رواية القدر الفصل الثامن 8 - بقلم صالح ايهاب

ردي عليا يا حبيبتي. افتحي عنيكي علشان خاطري. سيدرا! جيب العربية بسرعة. سيدرا! فوقي يا مودي، اختي. سيدرا! ردي عليا. هي مالها يا عمو؟ انت مش قلت هتحمينا؟ ليه اختي مش بترد عليا؟ متخفش يا مودي، هتبقى كويسة وهترد عليك. وأخدتها وجريت على المستشفى. دكتور! بسرعة. دكتور، خطيبتي بتموت. اعمل أي حاجة، أرجوك. وكل اللي انت عايزه هعمله. دكتور: اهدى إن شاء الله خير. بس لازم تدخل عمليات فوراً. نزفت دم كتير.

ودخلت سيدرا العمليات، وأخدت قلبي معاها. وكل نفس مني بيقول يا رب. ورحمة أبويا يا يارا، لو حصلها حاجة مش هرحمك. جاسر بيتصل. الو جاسر. جبتها؟ للأسف عندي لك خبر مش كويس. انطق يا جاسر. في أي؟ هربت منك. لو هربت، انت عارف هعمل معاك إيه. جاسر: لأ يا ورد، ياريت هربت. هي وبتجري قدامي، جات عربية سريعة وخبطتها. وهي حالتها صعبة. آخر حاجة قالتها: وديني لـِ اسر. وفقدت الوعي. وأنا جايبها في الإسعاف وجاي. ربنا يستر.

اسر: لو ماتت، يبقى الموت رحمها مني. انا مستنيك. وبعد ساعتين خرجت سيدرا من العمليات. دكتور، طمني. هي بخير. الحمد لله خرجنا الرصاصة. وحالتها أحسن كتير. بس ادعي ربنا تعدي الكام ساعة دول بخير، بعدها أطمن عليها خالص. بعد إذنك. شكراً يا دكتور. ألف حمد وشكر ليك يا رب. وفضلت مستني الوقت يعدي بفارغ الصبر. ومع كل دقيقة، بدعي من قلبي ربنا يقومها ليا بالسلامة. وأعوضها عن كل لحظة وجع عاشتها. جاسر. اسر بيه. ها، جاسر طمني.

جاسر: للأسف الحالة صعبة ودخلت العمليات مرتين. والدكتور بيقول لو ربنا كرمها وعاشت، هتعيش باقي عمرها على كرسي متحرك. ومستحيل تمشي تاني. اسر: شوف قضاء ربنا وقدره. دي آخرة الظلم والطمع والافتري على الناس. جاسر: ربنا كبير. المهم أخبار آنسة سيدرا إيه؟ الحمد لله كويسة. إن شاء الله كلها ساعتين وتفوق وتبقى بخير. قول يا رب. يا رب. يا رب. ويمر الوقت ويعدي. اسر بيه. خير يا دكتور.

الحمد لله، فاقت. بس مفيش على لسانها غير مودي واسر. يا حبيبتي. ممكن أدخلها أطمن عليها. آه طبعاً، هي بقت كويسة الحمد لله. ويومين إن شاء الله وهتبقى تمام خالص. وممكن تخرج. ألف شكر يا دكتور. متشكر. بعد إذنك. سيدرا. حمد الله على السلامة يا روح قلبي. كنت هموت من قلقي عليكي. الله يسلمك. آبلة سيدرا، حمد الله على السلامة. وحشتيني. مودي، انت اللي وحشتني أكتر يا قلب أختك. أنا ربنا نجاني بس علشانك انت. اسر: علشانه هو بس.

سيدرا: ههه، آه. لا وعلشانك انت كمان. ألف سلامة عليكي يا قلبي. مش تتعبي نفسك. بلاش تتكلمي كتير. أنا كويسة، متقلقش. الباب بيخبط. اسر. ادخل. جاسر. ها، طمني إيه الجديد. فاقت من البنج وطالبة تشوفك انت وسيدرا ضروري. تشوفني؟ هيا ليها عين؟ أنا لو شفتها هقتلها. سيدرا: هي مين؟ وليه طالبة تشوفنا؟ دي يارا. بعد ما ضربتك بالنار هربت. وهي بتجري، صدمتها عربية. سيدرا: لا حول ولا قوة إلا بالله. ربنا يشفيها ويهديها. لازم نروح نشوفها.

اسر: بعد كل اللي عملته فيكي، لسه بتدعيلها وعايزة تطمني عليها؟ سيدرا: كل واحد بيعمل بأصله. وأنا لا ديني ولا أهلي علموني إني أشمت في مرض حد ولا أفرح فيه مهما كانت أذيته ليا. اسر: ربنا يخليكي ليا ويبارك فيكي يا بنت الأصول. ممكن أدخل. اسر: ماما. أهلاً طبعاً اتفضلي. عرفتي مكاننا إزاي؟ وجيتي إمتى؟ الف سلامة عليكي يا سيدرا. الله يسلم حضرتك. حضرتك إيه؟ قوليلي يا ماما. اسر: ماما، في إيه؟ مش عادتك دي.

فعلاً مش عادتي. بس أنا كنت غلطانة واللي حصل ده فوقني وفتح عيني على حاجات كتير. أنا معرفش إنكم هنا غير لما شفت رجالتك بره وحكولي. أنا كنت جاية أشوف يارا. لما المستشفى بلغت خالتك، كانت هي عندي. وقال إيه جاية تحدد معاد خطوبة. شوف البجاحة. المهم أنا دخلت لـِ يارا، وبالرغم من كل اللي عملته، صعبانة عليا ووجعت قلبي. علشان خاطري، تعالوا معايا. مش على لسانها غير إنها عايزة تشوفكم. ياماما بس. سيدرا: مفيش بس. اسر، هنروح نشوفها.

اسر: بس انتي مش قادرة تتحركي. هتروحي إزاي؟ طب لما تخفي. وانت روحت فين؟ وصلني ليها يلا. مجنونة. حاضر ياستي. ووصلنا لـِ يارا. ومنظرها فعلاً كان يقطع القلب. شلل في رجلها وإيدها الشمال. ووشها كله جروح. يارا.

اسر. سيدرا. سامحوني. أنا آسفة. عارفة إني مهما عملت مش هتسامحوني. بس أنا خلاص تبت وفقت من اللي أنا كنت فيه. أنا شفت الموت بعنيا. ودي كانت رسالة من ربنا إن فعلاً محدش ضامن عمره ولا هياخد حاجة معاه. وكلامك ليا يا سيدرا هو اللي فوقني. ومكنتش بسمع غيره حتى وأنا في العمليات. سامحوني بالله عليكم. وأهو ربنا جاب لكم حقكم وأنا أخدت جزائي. وهعيش طول عمري كده ندمانة على اللي عملته. ومش طالبة غير إنكم تسامحوني.

سيدرا: يعني كان لازم يحصل كل دا علشان تفتكري ربنا وتوبي؟ انتي وجعتيني كتير وأهنتيني. وحاولتي تقتُليني. بس أنا مسامحة في حقي. لأن ربنا كبير وبيُعوّض. وأهو جبر بخاطري وطلعني منها على خير. ورجعلي مودي حبيبي وأخويا وابني. وكرمني بإنسان زي اسر. ربنا يخليكم لبعض. انتوا فعلاً مكتوبين لبعض. لأنكم شبه بعض في كل حاجة. أنا اللي مش كويسة وغلاوية وطماعة. وأهو أخدت جزائي. وهخرج من هنا هروح السجن.

اسر: مفيش سجن خلاص. بما إن سيدرا حبيبة قلبي سامحتك. هنتنازل عن القضية والمحضر هيتقطع. يلا قومي بقي علشان تحضري فرحنا. يارا: 🥲🥲🥲 قد إيه أنا كنت إنسانة قذرة ومش بحب غير نفسي. بجد أنا آسفة من كل قلبي. ومستاهلش إني أكون جزء منكم. ولا واحدة زيي تحضر فرحكم. اسر: متقوليش كده. انتي بنت خالتك وأختي مهما حصل. وسيدرا طيبة وقلبها كبير وسامحتك. وهتبقوا أحلى أخوات في الدنيا. مش كده ولا إيه يا جعفوري؟ جعفورك تاني. 🙄😏

يارا: ههه. ربنا يخليكم لبعض. ويخليكم ليا. بس ليا شرط. أول بنوتة تسموها على اسمي. سيدرا: إن شاء الله. بس قومي انتي بالسلامة. أومال مين اللي هيدلع يارا الصغيرة ويشيلها. دكتور. عندي لكم خبر كويس. بعد الأشعة والتحاليل اللي عملناها للآنسة يارا. الحمد لله فيه أمل كبير إنها تقدر تمشي على رجلها تاني وتمارس حياتها عادي. بس ممكن تاخد وقت شوية. ومع العلاج والرعاية هتبقى بخير إن شاء الله. بعد إذنكم. والف سلامة مرة تانية.

الله يسلمك يا دكتور. والفرحة بقت فرحتين. وخرجت يارا من المستشفى بعد أسبوع. وعملت أنا وسيدرا فرح كبير وحضرته ناس كتير. وكان أجمل يوم في حياتي. وعدت أول سنة جواز. وسيدرا حامل في توأم. ومودي دخل المدرسة السنة دي. وياارا ابتدت تمشي واحدة واحدة على رجليها. وبقت بتصلي وبتقرا قرآن. ومش بتعمل أي حاجة غير مهتمة بمودي وحاجات التوأم اللي جاي. وبكده تكون خلصت قصتنا. وهو دا القدر. تمت بحمد الله.