رواية القدر الفصل الرابع 4 - بقلم ياسمين عاطف

انس: في إيه؟ البنت: قطعتوا على بعض، كملوا، ولا كأني موجودة. بس عجبتني، هتفرج وأنت بتقنعها تأكل. نورهان: مين دي؟ أنس بتوتر: دي نهى بنت عمي، ساكنين في الفيلا. نورهان: وهي بتتكلم كده ليه؟ نهى: هتقولها الحقيقة ولا أقول أنا؟ أنس: هقول الحقيقة. نهى بتحبني، وبابا قالي نهى هنجوزهالك. وبابا ماكنش موافق، واحنا جاين نتقدملك. وحاولت أقنعه، واقتنع. ولما اترفضنا، قعد يعايرني، وده السبب اللي خلاني مكلمكيش تاني.

وقالي: ملكيش غير نهى. وأنا مش بحبك يا نهى. نورهان الدموع اتجمعت في عينيها، وقفلت الباب في وشهم. أنس: فرحتي كده. نهى: أووه. نهى طلعت، وأنس فضل يخبط. نورهان جوه بتعيط ومفتحتش. أنس نزل يحكي لمروة. مروة: ماشي يا نهى، هعلمك الأدب. أنس: هتعملي إيه؟ مروة: هتشوفي. مروة طلعت على نهى، ونهى فتحتلها بكل برود. مروة: إيه اللي عملتيه مع نورهان ده؟ نهى: ده أقل واجب. أشوفهم بس واقفين مع بعض تاني.

مروة: انتي يابت، لو لمستي شعرة منها، متعرفيش هعمل إيه. تمام؟ نهى: دي بتهددني. بصي، أعلى ما في خيلك اركبيه. خالد: بس يا نهى. آسف يا مدام مروة. نهى: إيه ده؟ أنت بتعتذرله؟ مروة: الاعتذار مش من عندي. لو عايزاني أسامحها، تنزل تعتذر لنورهان، ولو وافقت أنا هوافق. نهى: لا طبعًا مش هنزل. خالد: لا هتنزلي. غصب عنك. نهى (نادية) : لا، بنت مغلطتش ومش بتعتذر. مروة: بقت كده. طب معلش، استنوني دقيقة. كل ده بيحصل قدام أنس اللي فرحان.

مروة طلعت بعقد: ده عقد، والشقة دي باسمي. وأنا اللي أقول أقعد مين فيها. وعلى كده، معاكم نص ساعة تلموا هدومكم، وتقعدوا في الشارع. نهى: لا، ومالك خايف. مروة: مترديش، وقولي الحقيقة. خايفة ليه؟ خالد: افهموا بقى، أنا السنة اللي فاتت لما جينا، قعدنا هنا. الشركة بتاعتي خسرت، واتحجز على كل أملاكي. ومدام مروة ساعدتني وقالتلي تعالي اقعد هنا، إحنا أهل. وفي الآخر تعملوا كده؟ إحنا كده هنقعد في الشارع. أنا معيش أأجر أسبوع أوضة حتى.

نهى: خلاص يا مرات عمي، هنزل أعتذر. مروة: لا يا حبيبتي، فات الأوان. يلا، نص ساعة وتكونوا لميتوا هدومكم. مروة نزلت وخبطت على نورهان. نورهان فتحت وعينيها حمراء من كتر العياط. وشافت نهى وهي بتعيط، ونادية وخالد وهما مكسورين. وفرحت. عند محمود. محمود اللي عمال يدور على بنته وعينه كلها دموع ومكسور. وعمال يوري الناس صورتها ويسألوا: شفتوها؟ ومحدش شافها. محمود: والنبي يا رب، رجعلي بنتي، مليش غيرها.

محمود كان ماشي وبيضور على بنته. خبط في خالد. محمود: آسف. خالد: ...