رواية القاسي العنيد الفصل السادس عشر 16 - بقلم وحيدة كالقمر

غضبت سارة بشدة من طريقته معها، ولكنها كظمت غيظها لأنها بمفردها معه، وتوعدت أن ترد له ذلك. سارة بغيظ: موافقة. كتم آسر ضحكته على مظهرها الطفولي الغاضب، وأراد أن يغيظها أكثر. آسر وهو يمسك وجنتها وبنبرة مستفزة: شطورة يا طفلتي. اشتاطت سارة غيظًا منه ودبت على الأرض بطفولة. سارة بغيظ: أنا مش طفلة. آسر وهو يحاول كتم ضحكته: لا طفلة... طفلتي أنا... وبجدية يلا بقى عندنا شغل.

دخل آسر وسارة المكتب المجاور، وكان يوجد به ثلاث مهندسين، وقف الجميع عند دخوله. آسر بجدية وهو يشاور على سارة الواقفة بجانبه: دي المهندسة سارة هتدرب هنا... ثم نظر لسارة وقال: دي المهندسة ريتاج ودي المهندسة ندى وده المهندس محمد. رحب بها الجميع ثم ذهب آسر لمكتبه وجلست سارة على مكتبها وهي سعيدة جدًا. ريتاج بابتسامة: نورتينا يا سارة، إن شاء الله هتكوني سعيدة معانا.

ندى بابتسامة وغرور مصطنع: طبعًا يا بنتي هتبقي سعيدة، هو في حد يبقى قاعد معايا وميبقاش سعيد؟ ضحك الجميع عليها. محمد بمرح: يا بنتي ارحمي الناس من لسانك ده. سارة ضاحكة: هههههه بالعكس باين عليها دمها شربات. ندى: ربنا يخليكي، أنتي اللي رافعة من معنوياتي. وبينما هم يتحدثون، دخل ياسين وهو ينظر لبعض الأوراق. ياسين: بشمهندسة ندى... ثم رفع رأسه فوجد سارة أمامه مبتسمة. ياسين باستغراب: بت يا سو بتعملي إيه هنا؟

سارة بابتسامة: هشتغل معاكوا يا ياسو إيه رأيك؟ ياسين بمرح: يلهوووووي يعني الشركة هتفلس. سارة وهي تضربه على كتفه بغيظ: بس يا رخم. كان الجميع ينظر لهم بدهشة من طريقة تعاملهم ما عدا ندى التي كانت تنظر لهم بغضب شديد وغيرة واضحة ولاحظت سارة ذلك. ياسين باستغراب: مالكم بتبصونا كده ليه؟ ... ثم ضرب جبهته بخفة وبمرح: آآآه نسيت أقولك إني سارة بنت عمي و... قاطعته سارة قائلة: صحيح يا ياسين أنت كنت جاي ليه؟

ياسين: آه صح نسيت ده في شغل مهم. ثم بدأ الحديث في العمل. بعد قليل ذهبت سارة لمكتب آسر. سارة: لو سمحتي عاوزة أقابل البشمهندس. منى: ثواني هشوف... ودخلت مكتب آسر بعد أن أذن لها. منى بدلال: المهندسة سارة عاوزة تقابل حضرتك يا بشمهندس. آسر بجدية: دخليها وفي أي وقت تيجي تدخل من غير إذن، مفهوم؟ منى بضيق: مفهوم يا فندم. دخلت سارة لآسر ووقفت أمامه. آسر: اقعدي واقفة ليه؟ جلست سارة وظلت تفرك يديها بتوتر، نظر لها آسر باستغراب.

آسر: مالك يا سارة في إيه؟ سارة: ..............................