رواية الحب الدائم رغم البعد الفصل السابع عشر 17 - بقلم جاسمين محمد

حنان بعياط: يا حبيبتي يا بنتي أنا اللي السبب في ده كله. أنا اللي خليتك سافرتي. متسيبنيش يا جاسمين، انتي قولتي مش هسيبك أبداً حتى لو إيه. سبتيني ليه؟ أحمد بعياط: قومي عشان خاطري. انتي مش قولتي إن أنا أخوكي مهما حصل وهتفضلي جنبي؟ قومي يا روح أخوكي. حنان: أنا هاخد بنتي ونرجع مصر. فهد: جاسمين مش هتتحرك من هنا غير لما تفوق. انتوا سامعين؟ وطلع وسابهم.

حنان: قومي يا روح أمك. أه انتي مش بنتي بس أنا أمك وبحبك ومقدرش أعيش من غيرك. قومي يا روحي. _مش بنتهم. أنا لازم أقول لخديجة بسرعة. وجرت على أوضتها أحسن حد يسمعها. مني: الو يا خديجة. خديجة: إيه يا طنط؟ في إيه؟ مني: جاسمين أمها اللي هنا هي وأخوها بيقولوا إنهم مش أهلها. خديجة: مش أهلها؟ إزاي بس؟ مني: أنا سمعتهم بيقولوا كدا. خديجة: طيب أنا جاية حالاً عندك وأفهم في إيه. مني: ماشي مستنياكي. فهد بعد شوية: ها خلصتوا؟

حنان: ليه فيه حاجة يا ابني؟ فهد: عشان تطلعوا. حنان: بس إحنا قاعدين مع بنتنا. فهد: مينفعش. أحمد بصوت عالي: هو إيه اللي مينفعش؟ آدم كان معدي سمعهم، جري عليهم. آدم: هو مش قصدو حاجة. هو قصدو إن انتوا شوفتوها. انزلوا ارتاحوا في أوضكم وهي كمان مينفعش حد يفضل معاها غير الممرضة. أحمد: وفين الممرضة دي بقا؟ فهد: جاية في الطريق أهي. آدم: فهد خايف على صحتها يعني مينفعش نكلمه كدا. هو خايف عليها زي ما انتوا خايفين عليها.

حنان: ماشي يا ابني وإحنا أهم حاجة راحة بنتنا. آدم: فعلاً أهم حاجة راحتها عندنا إحنا الكل. حنان: فين أوضتي أنا وابني يا ابني؟ آدم: أمل وريتهالهم جنب أوضتك. أمل: خالو حنان تعالي انتي اقعدي معايا في الأوضة وسيبي أحمد لوحده في الأوضة. حنان: ماشي يا بنتي يلا. بعد ما حنان وأمل وأحمد نزلوا. آدم: فهد إيه؟ مينفعش تتكلم معاهم كدا. هي بنتهم. فهد: والأوضة اللي هما فيها بتاعت حياة. آدم: مش عشان أوضة حياة تتشرط عليهم.

فهد: آدم مالكش فيه ها. الممرضة رشا: سلام عليكم. فهد بعصبية: آخرتي ليه كدا يا هانم؟ رشا بخوف: آسفة يا أستاذ فهد. الممرضة فين؟ فهد: تعالي وخدها ودخل عند جاسمين. فهد: أهي الأجهزة اللي عليها دي لو اتشالت أو حد جه جنبها هموتك. انتي سامعة؟ وطبعاً انتي دكتورها وعارفة إيه ممكن يحصلها لو اتشالوا. رشا: آه عارفة. فهد: تمام. تفضلي معاها الأربعة وعشرين ساعة. انتي سامعة؟ رشا بخوف: آه سامعة.

فهد: تمام. يلا أنا هروح شغلي وأجي شوية كدا. رشا: تمام يا فندم روح. خديجة: ها فهميني مش بنتهم إزاي؟ مني: أنا سمعت إنها مش بنتهم وهم مش أهلها الحقيقيين. خديجة بعد ما فكرت شوية: مستحيل. مني: في إيه؟ خديجة: سمعت آدم بيقول إنهم ساعات بيحسوها حياة. أوعى تكون هي. مني: لو طلعت ها هننتهي. خديجة: لازم نتخلص منها. مني: إزاي؟ خديجة: هنشيل الأجهزة اللي محطوطة عليها وهي تموت. مني: طيب هنعمل كدا إزاي؟

خديجة: دلوقتي عايزاكي تلهي الممرضة بره وأنا أسحب وأدخل. مني: ماشي يلا. خديجة ومني راحوا عند جاسمين. مني: سلام عليكم. ممكن دقيقة يا دكتورة؟ رشا: نعم يا فندم؟ مني: تعالي نقف بره عشان ما أزعجش المريضة. رشا بس وبصت على جاسمين. مني: ما تخافيش هنقف بره. رشا: ماشي. وطلعت مع مني. وخديجة اتسحبت ودخلت عند جاسمين. شالت الأجهزة وطلعت. شاورت لمني ومني خلصت مع الدكتورة. مني: ماشي شكراً. رشا: العفو. فهد: بتعملي إيه بره؟ رشا: كنت...

وبيص لاقي جاسمين متشال من عليها الأجهزة وبتاخد نفسها براحة. فهد: الحق بسرعة. وجري هو والممرضة. ركب الأجهزة تاني. فهد بصوت عالي: إيه ده؟ انتي مستهترة؟ يلا اطلعي من هنا. ومفصولها من الشغل. آدم وأمل والكل جري على صوت فهد. آدم: في إيه؟ فهد: الأستاذة مستهترة أوي. امشي من قدامي بدل ما أموتها. آدم: اطلعي بره بسرعة. رشا: مصدقت سمعت كدا طلعت جري. محمد: اهدى يا فهد خلاص هي كويسة. فهد: كله يروح ينام وعلى أوضته.

وهو فضل في الأوضة جنبها. بعد أسبوع فهد معدي من قدام أوضة حنان وأمل. حنان: جاسمين هتفوق إمتى؟ وحشتني أوي. عارفة عمري ما اعتبرتها مش بنتي وإني لقيتها في الشارع...