رواية القدر والسند الفصل الخامس عشر 15 - بقلم رودي محمد

مليكه: انتي إيه فكرك بيا يا رهف؟ رهف: عمري ما نسيتك، ليه كرهتيني برغم إنك عارفة إني مظلومة، وكل ده كان بسبب ريم... مليكه: وهي بتدخل وسابت باب الشقة، مكنتش عايزة حاجة تفكرني بالماضي ولا بالخذلان اللي عشته. رهف: هي كمان دخلت وهي بتقول: بس ريم فضلت معاكي فترة كبيرة؟ مليكه: مكنتش اكتشفت كدبها وخداعها، كنت عمياء ماشية بكل غباء وسذاجة وراها. رهف: مليكة، أنا بحبك، عمري ما نسيتك، إنتي أكتر حد حبيته بجد، تعالي نرجع صحاب؟

مليكه: صدقيني يا رهف، مبقاش عندي ثقة في حد خالص، كل اللي عشته خلاني فقدت الثقة في كل الناس، حتى أقرب ما ليا. وجلست على الكرسي بتنهيدة. رهف: عارفة موضوع مالك، بس أحب أقولك من واحدة اتظلمت قبل كده، بلاش تظلميه. مليكه: بضحكة كلها استهزاء: وغباء.. وأنا ليه كل الناس ظالماني؟ رهف: مسيرك تعرفي مين بيحبك بجد ومن بيتسلى بيكي. بعد إذنك...

خرجت وأنا فضلت أفكر في كل حاجة، في الماضي واللي عشته، في الخذلان، حاسة إني عايشة في دوامة مش قادرة أخرج منها للنور. في المستشفى... مالك: وأجهزة كتير متوصلة بيه. دخلت مليكة وبصت عليه وبدموع قربت منه. مليكه: تعرف إني مش عايزة أعيط عشان مش عايزة حد يشلني غيرك. تعرف إن بعد كل ده لسه بحبك، بس لازم أبعد يا مالك، مش هقدر أكمل، أنا آسفة. عمر: إزيك يا حسام؟ حسام: أبو الصحاب، عامل إيه؟ عمر: تمام يا حسام، عايزك في موضوع مهم.

سعاد: أروح أغير هدومي، وأهو مليكة جنبه. في البيت دخلت سعاد. سعاد: آآآه يا ضهري، مش قادرة، قعدة المستشفى دي تموت الواحد. خبط الباب... سعاد: يا ترى مين جاي؟ فتحت. عايز إيه تاني؟ عمار: إزيك يا سعاد، مش هتقوليلي اتفضلي؟ سعاد: بتذمر: دخلت وسابت الباب. عمار: ليه يا سعاد بتعملي كده؟ ليه بتكرهيني كل الكره ده؟ سعاد: بص بقي، لو جاي عشان تقول الكلمتين دول، فوفرهملنفسك، أنا مش عايزة صداع. عمار: لسه شرسة زي ما إنتي متغيرتيش.

سعاد: بس إنت اتغيرت أوي، اتغيرت للأسوأ، بقيت أسود أوي من جوه، بقي الشر باين في عنيك. عمار: وهو بيقعد: الزمن بيعمل أكتر من كده. سعاد: ملعون أبو الزمن اللي يخلي جوا الواحد حقد وحسد وكره بالشكل ده. عمار: بعصبية وقام من مكانه: كفاية بقي، بتتكلمي وكأن مفيش حاجة حصلت، نسيتي زمان، نسيتي أنا كنت إيه؟ كنت هامش، وأنا مينفعش أكون هامش، فاهمة؟!

سعاد: عشان كده قلبت غول، ابعد عن بنتي، عشان لو حصلها حاجة، أنا مش هرحمك، وأبواب جهنم هتتفتح عليك، فاهم؟ قالت كده وهي بتبص في عينيه بحدة. عمار: بص ليها باستخفاف. عمار: لسه غبية زي ما إنتي. وسابها ومشي. رهف: الو، كله تمام؟ الشخص الآخر: حلو أوي كده، استمري معاها، تمام، أيًاكي تسبيها. رهف: بابتسامة: متقلقش... أنا م صدقت أصلًا. مليكه: قوم يا مالك، برغم زعلي منك، مش قادرة أشوفك كده، قوم عشاني، قوم. مسكت نفسها عشان مش تعيط.

رن فونها. مليكه: يووه، عايز إيه بس؟ خرجت برا الأوضة. عمار: إيه يا قلب عمك، إنتي فين؟ مليكه: في المستشفى. عمار: بعصبية بس بيداريها: بتعملي إيه عندك؟ مليكه: مفيش يا عمي، كنت جاية أطمن بس وهمشي خلاص. عمار: طيب يا حبيبتي، تعالي على البيت، عازمك النهاردة. مليكه: آسفة يا عمو، بس... عمار: مفيش بس، ده عمر يزعل أوي، ده موصيني إنك تكوني موجودة. مليكه: باستغراب: عمر؟ عمار: أه يا بنتي، بيقول وحشتني وكده. مليكه:

برفعة حاجب: حاضر يا عمو، هاجي إن شاء الله. حسام... لو سمحت، في واحد اسمه حمادة، وليه اسم شهرة كده. القهوجي: أه يا باشا، اسمه حمادة مطوة، هتلاقيه متلقح على القهوة هناك. حسام: إنت حمادة مطوة؟ حمادة: هو إحنا مش هنخلص ولا إيه؟ حسام: أنا الرائد حسام، يروح أمك. حمادة: بتوتر: أنا مليش دعوة بحاجة يا باشا، أنا بنفذ تعليمات وبس. حسام: عارف: قولي بقى، تعليمات من مين؟ حمادة: معرفش يا باشا.

حسام: أنا كده هزعل، وزعلي وحش، تحب تجرب؟ حمادة: يا باشا، لو هعرف هقول. حسام: أمم، أظاهر مفيش فايدة. شاور بيده، نزل حد من العربية وشد حمادة وأخده معاه. في مكان ما... مجهول واحد: بتقول إيه يا غبي؟ يعني إيه حمادة حد خده؟ مين اللي خدهم؟ مجهول اثنين: لسه يا باشا مش عارف، بس أكيد هعرف وهبلغكم. مجهول واحد: ما أنا مشغل معايا حمير. ورمى الفون كسره. عمر: إيه يا مليكة، أخبارك؟ مليكه: تمام يا عمر، أومال فين عمو؟

عمر: مش عارف، جاله تليفون ونزل. مليكه: مفيش أخبار؟ عمر: متقلقيش، تعالي ناكل بقى. في المستشفى... صدر صوت للأجهزة عند مالك، وجات الممرضات تجري والدكتور. سعاد: إيه، مالك ماله؟ حسام: أهدي، هو أكيد كويس. بعد نص ساعة خرج الدكتور. الدكتور: أنا آسف.