رواية القدر الفصل الخامس 5 - بقلم ياسمين عاطف

خالد: نورهان. محمود: هي فين؟ انت عارفها؟ نها: لا، لا، منعرفش. هو عارفها لأنها كانت صحبتي، بس بقالي فترة مكلمتهاش. محمود: ماشي. خالد: ما خليتنيش أقول له ليه. نها: هتجيب لنا مشاكل، الله أعلم هو ده مين وعايز إيه. خالد: على رأيك. عند نورهان. نورهان لبست تيشرت أبيض وبنطلون أسود وطرحة سوداء وكوتشي أبيض وميكب خفيف. مروة: على فين يا قمراية؟ نورهان: نازلة أشترك في النادي والجيم. مروة: طب استني أخلي أنس يوصلك.

نورهان: لا يا طنط مش مستاهل. مروة: لا عشان محدش يضايقك وانتي قمر كده. نورهان اتكسفت وسكتت. وانتوا عارفين السكوت علامة الرضا. مروة ندهت على أنس. وأنس لبس تيشرت أبيض وبنطلون أسود وكوتشي أبيض. أنس: إيه ده، انتي لابسة زيي؟ نورهان بضحك: على فكرة أنا اللي لبست الأول، فانتي اللي لبستي زيي. مروة: خلاص، خناق بقى. ربنا يحفظكوا. هما الاتنين في نفس واحد: آمين. في العربية. أنس سايق. عينه جت في المرايا، شاف نورهان سرحانة.

ضحك وقال في نفسه: مجننانني من يوم ما شفتك. بحبك. نورهان خدت بالها إنه بيبص في المرايا عليها، وعنيها جت في عينه. نورهان اتكسفت وبعدين نزلت عينيها من عليه وقالت في نفسها: بحبك يا أنس. بحبك. وصلوا النادي. نورهان: هتخليك عند حمام السباحة ولما أخلص أجيبك. أنس: لا طبعًا، ده أنا أمي موصياني عليكي. مش عارف مين اللي ابنها فينا. نورهان: طنط دي حبيبتي. تعالي طيب، ولا انت اتسمرت مكانك ليه؟ أنس. أنس رد عليا.

أنس سرح في جمالها وعيونها اللي جاي فيها الشمس ولونها عسلي. نورهان: أنس، رد عليا. ولا حياة لمن تنادي. هو مركز في عيونها وبيضحك. مفقش غير لما نورهان ضربته ضربة خفيفة على إيده. نورهان: سرحت في إيه؟ بنادي عليك بقالي كتير. أنس: سرحت في عيونك الحلوين. نورهان اتكسفت وضحكت وبصت في الأرض. أنس: مكسوفة يا قمرايتين. نورهان من كسوفها سابته ومشيت وهي بتضحك. وهو ضحك بصوت عالي ومشي وراها. بعد لما خلصوا الاشتراك بتاع النادي والجم.

أنس: نورهان، ممكن نقعد مع بعض شوية؟ نورهان: آه ممكن. أنس: طب تشربي إيه؟ نورهان: ولا حاجة. أنس: لا، لازم. نورهان: لو مصمم، ممكن بيبسي. أنس: من عيوني. يس طلب اتنين بيبسي. ولما جم، انس فتح الكلام وهما بيشربوا. أنس: هسأل كام سؤال وتردي بصراحة، تمام؟ نورهان: تمام. أنس: انتوا رفضوني ليه لما اتقدمت؟ نورهان: ..