رواية الحب الدائم رغم البعد الفصل الحادي والعشرون 21 - بقلم جاسمين محمد

بليل فهد جه وكان تعبان جدا فقعد. فهد: عاملين إيه؟ محمد: اطلع افتح يا جاسمين، اخلص، هي ما أكلتش ولا خدت العلاج النهاردة كله. فهد بفزعة: انتوا بتتهزروا، ومحدش اداها العلاج ليه؟ وطلعوا لها الأكل. أحمد بصوت عالي: نديها إزاي والاستاذ قافل عليها بالمفتاح وواخدو معاها. فهد حط إيده في جيبه وفتكر إنه قفل وخد المفتاح فعلاً، وراح طلع يجري على فوق يفتح لجاسمين. فهد فتح الباب وبصوت عالي: جاسميييين.

وجري عليها، لاقاها مرمية في الأرض. فهد: جاسمين، فوقي. وهو بيضربها براحة على وشها، وراح شالها وحطها على السرير، والكل طلع على صوته. أحمد: أختي مالها؟ وجري عليها والكل جري. فهد بصوت عالي: حد يناولني شوية ميه. انتصار: حاضر. وجرت جابتله شوية ميه، فهد أخد منها الميه وبدأ يرش على وش جاسمين منها. جاسمين بدأت تفوق. جاسمين: آه، دماغي. أحمد: انتي كويسة يا حبيبتي؟ جاسمين: انتوا ملمومين ليه كدا؟ فهد: كنتي مغمي عليكي.

جاسمين بصت لفهد وقالت له: انت السبب، انت اللي حبستني، أنا همشي من البيت النهاردة يعني همشي. فهد: قلت مدام تعبانة مش هتسيبي البيت. جاسمين: أنا ما فيش حاجة يا فهد باشا وهمشي دلوقتي. فهد: أنا قلت ما فيش مشي من هنا. جاسمين: وأنا قلت همشي. زينب: صلوا على النبي انتوا الاتنين. جاسمين وفهد والكل: عليه أفضل الصلاة والسلام. زينب: حبيبتي انتي بتحبيني صح؟ جاسمين: أكيد يا ماما بحبك. الكل بص لجاسمين لما قالت لزينب ماما.

جاسمين: بتبصولي ليه كدا؟ هي قالت لي إن أقولها يا ماما صح؟ زينب: آه يا حبيبتي صح، وقولي عادي. جاسمين: ماشي يا ماما، قولي. زينب: اقعدي هنا عشان خاطري ومتمشيش. جاسمين: بس. زينب: مبقاش عشان خاطري. جاسمين: ماشي يا ماما، بس كام يوم وهامشي. زينب: ماشي يا جاسمين. فهد: انتصار روحي هاتي لها أكل وعشان تاخد العلاج. انتصار: حاضر يا فهد يا ابني. وراحت تجيب الأكل. فهد وهو باصص على جاسمين: يلا كله يسيبها ترتاح. أحمد: أنا هفضل معاها.

وفهد لسه هيتكلم. جاسمين: تعال يا حبيب أختك اقعد. فهد: بس. جاسمين: يلا لو سمحتوا اطلعوا عشان أقعد مع أخويا. فهد كان هيولع وبصلها وطلع، وأحمد قعد هو وجاسمين. خديجة: الو، هتنَفّذي إمتى؟ _بعد بكرة إن شاء الله. خديجة: تمام، بس هي مش بتطلع من البيت. _خالص. خديجة: آه. _طيب أنا هتصرف، ماشي؟ خديجة: حاول إن المهمة متفشلش. _متخافيش يا برنسيسة. خديجة: مش خايفة منك عشان عارفاك كويس، ربنا معاك. _يارب، يلا سلام. خديجة: سلام.

مني: كنتي بتكلمي مين؟ خديجة: ليه؟ مني: خديجة، كنتي بتكلمي مين؟ خديجة: اللي هيساعدني أتخلص منها، مدام انتي رفضتي تساعديني. مني: مينفعش اللي انتي هتعمليه ده، اهدي، على كل مرة بتحاولي فيها. خديجة: أنا عارفة أنا بعمل إيه ومش محتاجة انتي تعرفيني، مش سبتيني خلاص بقى؟ مني: براحتك يا بنت أخويا، بس فهد لو عرف حاجة هضيعي نفسك. خديجة: متخافيش، يلا أنا رايحة أسهر، تيجي معايا؟ مني: لا، روحي انتي. خديجة: تمام، باي. مني: باي.

فهد رايح جاي في الأوضة: لم أروح أشوفها خدت العلاج ولا لأ، وطلع وراح عند جاسمين، خبط. جاسمين: اتفضل. فهد: أكلتي؟ جاسمين: آه. فهد: وخدتي العلاج؟ جاسمين: آه. فهد: تمام. جاسمين: تمام. فهد بتوتر: ممكن أسألك حاجة، بس تجاوبيني بصراحة. جاسمين: اتفضل. فهد: انتي مين؟ جاسمين أول ما سمعت كدا اتوترت: مين؟ كيف؟ فهد: انتي مين؟ جاسمين: فهد، أنا جاسمين، في إيه؟ فهد: حاسة إنك شخص تاني. جاسمين اتوترت أكتر: شخص تاني كيف؟ فهد: معرفش.

جاسمين: فهد، أنا عايزة أنام وأرتاح، ممكن؟ فهد: ممكن، تصبحي على خير. جاسمين: وانت من أهل الخير. جاسمين بعد ما فهد طلع: أنا لازم أعرف الحقيقة قبل ما فهد يعرفني، عشان لو عرفني قبل الحقيقة هتحصل مشاكل، وهو مستحيل يعمل اللي عمله. وقررت إنها لازم تدور وتحاول تعرف حاجة. تاني يوم. جاسمين صحت صلت ولبست ونزلت. جاسمين: صباح الخير. الكل: صباح النور. جاسمين: مش تنادوني آكل معاكم طيب؟ آدم: مش انتي عيانة يا فعالة هانم؟

جاسمين: أنا فعالة يا ض. آدم: يا ض يا بت احترميني، ده أنا رئيسك في الشغل. جاسمين: بتقول إيه؟ الشغل وإحنا فين؟ في البيت، يبقى انت إيه يا ض؟ آدم: طنط حنان، انتي جايبة بغبغان ولا بنادمة؟ دي بتتكلم ولا عشرة بيتكلموا؟ إيه ده؟ حنان: والنبي يا بني دي كدا قليل كمان. آدم: كمان؟ يالهوووي. أحمد: آه، قليل خالص مالص. جاسمين: بقا كدا اتجمعتوا عليا؟ ده أنا غلبانة خالص. صوت من وراها جاسمين. _أنا معاكي يا حبيبتي. جاسمين بتبص وبتسمت.

آدم: هتسيبي ابن عمك ياسوسو وتروحي معاها؟ سارة: آه، عشان هي بنوتة قمر وباين عليها غلبانة وانت شرير. آدم: بقا أنا شرير؟ اخص عليكي. وعمل نفسه زعلان. سارة: مش عليا أنا الشوي دول يا خوي. جاسمين: هههه، ممكن أتعرف عليكي يا سكرتي؟ أنا اسمي جاسمين وفي تالتة جامعة علوم ومن القاهرة. ومدت إيدها. سارة سلمت عليها: اتشرفت بيكي يا قلبي، وأنا اسمي سارة وفي تالتة ثانوي. آدم: وبتكون اخت المعقد 😂😂😂.

جاسمين: يا بارد، يسمعنا وهينفخك. أنا مالي؟ سارة: مين المعقد ده؟ جاسمين بصوت واطي: فهد المعقد، دايماً بيبقا مكشر، مش بيضحك خالص، إيه الراجل ده؟ ده أنا شوية كدا هسميه مكشر. الكل: 😂😂😂😂😂😂. سارة: طيب خافي منه، ده صعب جدا. جاسمين: أنا أصعب منه. ده كله فهد واقف وساكت. فهد: في إيه؟ جاسمين بصوت واطي: يالهوووي هااا، ما فيش حاجة يا أستاذ فهد، كنت بتعرف على البنوتة العسل دي. الكل: 😂😂😂😂😂😂. سارة: يا خوافة.

جاسمين: اتلمي انتي التانية دلوقتي. سارة: 😂😂😂، حاضر. فهد: بتتكلموا في إيه؟ جاسمين: ما فيش حاجة. فهد: تمام، اوعي عشان أفطر. جاسمين: متقعدش، هو أنا ماسكاك؟ فهد: مكاني هنا. جاسمين: أنا جيت الأول، يبقى أقعد هنا، شوف لك مكان تاني، مش اسمك اتكتب عليه؟ فهد: مكاني ده، اخلصي واوعي عشان أقعد وأفطر. ومشي. يلا. سارة: اوعي عشان هو فعلاً مكانه ده المخصص، ومحدش مستحيل يفكر يقعد مكانه. جاسمين: ليه يعني؟ هو مكان زي الأماكن؟

فهد: شاطرة، مكان زي الأماكن، اوعي بقى. وراح زاحها على جنب. جاسمين مسكت الكرسي: مكاني وأنا اللي هقعد. وراحت قعدت، شوف لك انت بقى مكان. فهد: قومي. جاسمين: مش قايمة. خديجة جت: إيه ده، متقومي خليه يقعد مكانه، إيه شغل العيال ده؟ جاسمين: عاجبني، مالكيش فيه، انتي بتتحشري ليه؟ إيه الحشرة دي؟ ومسكت المعلقة عشان تاكل. خديجة: تصدقي إنك قليلة الأدب، يعني قاعدها في بيتي وبتكلميني كدا؟ جاسمين: استني يا حشرة، أش بيتك؟

هو ده بيت عمو محمد؟ وماما زينب قالت لي اقعدي فيه براحتي، يعني انتي قاعدها ضيفة، أم أنا واخدها محل إقامة، يعني مش ضيفة، وبعمل اللي أنا عايزه. خديجة: إيه قلة الأدب دي؟ فهد، متتكلم. فهد: أنا رايح الشغل ومش فاضي. وسابهم ومشي وهو هيموت ويضحك بسبب كلام جاسمين. خديجة: فهد، استنى. فهد سابها وعمل نفسه مش سامعها، وكمل مشي. جاسمين: ناوي تاكلي ولا عاملة دايت عشان عود القصب ده؟

خديجة: ده انتي بيئة أوي وقلة الأدب، وأنا هعرفك هعمل إيه، وعرفك مكانك. وسابتها وطلعت. سارة: يخربيت لسانك، إيه الدبش ده كله؟ آدم: يا بنتي دي هيطلقوا عليها اسم جعفر قريب، بس استنى. سارة: ده الاسم قليل كمان. جاسمين: اتلموا انتوا الاتنين وافطروا. سارة: حاضر يا باشااا 😂😂😂. والكل بدأ يفطر وهو عمال يضحك على اللي حصل. فهد وصل الشركة وجاله اتصال من محمد. فهد: صباح الخير، أخبارك إيه؟ محمد: صباح النور، الحمد لله بخير، وانت؟

فهد: بخير الحمد لله، ها وصلت لحاجة ولا إيه؟ محمد: آه، وكل حاجة، هوصلك دلوقتي على الإيميل. فهد: تمام. وقفل مع محمد وفتح الإيميل بتاعه. فهد: إيه ده؟ معقولة؟