رواية القلب المجروح الفصل الرابع عشر 14 - بقلم نور عصام

ام مالك. بصت ل علي وقررت انها تمنع جوازه من نغم بأي طريقة وللأسف هي متعرفش ان مالك نهي الموضوع. وبعد بعض الوقت. مالك. قال: يلا يا جماعه الكل يروح علشان نغم ترتاح شويه. ام نغم. طيب انا هخليني معاك. مالك. لا يا طنط انا موجود هنا ومش هسيبها ومينفعش كلنا نكون موجودين، انتي عارفه المستشفيات اليومين دول. امها. بس يابني انا لازم اكون معاها علشان اتطمن عليها. مالك. هو انا مش كفايه يا طنط؟ امها. لا يابني بس...

حنين. ايه يا طنط انتي نسيتي ان انا كمان موجوده؟ ام نغم. حنين تسلمي يابنتي. حنين. راحت عليها وقالت: روحي يا طنط ومتقلقيش. وبعد إصرار من مالك الكل مشي. وبعد ساعه. مالك. قال: نغم حبيبتي، ايه رأيك تقومي معايا تتمشي شويه؟ نغم. تعبانه قوي يا مالك ومش قادره. مالك. معلش يا عمري، دا لازم وانتي عارفه. نغم. طيب ومحمود؟ مالك. متقلقيش، هو نايم واحنا مش هنبعد، هنمشي بس شويه ف الدور ونرجع علطول.

وفعلا قومها واخدها وخرجوا برا الأوضه. وبعد ربع ساعه رجعوا ما لقوش الولد. نغم. صرخت وقالت: ابني ابني فين؟ مالك. بخضه قالها: اهدي، جايز حنين اخذته او حد من الممرضين بيعمله حاجه. نغم. لا لا انا مش مرتاحه. مالك. طيب اقعدي بس وانا هروح اشوفه فين. وفعلا نيمها عالسرير وراح يسأل، بس للأسف ما لقاش حد يعرف عنه حاجه. حنين. انا كنت بدي دوا لمريض وما دخلت عندهم.

مالك. بقا زي المجنون، دور ف كل المستشفى ومعه كل اصحابه والممرضين والأمن. نغم. بتعيط. مالك. رجع لعندها لما سمعها بتصرخ وراح عليها وقالها: اهدي، هرجعه صدقيني بس اهدي شويه انتي تعبانه. نغم. قالت: امك! مالك. نغم مش وقته. نغم. امك لسه شايله مني واكيد هي اللي انتقمت مني. مالك. لا يا حبيبتي، هي بقت كويسه معاكي. نغم. لا يا مالك امك هي اللي خطفت ابني وانا متأكده. مالك. طيب اهدي وانا هروح البيت. نغم. خدني معاكم.

مالك. مش هينفع، انتي بجد تعبانه ولازم تترتاحي شويه، غلط عليكي الحركة وانا اكيد هسوق بسرعه. نغم. بتعيط. مالك. وعد مني مش هرجع إلا وابنك ف حضنك. ومشي. في بيت مالك. ام مالك. كويس يا فوزيه انك عرفتي تجيبي الولد. فوزيه. انا خايفه قوي من الدكتور لما يعرف. ام مالك. متقلقيش، انا مش هخليه يعملك حاجه. مالك. بقا كدا يا جحه، هو انا مش قولتلك تخفي علي البت شويه؟ انتي مش عارفه انها لسه مخلفه وتعبانه. ام مالك. اعمل ايه؟

لازم اجبرها تتجوز مالك وتقعد معايا ف البيت غصب عني اللي حصل. مالك. يعني ايه غصب عنك يا حجه؟ ام مالك. عايزاني اسكت واسيب الواد الملزق اللي اسمه علي ياخدها ويتجوزها ويحرمني من حفيدي؟ لا والف لا، انا لازم اربيها واخليها تندم انها فكرت تتجوز حد غير ابني.

مالك. ماشي يا حجه، انا كنت بقول انك ست كبيره ومش عايزه اتضغط عليكي، لكن انتي بقا اللي اخترتي ولازم انتي كمان تتوجعي ويتحرق قلبك على ابنك وتنقهري شويه عليه علشان تحسي بوجع غيرك وتتصرفي بحكمه بعد كدا. مالك. وصل البيت زي المجنون. امها. خير يابني، عامل كدا ليه؟ مالك. بغضب قالها: الولد فين يا ماما؟ امها. اتصنعت الامبالاه وقالت: ولد مين؟ مالك. بعصبيه قالها: ماماا محمود فين؟

نغم هتتجنن، حرام عليكي، انا متأكد انك انتي اللي عملتي كدا. امها. انا معملتش حاجه. مالك. ليه يا ماما ليه كدا؟ حرام عليكي، ليه تحرقي قلبها وقلبي؟ مش كفايه العذاب اللي شوفناه؟ حرام عليكي. امها. بوجع قلب على ابنها قالت: ليه اللي انت عامله دا؟ مالك. بنهيار وقلب مجروح قالها: نغم يا ماما، هي البنت اللي حبيتها، هي الممرضه اللي كنت هموت واتجوزها، هي حب عمري، هي حب ست سنين. امها. مصدومة من كلامه ومش مصدقه اللي بتسمعه.

مالك. قعد ف الارض ودموعه نزلت وقال: كان نفسي تحسي بيا، كان نفسي تخرجي الانتقام من دماغك وتكوني ام لـ نغم، كنت اتمني تعملي حاجه كويسه ترجعيها بيها البيت ولحضني، مش تخطفي الولد وتحرقي قلبها. امها. اتوجع قلبها على حالة ابنها وانهياره وقالت: مالك، انا...

مالك. حرام عليكي، انا عشت ف عذاب سنه كامله وانتي كملتي عليا، عشت ف نار جوايا وقلبي انجرح ونزف بكل قوته وانا شايف اخويا هيموت على حبيبتي ومقدرتش اكسر فرحته، لا وكملت بجوازه منها، تخيلي كدا انا كانت حالتي ايه وانا شايفها كل يوم قدامي، شايف البنت اللي عشت معاها حب مراهقتي وحب شبابي، كنت بموت كل دقيقه وحاولت ابعد بس للأسف القدر كان اقوى مني وقضاء ربنا نفذ واخويا اللي ضحيت بحب عمري كله علشان ما يموت راح ف لحظه.

امها عيطت بحرقة قلب على ابنها وعلى تحمله وقلبه المجروح، عيطت بكل ما فيها. مالك.

ودموعه نازله قالها: تخيلي كدا وانا سامع اخويا بيكلمها عن حبه ليها، تخيلي كدا حالتي وانا بفكر ازاي هيكونو مع بعض، كنت بتقطع من جوايا، واللي صبرني اني عارف انها محترمه وعارف انها عمرها ما هتغلط ولا هتتعدى حدودها معايا، كنت عارف انها هتحافظ على نفسها وجوزها مهما كنت قدامها، لكن أكيد مكنش بسهولة عليها زي ما هو كان صعب عليا، وكل دا وانتي بتعامليها أسوأ معاملة وف الآخر تخطفي ابنها وتحرقي قلبها وهي ف قمة ضعفها.

امها. بدموع حست بوجع قلب ابنها، حست انها هي اللي بتتوجع مكانه، حست ان قلبها هي اتحرق وانجرح وهي شايفه ابنها قدامها ضعيف مكسور، اتمنت لو تقدر تشيل كل دا عنه، اتمنت لو هي اللي مكانه وهو. مالك. كفاية عليها كدا، هي مهما كان ست كبيرة وصحتها على قدها، انا بس كنت عاوزاها تجرب وتحس بوجع غيرها علشان بعد كدا تقدر ومتوجعش حد بدم بارد. ام مالك.

بدموع قالت: حقك عليا يا حبيبي، حقك عليا يا ابن قلبي، انا غلطت فيك وف نغم، سامحني يا مالك، سامحني واعذرني، وانا هاجي معاك واراضي نغم واخليها تسامحني. مالك. لسه هيرد سمع صوت محمود بيعيط فوق، بص لها وقام جري طلع، لقي الولد مع فوزيه ف أوضة نغم. فوزيه. بخوف قالت: انا انا انا... مالك. جري عليها واخد الولد منها وباسه وضمه لصدره، وبعدين اخده ونزل. امها. استني يا مالك، انا جايه معاكم. مالك. بحزن وزعل قالها: مفيش داعي. وخرج.

امها. قعدت تعيط. وبعد بعض الوقت. مالك. وصل المستشفى ودخل على نغم اللي كانت بتعيط. نغم. أول ما شافته دموعها زادت من الفرحه. مالك. عطاها الولد وقالها: ابنك اهو يا حبيبتي، ربنا ميحرمنا منه ابدا. وباسها من جبينها. نغم. قالت: ماما هي اللي خطفته صح؟ مالك. قالها: للأسف، خافت تمشي وتروحي تتجوزي حد تاني، ومن وجهة نظرها عملت كدا علشان ترجعك البيت وتغصبك تتجوزيني وبعدين تديكي الولد. نغم.

بابتسامة قهر قالت: بس انا بس بقا مش موافقه اتجوز ابنها ولا عمري هوافق. ام مالك. دخلت وقالت: ليه يا اختي انتي تطولي تتجوزي ابني؟ تطولي تتجوزي دكتور وانتي حتة ممرضه؟ مش كفاية اني انا اللي قبلت ورضيت غصب عني. مالك ونغم اتفاجئوا بيها. ام مالك. راحت عليهم وحضنتهم واعتذرت منهم وهما سامحوها. وتاني يوم خرجت نغم وراحت عالبيت. مالك. كلم ابو نغم وقاله انه هيتجوزها وفعلا تم كتب الكتاب. وبعد شهرين.

مالك. حبيبتي، ايه رأيك نروح نقضي شهر العسل بالغردقه؟ نغم. لا انا عاوزه اروح شرم. مالك. مال عليها وهمس جنب شفايفها وقال: ماشي، كلامك يا نغم قلبي وعمري كله. وتاني يوم. مالك. اخد نغم وسافروا ومعهم الولد. في الفندق. نغم. حبيبي، خلي محمود معاك عقبال ماخد شاور. مالك. بمرح قال: ياربي، ف عريس يقضي شهر العسل بتاعه ومعاه ابنه؟ وبص لـ محمود وقال: يرضيك كدا؟ نغم. ههههه. مالك. اضحكي يا ختي اضحكي، مانتي مش على بالك.

وبعد شويه نغم خرجت ونزلوا اتفسحوا، وبعد ما رجعوا. مالك. محمود نام. نغم. ايوا وهدي صوتك، انا مصدقت ينام. مالك. دا انا اللي مصدقت ينام. وغمز بعينها. نغم. اتكسفت ووشها احمر. مالك. قرب منها وقالها: ابوس ايدك مش وقت كسوف خالص، انا خلاص مش قادر. وف لحظه انقض عليها ليروي شوقه وعطشه لست سنين حب وسنه عذاب وغابا معا في بحور العشق والغرام بعد طول انتظار. وبعد مرور سبع سنوات.

مالك. كان راجع من المستشفى وبس فتح الباب شاف نغم ومحمود وعمر ابنه من نغم بيرقصو على اغنيه شعبيه ف TV وامه بتضحك عليهم. عمر. حلو رقصي يا ماما؟ نغم. هايل يا حبيبي. محمود. وانا يا ماما؟ نغم. تجنن ياروح ماما. مالك. قال: قط، معلش هقطع عليكم اللحظه الحلوه دي. نغم وولادها قالو: مالك، باباا. مالك. ايوا يا حبايب باباا. محمود وعمر جريو عليه وقالو: شوفتنا يا بابا واحنا بنرقص احنا وماما. مالك. باسهم وعطاهم

الحاجه اللي جابلهم وقال: ايوا يا حبايبي. وعينه على امهم. عمر. بنعرف نرقص حلو يا بابا؟ مالك. بصلها وقال: يا حلوتكم وحلاوة امكم. محمود. بابا تعالي نلعب مع بعض دور بلاي ستيشن. مالك. حاضر يا حبيبي، روحوا بس ووروني الحاجه بتاعتكم، على ما اتكلم مع ماما بس شويه واجي العب معاكم. نغم. بصتله وجريت على فوق وقالت: ماما لو ما نزلت بعد شويه بلغي المطافي. مالك. جري وراها.

ام مالك. ههههه، تستاهلي علشان اقولك اتهدي واقعدي، مفيش فايدة فيكي. نغم. دخلت الأوضه ولسه هتقفل الباب. مالك. لحقها ودخل وراها ومسك ايدها. نغم. بدلع قالت: مالك حبيبي. مالك. اممم، وبعدين قالها: بقا بترقصي وتعلمي العيال الرقص وقلة الأدب، وبعدين ايه اللي انتي لبساه دا؟ نغم. بمياعه قالت: جلابيه علشان الرقص يطلع مظبوط. مالك. بخبث قالها: طيب وحياتك عندي لتجربيها قدامي علشان اشوف اذا كان الرقص هيطلع مظبوط ولا لا. نغم.

بكسوف قالت: لا مالك علشان خاطري. مالك. هما ولادي احسن مني علشان يشفوكي وانا لا؟ نغم. بمياعه اكتر قالت: مالك. مالك. قالها: قلب مالك وعيون مالك وروح مالك وكل مالك، هترقصي بردوا؟ نغم. يوووه بقا. مالك. حضنها وبصلها بشغف وقالها: دقيقه والاقي نغم بترقص على اوتار قلبين. نغم. بكل حب وهي ف حضنه قالت: بحبك يا مالك قلبي. مالك. وانا بموت فيكي يا تاج قلبي. وانتهت روايتنا وانتهي جرح القلوب.

ويارب دايما السعاده والهنا لي ولكم وللجميع.