهو أسرح في جمال عيونه شوية. نغم راحت عند غيث، مالقتش السكرتيرة على مكتبها فدخلت علطول، واتفاجئت وهي شايفة واحدة قاعدة في حضن غيث، وغصب عنها دموعها نزلت. مين اللي كانت مع غيث؟ إيه اللي هيحصل لنغم؟