حبيبه بصدمه: مينفعش اللي انت بتعمله ده بقولك دي متجوزة. سليم: عايز أعتذر لها يا حبيبه ساعديني عشان خاطري. حبيبه بقلة حيلة: هحاول بس أوعى تأذيها يا سليم. سليم: متقلقيش. حبيبه كانت متوترة جداً وبتفكر هتقول لمريم إزاي. طلعت تلفونها وكلمت مريم. مريم: إيه يا حبيبه عاملة إيه؟ حبيبه بتوتر: مريم كنت عايزالك في حاجة مهمة. مريم: قولي. حبيبه: سليم عايز يشوفك. مريم بصدمة: إيه!!! لأ طبعاً انتي بتهزري.
حبيبه: هو عرف إنك ظلمتيه وعرف كل حاجة وعايز يشوفك ضروري. مريم بغضب: مش هينفع يا حبيبه طبعاً أنا دلوقتي ست متجوزة ويزن لو عرف كده هيعملي مشكلة وأنا مش عايزة مشاكل معاه وبعدين أصلاً غلط اللي بتقوليه. سليم سمع كلامها ضغط على إيده بغضب. حبيبه: بس… قاطعتها مريم بحزم وقالت: حبيبه بعد إذنك بلاش تقولي الكلام ده تاني عشان خاطري متزعِّلنيش منك. قالت كلامها وقفلت التليفون. حبيبه بصتله بقلة حيلة وقالت: عندها حق.
سليم خرج من البيت ورزع الباب بغضب. ناهد: خطيبك بيرن عليكي مبترديش ليه؟ حبيبه بنفخ: قوليله أن خلاص هبعتله حاجته مش عايزاه ولا عايزة حاجته. ناهد بغضب: عايزة تقهريني عليكي زي أخوكي؟ حبيبه: نصيبي لسه مجاش بلاش تظلميني أنا كمان. مريم قفلت التليفون مع حبيبه ويزن دخل من الباب. يزن: شكلك متعصبه. مريم بتوتر: لأ مفيش أنا بس تعبانه شوية. يزن بقلق: مالك فيكي حاجة أوديكي للدكتور؟ مريم بابتسامة: لأ مش للدرجة دي.
يزن: حبيبتي لو فيكي قوليلي متتكسفيش أنا مستعد أعملك أي حاجة انتي عايزاها. مريم بصتله وقالت: تعرف يا يزن أنا بجد عمري ما لقيت أي اهتمام من أي حد غير محمد وبابا وماما الله يرحمهم وانت دلوقتي حقيقي أنا مبسوطة أوي معاك ربنا يديمك ليا يارب. يزن ضمها ليه وقال: حبيبتي ربنا يخليكي ليا يارب ويقدرني وأقدر أسعدك. سليم: عرفت هتعمل إيه؟ الشخص: أه عرفت تمام يا باشا. سليم بتحذير: مش عايز غلطة لأن الغلطة بحياتك.
الشخص: متقلقش والله كله هيبقى تمام. ملك بغضب: بقولك يا ماما مش طايقاها عاملة زي العقبة في حياتي محمد بيهتم بيها أكتر مني ولو خلفت هيهتم بابنها أكتر من بنتنا. أمها: وانتي مش عارفة تكرهيه فيها؟ ملك: أكرهه ده أنا في مرة خيره بيني وبينها كان هيطلقني. أمها: خلاص اخلصي من اللي في بطنها واقهريها عليه. ملك بصدمة: اخلص من اللي في بطنها إزاي؟ أمها: تسقطيها. ملك: وأنا هسقطها إزاي؟
أمها: اعزميها عندك واعملي الواجب اديها دوا بطيء المفعول. ملك: بس… قاطعتها أمها: مفيش بس نفذي اللي بقولك عليه وانتي هتكسبي. مريم: الو يا يزن أنا راحة متابعة للدكتورة بتاعتي. يزن: ماشي يا حبيبتي خلي بالك من نفسك وأنا لما تخلصي هعدي عليكي. مريم: ماشي يا حبيبي. جهزت نفسها ولبست النقاب وخرجت. (مريم لبست النقاب لما اتجوزت يزن) نزلت توقف تاكسي وفضلت واقفة شوية قررت تطلب أوبر.
لسه بتطلع التليفون لقت اللي بينغزها بحاجة في كتفها بعد كده محستش بحاجة تاني.
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!