رواية القاسي العنيد الفصل الرابع 4 - بقلم وحيدة كالقمر

في صباح اليوم التالي استيقظ بطلنا ونظر في ساعته فوجدها 12 الظهر. آسر في نفسه: يااااه، أنا نمت كل ده. ثم نهض وأخذ شور وغير ملابسه وخرج يبحث عن سارة فلم يجدها، فتوقع أن تكون ما زالت نائمة وذهب لمشاهدة التلفاز حتى تستيقظ. بعد قليل استيقظت سارة ونظرت حولها باستغراب ثم تذكرت ما حدث وأنها بالفندق، ابتسمت بسخرية ثم نهضت وأخذت شور وغيرت ملابسها إلى (بنطلون جينز أسود واسع وقميص أبيض ولفت طرحة أبيض في أسود)

وخرجت، وجدت آسر يشاهد التلفاز فوقفت أمامه، أما آسر فنظر لها باستغراب على ما ترتديه والطرحة ومن المفترض أنها عروس. سارة بهدوء وجدية: طلقني. آسر بدهشة: نعم! سارة بنفس الهدوء والجدية: بقولك طلقني، أنا مش هقدر أعيش كده. آسر بعصبية بعد أن استوعب ما قالته: أنتِ مجنونة، عايزة تطلقي والفرح كان امبارح، مفكرتيش الناس هتقول إيه؟ سارة بعند: ميهمنيش. آسر بعصبية وصوت عالٍ: طيب مفكرتيش في بابا وماما هنقولهم إيه والفضيحة اللي هتحصل؟

صمتت سارة، فتابع آسر: بصي إحنا هنفضل كام شهر وبعدين نطلق ونقول إن إحنا متفقناش. صمتت سارة لتفكر وآسر ينظر لها بترقب. سارة بجدية: موافقة بس بشرط. آسر باستغراب: شرط إيه؟ سارة بخجل حاولت أن تداريه: مش هتلمسني، كل واحد هينام في أوضة. آسر بهدوء: يعني إيه؟ سارة بخجل أكبر: يعني جوازنا هيكون على ورق، محدش يدخل في حياة التاني. آسر بعصبية خفيفة: يعني هتحرميني من حقي، أنا جوزك. سارة بسخرية: جوزي... وببرود: ملكش عندي حقوق.

اغتاظ آسر بشدة من كلامها وحاول أن يرد لها الصاع صاعين. آسر بغيظ: وأنتِ فاكرة إني ممكن أقربلك؟ أنتِ مش بتبصي في المراية ولا إيه؟ اغتاظت سارة من كلامه ولكنها ردت ببرود: يبقى اتفقنا. وتركته ودخلت غرفتها وهو ينظر لها بغيظ، وبعد قليل رن هاتفه فوجد صديقه المقرب حاتم فأجاب بهدوء. آسر: ألو. حاتم بمرح: إيه يا عريس الغفلة، يعني صاحي بدري شكلك مرفعتش راسنا. آسر بغيظ: وأنا أقول برضه أتريه كله من قرك الفقر.

حاتم بضحك وفضول: ليه إيه اللي حصل هااا؟ حكى له آسر ما حصل فضحك حاتم بشدة ثم قال: آسر بغيظ وعصبية: اقفل يا حاتم أحسنلك. حاتم بضحك: خلاص يا هولاكو هسكت أهو، بس طيرتكم الساعة كام؟ آسر: الساعة 5. حاتم: أوك سلام بقى. آسر: سلام. يا ترى إيه اللي هيحصل؟ وآسر هيعمل إيه؟ وحياتهم هتكون إزاي؟