رواية القاسي العنيد الفصل الخامس عشر 15 - بقلم وحيدة كالقمر

عاد آسر متأخرًا إلى المنزل، وكان مرهقًا جدًا بسبب كثرة العمل. صعد إلى غرفته فوجد سارة نائمة، حمد ربه كثيرًا لأنه متعب ولن يتحمل التعذيب النفسي لسارة. اقترب منها ببطء وقبّل جبينها، ثم غير ملابسه سريعًا واستلقى على الأريكة وذهب في نوم عميق. في صباح اليوم التالي، كان الجميع على السفرة ما عدا ياسين الذي غادر مبكرًا. عز الدين: ها يا سارة هتروحي النهاردة؟ آسر بعدم فهم: تروح فين؟ مرفت: الشركة. آسر: تروح الشركة تعمل إيه؟

سارة ببراءة مصطنعة: أتدرب يا حبيبي مش أنا قولتلك وأنت وافقت؟ نظر لها آسر بغضب وكان يستشيط من الغيظ وهو ينظر لسارة، لاحظ عز الدين ذلك. عز الدين: مالك يا آسر أنت مش موافق على الشغل ولا إيه؟ آسر: لا أبدًا يا بابا. ثم نظر لسارة بتوعد. آسر: دي سارة هتنور الشركة، ده أنا هدربها بنفسي، مش كده يا حبيبتي؟ سارة بخوف: آآآه. آسر بعيون متوعدة وابتسامة شر: يلا علشان ما نتأخرش.

ثم سحبها من يدها وخرج، فتح باب السيارة وأدخلها بقوة ثم صفع الباب وصعد خلف المقود وقاد بأقصى سرعة. سارة بخوف: هدي السرعة يا آسر. نظر له آسر نظرة أرعبتها فصمتت بخوف. وصل آسر وسارة إلى الشركة سريعًا بسبب قيادة آسر المتهورة، ودلفا للداخل وهو يسحبها من يدها حتى دخل مكتبه. آسر بصوت عالٍ: أنتِ إزاي تعملي كده؟ سارة بتردد: عملت إيه؟ آسر بغضب: يعني مش عارفة أنا وافقت على شغلك؟ حاولت سارة أن تستجمع شجاعتها وترد بقوة.

سارة: وأنت مالك أصلاً توافق ولا لا؟ آسر بعصبية مفرطة: مالي إيه يا هانم، أنتِ ناسيه إنك مراتي؟ سارة وهي تنظر حولها وبسخرية: هي فين مراتك دي؟ غضب آسر جدًا من سخريتها وبرودها، وأخذ يقترب منها وهي تتراجع للخلف حتى اصطدمت بالحائط، فنظرت له برعب. أما هو فابتسم بخبث واقترب منها حتى التصق بها وشعرت بأنفاسه الحارة على وجنتها وقبّلها بعنف، قبلة أودع فيها كل غضبه منها. ابتعد قليلًا وهمس في أذنها:

آسر: كل مرة هتستفزيني فيها هعتبرها دعوة منك إني أعمل كده. أما هي فاحتلت الصدمة ملامحها واحمرت وجنتها بشدة من الخجل وظلت تنظر له بذهول. ضحك بشدة على مظهرها وقال بخبث: آسر: اممممم شكلك محتاجة واحدة تانية علشان تفوقي. عند هذا لم تتحمل سارة ودفعته بعيدًا عنها. سارة بعصبية وخجل: أنت إزاي تعمل كده؟ أنت قليل الأدب. آسر ببرود: أنا جوزك وأقدر أعمل أكتر من كده، تحبي تشوفي؟ سارة: لا لا لا.

آسر بجدية: عايزة تتدربي هنا أنا اللي هدربك، وهتروحي وتيجي معايا بعربيتي، وإياكِ فاهمة إياكِ أشوفك واقفة مع أي حد فاهمة؟ سارة: ......................