رواية الخادمة الجميلة الفصل الخامس 5 - بقلم ياسمين سالم

أكرم رفع إيده وملك خبّت وشّها بيدها بخوف من إنه خلاص هيضربها، لكن أكرم مسك نفسه وكوّر إيده وضربها في الحيطة، وطلع بره الأوضة ومن البيت كله. ساق عربيته وهو متعصب ومش عارف ليه الغيرة دي. أكرم بيكلم نفسه: ليه يا أكرم؟ مش كنت بتقول إنه عمري ما هحب؟ بس أنا ملحقتش أحبك يا ملك بالسرعة دي، إحنا مكملناش يومين مع بعض، ليه حبيتك بالسرعة دي؟ ضرب المقود بتاع العربية وهو بيفتكر كلامها عن حسام وإنها ما تقدرش تعيش من غيره.

ملك كانت في أوضتها بتعيط. يا رب أنا مش عارفة أعمل إيه بس! حسام ده أنا بعتبره كل عائلتي، ولو أنا هوافق إني أكون مع أكرم مش هيبقي إلا عشان ابني اللي هخلفه، أكيد مش عشان أكرم، عشان ابني أو بنتي بس، وأنقذ حسام ده أهم حاجة في حياتي. نامت على الأرض وهي بتفكر. أكرم رجع البيت في وقت متأخر وكان طالع على أوضته هو وملك، لكن وقفت قدامه جاسمين وهي لابسة لانجيري أسود وشفاف.

بص الناحية التانية وقالها: جاسمين مش فاضي دلوقتي، اوعي من وشي. وقفت تلعب في أزرار قميصه وقالتله برقة مصطنعة: بس أنا عايزاك يا أكرم، اوعي تنسي إني مراتك، البت دي عمرها ما هتاخدك مني، أنت لي وبس. ولسه كانت بتقرب عشان تبوّسه، راح أكرم لف الناحية التانية وزقها بقرف. برضه سكرانة يا جاسمين؟ مش هتبطلي عمايلك السودة دي؟ إمتى هتكوني مسؤولة بقى؟

جاسمين: أنا مسؤولة بس أنت اللي مش شايف يا أكرم، طول عمري بعمل اللي أنت عايزه، سبتك تخرج وتسهر مع كل بنت تيجي عينك عليها وبرضه أنت مش عاجبك. ضحك بسخرية: وأنتِ كده بقى عظمة؟ ما فيش زوجة زيك؟ طول عمرك ما بيفرقش معاكي أنا عايز إيه أو مش عايز إيه، كل اللي بتفكري فيه الفلوس والسهر ودنيتك أنتِ، لكن أكرم ده مين؟ ده الخزنة اللي أنتِ بتسحبي منها مش أكتر.

خلص كلامه وسابها ومشي وهي وقفت تفرك في إيدها، وبعدها راحت كلمت شخص اللي بتحكيله كل حاجة. الحقني يا ياسر، الأستاذ أكرم شكله وقع في شباك البت الخدامة دي، كلت عقله، عمره ما اتكلم معايا كده، طول عمري كنت أعجبه إني مش بدقق زي باقي الزوجات مع أجوازهم، دلوقتي اتغير ويقول ده عشان مش بفكر غير في فلوسه. ضحك ياسر: طيب مش هو معاه حق؟ المغفلة مش أنتِ ما بتفكري غير في فلوسه صح يا بيبي؟

جاسمين بغضب: ياسر أنا بكلمك عشان نشوف حل للمصيبة دي، بعدين يعني الفلوس اللي بتاخد مش هتبقى موجودة، اوعي تنسى ده، خزنة أكرم السيد هتتقفل عليا وعليك. ياسر بضحك: طيب تعالي نروق الأول شوية بعدين نشوف حل، عندي خطة تجنن، هطيرلك البت دي وهو اللي هيمشيها بإيده. ضحكت جاسمين بدلع: أيوة هو ده يسور حبيب قلبي اللي أعرفه. وقفلو التليفون وقامت تجهز نفسها. في أوضة ملك.

دخل أكرم لقاها نايمة على الأرض وحاضنة نفسها من البرد، نزل لمستواها وكان بيتأملها. مش معقول حبيتك بالسرعة دي يا ملك. صحى كمل كلامه وهو بيبوس خدها ويشيل شعرها اللي مغطي وشها كله. بعدين شالها ونيمها على السرير ونام جنبها. صحت هي لكن غمضت عينها جامد. حط إيده على وشها وقال وهو بيتأملها: افتحي عينك يا ملك، شايف إنك صحيتي ولا أقولك أنا عندي طريقة أحسن. وراح مال على شفتيها وقبلها.

فتحت عينها بصدمة، كانت متصنمة وهو لسه بيقبلها، قلبها كان بيدق بسرعة غريبة وتلقائي رفعت إيدها وكوّت رقبته واستجابت له وقابلت له اللي أذابتها ودخلوا إلى عالمهم الخاص. تاني يوم فاقت ملك بدري وبصت على أكرم اللي نايم براحة وحاضنها جامد، فكت نفسها واتأملته لدقائق. ملامحك فيها براءة الأطفال لكن أنت وحش مش بريء خالص، اللي يشوفك يتخدع فيك يا أكرم.

قطع تأملها موبايلها اللي رن، قامت بسرعة وراحت عليه، لقته نفس الرقم اللي بيرن منه حسام. دخلت الحمام وقفلت على نفسها. الو أيوة يا حسام؟ حسام بغضب وجنون: اللي سمعته صح يا ملك؟ اتجوزتي؟ ملك عيونها دمعت: أيوة يا حسام اتجوزت، حبيت زي أي بنت من حقها تحب وتنحب وتتجوز، أنا غلط؟ ليه بتلومني بالطريقة دي كأني عملت جريمة؟ ضحك حسام بسخرية: لأ يا ملك أنتِ ما عملتيش جريمة، أنتِ اتجوزتي، لكن أنا اللي عملت جريمة وعشان مين؟

عشان واحدة خاينة زيك، فنيت حياتي كلها عشانك وأنتِ أول فرصة ليكي اتجوزتي وسيبتيني أنا اللي ضحيت بعمري كله عشانك. ملك كانت بتعيط وبتكتم شهقاتها: حسام ما تقولش كده، أنا مش خاينة، أنا قولتلك إني عمري ما اعتبرتك غير أخويا الكبير. عمري ما اديتك تلميح إني بحبك، مش ذنبي إنك حبيتني. حسام بدموع: هو أنا لدرجة دي يا ملك وحش وما أتحبش؟ لدرجة إنك ما تديش لنفسك فرصة إنك تفكري فيا؟ طيب اللي اتجوزتيه ده أحسن مني في إيه؟

ملك بعياط: حسام ما تقولش كده، أنت أحسن واحد في العالم، أنت تستاهل أحسن مني والله. قفل حسام في وشها وهي كملت بعياط: والله غصب عني. وصوتت ونسيت أكرم خالص: يا حساااام اصبر ما تقفلش. أكرم خبط على الباب بغضب لما سمعها بتنطق اسم حسام بترجي. افتحي يا هانم يا محترمة. ملك سمعت صوته واتصدمت.