رواية الحب الدائم رغم البعد الفصل الثامن عشر 18 - بقلم جاسمين محمد

فهد: كله يروح ينام وعلي أوضته. وهو فضل في الأوضة جمبها. بعد أسبوع. فهد معدي من قدام أوضة حنان وأمل. حنان: جاسمين هتفوق إمتى؟ وحشتني أوي. عارفة عمري ما اعتبرتها مش بنتي وإني لقيتها في الشارع. أمل: هي زي أختي وأنا بحبها أوي. فهد سمع كدا وراح أوضة. فهد: مش بنتهم كيف دا؟ أنا لازم أعرف الحقيقة. ومسك التليفون. فهد: الو. سلام عليكم محمد باشا. محمد: حبيبي أخبارك إيه يااض؟ فهد: كويس يا غالي. أنت عامل إيه؟

محمد: الحمد لله بخير. إيه فكرك بيا يا واطي بعد المدة دي كله؟ فهد: عادي والله يا غالي بس عايز منك شغلانة مهما. محمد: إيه هي؟ فهد: عايز أعرف كل حاجة عن شخص من ساعة ما اتولد لحد دلوقتي. محمد: تمام. مين الشخص ده؟ فهد: بنت اسمها جاسمين محمد عايشة في القاهرة. محمد: تمام. ابعتلي باقي البيانات بتاعتها على الواتس وأنا أجيبلك كل حاجة عنها. فهد: تمام. شكراً يا محمد باشا. محمد: باشا إيه بقا؟

دا أنت اللي باشا ومافيش شكر بينا يااض. فهد: آسفين يا برنس. تسلم بس بجد محتاج المعلومات دي في أقرب فرصة. محمد: تمام. قريب جداً هتلاقي كل حاجة عنها. فهد: تسلم يا غالي. محمد: يلا هتعوز حاجة؟ أروح أشوف شغلي. فهد: عاوز سلامتك. سلام عليكم. محمد: وعليكم السلام ورحمة الله وبركاته. تاني يوم. خديجة: لازم نتصرف نشوف هنعمل إيه وعايزين نفكر هنعرف هي ولا مش هي. مني: معرفش. أنا من ساعة المرة اللي فاتت واللي فهد عمله وأنا خايفة.

فلاش باك. فهد بصوت عالي: يا خالد يا خالد. خالد جه جري: في إيه يا باشا؟ فهد: مين دخل الفلة وأنتم واقفين وكمان عنده الشجاعة يدخل أوضتها؟ خالد: محدش دخل يا باشا خالص. أنا واقف من الصبح ومحدش دخل خالص. فهد: لم محدش دخل أمال مين اللي شال الأجهزة من عليها؟ خالد: والله معرف يا باشا. فهد: هاتلي الكاميرات اللي بره حالاً. حتى الكاميرات اللي قدام الأوضة هنا. محمد: فهد اهدى يا ابني.

فهد: اهدى طيب وأنا شايفها متشالة من عليها الأجهزة وبتاخد نفسها بالعافية. خديجة ومني واقفين خايفين وماسكين في إيدين بعض وباصين لبعض. خالد: اتفضل يا باشا. فهد: خد منه اللاب وراجع التسجيل اللي بره. وجه يراجع التسجيل اللي قدام أوضة جاسمين مش شغال. فهد: يعني الكاميرا دي مش شغالة؟ خالد: معرفش يا باشا. هي آخر مرة أنا كنت في الأوضة اللي تخص التسجيلات وكانت شغالة. خديجة بصت لـ مني وابتسمت. فلاش باك.

خديجة: بصي اقفي هنا. اعملي نفسك بتتكلمي وأنا أحاول أقف من ورا الكاميرا وأبوظها عشان محدش يشوف حاجة ولا تسجل دخولنا. مني: أسطا. يلا. الحاضر. فهد بصوت عالي: معنى إن محدش دخل الفلة يبقى اللي شال الأجهزة من على جاسمين جد هنا في الفلة. آدم: مين اللي هيعمل كدا؟

محدش غريب عايش معانا غير أمها وأخوها ودول مستحيل يعملوا حاجة. وأمل صحبتها ودي مستحيل. وأنا وبابا وأمي وأنت ومرات عمي وعمي وخديجة أوقات بتيجي بس وأنت أصلاً مش بتدخل حد عندها. فهد بص ناحية خديجة ومني: لو عرفت مين اللي عمل كدا هزعله جامد وهعرف مين. يلا كله يروح أوضته. الحاضر. مني: فهد لحد دلوقتي وأنا مش ناسيه نظراته ليا في اليوم ده ومتأكدة إنه شاكك فينا بس مش لاقي دليل. فأنا ماليش دعوة بيكي. أنا مش ناقصة.

خديجة: بقا كدا يا طنط؟ بتبيعي بنت أخوكي؟ مني: أنا دايماً جنبك بس في دي لا. خديجة: تمام. وأنا هلقى اللي يساعدني. مهو مش واحدها من الشارع تيجي تاخد فهد مني اللي بقالي يجي 15 سنة مش عارفة أخليه يحبني. مني: ولا هيحبك. فهد بيحب حياة. خديجة: لا هيحبني أنا. وحياة ماتت والبت دي هتموت. وراحت سابته ومشيت. مني: ربنا يهديكي. لأن فهد بجد اللي بيقف قدامه بيموت. ابني وأنا عارفة. أمل قاعدة في الجنينة سرحانة. آدم: بخ.

أمل: خضيتني. في إيه؟ آدم: الجميلة قاعدة سرحانة في إيه؟ أمل: خايفة على جاسمين. أديلها يجي أكتر من أسبوعين مفاقتش. خايفة تتأخر. عارف هي الصاحبة الوحيدة اللي قريبة مني أوي ومعرفش أخبي حاجة عليها. وبعتبرها زي أختي بالظبط. آدم: جاسمين هتفوق قريب إن شاء الله. عشاننا هي بتحبنا يبقى هتفوق عشانهم. فادعيلها مش نعيط عليها. وراح مسح دموع أمل. أمل: بدعيلها والله إنها تقوم بالسلامة بسرعة. آدم: جدعة يا روحي. طيب متدعيلي أنا كمان. 😉

أمل: بدعيلك ربنا يوفقك برضه والله. آدم: لا عايز دعوة تانية لينا. 😉😉 أمل: مش فاهمة. لينا إزاي؟ آدم: بكلم بقرة يا ربي. تدعي لينا نكون مع بعض. أمل: حاضر. ها. إنت بتقول إيه؟ آدم: أيوه يا بابا جي أهو. وسابها ومشي. أمل: يا مجنون يا ابن المجنونة. فهد: انتصار! يانتصار. انتصار: نعم يا فهد باشا. فهد: خليكي هنا جمب جاسمين عقبال ما أروح أنزل أشوف العميل اللي تحت. حنان: أنا هقعد معاها يا ابني. فهد: تمام. اقعدي إنتي وانتصار عادي.

انتصار: ماشي. روح يا ابني. فهد: تمام. فهد نزل تحت بيكلم العميل. فهد: سلام عليكم. أيوه اتفضل. العميل: فهد باشا لازم تشوف الورق ده وتمضي عليه عشان نقدر نشتغل. فهد: بس أنا قولت مش همضي على أي حاجة عشان المادة دي لو دخلت أي علاج هتدمر اللي هياخده. العميل: بس يافهد باشا إحنا محتاجينها في الشغل والاختبارات. فهد: وقتك خلص وأنا مش فاضي. وراح وقف. العميل: تمام يا فهد باشا بس خليك عارف أنت بتتعامل مع مين.

فهد: مش فهد باشا اللي بيتهدد ويخاف. وأنتم عارفين كدا. يلا سلام. العميل: ماشي يا فهد باشا. سلام. آدم كان داخل من الباب. آدم: في إيه؟ فهد: مافيش حاجة. كنت فين؟ آدم: كنت بر ولسه جي. وهروح الشركة دلوقتي. فهد: تم... انتصار بصوتها العالي: فهد تعال بسرعة. فهد وآدم طلعوا جري.