رواية القلب المجروح الفصل الثالث عشر 13 - بقلم نور عصام

مالك. نزل زي المجنون من خوفه عليها. "ماما. رايح فين كدا ونغم راحت فين؟ مالك. "بعدين يا ماما." ونزل جرى. نغم. راحت عند الدكتورة كشفت عليها وقالت لها: "متقلقيش الجنين كويس وبخير والمغص لانك أجهدتي نفسك في الشغل انهاردة. وأنا حذرتك." نغم. "يعني البيبي كويس؟ ماجدة. "الحمد لله. خدي الدوا دا وارتاحي. وبصت لها وقالت: أهم حاجة بردو الراحة النفسية يا نغم." نغم. "إن شاء الله يادكتورة." ماجدة. "ناوية تسمي الولد إيه؟

نغم. "محمود إن شاء الله." ماجدة. "ربنا يقومك بالسلامة ويخليهولك." نغم. "آمين يارب." وقامت وشكرتها ومشيت. وبعد شوية. مالك. راح عيادة الدكتورة ماجدة. ماجدة. "قالت إنها جت ومشيت وطمنته على الولد." مالك. شكرها وخرج واتصل عليها لقي فونها مغلق. اتجنن واتصل على أمها. أم نغم. "أهلاً يادكتور عامل إيه؟ ونغم؟ مالك. "كدا فهم إنها مش هناك من ردها. قال الحمد لله كلهم بخير. أنا حبيت أطمن عليكم." أم نغم. "تسلم يابني ربنا يخليك."

مالك. سلم على عمي وقفل وقال: "روحتي فين بس." واتصل بالبيت وعرف إنها لسه مارجعتش. نغم. مشيت شوية وبعدين قررت تروح شقة محمود لحد ما ترتاح شوية من كل عذابها وجروحها. وفعلاً راحت. مالك. سأل عليها حنين بردو قالت متعرفش عنها حاجة. اتجنن وقعد يلف في الشوارع يدور عليها وقلبه وجعه. وبعد ساعة اتصل تاني على أمه وقالت إنها لسه ما رجعت. قفل معاها وقال: "ليه كدا يا نغم؟ ليه يا حبيبتي؟

حرام عليكي تعملي فيا كدا. أنا عارف إنك زعلانة ومتحملة كتير بس ارحميني كفاية عليا كدا." ومال براسه بين إيديه. وبعدين افتكر شقة محمود وقال: "معقول تكون راحت هناك؟ " وبسرعة دور العربية. نغم. بعد وصولها الشقة دموعها نزلت لما شافت صور محمود في كل مكان وصورة ليها. زعلت على حالها وقالت: "الله يرحمك سامحني يا محمود والله غصب عني اللي حصل. كلنا اتظلمنا." وقالت: "يارب سامحني على معاملتي ليه."

وبصت لصورته وقالت: "سامحني يا محمود." ودخلت أوضة النوم وراحت السرير ومن تعبها وإرهاقها وتفكيرها في كل حاجة نامت. عند أم مالك. أم مالك. "ياترى إيه اللي حصل ونغم راحت فين؟ فوزية. "متقلقيش يا حاجة. مادام الدكتور مارجع يبقى معاها." أم مالك. "طيب ليه مرجعوش لحد دلوقتي؟ فوزية. "يمكن يكونو خرجو يتمشوا شوية. انتي عارفة إن ست نغم حامل ومحتاجة تمشي." أم مالك. اتنهدت وسكتت. وبعد فترة لا تعلم مداها.

نغم. اتململت في نومها وبعدين صحيت وفتحت عيونها اتفزعت وقامت قعدت. مالك. كان نايم جنبها عالسرير وصاحي. نغم. "بتحاول تهدي." مالك. "إيه؟ شوفتي عفريت؟ نغم. "إيه اللي جابك هنا؟ وإيه اللي نيمك جنبي؟ وإيه اللي عرفك مكاني؟ وإيه اللي... مالك. قاطعها وقال: "إيه؟ إيه دا كله؟ نغم. "لو سمحت... مالك. قال: "أولاً دي شقتي ومعايا مفتاحه." نغم. بصتله واستغربت إنه قال شقتهم.

مالك. "أيوا متستغربيش. هي شقتي فعلاً وجهزتها علشان نتجوز فيها. ولما محمود الله يرحمه قرر يتجوز الأول أنا ادتهالو هدية. لأنه كان مستعجل. فطبيعي يكون معايا مفتاحها. وبعدين قال: بس بصراحة آخر مكان كنت أتوقع إنك تيجي فيه. لفيت عليكي كتير وروحت عند الدكتورة ماجدة." نغم. عقدت حاجبيها.

مالك. "سمعتك وأنا طالع أوضتي ودخلت البس علشان أجي معاكي. بس للأسف اتصرفتي بطيش ولا همك حد خايف عليكي. ولا حتى فكرتي تفتحي فونك علشان تطمنيني." نغم. "أعتقد إن دي حياتي ومحدش له الحق يخاف عليا إلا أهلي. وغير كدا أنا حرة." مالك. "حرة؟ نغم. "أيوا." مالك. بص لبطنها وقال: "لأ يا هانم. انتي مش حرة علشان تمشي على كيفك. عندك جوز وعندك ابن ولازم تعملي حسابهم في كل خطوة تخطيها."

نغم. "جوزي الله يرحمه وابني ربنا يجيبه بالسلامة. إيه بقا؟ مالك. قاطعها وقال: "جوزك الله يرحمه؟ نغم. "أيوا الله يرحمه." مالك. "حد قالك إني موت؟ نغم. بصتله وعقدت حاجبيها. مالك. "أعتقد إن جوزك عايش يا ست نغم. وعيب قوي تقولي عني ميت وأنا على قيد الحياة." نغم. "نجوم السما أقرب لك مني يا مالك." مالك. "يعني بترفضى يا نغم؟ نغم. "أيوا وعمري ما هوافق." مالك. "على أساس إنو بمزاجك؟ نغم. "طبعاً بمزاجي. وعمري ما هوافق."

مالك. "هتوافقي يا نغم." نغم. حبت تعانده وتفكرك بكلامه قالت: "إيه دا؟ معقول دكتور مالك هيتنازل ويتجوز واحدة عاوزة تحس بأنوثتها مع كل واحد شوية؟ لا لا." مالك. "نغم. حاسبي على كلامك. ويا ريت تفهمي اللي بتقوليه. وكمان يا ريت تفكري إذا أنا قولت حاجة زي كدا فقولتها ليه وعلشان إيه."

وبحدة قالها: "وأي كلمة هتقوليها بعد كدا هحاسبك عليها. وحسابك هيكون عسير. علشان مش مرات مالك الشافعي وحبيبته اللي تهين نفسها. ولو حتى بينها وبين نفسها. فاهمة يا نغم؟ نغم. "بردو مش هتجوزك يا مالك." مالك. "هنتجوز بعد ما تولدي يا نغم. وحبنا وحياتنا هنكملهم مع بعض ومع ولادنا." نغم. "هتجوز علي. وهكمل معاه." وبعدين بصتله وقالت: "مش دايما جواز الحب بينجح. كتير كمان جواز الصالونات بيكون ناجح أكتر من جواز الحب." مالك.

صرخ فيها وقالها: "بتعاقبيني على إيه؟ بتعاقبيني على كلام قولته وأنا متكتف ومش قادر أعمل حاجة؟ حرام عليكي. حسي بيا وبجرح قلبي وبالنار اللي جوايا." نغم. "انتهينا يا مالك. أنا فعلاً هتجوز علي. أنا عرفة إنو كلمك انت كمان. وأنا بس أولد." مالك. قاطعها وقرب منها ومسك إيدها وبص في عيونها وقالها: "كرهتيني خلاص؟ كرهتي مالك؟ كرهتي مالك قلبك؟ نغم.

دموعها نزلت وقالت: "كرهت نفسي. كرهت كل حاجة حواليا بسببكم. انت دايماً تتهمني من غير ما تفهم. وأمك بتتفنن في عذابي وحرق قلبي." مالك. عاوز يصفى نفوسهم ويتصالحوا بجد ويرجعوا زي الأول. بص لها ومال على إيدها اللي مسكها وباسها. نغم. ارتعشت. مالك. حس برعشتها قالها: "حبيبتي اهدى." نغم. جسمها كله انتفض. مالك. شدها عليه وضمه بقوة وقالها: "حبيبتي أنا مالك حبيبك. عمري ما أذيكي." وحس برعشة قلبها وهي في حضنه.

طبطب على ضهرها وقالها: "ليه الخوف دا كله؟ أنا مالك قلبك يا نغم. حبيبك أمانك. حمايتك. حتى من نفسك." نغم. عيطت بصوت عالي. مالك. "والله دموعك بتحرق قلبي ومابقدر أتحملها." نغم. بدموع وصوت مبحوح قالت: "تعبانة وموجوعة ومحروق قلبي ونفسي أصرخ وأتكلم. خلاص معتش قادرة." مالك. ضمها أكتر لصدره وقالها: "حاسس بيكي يا عمري كله. حاسس بيكي يا حب عمري وحياتي ودنيتي."

وبعدين قالها: "نغم. أنا انتي. وانتي أنا. وحياتنا من غير بعض يعني النهاية. حبيبتي ونور عيني. إحنا بنكمل بعض." نغم. خرجت من حضنه وقالت: "تعبت يا مالك." مالك. "قلب مالك. خلاص مفيش تعب تاني. إحنا هنعيش مع بعض ومع ولادنا. ومن هنا وجاي خلاص مفيش فراق تاني." نغم. "بس أنا مش موافقة." مالك. "هو أنا مقولتلكيش." نغم. "إيه؟ مالك. "بخبث قالها: مش أنا بتاع نغم. ونغم بتاعتي. وهنتجوز يعني هنتجوز. إن شاء الله حتى أخطفها."

نغم. ابتسمت. مالك. "أيوا كدا يا عمري كله. نوري حياتي بضحكتك اللي اتحرمت منها شهور." نغم. قالت: "بتاع نغم." مالك. قرب منها وهمس جنب شفايفها وقال بشغف: "بتاع نغم وملك نغم ومالك وعمره وحياته وكل ما يملك بين إيدين نغم." نغم. بصتله واتكسفت. مالك. "معتش قادر يا نغم. أقسم بالله خلاص." وبعدين قالها: "تصدقيني لو قولتلك معتش عندي قوة تحمل ليكي خلاص؟ ست سنين بحبك وست شهور في بيتي." نغم. بصوتها الحنون الدافي قالت: "مالك." مالك.

قالها: "ارحميني." وبهزار قالها: "خلاص يا نغم. أنا عاوزك ترجعي نغم المتمرده الشرسه تاني. على ما تولدي." نغم. ههههه. مالك. "قلبي ودقاته. ونغم اللي بترقص على أوتاره." نغم. اتنهدت. مالك. بصلها وقال: "حبيبتي صافي يا لبن." نغم. "بحبك." مالك. "وأنا بعشقك." وبعدين قالها: "يلا بينا أحسن ماما زمانها هتتجنن وعاوزة تعرف إيه اللي حصل." نغم. بصتله وما اتكلمت. مالك. قام وقف واخدها

في دراعه جوه حضنه وقالها: "متقلقيش منها. بس علشان خاطري انسي وعامليها كويس." نغم. "حاضر يا مالك." مالك. بحب قالها: "يسلملي قلبي وعقلي." ورجعوا البيت وابتدت الأمور تظبط بينهم كلهم. ونغم ومالك مع بعض في المستشفى والبيت وحياتهم رجعت زي الأول ومستنين ولادة محمود. وما أسرع الأيام وعدت ثلاث شهور. نغم. "طنط فوزيه. طنط فوزيه." فوزية. "مالك يا ست نغم؟ نغم. "لو سمحتي نادى مالك. أنا تعبانة قوي."

فوزية. "يخبر أبيض. دا انتي شكلك بتولدي يا بنتي." نغم. "آه. بسرعة الله يخليكي." فوزية. جريت على تحت وفي لحظة. مالك وامه. كانوا عندها. مالك. بخوف ولهفة راح عليها وقالها: "حبيبتي." نغم. "الحقني يا مالك. تعبانة قوي." امه. "دي بتولد. شوفها يا مالك وولدها." مالك. شافها وقال: "للأسف هتولد. كسري." وشالها وقال: "فين الحاجة بتاعت الولد؟ بسرعة هاتوها." وبعد بعض الوقت في المستشفى.

مالك. ولدها بمساعدة الدكتورة ماجدة. لإنو طبعاً مش تخصصه. وبعد ساعة. امه. كانت قاعدة ومعاها الولد وبتعيط. مالك. "اهدي يا ماما." امه. "شوفت يا مالك ابن أخوك شبهه بالظبط. كله محمود." مالك. بابتسامة قال: "فعلاً يا ماما." وباس إيد الولد وقال: "ربنا يخليهولنا ويحفظه." امه. "آمين يارب." مالك. "نغم قالت إنها هتسميه محمود." امه. بفرحة قالت: "بجد يا مالك؟ مالك. "أيوا يا ماما." حنين. دخلت وقالت: "حمدلله على سلامة نغم يا دكتور."

مالك. "الله يسلمك يا حنين." حنين. "هي كل دا لسه نايمة؟ دي لازم تصحي بقا." وراحت عليها وقالت: "نغم. نغم حبيبتي فوقي بقا." نغم. بنوم قالت: "مالك ابني فين؟ مالك. مسك إيدها وقالها: "حمدلله على سلامتك حبيبتي." نغم. "محمود فين يا مالك؟ عاوزه أشوفه." مالك. "حاضر." وراح واخد الولد من أمه وراح عليها وقالها: "ابنك أهو يا نغم. ابننا يا نغم. حودة الصغير." حنين. سندتها. نغم. أخدت الولد وضمته لحضنها ودموعها نزلت وبسته.

امها. "حمدلله على سلامتك حبيبتي." نغم. "الله يسلمك يا بابا. تسلمي يا ماما." أبوها. خبط ودخل وقال: "السلام عليكم." الكل رد السلام. أبوها. بابتسامة قال: "حمدلله على سلامتك يا نغم." نغم. "الله يسلمك يا دكتور." أم مالك. قالت بهمس ل مالك: "هو دا الدكتور اللي قولتلي عليه قبل كدا إنو عاوز يتجوز نغم؟ مالك. "أيوا هو." أم مالك. بصتله ولقيته بيتكلم مع أبو نغم ومرتاح معاه. بصتله تاني وقررت...