رواية القضية الملعونة الفصل الأول 1 - بقلم دودا حوده

أنا اسمي أمل، مدرسة لغة عربية ومتزوجة ومعايا بنتين، أشرقت وشروق. جوزي اسمه عبد الرحمن، بعشقه جدًا جدًا، هو ظابط بس حنين أوي وبجد بيحب يساعد المظلومين حتى لو هييجي على نفسه. عايشة في بيت عيلة مع حماتي وحمايا، أطيب ناس في الدنيا والله. عبد الرحمن: إيه يا أمل، كل ده بتحضري الفطار؟ أمل: حبيبي، خلاص قربت أخلص. عبد الرحمن: صحّي البنات عقبال ما أنادي لبابا وماما. أمل: حبيبتي، ربنا يخليكي ليا، حاضر. أمل ندهت عليهم وطلعوا.

حماتها: يا بنتي، كنتِ نزلتِ ما أنا كنت هحضر الفطار وراكِ شغل. أمل: يا حبيبتي، أنا خلاص خلصت اهه، مش خد وقت. اتفضلوا افطروا. بس فطروا ولبست البنات ونزلوا. وعبد الرحمن وصلهم المدرسة وطلع على شغله. وييجي 4 شباب في نادي قاعدين. طارق، تامر، هاني، وأحمد. هاني: ها يا طارق، هتعمل إيه في الواد محمود انهارده؟ طارق: هعلمه الأدب عشان يتعلم ميحطش عينه على الحاجة بتاعتي. أحمد: هي البت بسنت صاروخ بصراحة، بس منفضالك.

طارق: مين اللي منفضالي؟ والله لتيجي ترجع تحت رجلي وأنا اللي أقولها لأ. تامر: هههههههههههه، إمتى بس؟ ما أنت بقالك شهر بتقول ده. طارق: والله لتشوفوا هعمل فيهم إيه، اصبروا بس. وفي الجامعة ييجي محمود وبسنت قاعدين. بسنت: بجد فرحانة إن بابا وافق، معقول هتيجوا بكرة يا محمود؟ محمود: قلبي، ربنا يديم فرحتك. أيوه يا قلبي جاين، وباذن الله آخر السنة هيكون كتب كتابنا. بسنت: بس أنا لازم أجيب فستان جديد أقابل بيه باباك ومامتك.

محمود: أنتي قمر والله ومش محتاجة. بسنت: بس بقى، بتكسف. محمود: طيب، بالله عليكي عشان أروحك وأروح البيت أتغدى وأجي أوديكي بالليل المحلات اللي عايزة. بسنت: يلا يا قلبي. وماشيين قابل طارق. طارق: مش ههنيك على... محمود: الكلام ده ليا؟ طارق: أه، ليك حاجة؟ بسنت: يلا يا محمود لو سمحت. طارق: اسمع كلام القط. محمود ضربه جامد ووقعوا على الأرض. بسنت: والنبي كفاية، سيبوه، الله يخليك. ومشيو. محمود: كان لازم يتعلم الأدب.

بسنت: محمود، أنا مش عايزة مشاكل. مش فاكر يوم ما ضرب المعيد ومحدش قدر يعمله حاجة عشان أبوه؟ الناس دي مش كويسة، أرجوك ابعدنا عنهم. محمود: هو أنا كلمته؟ مش شايفاه كان بيتكلم إزاي؟ المهم، يلا مضيعيش فرحتنا. وروحها. وبليل واقف تحت البيت بالعربية. محمود: ألو، أيوه يا بسنت، إخلصي أنا زهقت. بسنت: نازلة أهو والله. ونزلت بسنت. ركبت العربية. محمود: والله قمر، يخربيت كده. بسنت: محمود، يوووه، قلتلك بنكسف. محمود: ماشي يا قلبي.

ومشوا بالعربية. وبعدها في مكان مقطوع، طلع عليهم عربية فيها 4 شباب ملثمين وفضلوا يضايقهم بالعربية. بعدها محمود وقف العربية والغربية التانية وقفت. نزل يشوف فيه إيه. مسكوا الأربع شباب بالمطاوي وفضلوا يضربوا فيه. نزلت بسنت تصرخ. راح طارق مسكها من رقبتها وعورها في وشها بالمطوة. وقعت اغمى عليها. مش فاقت إلا في المستشفى. بسنت: أنا فين؟ فين محمود؟ الممرضة: أنتي كويسة، والأستاذ اللي كان معاكي في العمليات، ادعيلوا.

بعدها دخل أمين الشرطة عشان ياخد أقوالها.